意粉 360 (已結業)

難食到唔想影相...360pizza好似小學生第一次學整pizza咁，hea到爆，仲要$88，其實$44都俾多佢！食左一件已經唔想食第二件芝麻醬雞肉意粉，又係勁hea，雞肉又得幾粒，好唔吸引黑松露帶子意大利飯，呢個正常d，都算ok，飯汁幾香，帶子得兩粒少左d而且偏乾肉醬薯條，d肉醬同薯條係分離撈唔暈，又太乾，薯條亦唔脆，令人冇咩意欲再食將軍澳咁多人口，間間餐廳都大把人等位，所以呢d咁hea既餐廳先至生存到，真係冇下次...…查看更多

去開寶琳其實都知係無乜特別好食嘅野。。。既然係咁，不如食下環境啦～Spaghetti 360係寶琳黎講都算係坐得比較舒服嘅一間餐廳，大部份都係梳化位。今日係星期六，所以係無lunch set嘅。我叫左個咖喱吉列豬扒滑蛋飯，屋企人就叫左魚柳龍蝦汁鑊仔飯。咖喱吉列豬扒滑蛋飯用嘅係日式咖喱，甜甜地唔會太辣；吉列豬扒鬆脆，滑蛋熟度恰到好處。值得一提嘅係，份量十足！魚柳龍蝦汁鑊仔飯其實係好似risotto咁，龍蝦汁融入每一粒飯裏面，幾惹味。野飲方面，我地都叫左紅豆白玉宇治抹茶【走cream】一個綠茶真係好啱我口味，少少抹茶嘅甘味加上紅豆淡淡嘅甜味，甜度同甘味平衡得啱啱好。白玉煙韌唔會太硬，亦唔會癡牙。總括黎講，Spaghetti 360係寶琳黎講都算係唔錯嘅選擇，最起碼坐得舒服。…查看更多

喺九展玩完行咗陣，晚飯就決定返將軍澳食。因為tea time食咗少少嘢，大家都唔係太肚餓，但係飯總要食，所以就決定食呢間，好快就有位😌隨意揀咗幾樣嘢....叫咗個有火腿、蛋片、芝士嘅pizza，啱小朋友食。因為只有6件，所以我無試。姪仔好鍾意食咖哩飯，所以應佢要求叫咗呢個。魚柳炸得好香脆啱啱好，薯仔只有少量做配菜，個飯“不“嗰陣覺得有啲硬，但食落又ok一粒粒咁，珍珠米嚟嘅。蛋皮薄薄一塊都ok，個咖哩汁幾香唔辣。呢個意粉好好味，芝士汁好香濃，每條意粉都充滿住芝士汁，正!值得推介👍🏻最失望就係呢個焗野菜，印象中裏面有南瓜、車厘茄、西蘭花、翠玉瓜薄片、本菇。份量唔多，但係個芝士汁就成碗湯咁😑，不過芝士汁味道係唔錯嘅，姪仔淨係鍾意個汁😅…查看更多

星期六辦完點正經事和家人去了Spaghetti 360吃個午餐。看到這個酥Early餐牌說下午12:00前落單、12:45前結帳便有優惠價之同時，又看到另一午餐餐牌有令人為之動容的pizza，最後我們三人點了兩個優惠餐和一個pizza午餐。先來的酥皮湯，香脆的酥皮內是熱騰騰的白汁蘑菇湯。再來的是酥Early餐牌上的日式芝麻醬雞肉1.7mm意大利粉 $52。芝麻醬通常配冷麵或雞絲粉皮，這次跟意粉的配搭也很新奇和美味。每條意粉都吸收了香濃的芝麻醬，加上許多的菇和雞肉也帶著芝麻醬獨特的濃香，這個值得一試!之後是酥Early餐牌上的薄切肥牛蟹籽300C熱石鍋飯(日式燒汁) $54。薄切肥牛配日式燒汁又怎會不好吃呢?加上蟹籽一粒一粒脹卜卜連飯吃，絕對能增加口感。接著是360脆趣薄餅$98。香脆的正宗”薄”餅之上，放滿煙肉、火腿、蛋、蟹籽和芝士，這絕對是一定很好吃的配搭啊!跟薄餅餐的是日式窩夫配菠蘿鮮果茶，窩夫表面倒是挺香脆的，內裡也帶有蛋香。跟酥Early餐的是熱檸水和即磨炭燒咖啡。巧克力曲奇隨即磨炭燒咖啡附送，咖啡味道不錯，可以一試。…查看更多

