意粉屋 (太古城中心)

好耐冇食意粉屋，最近见到佢有个优惠：叫满600就有生日优惠会送一个狗狗云甜品！觉得狗狗云好靓就去咗！野食系OK的，星期日都有lunch set! 平均150左右一个，叫4个基本就够600，仲可以泊5个钟车！(几靓，有劲hit既卷卷意粉)不过今餐始终令人不悦。。。餐厅系一个讲service 既地方。𠮶日厨房同楼面好大声闹交，而两个经理，一男一女在场管理，竟然冇制止员工之间既误会，由佢地当住客人面前闹交，实在令人o嘴。本身以为闹完交冇事，但之后餐厅气氛明显急转直下，侍应都冇心机serve 客人了。我地希望执枱影生日相，侍应超级唔耐烦，问我地想点。。。我地好战战兢兢问：「可唔可以清一清张枱呀，个甜品上咗想影相」侍应话ok，执到一半唔小心打泻左啲餐具，都明既。。。可能心情唔好，但最后，佢执到一半冇执到走咗。虽然张枱好污糟，我地唯有自己抹好，照影相🙈 咁想问，凭咩收加一服务费？食到好谷气！餐厅闹交，客人一同受气，希望餐厅内部可改善一下员工关系，做到三赢局面。(冇人清理的枱面，最后走左)(如图可见甜品黎咗，枱上面依然很乱)…查看更多

下午茶时间，新推出的下午茶menu有沙嗲牛面，出于好奇决定试一试。<<煲仔沙嗲牛肉太阳蛋面 配蒜蓉脆包>> 连饮品 $48 加1用煲仔上既沙嗲牛面 配两块蒜蓉包 几有趣既配搭。蒜蓉包够脆 但蒜香味稍显不足，可以用来沾沙嗲汤 两种食法。沙嗲牛面上桌时热气腾腾 而且全程煲仔都好保温。但个问题正正系个煲仔太保温，因为个面质本身偏软 如果唔钟意面质太软既人应该尽快食用，但由于面太滚热辣 反而食唔得快。牛肉有啲韧 有啲咬口 但可接受，唔似茶餐厅腌到腍晒个种口感。最后配埋一杯奶啡，$48 加1叹一个有西式感觉既沙嗲牛面下午茶尚算合理。…查看更多

今天10月1号到意粉屋食下午茶，发觉加了价。埋单时问店员，店员说他们昨天开始转了餐牌。由于我都好经常去食下午茶，今天的餐牌和我上星期去的餐牌，菜式是一样的，但价钱不同，贵了。之前我在工展会和维园花展期间在铜锣湾店食下午茶，价钱也比平时贵，问了店员他说工展会期间加价，工展会完了价钱会减返。经过我多次在不同时间不同分店食下午茶的经验，他们应该有两个菜式一样，但价钱不同的餐牌。在特别日子和有特别活动人流多时就用价钱贵的餐牌，平日就用价钱较平宜的餐牌。在国庆很多餐厅都提供优惠时，他们不减反加，真系要赚到尽。当然他们有自己做生意的策略，但我不支持这种方式。以后会少去意粉屋了!…查看更多

芝士奶盖系列第2杯有半价咁吸引，紧系即叫啦唔洗特别叫多奶盖，嚟度个奶盖都超厚仲要芝味浓又厚滑识饮一定喺杯边饮唔用饮筒另外个韩式炸鸡 pizza都唔错饼边有杏仁片，脆卜卜饼底有泡菜，少少辣好开胃个炸鸡够嫩滑，仲有肉汁，出色…查看更多

来到太古城，咁啱想食意粉，就决定食好耐都冇食嘅意粉屋。晚饭时间，入面都坐咗十几枱，比我哋谂嘅热闹。我地叫左半份烧猪仔骨同墨汁鱿鱼带子意大利粉。烧猪仔骨🍖一上枱就闻到香味，猪仔骨烧得好靓，外层微焦，入面肉质嫩滑，啖啖都系肉汁。酱汁系偏甜带少少烟熏味，啱晒用手拎住慢慢食。 墨汁鱿鱼带子意粉🦑呢个意粉墨汁味浓但唔腥，意粉煮得啱啱好。鱿鱼切得啱size，唔会太韧，带子煎得香口，外脆内嫩。成碟黑黑地但唔会太heavy，不过食完嘴唇会黑晒…查看更多