慶吉家

今晚同朋友去伊館睇同心圓音樂會，開始前我朋友帶我去呢家店食晚餐。我們叫咗茶餐，包埋嘢飲，唔駛加一，又好坐，啲嘢食都大份，好食可惜埋單時老闆娘話做埋今個月，有機會一定再嚟食～…查看更多

印象中好似係第二次黎呢度食飯,但好耐之前了,今次食秘製豬軟骨飯,因為家人食過介紹話好味,lunch有麵豉湯或熱飲（凍飲+$2)或纸包飲品，我揀咗湯,佢額外加左啲菜喺湯入面,又多左機會吸收吓纖維了😁幾好😉 豬軟骨飯好大碗,豬軟骨份量好多,肉嘅部分亦煮得好軟熟同入味,軟骨都偏淋但有啲都有咬口,甜甜嘅醬汁撈飯真係幾開胃😆佢連配菜份量都好多,我覺得有菜有肉有飯有湯,營養好豐富🤣所以都算抵食😉提外話：看似負責人的姨姨見我🤰好緊張咁話裡面房的櫈比較矮怕我坐唔舒服, 之後食完飯又比杯水我同加茶比飯腳的檸檬茶可以慢慢傾坐多陣,雖然只係小事,但感受到佢對客人嘅細心位👍…查看更多

嘩喂！今次去食嗰間日式食堂，簡直係實惠又滿足！我啲味蕾喺吉列豬扒便當嗰陣，真係high翻天！只可以話，個豬扒啫喱喱啡得嚟外脆內嫩，每啖咬落去都滿口肉汁，正！佢啲溏心蛋啲蛋黃流出嗰陣，溫柔得好似絲絮咁，夠哂滋味。至於小菜嘅話，餃子就ok啦，不過個海草就真係清新爽口，解膽添！便當嗰碟煙鴨胸同鮮嫩嘅生菜混埋一齊食，真係香口得滯😌。最啱嘅就係個珍珠飯，粒粒分明，軟硬啱啱好，冚家鎮真係百搭！🍚至於飲品嗰碗荔枝冰，雖然無乜特別，但喺食完熱辣辣嘅飯菜之後，嗰杯冰凍飲品鎮定添足一杯！😋總括來講，呢間食堂嘅勁處唔單只喺食物好食，仲有份人情味。店員服務貼心，真係令人食得開心、食得放心。最重要係，食完滿肚盤盤仲唔使傾家蕩產。下次再約埋班朋友，一齊黎打個飽仗，話唔定仲有新發現喎！🍱👌🎉…查看更多

✌超窩心的聖誕假期后的第一頓午餐，當然糸去慶吉家啦😍，帮襯左超過十年了，作為一名上班族，我注重經濟實惠味道好的用餐選擇，而慶吉家就可以做到兩者兼容，不但價錢便宜，味道不錯，份量更大得驚人，香噴噴的煙鴨胸配上热辣辣嘅湯麵，🤩我要地獄湯底的😋，加埋杯他們自己煲的热奶茶👍👍👍，味道保持正，性價比超高，灣仔區五十多元的午餐，包飲品，慶吉家有超多選擇，今日仲收到老板送的聖誕小禮物，天氣雖冷，但暖在心💖，街坊小店，绝對值得支持😘😘😘…查看更多

今日落好大雨見到有樓上日本餐就上去食d野避一避，點知遇上壞升降機，叔叔話打風之後入過水，成日都壞。等左15分鐘左右，有一部𨋢開返可以上去。冷氣就冇乜，有幾部風機係到吹，落雨怕吹風病，叫職員可唔可以關左去。佢話唔得，一邊口噏噏幫我推開就算。態度超級差！想靜靜地坐下，點知個電視教到超級大聲，音樂又教到超級大聲，個大陸阿姨講嘢又超級大聲。諗住快快食完個豬骨拉麵同雞軟骨串燒就走。點知埋單嘅時候企係度等左好耐，佢地見到有人埋單，但點都要做完自己嘢先過嚟幫你。我企係度等嘅時候。見到入邊廚房個阿叔一邊食煙一邊整拉麵，整跌咗d粟米，就咁拎返上去個麵到。見到門口好似有包牛肉定唔知係豬肉，見到係灰黑色既！！我心諗好彩冇食果d肉！總結嚟講，呢間野既衛生情況超級差，員工態度又差，個大陸阿姨同阿叔係咁輪流過黎叫我加小食食，而家終於知道點解叫我加嘢食，我估可能佢再賣唔到係嘅話就要掉哂去，所以不停叫人地加嘢食。今次上去之前冇睇吓OpenRice真係瀨晒嘢。…查看更多

