意粉狂熱 (屯門時代廣場北翼)

营业中

休息中

在屯門巿廣場晚餐，想食pizza，就想到來意粉狂熱，這裡感覺是狂中帶靜，裝修優雅有歐陸風情。瑪格麗特披薩$58 pizza的份量二人分享剛好，它有著薄脆的餅底，餅邊較厚帶有微微的焦香酥脆，配上新鮮的水牛芝士，結合了蕃茄和醬汁的酸甜，每一口都帶來滿滿的口感和豐富的味道，也很開胃。忌廉汁煮青口$58青口價錢相宜，份量頗多，細細粒肉質鮮嫩彈牙，搭配濃郁的忌廉汁，帶來濃郁的奶香味，還有鮮檸檬汁可以加添味道的層次。蒜味芝士雞翼$38 雞翼經過燒烤後，外皮酥脆，內裡嫩滑，配上蒜味芥末醬，帶來了濃郁的味道和微辣的口感。法式芝士洋蔥湯$38洋蔥湯佈滿煮過柔軟的洋蔥，清甜清新，放上一件芝士烤多士，多士吸收湯汁，洋蔥的香氣和芝士的濃郁味道，帶來法式風情。蝶豆花檸檬冰茶$48由橙色漸變至紫色，非常夢幻有少女心，職員細心提醒攪拌後才喝，冰茶帶著淡淡的檸檬香氣，口感清爽，蝶豆花帶來獨特的花香，讓人在品嚐時感受到視覺和味覺的雙重享受。鮭魚親子和風忌廉鮮製意粉$118鮭魚的鮮美和魚子的鮮甜相互輝映，配上忌廉醬的融合，帶來濃郁的海鮮味道和柔滑的口感。意粉煮得剛好彈牙，與醬汁完美結合，每一口都能品味到鮭魚和魚子的豐富滋

屯門時代廣場近年有多間食肆進駐, 飲食上多咗選擇。今晚在意粉狂熱進餐, 地方清潔舒適, 長卡位枱面很闊落, 擺放餐食就更加方便。揀咗2人套餐, 還有減$22嘅優惠 。忌廉磨菇湯和法式芝士洋蔥湯, 熱辣辣用料都幾足, 忌廉蘑菇湯香滑濃郁, 洋蔥湯嘅洋蔥蓉清甜可口。凱撒沙律半份份量都唔少, 蔬菜新鮮爽脆, 味道清新。芝士肉醬千層麵千層麵煙韌有嚼勁, 掛滿香濃幼滑嘅芝士肉醬, 味道啱啱好, 唔會有滯腻感。香煎鮭魚配味噌忌廉鮮製意 粉 意粉幼滑又彈牙, 腍度適中。鹹香味噌和甜滑忌廉芝士很配合, 鮭魚煎得脆香肉滑, 食得好滋味。蝶豆花檸檬冰茶是餐廳推介飲品, 蝶豆花本身沒有味道, 加入檸檬後, 就會出現紫色視覺效果。拌匀糖漿, 成了一杯酸甜開胃嘅飲品。朱古力酥餅朱古力雪糕酥餅鬆軟, 朱古力味濃郁, 配以香滑朱古力雪糕, 味道更加提升。

意粉狂熱 (屯門時代廣場北翼) (屯門)屯門屯隆街2號屯門時代廣場北翼2樓46號舖意粉&披薩狂熱套餐法式芝士洋蔥湯：這是一道經典的法國湯品，以洋蔥和芝士為主要成分，口感濃郁香濃。忌廉礱菇湯：這是一道以新鮮蘑菇和忌廉為基礎的湯品，濃郁滑順，帶有菇菇的香氣。香草雞肉凱撒沙拉（半份）：這是一道經典的凱撒沙拉，配上香草調味的雞肉，清爽且美味。蒜味芝士雞塊（4隻）（蒜味芥末醬）：這是由蒜味調味的雞塊，外酥內嫩，配上蒜味芥末醬，口感豐富。鮭魚牛油果和風鮮製意粉：這是一道以鮭魚和牛油果為主要材料的意粉，營養豐富且美味。美式辣肉腸披薩：這是一道美式風格的披薩，以辣肉腸為主要配料，口感辣味十足，搭配著酥脆的餅皮，非常美味。是日甜品Tiramisu非常香滑。

