意粉屋

之后都无黎过，但有免费得来的现金券又唔想浪费，就决定试试。谂住食下午茶唔洗等太耐，但假期系沙田真系超爆多人，等左差唔多一个钟先入到去，几惊过左下午茶时间无得食，好彩最后都入到！叫了意大利饭同下午茶拼盘。1) 意大利饭：好正，好好味，但份量都唔系太够，如果多小小就更好！（相调左光，影出黎都几靓haha）2) 下午茶拼盘：野食都几特色，味道都ok。总括黎讲，无谂过食物质素咁正，但环境就一般，都比较嘈，其他等食既人可以好易望到入去餐厅，感觉一般。…Read More

和家人晚餐，点了一个牛油果大虾沙律、法式田螺焗薯容、大虾蘑菇炒意粉、西班牙海鲜饭及酱烧猪肋骨。最喜欢牛油果大虾沙律，味道酸酸甜甜，非常醒胃。法式田螺焗薯容亦很香，田螺下的菠菜亦好入味，整碟都好满意。西班牙海鲜饭，海鲜份量十足，但味道像白烚急冻海鲜，冇乜味道，亦没有海鲜鲜甜味，饭味道尚可，但平平无奇，食过更好食嘅西班牙海鲜饭，这个实在普通。酱烧猪肋骨卖相不错，肉质尚算松软，只嫌酱汁太酸太浓，完全盖过猪肋骨的肉香。大虾炒意粉，一上枱侍应即磨芝士碎，感觉非常良好，但可惜味道很一般，底部太多油，多到油浸意粉，吃后也很口渴。…Read More

好耐无去过意粉屋啦!旺角中心意粉屋执咗，又无一间，信和意粉屋执咗，又少一间，新城巿广场就成为我最常去嘅意粉屋.需然门口有几个客等嗌咪，但我都只系等咗2~3 分钟，感恩.一去到啰筹，已经讲明当日取消 tea time 优惠，一早讲清楚几好吖! 好过入到去先讲，欣赏!餐单如下：带子芦笋汤加酥皮, 芝士龙虾带子天使面, 珍宝杂锦 pizza.优点 :1,带子芦笋汤颜色唔系好青绿, 估计系忌廉汤, 带子鲜甜肉嫩弹牙. 正!2,芝士龙虾带子天使面配嘅系龙虾汁, 龙虾汁超香浓, 天使面份量足够, 满意.3,珍宝杂锦 pizza 配料用有意大利辣肉, 烟肉, 辣肉肠, 莎乐美肠, 蘑菇, 洋葱, 青椒及菠萝, 虽然又辣肉又辣肉肠, 但入口一D辣味都无, 饼底边皮脆口. 配料份量唔少, 掂!4,每次去意粉屋食物都保持水准, 即使大时大节去帮衬仍然水准不变, 哩点值得表扬! 啪啪啪….5,环境格调充满欧陆风情, 坐得舒服.6,服务员态度唔错, 有笑容.缺点 :1,居然无电话订枱服务.2,人客太多经常要等位.3,个芦笋汤因为要焗熟个酥皮, 所以一定劲热, 结果就系边饮边出汗! 冷气唔够呀!4,距离厕所劲远!…Read More

公众假期黎食下午茶，好多餐厅都冇下午茶，新城市广场黎讲，揾左几间得意粉屋有，所以黎左食。因为有喺商场app 预先拎飞，预好时间拎飞，黎到已经可以入去坐。我地三个大人叫左三个tea set, 每个约$75-85。本身以为贵，但黎到份量好似lunch 咁大，我地食唔晒。我地tea set 叫左一个拼盘、一个pizza 同一个意粉。味道OK，不过其实俾左好多沙拉菜做伴菜，但冇沙律酱，好干...连上面有Parma ham 果个沙拉都只系得几滴沙律酱，结果因为太苦，浪费左冇食度。服务一般，冇咩特别。久唔久都会黎食嘅～…Read More

自从某年食过一次之后便爱上，而且都已成习惯每年衬生日月用生日优惠，乘机订个Cheese Cake 氹下自己开心，又可以在屋企慢慢享受。鲜制芝士饼(柠檬味)生日蛋糕(2磅) 原价$288 (堂食好似要 $32 /件)今年我订咗鲜制芝士饼(柠檬味)，味道好清新，食到好香既柠檬味，而芝士份量、味道啱啱好，唔太甜，又唔会好腻，个饼底亦好好食，又够入味同脆口，食过一年，每年都真系会成机好想再食。芝士饼面有士多啤梨做装饰，简约而精美，份量十足，已成为my favorite cake！…Read More