放假日子, 起身特別晏 🤣哈哈! 周圍行下睇下, 最終兩點幾先食第一餐😎既然兩點幾先食第一餐, 可想而知我幾咁肚餓呢🤔行行下, 忽然好想食意粉同PIZZA呢間360就岩晒我😎好彩兩點幾仲有LUNCH SET點咗兩個餐😋胡麻醬雞肉意大利粉360 脆趣薄餅 (煙肉, 火腿, 蛋, 蟹籽)一個羅宋湯 / 一個忌廉湯兩杯凍檸茶胡麻醬雞肉意大利粉胡麻醬味好香, 我好鐘意打邊爐加胡麻醬雞肉好滑好嫩口同埋呢個意大利粉有少少辣味, 感覺一D都唔會漏360 脆趣薄餅 (煙肉, 火腿, 蛋, 蟹籽)餅底係薄身, 脆卜卜, 好似薯片咁上面配上煙肉, 火腿, 蛋, 仲有蟹籽每啖咬落去都會感覺到蟹籽爆開嘅感覺, 好得意兩個餐湯就無乜驚喜, 覺得個羅宋湯有少少稀凍檸茶糖漿分開上, 所以唔使講少甜, 要幾甜自己安排哈哈~ 睇啲甜品賣相好吸引, 下次試吓先😍…查看更多

麻醬雞肉意粉味道一般 雞肉得3舊(好細舊)本人覺得👉👈是午餐應該多幾舊會合理些😅溫泉蛋肉醬意粉溫泉蛋一只肉醬意粉味道一般肉碎比較小囉野菜雞肉石頭鍋飯朋友食清光😀應該好好味菠蘿鮮果茶~幾粒菠蘿有點新意👍🍍茶一般味道夏威夷pizza pizza太薄 好易趣🍕不過菠蘿算多🍍🍍🍍咖啡配塊朱古力餅乾咖啡好飲☕👍朱古力餅乾好食😋🍪一齊飲食非常夾比利時窩夫味道唔錯👍👍有兒時街邊夾餅感覺😂😂…查看更多

話說返工太忙，好多野做，所以連煮飯都無心機。晚上一於出街食！見到新都城360分店八點前點套餐會送酥皮湯，所以立即入場！（因為當時已經係7:52pm)晚餐餐牌轉了新套餐， 見到有新小食同燉飯，好似唔錯喎！點了烤雞羅勒醬燉飯，加$12有日式炸雞。原本以為12蚊炸雞應該好細粒，點知比想像中多，有五件啖啖肉既炸雞，而且又脆又熱，好抵食。烤雞飯既飯好煙韌，粒粒飽滿，而且羅勒味好香，好好味。雞塊亦好滑，份量都好多。不過上菜時只係暖暖地，唔夠熱。而且餐廳冷氣太大了⋯坐得耐有啲凍。好彩，酥皮湯係超熱既，而且好好味，不過鹹左少少。呢個份量夠兩個人食，所以真係超抵呀！等我下次試下店員推介既卡邦拿意粉先！…查看更多