下班後和家人去吃個晚餐，想起已有一段時間沒來，便來這裏吃西餐。店內的空間感足，特別喜歡闊落的軟座卡位，坐得很舒適，又有點私人空間。餐廳除了固定餐點，還有一些期間限定的主題食物，這次是鮭魚鮮製意粉系列。家人很喜歡鮭魚，所以點了一碟鮭魚意粉嚐嚐。蝶豆花檸檬冰茶($48)，夢幻感的紫色蝶豆花和檸檬在顏色上配搭合恰當。很適合夏日的飲品，這杯酸酸甜甜的飲品可解油膩，配本身比較濃味的鮭魚很適合。鮭魚親子和風忌廉鮮製意粉($118)，意粉做得很出色，煙靭彈牙，掛上日本特製的白味噌和和風濃汁。醬汁令鮭魚粒更突出其鮮味，加上鮭魚本身是富營養的食材，整碟意粉令人感覺健康之餘，也美味可口。凍鮮奶抹茶($38)，一大杯鮮奶抹茶，淡淡的抹茶配上鮮奶，配披薩或小食都很適合。黑松露蘑菇披薩10”($98)，喜歡這裏做的披薩，比很多披薩店做得更好。披薩鬆軟中帶嚼勁，甫上桌，黑松露和披薩的麵粉香已讓人垂涎三尺。吃上一口，能嚐到濃香的黑松露味，加上每片披薩都有香郁爽滑的大蘑菇片和香甜多汁的車厘茄，在口感和味道上都能滿足披薩狂熱者。原味荷蘭鬆餅配雲呢拿雪糕($58)，大份鬆餅非常香軟，很濃郁的麵粉香。旁邊的雲呢拿雪糕非常奶

慶祝下完成任務，staycation來到屯門，屯門市廣場《意粉狂熱 Pastaholic》食返餐開心下，之後仲可以週圍逛，商場多最啱shopping達人。這店地方唔錯，隔調好自然，靠牆卡位坐得好舒適，食物唔使等好耐就上菜，熱辣辣香噴噴。小食試咗個豪華三色拼盤~柏爾馬火腿+香烤雞翼(檸檬蜜糖)+海鮮牛油果法包多士，各有特色雞翼皮香肉脆，牛油果法包味道豐富， 巴馬火腿四件都好夠食。《大如大肉意粉set》(2人份量)忌廉蘑菇湯~ 香濃蘑菇忌廉湯；法式芝士洋蔥湯~功夫多自己唔會整嘅洋蔥湯，熱辣辣香噴噴，天氣涼涼哋特別暖胃。桂魚凱撒沙律~半份份量都唔細，沙律菜好新鮮；小食揀咗香辣蕃茄濃汁煮青口~辣辣地好醒胃，青口肉質唔錯。意粉升級試新嘢，三文魚親子和風忌廉鮮製意粉~ 入口香滑忌廉味道香濃，三文魚 煎得夠香口。香烤黑安格斯西冷牛扒~熱辣辣鐵板上，正！仲有甜品，套餐升級優惠轉朱古力荷蘭鬆餅配朱古力雪糕~感覺有少少似薄嘅pancake，味道唔錯唔會太甜；套餐包兩杯飲品，水果茶及熱咖啡~阿女另外叫咗佢嘅蝶豆花檸檬冰茶。整體上食物種類選擇多，套餐特別抵，好適合一家大細。

屯門性價比意粉意粉狂熱今次放工去開屯門時代廣場行街，經過見到呢一間意粉狂熱睇落去價錢性價比唔錯即刻去試吓今次叫咗佢哋嘅MEAT&FISH HOLIC SET$368忌廉蘑菇湯作為餐湯嘅忌廉蘑菇湯實屬唔錯，飲落去香濃綿滑蘑菇味濃郁而且用料10分足每一啖都有滿滿嘅蘑菇粒👍🏻鮭魚凱撒沙律呢一度沙律嘅用了料亦都非常講究，用咗唔少嘅厚身鮭魚鋪面食落去真係令人足滿足，配合上新鮮爽脆嘅羅馬生菜同香脆嘅麵包脆粒，每一啖都令人滋味無窮🥰香煎鮭魚配味增忌廉鮮煮意粉煎至金黃表面嘅鮭魚表皮焦脆而且魚質嫩滑，另外配上香濃嘅味增忌廉汁同手工意粉真係一流香烤黑安格斯西冷扒(+48)呢一個西冷牛扒真係值得一讚只需要加$48,就可以享受到呢塊肉質鮮嫩嘅黑安格斯西冷牛扒而且熟度煎得啱啱好👍🏻 油脂分布亦都相當可以，仲有相當多嘅超大炸薯超級邪惡😈意粉狂熱 (屯門時代廣場北翼) (屯門)屯門屯隆街2號屯門時代廣場北翼2樓46號舖

