成記牛什粉麵

营业中

休息中

這間餐廳在新蒲崗區應該都有少少名氣, 午市學生的飯堂吧.雖然上當年我也是區內的中學生但是印象中好似未食過😅,我細佬又話好好食. 昨晚無飯食,買碗外賣回家吃吧.餐廳主打牛什~當然要食牛啦.選了一碗牛腩雲吞&牛腩魚皮鮫河粉. 分湯上雙併一碗$50.回家後,牛腩粉仍然熱辣辣. 牛腩軟綿綿少少嫩又有牛腩香味,不會太肥.真的好好食😋雲吞的蝦肉也爽口,魚皮餃就普普通通.整體：牛腩份量算多,軟硬適中,河粉分開上也不會糊成一團.如果每碗能夠送一/兩菜就更加好啦😅.

🌟沙爹牛肉麵｜正到痹重頭戲登場！大大舊牛展燜到腍而不淋，沙爹汁濃到黏住筷子，辣中帶甜仲滲住椰香，撈埋粗麵簡直絕配！麵條掛滿醬汁，每啖都充滿牛味同沙爹香！🍗炸雞翼即叫即炸嘅雞翼外皮金黃酥脆，秘調粉漿帶少少蒜香，雞肉嫩到離骨，記得要趁熱食，凍咗都一樣脆口，不過熱辣辣食先係靈魂啊～☕️孖寶鴛鴦｜夠濃夠滑最後必須以一杯正宗鴛鴦收尾！咖啡香同茶香平衡得剛剛好，甜度可以自選，入口綿滑帶少少苦澀，飲完成個胃都暖笠笠，同出面飲嘅「水準參差」鴛鴦真係差天共地！

50年老字號，出名牛雜麵！啲嘢真係好到連腐乳都有獨特風味！必食推介：1️⃣牛雜麵- 牛雜新鮮夠爽- 麵條彈牙爽滑2️⃣牛腩河- 大大碗抵食- 牛腩入口即溶- 入味程度perfect3️⃣牛丸- 雖然唔算好彈牙- 但係香到停唔到口- 一啲就食完特別推介：🔸腐乳通菜- 腐乳原汁原味冇加水- 特別香濃🌟🌟🌟🌟🌟🌟🌟🌟🌟整體評價：❤️50年老字號，功夫十足💚啲嘢樣樣有質素💛價錢親民抵食Rating：懶惰鼠😻😻😻😻懶惰虎🤩🤩🤩🤩📍成記牛雜粉面新蒲崗錦榮街4A號⏰營業時間：10:00-23:30

成記牛什粉麵，係一間細細間嘅小店🏠。**牛丸麵🍜 $36**呢碗牛丸麵，牛丸彈牙爽口💪🏻，口感幾好😋！湯底清甜，唔會太鹹🧂，麵條爽滑🍜，整體味道幾好👍🏼！份量都幾足！不過環境就比較簡單樸實😌，座位都比較迫。🌟 **成記牛什粉麵**📍錦榮街4A號地舖________________

今日經過舊區新蒲崗，諗住食個下午茶，諗咗一陣，本來想食合利，但係今日想食啲濃味嘢，最後諗起呢一間老字號牛腩店，記得以前經過都見好多人幫襯，知道佢最出名就係啲牛丸！既然係咁，不如試吓啦！好快就搵到間舖頭！入到去唔係好多人，可能係下午茶時間，坐低咗！講吓呢度嘅環境，坦白講就一般，一般舊式嘅牛腩店，啲筷子仲有啲油淋淋，衛生環境真係好一般，不過呢種老字號，都預咗㗎啦！好啦，講返啲食物，本來諗住淨係食牛丸，心諗不如試埋個牛腩啦，結果嗌咗個牛丸拼牛腩米！唔使3分鐘啲食物就到咗，效率真係好快！先講吓啲牛丸，佢唔係好似出邊嗰啲好彈牙嘅牛丸，但係啲牛味好濃郁，相當唔錯！唔怪之得咁多人幫襯！叫咗雙拼，諗住得兩粒，結果有成三粒，都幾開心！另外反而冇期望嘅牛腩，都比想像中好，啲牛腩唔係碎濕濕，雖然唔係特別部位，但係整體都唔錯，值得一讚嘅係佢嘅潮式滷水，喺個牛腩上面加咗分！最後埋單$48，呢個價錢算係咁！交足貨，唔怪之得呢間老字號可以一直經營落去！

