成記麵家

係上水區無人不曉既車仔麵細細個食到大由巷仔細鋪食到去搬出大鋪例牌叫四餸東風螺：有點辣 但辣起黎唔太咸 一個餸好多粒豬大腸：正常豬大腸 牛𦟌：今日略嫌有點難咬通菜：正常粗麵：正常要叫辣湯底 好鍾意佢個湯 辣得來唔重味精唔會太咸…查看更多

少嚟上水！想食啲地道啲嘅嘢！見尼間車仔麵好似幾地道！夜晚唔算太多人！叫咗個雜錦車仔麵（$45）加$5跟五花茶/豆漿！如果要汽水就要$53！其實價錢偏貴蘿蔔～唔淋，雞翼算最OK!但都唔太入味魚旦，猪皮，猪紅，豆卜，雞翼尖，猪腸！都好一般！係猪腸夠淋，但偏碎濕濕服務都係好一般…查看更多

側門看來有點像診所，但內進之後，可能因為它在角落的舖位，感覺有點像元朗那間許祥昌車仔麵。😂不過以地區車仔麵店來說，它的服務態度挺好，會介紹我這些第一次去的客人，先在外面點餐，然後才內進找座位，還會替客人拿碗子到座位。以車仔麵店來說，麵條份量還算不少，油麵都煮得不錯，帶少許嚼勁，不至於太過軟林。但其他配料，例如酸齋，沒有什麼特別，都不是味道很出眾；豬紅算係比較好，四方形的，尚算軟林，旁邊有些長方形的，軟林林而且味道香，質感滑溜。豬腸太碎，令客人不能大快朵頤，口感略欠；雞翼尖亦都是不算很入味，四大隻，份量算多，但不算特別。辣椒油的味道也不錯，不算是一味死辣，拿來伴麵吃是不錯的。不過就它的質素來說，不算是好到要專程來試試那一種，只不過路過想去吃碗麵，三餸三十幾，四餸$40就是可以一試的質素吧。👌…查看更多

五餸車仔面賣44定46蚊。。。唔記得左。。哈哈。。。兩份通菜,辣魚蛋,豬大腸同牛肚。味道一向不錯。兩三星期會食一次。疫情前,幫襯的人不少。疫情期間都唔少人外賣。…查看更多

一間位於上水屹立不倒嘅又平又靚又正嘅車仔麵🙃款式多，好鍾意食佢嘅蘿蔔好入味，唔會有好多渣，雞翼好食，最緊要係價錢唔貴，可以嗌好多款餸，不過地方唔大，坐得幾台，呢度係先點餐再坐低食，會有店員拎過嚟🥳…查看更多

香港仲可以坐係度食既車仔麵，真係賣少見少。成間舖獨沽一味，淨係賣車仔麵。有好多樣餸比你選揀。要先買後坐，保留住舊式餐廳既風味。如果平時無飯食，又想求其食既話，成記真係唔錯既選擇。又平又飽肚，仲要唔難食！試問而家30幾蚊出街，仲可以食到d咩？食成記，有個小秘訣，上水有兩間成記，而老闆會兩間走，老闆係邊，d料就會多d😂黎到成記，有幾樣餸係招牌必點！🔸東風螺成日會賣晒，或者無貨微辣，但又好入味，又淋🔹酸齋未食之前以為麻麻地點知原來同車仔麵係感夾架次次黎到都一定要食！🔸魷魚魷魚味道辣辣地，都係必食之一🔹鳳爪滷到勁淋勁入味，又夠大隻👍🏻湯底有得揀加辣，但始終鐘意食原汁原味唔會偏鹹真係可以算係平民美食👍🏻…查看更多

如果係上水來講，最抵食嘅都莫過於係成記車仔麵檔，因為選擇多，價錢又平。如果我果日唔知食咩好，就會食車仔麵，唔洗煩唔使諗，去到果度見到自己想食乜就揀乜，簡單又方便......不過好奇怪，我次次去親都係揀白蘿蔔、豆腐卜、雞翼尖、牛腩😆 可能正因為係平價之選，每次去親都好多人排隊，服務員嘅態度都一般，一見食完野就好快收野，感覺好似被趕走咁⋯⋯感覺不太良好😔 其實去到果度食都係希望可以食得舒服d，同坐多一陣咁簡單，唔想連食個飯都要趕頭趕命....…查看更多

我都幾鍾意食車仔麵，因為選擇多，價錢又平，今日冇乜胃口，叫咗個雜錦，有好多餸，豬皮丶蘿蔔丶雞翼丶雞翼尖丶豬紅丶魚蛋丶金菇菜丶豆腐卜、豬大腸...豬大腸洗得好乾淨，唔會有怪味，蘿蔔刨皮刨得唔夠乾淨，有渣麻麻地，魚蛋夠爽口彈牙，豬紅同豬皮都夠淋，夠入味，雞翼就麻麻哋，好淡冇乜味道，湯底好濃，邊食邊飲湯，小小辣味，好有車仔麵嘅風味，不過食完之後覺得好口渴，飲咗成罐汽水都唔解渴，仲要飲多一支檸檬茶，下次都係唔好飲晒啲湯…查看更多