我係附近嘅住客，我係呢間360都惠顧咗差不多2年。好多時候出街食飯都好小選擇，但360的食物比較多選擇，質素亦不錯，所以外出食飯，呢到都會成為我嘅首選。之不過今次，真係有十分不良好嘅感受！一直以來，我都點咖哩素菜飯，轉燒汁，一直以來都係咁食！但係今次，竟然有職員同我講做唔到！我唔明白係因乜野問題，我亦有要求過走汁，但依然冇用，最後我選擇唔食，離開！我唔明白原因，先唔講我每次食都轉燒汁，咁我走汁呢個要求亦唔係過份，但係點解會用做唔到作為理由？每個客人都有唔同飲食習慣，我亦明白過份要求可能會為餐廳帶來不便，但我要求嘅只係走汁，很過份嗎？希望餐廳會重視此問題！不過有樣野值得一讚！餐廳服務員係呢件事上面保持態度良好，並沒有出現不耐煩情況，值得一讚。…查看更多

星期日，商場內一定people mountain people sea,定律黎。肚餓，同個fd 行個圈，間間野都要等位，咁當然搵間唔使等位既醫肚先啦。雖然坐滿8成，但都有2成空位，見到都有lunch menu, 就入左呢間食lunch。一坐底，發現原來同平日既lunch menu 唔同既，款式冇平日既吸引，平日有黑炭burger , 紫薯奶，價錢好似再平d。難怪星期日都唔使等位可以直入。菠蘿水果茶冇乜菠蘿味，反而被裡面的火龍果蓋過左菠蘿味。窩夫就中規中舉。個麻醬雞意粉d 芝麻醬幾好食。坐得都舒服，侍應都幾nice。建議平日黎食lunch。…查看更多

可能不合口味，非常不好吃。一份非常油膩，盤底有油湯，蜆很不新鮮，有酸味。生日餐很難忘的一次不好味之旅。希望餐廳能夠出一些比較健康或者比較沒有那麼油膩的餐，這樣才能贏得更多的食客…查看更多

之前係沙田個間食過覺得幾好吾錯。前兩日去開新都城，見呢度有分店，就介紹屋企人一齊黎食。明太子海鮮意粉真係好好食 👍👍👍 就算我地放左一段時間先食都仲係好食。茄子牛肉飯，我吾食牛，所以無試。兒甥就話濃味左少少。帶子蟹棒pizza 一般。食完意粉到個飯同pizza 等左成大半個鐘。人地隔離枱遲過我地落order 起碼10分鐘，但啲野食早過我地到晒，仲要差吾多食晒，我地個pizza 先到。我前後追過order 3次，第一次追問個waiter 係trainee，只係覆我整緊，無講等幾耐。第二次個waiter 應該資深啲，佢問完廚房，跟住覆我3分鐘。但5分鐘都未見有，我再追問第二個。睇佢地個場，當時根本就吾忙。好肯定佢地係漏左單囉！個pizza 黎到嘅時候吾係熱，好明顯吾係我追完即刻整啦！咁即係吾知放左幾耐！！！😑…查看更多

晚餐食意粉 又平又好味意粉360剛好有渣打咭優惠當然要試試！小食拼盤十分抵食有新鮮薯條 豬仔骨 軟殼蟹 炸雞件 再加少量沙律菜三個人share 食份量剛剛好食完頭盤點了一個意粉，一個燴飯和一個pizza意粉係推介的蟹柳芝士忌廉意粉入口香濃好味道 充滿忌廉同芝士的香味配菜有少量菇 同意粉一齊食十分配燴飯係羅勒忌廉烤雞食意大利飯入口creamy 可惜羅勒香味不夠雞件夠滑 味道一般Pizza:芥末煙三文魚味 薄批 味道非常好 芥末味濃 煙三文魚好味薄批唔會太濟 胃口大開甜品係雲尼拿雪糕蘋果酥呢個係超級好味 薄薄的蘋果放上酥皮焗果 加上香甜的肉桂粉 係絕配！呢個係必食推介…查看更多

