意粉屋 (翡翠明珠廣場)

天气凉凉地叹返个煲仔面 天气凉凉地，总系想食煲仔类嘅菜式 ~ 谂起煲仔沙嗲牛肉面 ，早几年前曾经去慈云山「荣记茶餐室」食过一次 ~ 到上年就知意粉屋有出「煲仔沙嗲蛋牛面」，趁dayoff去试一试！煲仔沙嗲蛋牛面用砂煲原个上，令面条保持热度兼且好有feel ~ 面质适中，汤底有花生粒、唔算好杰身。我食嘅呢一碗有5大片牛肉，仲有埋㶶边太阳蛋， OK吖！可惜2片蒜蓉包比较㶶同太过脆，唔太系我嘅口味。我𠮶日食呢一个餐做午餐，仲贪心加咗 $18 酥皮蘑菇忌廉汤，好饱 ~…查看更多

最近我去咗铜锣湾 The Spaghetti House 品尝咗佢哋几款全新主打菜式，创新世界料理融入传统意式风味，令人一试难忘！📍地址：铜锣湾百德新街22-36号翡翠明珠广场1楼Festiva 3号舖🥩 俄式牛肩肉卷卷意粉美国牛肩肉炆得非常入味，肉质软腍，配上人气意大利卷卷意粉（fusilli lunghi bucati），每条意粉都吸晒俄式酱汁，酸甜中带少少香料味，食落层次分明。🍕 意式双层安格斯芝士汉堡薄饼配脆薯条呢款薄饼好有惊喜感，由2块薄饼夹住纽西兰草饲安格斯牛肉，重点牛肉肉味浓郁，双层芝士香浓拉丝，薄饼底脆口唔油腻，多种层次非常饱肚又满足！薯条炸得金黄香脆，外脆内软，系完美嘅配搭。🥘 西班牙海鲜饭用料非常讲究，加入矜贵番红花粉、烟熏红椒粉同多款海鲜，香气扑鼻。低GI米煮得啱啱好，烟韧得嚟唔会太硬，食落健康又唔失口感，系一款值得推介嘅主菜。🍵 日本抹茶芒果鲜奶宇治抹茶味道浓厚，唔会太苦，配上香港人至爱嘅香甜芒果蓉，口感滑顺，甜度适中，饮落清新又解腻，系一杯好有层次嘅饮品。🍮 法式焦糖炖蛋（Crème brûlée）用天然零卡罗汉果糖制作，甜而不腻，焦糖层薄脆，炖蛋滑如丝，入口即化，系一个完美嘅甜品收尾。整体嚟讲，The Spaghetti House 创意料理，再加上不断创新，味道真系有惊喜。而且铜锣湾分店环境舒适，空旷够大，舒适度满分！…查看更多

一直有去意粉屋食下午茶，食物质素不错，虽然价钱不便宜，加上要服务费。但最近发现他们有一个做法本人觉得不太好，就是每逢维园有活动如工展会，花展等，铜锣湾店就会加价直至活动完毕。曾向店舖经理反影，经理就是笑笑，无言以对!…查看更多

🐽 热熔芝士德式香肠拼盘用铁板热住上，芝士浆倒落去𠮶阵真系睇见都流口水。香肠煎得外皮脆卜卜，咬落肉汁爆出嚟🐽 韩式炸鸡粒芝士通心粉窝夫玩crossover几过瘾，炸鸡粒肉质juicy有蒜香蜜糖味。下底窝夫咸咸地带蛋香，同拉丝通心粉一啖咬落去，甜咸交错几得意🐽 封门牛柳pizza饼底薄脆似饼干，面头铺满半溶马苏里拉。牛柳粒切得大粒又软淋，车厘茄烤到爆汁几清新🐽 荷兰松蛋饼芝士忌廉肉酱意粉蛋饼煎到微微焦香，肉酱明显有慢煮肉碎同忌廉煮法几新鲜，忌廉汁挂满意粉又唔会水汪汪…查看更多

一直都有同朋友间唔中去食意粉屋食饭，而咁多间入面，我最钟意嘅就系铜锣湾 翡翠明珠广场嘅呢一间。 所以今次就一个人去叹下ME TIME啦去到呢个广场，一搭扶手电梯系戏院格离直行一条路就到啦。虽然系铜锣湾，但食咁多次晚市，基本上都唔洗等位就可以入去。而且餐厅入面啲灯光暗暗地，情调非常舒服 ；好有平时高级西餐厅既感觉。所以，咁多间意粉屋入面，我就最钟意呢间啦。作为好钟意食腻野嘅人，我今次就叫咗个「芝士卡邦拿意粉」然后转咗阔条面试试。上碟嘅时候，侍应会比两款大芝士你拣，然后再系你面前刨啲芝士碎上面，非常治愈。而卡邦尼配上超弹牙嘅手工阔条面系非常有口感！作为忌廉丶芝士控既我，表示超超超钟意食。叫够一百蚊仲可以加$8.8就可以叫一份「焗忌廉菠菜田螺薯蓉」，田螺都好多只架又好食 叫大餐牌野食仲可以再$38加配「森林蘑菇忌廉汤」同冻热餐饮添~蘑菇汤劲Creamy，我杯冻柠檬茶亦都好大杯，好多柠檬呀～…查看更多