#成記牛什粉麵 自己曾經喺新蒲崗工作過幾年，一次都冇食過呢間牛什粉麵，睇到有人介紹連老闆都話自己嘅腩汁係偏重口味，本身諗住叫牛腩河，但係見到有人話佢嘅牛丸超正，所以就嚟個雙拼，$46。中午食飯時間嚟到係全場爆滿，剛好有一個位攝到入去，唔知係咪期望越大失望越大，嚟到嘅時候試咗啖湯係比較清淡，同個鹹字扯唔上關係，而且係越食越冇味。河粉係稍稍粗身，味嘅來源來自湯底，不過因為湯底冇乜味，所以河粉都係好淡口。最大鑊係牛腩，咁多件係得兩件比較淋，其餘都係極級瘦，似煲完湯嘅瘦肉柴口非常🚫所有嘢唯一好食係牛丸，雙拼有三粒，比較臨身有肉香味，不過都難補牛腩嘅不足。由於真係太淡，忍唔住問佢加淨腩汁，熱熱地其實幾好味，試得到有基本嘅花椒八角，睇色水已知有分別。唔知係咪百忙中出餐時唔記得加藍汁，就導致我呢碗淡然無味嘅河粉出現。但係牛腩嘅質素真係唔掂，如果鍾意食瘦肉就可以嚟試下😪成記牛什粉麵新蒲崗錦榮街4A號地舖

又話牛丸好食， 牛丸唔新鮮 ，牛丸黐牙，新鮮係唔會黐牙 ，人流唔夠 食客唔夠，貨積存，新鮮都變唔新鮮， 米粉質料渣，偏硬身， 唔啱口味。 唉失望 ！真係 ……咁多工廠 寫字樓新蒲崗 去貨都去得咁慢，唔通人人中午唔使食， 留肚 走上大陸消費🤪

昨晚去了新蒲崗練習，特意去試他們的牛什。由啟鑽苑出發，因為行錯路😩行了大約十五至二十分鐘🤭環境真是一般，位置在後巷邊，但可以接受🤭當時是晚上十點多，都算多人，我們四人都要等位。入座後，我要一碗牛什牛丸粗麵，牛丸個人覺得好出色，因為很腍。牛什也很好味，只是太鹹😥及滷水汁太濃，不太適合我🤪朋友叫了魚片頭河，也是不錯。有下次👍🏽

成記牛什🐃超過50年歷史🕑，由黃大仙🟨徙置區搬到新蒲崗。最出名係1）牛丸同2）牛什，今日都試曬。依度嘅碗同裝修一樣，都係舊式設計仲用緊綠色碗仔。粉麵份量偏少，仔食就通常唔飽，而且可能廚房太急，我叫嘅河粉仲係黐住一嚿同未完全散🫡如果有去開大排檔食粉麵就會好熟悉依隻湯，清清地帶啲牛味🐮，撈埋辣椒醬食就好香🥵。辣椒醬都係潮式風味，香辣鹹都有。-至於最出名嘅牛丸，與出面不同，唔係爽口同彈牙。但肉味濃同突出，越嚼越有味。依類牛丸坊間少見，值得一試。鋪頭出面都有手打牛丸賣，會比起堂食大粒d😝牛什就大路貨色，牛膀同牛肺比較死實。我有問阿姐係咪新鮮牛什，佢笑笑口答：「你覺得好食咪新鮮😏」咁我就覺得唔係新鮮🙈，反而成記前身係黃大仙。黃大仙小巴站旁邊兩間牛什一食就食得出新鮮，不過已經係後話。