今日去食 lunch, 心想個名叫 spaghetti, 食意粉應該冇出錯, 仲要叫個麻醬雞絲意, 真係三歲都識煮, 點知意粉果然真係只用芝麻醬拌, 冇其他味, 4舊雞仲有雪味! 對唔住, 我真係覺得好難食, 請我都唔再黎, 仲要食左 $85!…查看更多

阿媽，細佬中午在將軍澳寶林，在寶林新都城的餐廳「羅X記」，跟我吃了一餐都算豐盛的午飯。午飯後在新都城內不斷流連觀光購物，幾乎連電影也看完。不經不覺又到了三點三，又到了下午茶的時間。阿媽其實曾經想試試，商場近港鐵站的韓國菜「BBQ Chxxken」，但是我跟阿媽講過有關「BBQ Chxxken」「光頭佬」的故事後，阿媽立刻打退堂鼓，因為細佬的脾氣也是非同小可，不能冒可能觸怒他的風險。結果她最後，選擇了新都城較深入位置，四年前我出事入院後，去「靈實醫院」覆診時都曾經食過的餐廳「意粉360」。「意粉360」真的是我殘存記憶中，幾乎第一間我在西貢食過的西餐廳。不知道是否因為，光顧「意粉360」時正值下午茶時間的關係，店內燈光被調校至較暗的程度，我在店內拍攝到一張照片，發現「意粉360」店舖燈光，與新都城商場形成了強烈的明暗對比。或許意大利菜餐廳的風格，可能是要刻意營造出一股浪漫情調，燈火太猛烈反而會破壞這種浪漫的氣氛吧。所以「意粉360」為了店舖營造出意大利菜餐廳的歐陸氣氛，燈光亦自動調校至較昏暗的度數。阿媽跟我一行人，來到將軍澳新都城分店「意粉360」，一坐低就向侍應拿餐牌，開始研究吃甚麼意大利菜式才對。當然，既然來到意大利菜餐廳，總沒有理由不點個意大利薄餅來吃。相反，我之前已經在「羅X記」食過一個「加大版本」的雞皇焗飯，當時胃口已經沒有中午時那麼大，所以點菜過程我也沒有任何意見，唯一點過的就只有一杯熱的奶茶。當然，「意粉360」又不是港式茶餐廳，突然在「意粉360」侍應面前點杯「茶走」，侍應一下子反應不到過來，不知所措是很正常的一回事。結果阿媽點了幾個下午茶，包括一個「卡邦1.7mm意粉」「番一燒烤雞1.7mm意粉」，和一個意大利薄餅，口味是什麼我真的完記不起來了，很抱歉。或許你會問我，為什麼在意大利菜餐廳，點餐仍然要選奶茶，還是一杯熱奶茶？我會答你，之前香港曾經有段時間，被廣闊的「低壓槽」籠罩着，下過很多日的大雨，期間我不幸被雨淋到生病了。之後我看完西貢墟的私家醫生，被迫要每日多吃三次藥。食藥期間，如果我自己一個人都還過得去，想喝什麼飲品都可以。但是阿媽在身邊的時候，我就只能選一般的熱奶茶，包括我在「羅X記」和「意粉360」。說回我們在「意粉360」點了的菜式。食得意大利菜，總是離不開意粉和薄餅兩樣，今次我在「意粉360」還喝到另一款意大利菜，是濃味的酥皮湯。我以前喝酥皮湯的時候，通常比較喜歡把蓋在湯面頭的酥皮混入周打蜆湯（或者是海鮮湯）裡面，讓周打蜆湯也多一種酥皮的麵粉口感。但現在的我，突然對那塊質感帶少許油膩的酥皮失去興趣，怕酥皮加入海鮮湯後，清甜的周打蜆湯會有一種，因為酥皮而出現的油膩和飽滯感覺，所以我最沒有把酥皮放進周打蜆湯裡面。