慶發飯店

间中都会帮衬土瓜湾的车房，顺便帮衬埋土瓜湾的小店。摆低架车，师傅叫我一个钟后返嚟，喺车房附近乱咁行见到有间茶档有茶饮有点心食，即刻入去。一坐低叫左个排骨饭（$29）同牛肉球（$21），冲壶普洱（茶钱$5）。排骨唔知系咪新鲜骨，但至少食唔出雪味，亦都无出现红肉情况（雪货常见）。牛肉球弹牙够味道。感觉其他食客都系老街坊，食客会同伙记倾计，伙记都会关心食客近况。食食下老板娘买完𩠌返嚟，一人一条鱼送比员工，员工亦主动提议不如煮左佢一齐食，画面十分融洽。感恩2025年香港还有如此富有旧香港人情味的小店🙏🏻🙏🏻…查看更多

凌晨三点肚打鼓？冲咗去土瓜湾呢间老字号格局真系够亲民，冇花巧装修，就系街坊大排档feel，最正系营业到凌晨五点，简直系夜鬼同宵夜党嘅救星！.今次试咗三样：1. 煎糯米鸡 ($30)：哗！必点！ 估佢唔到咁好食！原个糯米鸡俾蛋浆包住煎到金黄脆口，咬落去「咔嚓」声好治愈！入面嘅糯米仲系软熟，馅料（好似腊味、鸡肉）都几足料。$30咋？抵食到笑！宵夜有呢份量同质素，真系冇得输。2. 水晶鲜虾饺：一笼四粒，正常Size。虾饺皮算透薄，咬落去啲虾肉几新鲜，弹牙爽口，冇雪藏味，合格有余！饮夜茶点都叫返笼嘅。3. 鲜竹牛肉球：一笼三粒，大大粒够实在。牛肉球食落都算松软，唔会死实实，味道就系传统𠮶种，稳稳阵阵。垫底嘅鲜竹吸咗啲汁，都OK。.整体嚟讲，不过不失啦！ 重点系价钱亲民同开得够夜！食物冇乜惊天动地，但求其医肚、吹下水、饮啖茶，绝对够用。员工态度嘛... 就系典型老店风味，唔好期望五星级服务就冇失望。想揾个地方坐耐啲、食啲热辣辣点心顶到天光，庆发算系个实惠又就脚嘅选择！下次宵夜唔知去边？谂谂佢啦！…查看更多

今日去咗庆发饭店饮夜茶，佢哋开到凌晨五点，最适合夜晚想饮茶嘅夜猫子🤣叫咗凤爪，都几好入味，咬落去有弹性，唔会太腻。跟住试咗鹌鹑蛋，蛋黄香浓。烧卖肉质鲜嫩，配上少少虾仁，口感好丰富。叉烧肠比较逊色，虽然都几滑，但系个皮比较厚，有少少粉感。鲜虾腐皮卷推荐，外脆内嫩，虾肉几弹牙！鱼肉酿尖椒，尖椒嘅微辣搭配鱼肉，都推荐，不过要留意尖朝都几辣吓🤣整体来讲，庆发饭店嘅点心正正常常，如果夜妈妈想饮夜茶嘅话都系一个不二之选~…查看更多

呢间嘢下午三点落场换下一更准备晚市 （期间铺头应该系有人keep住系度 唔系落闸收舖）我只系食慢咗啲3:02pm食完最后一啖出嚟 佢哋2:58pm就系咁对我大叫「我哋收工啦！我哋收工啦！」 最后我只系迟咗2分钟走其实最后个10分钟都就嚟食完 但佢大叫个几下态度劲差，实际上我又无真系「阻住佢收工」 。帮衬过好多次，但呢次之后我会重新考虑仲会唔会再食 。…查看更多

喺土瓜湾咁多年食足咁多年，去亲饮茶一定拣佢，点心好好食，虾饺烧卖牛柏叶叉烧包凤爪全部都好好食。有啲酒楼茶室同雪藏点心有得比，呢间真系唔同，有时坐楼上，仲会睇到师傅手包点心。最钟意𠮶种新鲜出笼会嗌出嚟问大家要唔要嘅感觉，每次都觉得好热闹开心。…查看更多