慢理牆城

油麻地 慢理墙城我真系bookmark左好耐，知道店主搜罗咗好多关于森林嘅装饰，好有心机去经营❗️上星期去开果栏就「的」起心肝前往，温馨提示🔔Openrice Book 位有折架！餐厅位于酒店1/F ，出䢂就见到内面森林装饰，包你肯定唔会去错地方，店员会先确认有无订位，位坐可以自由选择，估计系比大家方便唔同地方打下咭！有公仔陪坐的座位同森林装饰墙最受欢迎，如果想坐到心仪位置最好就早一点入坐！最特别佢地系提供蝶豆花水，成杯紫色好鬼靓，咁多位店员都系好细心有礼貌，值得一赞！🌟墙城豪华早餐 $168 （ 未计Openrice 订座 折扣）好丰盛既All Day Breakfast ，最出色系炒蛋又香又滑，香肠系猪肉肠同埋有烟肉，面包都有二片，蕃茄差不多用一整个，我一个人绝对无法完成！🌟小食拼盘（S ) $188 (未计Openrice 订座 折扣）我见网上都好推荐小食拼盘，S Size 份量都已经有点惊人😂，如果L Size 到底要几多人食先食得哂呢？个鸡翼好好食，除左炸得好脆，佢个酱汁辣辣地好刺激，仲有二条大猪肉肠，蕃薯条同炸薯条🍟好多呀！🌟竹炭炭烧榛子咖啡 $58 (未计Openrice 订座 折扣）🌟玫瑰咖啡$50 (未计Openrice 订座 折扣）📍慢理墙城 (油麻地)油麻地砵兰街28号M1酒店1楼Follow me💪Follow me🌟Follow me🫶🏻…查看更多

油麻地呢间cafe我已经帮衬过n次， 依然好满意好满足， 每次带新朋友去试，佢哋都会觉得好惊艳。 餐厅系热带森林风格， 成间餐厅有超多玩偶，店员服务好好， 食物有诚意有创意， 菜色改名好有趣，好多菜式亦好精致，甜品亦超有艺术感， 令人印象深刻。墙城小食拼盘（$188/小份）几乎每次嚟都有叫呢个小食拼盘，每次都惊叹小份已经咁巨量，到底大份系会多成点。 小食拼盘有德国香肠、甜辣香脆鸡翼 、脆炸薯条、脆炸甜蕃薯条、脆炸黄金圈，以及三角流心芝士。每样小食都炸得非常香脆可口 ， 唔会炸过火，配有餐厅自家制嘅黑松露蛋黄酱及茄汁， 明知好热气但都会忍唔住食晒。烟三文鱼流心蛋大啡菇（$98）呢个都好有惊喜， 外形好似一个汉堡， 顶层系流心蛋，中间系烟三文鱼，底层系肥厚嘅大啡菇， 流心蛋轻轻一𠝹， 蛋液就倾泻而出， 大啡菇非常肥厚多汁，好Juicy，配上蛋液令成个口感更湿润同充斥蛋香， 味道同口感都好有层次好好味。原只美式烧春鸡配黑松露薯蓉（$278）之前已经试过好多款意粉同慢落猪，今次试下烧春鸡。 烧春鸡烧嘅火喉控制得好好， 烧到好鲜嫩多汁， 咬落有淡淡炭烧味，唔洗点芥末亦已经好够味， 鸡油香气充斥整个口腔，但又唔会太油腻。Come芒，占土（$88）改名真系好有趣， 其实佢系三层芒果牛奶，但要饮佢都好有讲究， 首先要喺饮品中间𢳂起一啖cream， 挖出一个洞， 再将牛奶由呢个洞中倒入填平， 然后喺上面放上棉花糖同脆脆，就大工告成。 芒果同牛奶互相唔会盖过对方嘅味道，亦唔会太甜，但美中不足系份量较少，如果大杯啲就更好。…查看更多

朋友试过呢间餐厅话正， 所以我哋一行四人决定去试下。 我哋点咗个二人套餐， 头盆系小食拼盆， 主菜系慢落猪， 再嚟一个牛油果忌廉蟹肉扁意粉，甜品㨂咗西西里的柠檬向日葵， 饮品㨂咗羽衣甘蓝牛油果芒果沙冰，同埋牛油果菠菜香蕉奶昔， 另外单点南瓜带子意大利饭， 同埋两杯热情果芒果橙沙冰， 呢度足够四个人嘅份量。 其中慢落猪真系惊艳， 外面焦香， 肉质软嫩， 味道一流， 南瓜带子饭都好好食食， 我㨂嘅热情果芒果橙沙冰都好好饮， 酸酸地好开胃， 服务都好好，呢间餐厅十分值得推荐👍🏻…查看更多

餐厅主打创意西式料理 
装修以森林为主题 各种动物 配上木系家私同书架摆设 气氛有格调🫰🏻 
适逢万圣节 店内更换上节日布置 🎃菜式每款都好有惊喜！黑松露薯蓉大啡菇🍄‍🟫
 一上枱已经闻到阵阵黑松露香 薯蓉打得非常幼滑
大啡茹煎至微焦 内里多汁 配埋一齐食 香气层层叠加😇仲有沙律菜伴碟减少油腻感🥗南瓜带子饭🎃
卖相金黄吸引 南瓜酱整体绵密
带子煎得外层微焦 内里仍然保持爽口😙牛油果蟹肉意粉🍝
牛油果滑而不腻 入口清新🥑 
蟹肉份量十足 成个蟹肉波波 冇雪藏味
芝士同香草加叠整体更香口😆…查看更多

Point 1: 最低消费话系每人一百蚊，是日我地3个人用餐, 即系300蚊就够,理论上叫一个二人餐678蚊已满足到要求,但餐厅职员竟然话2人餐系for 2人,要再叫多一百蚊既野食或野饮。哗,大佬边有餐厅咁样做法㗎，女仔食量较细既，请慎重考虑唔好嗌set餐,贵啲又食唔晒。 唔支持做大晒鬼。Point 2: 食物质素味道唔值呢个价钱, 明太子蟹肉意粉唔够汁，结挞挞，叉起身时一旧旧，味道偏甜，食左几啖已经好滞，我本人好钟意食明太子意粉，食过咁多唔同餐厅既明太子意粉，第一次会食剩咁多，真系节坠…Set 餐既甜品好难食, 只系喺旧雪糕上面痴啲柠檬味既粒粒，个名就起到鬼死咁长，以为会好特别。 俾啲like呃左。。 …查看更多