沒有酥皮的周打蜆湯，味道的確是比以前多了一份清甜感覺，是很純粹的周打蜆湯。或許清甜就是沒有酥皮的結果，你們喝酥皮湯時又會怎樣選擇呢？選擇要酥皮？還是捨棄那塊疑似油膩的酥皮？到了我的「意粉360」下午茶主角「番一燒烤雞1.7mm意粉」出場的時候。原來「番一燒烤雞1.7mm意粉」的醬汁，是像蕃茄醬的汁獻，難快菜色名稱會被稱呼作「番一燒烤雞1.7mm意粉」啦。今次我在「意粉360」，稱不上是擔任主角，最多都只是大配角，坐在旁邊飲酥皮湯、食意粉，所以為「番一燒烤雞1.7mm意粉」撈勻意粉的工作，還是交回阿媽代辦好了。看着阿媽攪拌意粉期間，我無意中發現，「番一燒烤雞1.7mm意粉」的蕃茄醬汁，沒有我想像中那麼多，醬汁濃度是夠濃了，但是醬汁只是勉強能撈勻意粉的程度，想再撈勻其他的燒烤雞也做不到。相對值得讚許「意粉360」的，就是它們的意粉做得都不錯的，意粉用餐叉捲起，影了幾張相，意粉還是保持完整，沒有掉下來或斷裂的跡象。蕃茄醬只是剛剛足夠撈勻意粉，想試再多一點醬汁也不夠。沾了所以醬汁的意粉，味道無疑是充滿了蕃茄醬香味。意大利粉口感是我預期中的柔韌有咬口，不會太腍，不會因烹煮時間而散開一條條。至於「番一燒烤雞1.7mm意粉」的另一個主角，其實稱不上是「燒烤雞」，正確來說應該是「炸雞」，雞粒沾上厚粉漿，然後放入油炸。「炸雞」肉質只能說是不韌，但是跟嫩滑還是有一段距離。不過，如果純粹以「下午茶」的角度，去看「意粉360」「番一燒烤雞1.7mm意粉」的話，那麼「番一燒烤雞1.7mm意粉」整體評價都還未至差強人意的，如果醬汁和雞塊多一點就好了。至於我們另外點的意大利薄餅，估計薄餅只是一般的意式辣肉腸薄餅而已，我現在已經記不得那麼多。「意粉360」的意大利薄餅，慶幸餅底不是那些很厚，吃一次就飽到吃不下的厚餅底。「意粉360」的廚房把意大利薄餅，做出來的質地不算太厚太硬，我拿起其中一件在手，薄餅已經垂了下來，從另外一個角度去看，薄餅端出來，薄餅還未冷卻，仍能保持薄餅的溫暖熱度。意大利薄餅的芝士味還算濃郁的，儘管餡料份量不算很多，但是仍能靠芝士汁味道去搭救。薄餅的芝士汁味道加上菠蘿片，菠蘿片的甜味令我還有胃口吃完整塊意大利薄餅，餅底不厚亦令我沒那麼易吃滯。這餐「意粉360」的下午茶，不能說是很美味，但正是因為我食的是下午茶，令意大利粉的份量和味道打了折扣，還是「一分錢一分貨」這道理。…查看更多

今日去咗離我啲最近咁一間意粉360，都係臨時決定。 不過香港我都仲有好多美食冇食過！ 今日都算係開胃一餐😝因為放工時間晚，到咗都差唔多七點！ 不過姐姐先到，我啲唔需要等，即刻入座。影相技术好似唔係太好雞翼，永遠不可缺少的一道美食！ 加埋檸檬可以軟化肉質，更香更可口！超級營養咁沙拉，蔬菜，牛油果，雞蛋，番茄同埋梳米我鐘意同埋雞翼一起食，覺得好香，好美味！呢個意面都好好味，我都食咗好多主角來咗，色香味俱全！芝士真係好好味，又有虾，白菇，总之去咗一定要食呢個！…查看更多