平日想出街食嘢但係諗唔到食咩就會，選擇來到成記麵家嚟食，車仔麵因為呢度啲車仔麵味道ok，價錢正正常常。 呢間上水嘅車仔麵入面有趣嘅地方係佢d職員係分工合作整車仔麵，首先入到去一開始排隊時你要叫咗個麵底先, 然後再等行前少少先可以叫到餸。 我今次就叫咗魚皮餃，芝士仔同埋豆卜， 呢幾樣嘢基本上大家都知咩味，亦都冇特別嘅地方， 河粉嘅話亦都正正常常，可惜分量就有啲小，成個餐總共30蚊，最後我冇叫到豆漿因為有啲貴同唔抵，總括嚟講作為中午飯都ok。…查看更多

成記車仔麵係由我小學已經開始食，車仔麵個湯底真係好濃郁，每次點必定叫佢加腩汁同辣汁！辣汁係佢煮咖哩魚蛋個湯，好入味，好鍾意加落湯底，又唔會太辣，又香。我每次必點牛腩，豬紅、蘿蔔，每次食完麵會好滿足，連個湯麵想飲埋，當然湯底有落味精，其實有點咸，但真係好好飲！而我真係要推介下佢地既豆漿，每次都叫，好清甜，每次都唔夠喉咁，解辣一流。不過始終平價之選，唔好希望會有好好既服務態度，雖然侍應無趕人走，但我每次堂食都覺得侍應想我快點走，讓返個位俾人，勁快收你食完既野。…查看更多

成記車仔麵係上水已經開左好多年，好多時候都成日大排長龍，唔休做。懶得去排隊嘅我，次次都懶得排隊，今日經過見到冇人排，就再去食下。嗌左蘿蔔，豬紅幼麵小辣。個蘿蔔都ok，算甜但有少少’揸‘，一般般，可以更好！豬紅都還可以，份量都ok，可以一試！要彈就係間鋪太細太逼，坐得唔舒服！店員服務一般，剛食完就即刻收野想快啲趕你走咁，感覺唔太好，等人走左先收拾會比較好！應該都未必會再去，要排隊就一定唔會再食！！！…查看更多

有時夜晚諗唔到食咩好，最後就會黎到呢間車仔面店食碗車仔面，間店唔係日日開舖，有時都要撞手神～～車仔面最緊要係多選擇，又平又好味，有時選擇困難症發作，就會唔理咁多，order個雜錦，咁就咩都有得食少少，滿足晒個胃同心靈，哈哈～～～呢度係排隊落單，揀餸後俾錢之後就坐低，店員會拎埋碗面去枱俾你，服務唔錯～講返碗車仔面，好充料，有夠晒入味既蘿蔔豬皮，蘿蔔無渣，夠爽口，豬腸無異味，夠咬口，仲有雞翼、魚蛋、豆卜、生菜～湯底夠濃，但食完都係會好口渴～…查看更多

呢間舖可以話係上水居民既回憶，真正由細食到大，客緣充足所以麵店會間中不定休，想食有時都要碰下運氣真正平民首選窮人因物，配料麵底都係6-8蚊，三餸面可以30蚊有找，香港已經好難搵雖然平，唔好以為係hea貨，能夠生存多年既小店，味道真係講得上 中上，而且份量亦非常合理，一碗面做晚餐都係好夠飽既，加埋多辣多蔥實在係香港地道既車仔面！😋食到太辣仲可以即場加豆漿嫁～近日新加既鱼蓉餃都係值得一試，牛腩蘿蔔都係經常配菜既膽…查看更多

每次買完餸，都一定會叫碗外賣返去食，簡簡單單又一餐，可以話上水區我只會幫襯以間車仔麵，每次去到都好多人排隊食，以到係你排完隊買完，店員就會幫你搵位坐低食，每次黎到我都會一定叫豬紅，羅白，魚蛋，豬腸，油麵。豬紅，羅白，豬腸都入晒味，豬紅冇血腥味，羅白大大舊，如果唔夠食亦可叫加半底麵，同囡囡一齊食岩岩好份量，而且如果怕油麵索晒水，可以叫佢湯另上，所以拎到返屋企都唔會話發晒脹唔好食，湯加腩汁，加少少辣，真係冇得頂。…查看更多

呢間車仔麵店開左好耐，食過好多次都覺得仲係好味，保持到水準。入到去係叫完比錢之後佢會幫你帶位，唔係自己搵位坐。而且阿姐做野好有效率，排隊嘅時候唔覺得等左好耐，（前面有十個人左右）唯一唔係感好嘅地方係如果店入面已經滿座，佢地會係店出面開張檯，但係開始熱嘅天氣下食住熱辣辣既車仔麵，出汗就一定。食物方面，最好食係雞中翼，次次去都會叫，又入味又淋。蘿蔔大塊而且淋，冇渣個湯底味道都有肉味。而且價錢便宜，份量多。…查看更多