影片
作为一个屯门友，又有选择困难症既我，屯门市中心既Food Court基本上就系我既饭堂！今次行过见到呢间「我妈的菜」，主打台湾菜，有盐酥鸡饭同台式饮品，完全击中晒我既口味，决定即刻试下，感受一下台湾街头小食既魅力啦！😋.台式控肉盐酥鸡饭 $67台式控肉盐酥鸡饭份量真系好足！入面有两块超厚身既控肉，肥瘦相间，入口软糯，带有浓郁既猪肉香同微微甜既酱油味，咬落去油脂同瘦肉既比例岩岩好，吾会太肥腻。仲有五粒大大粒既盐酥鸡，外皮炸得金黄酥脆，内里鸡肉嫩滑多汁，带少少胡椒盐既咸香，咬落去真系香口到停吾到。配菜有酸菜，酸酸地，爽脆既口感解左控肉既腻，食完好满足，台湾味十足！🍗.炸春卷 +$19加埋$19配左炸春卷，真系好抵食！一共有8条，咬落去外皮香脆得黎吾会好油，发出清脆既「卡滋」声，入面主要系蔬菜馅，食完主菜再食几条都吾会觉得腻。🥡.我妈肉燥干面 $55肉燥份量好多，仲有吾少香菇粒、韭菜同芽菜，用料真系好丰富。肉燥既味道浓郁，带有猪肉既咸香同微微既甜味，香菇粒增加左一份独特既鲜香，韭菜同芽菜就比到少少清新既口感。酱汁够多，容易拌匀，面质比较粗，烟靭又有咬劲，咬落去面条带有小麦既香味，食落好有台湾街头小店既感觉，简单但好正！🍜.炸花枝丸 +$19一份有四粒，每粒入面都有大大粒既花枝肉，咬落去好弹牙，带有鲜甜既海鲜味，外皮炸得酥脆，微微既咸香同花枝既鲜味好搭，热辣辣食真系好过瘾，当小食或者配主菜都好岩！🦑.蜂蜜绿茶 +$6，黑糖珍珠奶茶 +$13饮品方面叫左蜂蜜绿茶同黑糖珍珠奶茶，蜂蜜绿茶加$6，茶味清香带有绿茶既微微苦涩，混埋蜂蜜既淡淡甜味，饮落去好解渴又清新；黑糖珍珠奶茶加$13，黑糖味浓郁，带有黑糖既香甜，奶茶顺滑，珍珠Q弹有咬头，甜度同奶味都岩岩好，食完咸食饮呢两款真系好match！🥤.杨枝甘露 $30，芒果西米露 $28 估吾到仲有甜品食🥰主食、小食、饮品同甜品一次过食晒，真系大满足。杨枝甘露入面有好多芒果粒同柚子肉，芒果既甜味同柚子既酸爽交织，口感清新又多层次，奶味吾重但够滑；芒果西米露，芒果粒一样多，甜度自然，西米偏大粒少少，有咬头，口感软糯，带有椰奶既淡淡香气，两款都好清新，食完正餐再食甜品真系完美ending！🥭
继续阅读
有时候谂唔到食咩就会去Food Court走返转，揾到间叫我妈的菜既台湾菜，都几多人帮衬，就一于拣佢😎🍝我妈肉燥干面份量都几大，都好多肉燥，肉燥酱浓郁🥰🍜酥炸鸡翼药膳汤面我地拣左油面，意外地几夹味🥳汤底药材味好浓郁，仲有红枣系入面，好养生！好适合养生同细食朋友仔，记得要趁热食😚🫔盐酥春卷外皮好酥脆，入面啲馅适中同多汁，唔会好油腻！🧋珍珠奶茶茶香好出，唔会太甜，好岩依家天气饮💕🥤仙草西米鲜奶露入面好多仙草同西米，奶味比较重，钟意奶味重比较重既朋友可以试试😍我妈的菜 (屯门)📍屯门屯顺街1号屯门市广场1期2楼2253A号舖FOODMAZE内
继续阅读
由厨窗见到员工制作大鸡扒肉燥饭，大大只同已腌制嘅鸡脾，舖盖粉浆就拎去油炸，食落好酥脆多汁，再配搭肉燥饭，好满足。肉燥拌面面条有弹性，拌匀浓郁肉燥酱汁，够惹味。小食：盐酥拼盘拼盘有盐酥鸡、花枝丸拼杏鲍菇；一啖一口盐酥鸡有椒盐嘅香味，肉质带香嫩口感；圆滚滚嘅花枝丸爽脆弹牙；杏鲍菇有绵软质感。甜品：综合芋圆芋圆喺台湾传统糖水，加上淡淡的芋头香气，烟韧Q弹，增添仙草同爱玉，口感丰富。饮品：珍珠奶茶圆圆珍珠，口感润滑，加入丝滑奶茶，珍珠溜走入口。百香果茉莉绿茶清香嘅茉莉，加入酸甜百香果风味，解渴又解腻。我妈的菜地点︰屯门屯顺街1号屯门市广场1期FOODMAZE 2楼2253A号舖
继续阅读
我妈的菜屯门屯顺街1号屯门市广场1 FOODMAZE 2楼2253A号舖-前排放工之后去咗屯门市广场嘅food court 食台湾嘢，店员非常热情有礼，价钱合理就食到正宗嘅台湾味道，推荐！-大鸡扒肉燥饭香喷喷嘅白饭，上面铺住一块多汁嘅大鸡扒，还有肉燥酱，味道浓郁，令人食指大动。-肉燥拌面弹牙嘅面条，加入丰富嘅肉燥，搭配香葱同埋酱油，口感滑顺，令人回味无穷。盐酥拼盘（花枝丸拼杏鲍菇）-香味俱全嘅拼盘，包含咗金黄香脆嘅花枝丸同埋鲜美嘅杏鲍菇，外脆内嫩，十分美味。-盐酥鸡热辣辣嘅盐酥鸡，外面裹住一层香脆嘅炸衣，肉质鲜嫩，配上香料，食落去令人舌尖跳舞。-综合芋圆色彩缤纷嘅综合芋圆，有各种口味，咬落去QQ弹弹，搭配甜汤，清新又解暑。-珍珠奶茶香浓嘅珍珠奶茶，奶香四溢，珍珠Q弹，饮落去既满足又解渴。-百香果茉莉绿茶清新嘅百香果茉莉绿茶香气扑鼻，酸甜适中，十分提神。
继续阅读
星期六大约1时半和家人去到呢个商场，因为食晏时间，Foodcourt 好多人，一揾到位就周围睇吓有咩食。其实都有好多不同风味选择(例如，韩式炸鸡，铁板烧，两𩠌饭，意粉……)，不过呢间嘅款式好似比较啱食，所以叫咗一碗盐酥鸡肉燥饭+小食(生菜)，啱啱星期六有优惠，惠顾满$68免费送一杯珍珠奶茶。𠮶饭好食，珍珠奶茶无特别要求少甜，但是甜味都可以，不太甜。
继续阅读