今日約左朋友，3個大人帶埋2個小朋友出嚟聚下傾下計, 星期6 中午12點左右見到呢間Pastaholic 無咩人又唔洗排隊所以就決定食呢間啦餐廳唔算大，大部份位都係卡位仲有ｂｂ椅，值得一讚星期６都有set lunch🤩主食+湯/沙律+飲品每set都只係幾十蚊意粉餐仲有得免費加大好佛心呀!! 啱哂帶小朋友的家長唔洗叫多個餐又食唔哂, share一個餐又唔夠飽今次我地叫左3個set lunch蒜香白酒汁海蜆意粉 再加大 $78照燒雞蛋黃醬pizza $78鮭魚牛油果忌廉焗飯餐湯係蘑菇忌廉湯如果你鐘意蘑菇，咁你一定會好鐘意因為佢全部都係蘑菇粒，飲落都只得蘑菇味無忌廉湯味蒜香白酒汁海蜆意粉，蜆肉份量好多，意粉唔係粗身軟淋個種係有咬口爽身的，配上白酒汁好好食照燒雞蛋黃醬pizza自己覺得必點品，雞肉好滑仲有好多肉汁，唔好焗到乾爭爭，蛋黃醬配上紫菜pizza好夾，pizza唔係脆卜卜個種似係夾餅個種，小朋友都大讚好好食搶住食鮭魚牛油果忌廉焗飯三文魚略為乾身，牛油果配上焗飯好好食但佢唔似忌廉焗飯，似係蕃茄焗飯多d但好好食最後埋單連加一服務費$257.4 整體: 食物質素好好，餐廳環境好舒服乾淨，但略

今晚同朋友去左一間性價比極高嘅西餐廳，木系裝修讓人感到溫馨舒適，座位舒適，意粉款式選擇多，食完大滿足。蒜味芝士雞翼烤過嘅雞翼肉質嫩滑，配埋特製嘅蒜味芥末醬，增添微辣風味，令雞翼更美味。鮭魚親子和風忌廉鮮製意粉今次試咗店員推介新品，用左日本特製白味噌及和風濃汁，帶出鮭魚獨有鮮味，意粉本身口感彈牙，醬汁鹹香味與濃郁忌廉相互融合，必試新品。芝士肉醬千層麵麵片夾住一層層濃郁嘅肉醬，再加上芝士和充滿鮮味嘅鮮蕃茄醬，芝士焗至溶溶地，香氣四溢，口感豐富。明太子海鮮披薩披薩餅皮煙靭薄脆，上面鋪左蝦、帶子等海鮮，用左濃郁嘅明太子醬，香噴噴之餘味道極佳。蝶豆花檸檬冰茶顏色夢幻，飲落去有淡淡嘅花香，檸檬嘅酸爽感，非常清新。

巿廣場這間 意粉狂熱 算是我倆口子 on list 開餐之一，地方較大 容易搵位服務又好，價錢食物質素都好滿意😍😍有新推出～蝶豆花檸檬冰茶口感清爽，🍋微酸帶香，蝶豆花遇上檸檬酸進而產生了驚艷紫色 味覺視覺享受🥰🥰二人意粉狂熱套餐～凱撒沙律（半份）份量唔少,蔬菜爽脆新鮮!～忌廉蘑菇湯粒粒蘑菇,非常有口感蘑菇味濃郁忌廉濃稠適中🥰🥰～香煎鮭魚配味噌忌廉鮮製意粉🍝鮭魚火候拿捏得剛剛好😍保持魚肉嫩滑 外表焦香，魚油好豐富呢當然意粉保持質素，軟硬適中，有蛋香～蒜香白酒汁海蜆意粉🍝蒜香好濃郁 酒味很淡，保留灑酒嘅清香，蜆肉份量亦有鮮味～朱古力荷蘭鬆餅配朱古力雪糕 非常推介👍👍有質素上枱熱辣辣配上冰凍朱古力雪糕非常match ～凍水果茶 健康之選，唔會太甜適合夏天份量好足，價錢大眾化鍾意食意粉pizza吾好錯過😝

今天去了一意大利餐廳食晚餐，價錢較一般意大利餐廳相對便宜，好適合一家大細來聚餐，餐廳格局座位比較闊落，環境氣氛好好，好舒適。煎魚配味噌忌廉鮮製意粉$108是今期餐廳推介「鮭魚鮮製意粉系列」每條意大利粉都掛汁好Creamy，鮭魚好重魚油味好甘香，外皮煎得脆口，大大啖肉好滿足。雙重辣味煙肉蒜香魔鬼意粉$58用日本小麥粉製作出來意粉，口感彈牙，香辣蒜香材料加埋煎香煙肉好好味，汁多少少會更好。美式辣肉腸pizza$68呢度除咗意大利粉出名，Pizza都大塊又足料，上面放上大量芝士及辣肉腸，是正宗意大利口味。豪華三色拼盤$98有意式炸魷魚圈配他他汁，帕爾馬火腿和蒜味雞翼，各有千秋。脆炸薯角$28薯角咬落去有薯蓉既感覺，口感軟綿綿外脆內軟。咖啡焦糖沙冰$53沙冰上面個層cream好香好滑，又帶著濃郁的焦糖味，三 重享受！