今日收工，約了35知己，上了係天輝中心12樓既慶吉家！一入店裡面的氣氛好好丫，燈光比較浪漫，每張臺都有臺日本風既燈仔，每張臺很大，空間很足，感覺很適合情侶過來談心說愛！我地叫了好多款燒物，有一夜干魷魚，黃花魚一夜干，燒大大隻虎蝦，磯煮鮑魚，炸魷魚鬚，燒牛肋骨串，燒豚腩肉串，鯖魚一夜干，好都好好味呀！👍👍👍！仲有啤酒大大杯，美杯都係$28咋！哇！好抵丫，清酒都好平！最後我地飲了幾杯啤酒同2支清酒！最後強調一句！（全日免收➕1）！今時今日去邊搵！ …查看更多

食吉列豬扒蛋飯, 送雞腿串燒上餐快飯味道極為普通, 但豬扒份量略大, 飯很多.雞腿串燒像煮雞腿肉+串燒調味想食日式形式食品, 又想食到飽, 可以考慮.胃口有限, 貴精不貴多想食好味的, 不用考慮.…查看更多

性價比高樓上小店，位於灣仔人來人往的地帶，可能由於是樓上店，剛進店時未必很多人。食物價格相宜比茶餐廳還便宜，但食物及餐具不馬虎，採用了有日本風的餐具。有加分。餐廳有用心裝潢，傢具佈置也盡量營做日式氣氛，比一般茶餐廳有誠意😀老闆娘親切友善，很熱情健談，到處找顧客傾偈😆是加分位，畢竟食一餐飯，除了食物色香味，衛生，整個環境佈置及顧客服務現加入會員有串燒送😋個豬軟骨飯有驚喜，好林、入味，幾好食，性價比高呢度啲座位比較寬敞，如果lunch想搵個地方靜靜係幾好…查看更多

灣仔區要搵到平價美食，都有一定難度呢度啲牛肉如飯，多到嚇親，一定多過連鎖店嘅幾塊牛肉佈滿晒全個碟，啱晒食肉獸另外，煙鴨胸拉麵🍜熱辣辣拉麵夠硬，有口感！真係一個幾好嘅選擇…查看更多

今日lunch 周圍都好多人，又唔想排隊，當苦惱緊去食咩果陣，見到有人係樓下有人派傳單話有位，所以走左上去試下，上到去環境雖然唔算特別大，但都坐得舒服，上餐速度都快，服務都好好，野食都一樣，賣相同味道都唔錯，醬汁味道濃，總括而言都係一個唔錯嘅選擇！…查看更多

好好食，食左咁多年，質素都冇變過，大份又抵食，好啱我哋呢啲學生食，最緊要係坐得舒服幾條友嚟到坐低傾偈食飯都好好。推薦大家食呢度嘅照燒雞扒，質感好好配埋燒汁就好好食。…查看更多

唔使等好耐、食物質素好、份量好多同埋價錢好平仲有學生餐;近學校所以好方便、服務態度超好、成日都送特飲（例如：芒果特飲、荔枝特飲）好多款日式嘢食任你揀,唔會食厭。…查看更多

嘩，好味。來日方長一定要嚟食味道不用讚嘆服務態度好支持Apple Pay Visa 多種收費有廁所可以用一個平價嘅日本菜拉麵10分軟硬環境優美座位寬鬆吉列豬扒軟硬適中，是這裏的特色…查看更多

路過灣仔道，見有人派緊傳單，係日本菜。見價錢貼地，就上左餐廳試下有冇伏。餐廳位於12樓，勝在唔洗排隊等位。內裡座位寬敞，lunch hour唔洗同人爭位，可以舒舒服服咁坐係到。我點咗個滑蛋豬扒飯。飯係珍珠米，入口煙韌軟綿。 金脆嘅麵包糠包裹住冇筋嘅豬柳， 再淋上加入咗味琳同湯汁煮成嘅滑蛋， 絕對係米飯殺手， 送飯一流。隨餐送一杯熱鴛鴦， 味道一般，但勝在坐得舒服， 食飽咗之後可以攞住杯嘢飲慢慢坐到lunch hour完為止。…查看更多

今日要去灣仔開會，午餐時間一定人多、難搵位。早幾日前，上OpenRice搵定好嘢食先！鎖定灣仔道，見有好多小店，但座位少，唔一定搵到位。見到「慶吉家」係樓上鋪，位置在大街，地點既方便，樓上鋪、店面大，一於去試吓。位於天輝中心12樓，大堂光鮮，同lift客人都係去12樓。我一位，剛好有張細枱，自成一角，坐得舒適。用QR code自助落單，我點了燒汁牛肉麵，加$10轉稻庭烏冬，好味！免收加一，仲有學生餐，抵食。附近VTC學生，老板只問問是否學生，不用出示學生證呢！…查看更多