本人今天(2024.3.17)到新蒲崗成記，想幫襯碗牛丸粗麵，見座無虛席，就靜靜地及乖乖地在門口等。不久，就有位姐姐主動由店內行出來招呼，話現在要先落單，一兩分鐘後就有位。我老人家就話我可以等一陣，入店內才落單。而姐姐就馬上拋出一句話：『你咪慢慢等啦！』，之後就馬上消失了。從此經歷，我就更加、肯定、明白現在香港和隣近地方食店嘅分別，就在於地點、價錢、服務態度。而服務態度係香港飲食界內急需改善嘅重中之重。

這間超過50年歷史的潮州牛腩麵檔，店舖牆身貼住蔡瀾先生介紹牛筋丸的文章，就叫咗一碗牛丸試吓，同傳統潮州牛丸有些分別，佢冇咁爽口，但係牛肉味非常香濃，越食越滋味，屹立黃大仙徙置區再搬到新蒲崗超過半世紀都有佢嘅原因，墨丸＇魚蛋炸魚皮，都是他們自己做，呢間舖頭係用新鮮牛腩牛雜，所以特別鮮味，超好食👍

天氣忽冷忽熱，碰巧來到新蒲崗，就想呷一口熱湯，食一件牛什，伴一啖米粉😊隨之然便走到成記。星期六的下午，雖午飯時間已過，但舖內坐無虛設，舖外也有不少人淪候入坐。不過不用多久，就可內進。點了一碗心儀的配搭，與想像重聚😃鹵水味濃，牛筋軟糯，牛肺、牛肚、草肚、牛膀，質量俱佳。最欣賞是牛肥腸，留到最後才吃，又滑又香，大滿足。再買一斤牛根丸外賣，是最實際支持本地用心經營老店的行動吧！

店舖位置偏僻 環境狹窄 店內唔算好多位坐 但係佢哋嘅食物真係好有驚喜 叫咗一碗牛腩河同埋一碗牛丸食 牛丸唔係爽口彈牙嗰種質地 比較厚實牛味極濃 牛腩好入味肉質好腍 河粉唔會一夾就斷煮得啱啱好 配上濃味嘅牛腩汁湯底 非常掛湯 係隱世好食嘅牛雜粉麵店

今時今日 好多經營了數十世紀的食肆都逃不過時代洗禮紛紛結業 就算避過關門一劫 各方水準都往往不復當年勇……可悲這間小店是在fb關注組看到谷友介紹的 昨日適逢到訪新蒲崗 第一時間就想到要來試試一坐下就看到牆壁有蔡瀾一貼 心想難道今次中伏了……哈哈 但四周是坐得滿滿的 最後叫了牛雜牛筋粉 （其實出名是牛丸 可惜我不吃）很快樓面阿姐就端上一碗似模似樣的粉麵 嘩不得了 整碗河粉都被筋雜覆蓋了 色水很靚 湯頭也很對路 濃濃的鹵水香味 雙拼只買$46 簡直超值最後要讚是樓面阿姐絕對做到劉華精神 沒有因為做到踢腳 （外賣客也是連綿不絕）太多而黑面

【新蒲崗•勁濃牛丸-牛雜老店】成記牛什粉麵📍錦榮街4A號地舖👅9.3 / 10💵60 / pp牛丸✨一路以嚟都係追求彈牙嘅牛丸，估唔到呢粒牛丸唔行彈牙路線得黎都咁又口感，牛香同肉感都滿滿牛孖筋✨出色！滿滿骨膠原（≧∇≦）係gel口架！軟糯得黎都仲keep到彈牙口感牛腩肉味濃郁不過有D痴牙同太硬(╯﹏╰）牛肚牛香味十足 好容易就咬開河粉食過最高質既湯河粉🤩每條都好完整仲帶米香#jengfoodguide_新蒲崗-#新蒲崗 #新蒲崗美食 #九龍城 #九龍城美食 #九龍美食 #牛雜 #香港粉麵 #hkfood #hkfoodie