意粉狂熱屯門分店位於時代廣場北翼二樓電梯旁邊意粉狂熱屬於和民集團擁有三間分店主打日式意大利菜忌廉蘑菇湯餐湯可以選擇忌廉蘑菇湯或者法式芝士洋蔥湯香草雞肉凱撒沙律二人套餐跟配半份香草雞肉凱撒沙律新鮮清爽同時輕盈健康蒜味芝士雞翼四隻雞翼雞皮金黃酥脆同時肉質嫩滑柔潤配搭蒜味芥末醬以及芝士碎超級惹味明太子忌廉芝士海老披薩海老肉質爽脆彈嫩同時忌廉芝士口感綿軟柔滑配搭明太子醬層次豐富海老意粉配檸檬忌廉汁海老意粉配搭檸檬忌廉汁酸爽醒胃可以消膩減滯芝士牛肝菌濃汁鮮製意粉牛肝菌馥郁清雅配搭芝士濃汁鹹香邪惡個人誠意推薦香煎鮭魚配味噌忌廉鮮製意粉夏季期間限定推出鮭魚鮮製意粉系列；創新選用白味噌混合忌廉完美融合西日食材鮭魚親子和風忌廉鮮製意粉同樣屬於夏季期間限定鮭魚鮮製意粉系列；鮭魚肉質柔嫩脂肪豐腴配搭三文魚籽剔透飽滿可以突出魚油甘香是日甜品二人份朱古力蛋糕甜度適中完滿結尾蝶豆花檸檬冰茶蝶豆花混合檸檬茶調製粉紫色漸變層適合打卡三得利高級啤酒餐飲額外加十二蚊可以升級南非紅白酒或者三得利高級啤酒Sangria西班牙水果酒基調可以選擇紅酒白酒或者無酒精成份滿足唔同需求

屯門時代廣場近年有多間餐廳進駐, 美食嘅選擇更加吸引。這間主打意粉和薄餅嘅餐廳, 清雅西式裝修, 環境舒適又自在。意粉和薄餅狂熱套餐幾啱食, 多款配搭任君選擇。餐湯好有水準, 忌廉磨菇湯和法式洋葱湯勁足料, 香滑美味。香草雞肉凱撒沙律蔬菜鮮甜, 雞肉不會鞋口。香辣蕃茄濃汁煮青口份量都幾多, 青口厚肉, 肉質幾清甜, 茄汁辣辣地幾惹味。香煎鮭魚配味噌忌廉鮮製意粉相當美味, 意粉夠滑溜, 腍度適中, 鮭魚肉質實而甘香, 口感清新。明太子忌廉芝士海老披薩熱辣辣很香口, 蝦肉夠厚滑, 明太子和芝士配搭和諧, 唔會有膩滯感, 趁熱吃就更美味。還有甜品和餐飲, 整個套餐相當豐富。

兩小嫌我日日煮飯無新意，今晚決定出街搵食罷煮，去咗屯市時代廣場呢間意粉狂熱試下意粉＆披薩狂熱套餐包括有：香草雞肉凱撒沙律(半份)沙律菜爽脆，雞肉軟嫩配搭埋香脆麵包粒，味道不錯忌廉蘑菇湯蘑菇湯香滑濃厚，仲有粒粒蘑菇碎增加口感蒜味芝士雞翼(4隻)雞翼炸得金黃酥脆，灑上芝士碎及配搭蒜味芥末醬，非常滋味海老意粉配檸檬忌廉汁蝦肉爽彈配搭檸檬忌廉汁味道清新唔膩明太子忌廉芝士海老披薩10‘’披薩餅底皮薄邊脆，蝦肉鮮甜配搭明太子忌廉芝士醬，味道豐富是日甜品朱古力蛋糕鬆軟綿密，口感濕潤，一點都不覺甜膩可樂/三得利高級啤酒350ml餐飲揀咗可樂及可以加錢升級南非紅白酒或三得利高級啤酒另外再點多以下食物及飲品：芝士牛肝菌濃汁鮮製意粉牛肝菌味道濃厚清香，配搭芝士濃汁，鹹鮮惹味Sangria 亞女喜愛飲的一款西班牙水果酒，味道酸爽香煎鮭魚配味噌忌廉鮮製意粉呢款喺餐廳的期間限定，採用白味噌混和忌廉做成醬汁，配埋煎香的三文魚扒，很有和風味道鮭魚親子和風忌廉鮮製意粉另一款的期間限定，同樣以三文魚作食材，配搭蟹子及忌廉汁，做出和風口味蝶豆花檸檬冰茶蝶豆花混合檸檬的酸性調和出迷人的淡紫色，令到普通的一杯檸檬茶賣相一流