意樂餐廳 (啟朗苑)

叫咗一个龙虾汁意大利饭，里便嘅蚬肉之类全部都有沙，每一啖都食到，点样食落去，成$70一碗有啲过分⋯⋯浪费晒，而且杯饮品淡而无味成杯水咁，已经不是第一次，上一次还好，但今次真系有啲过分了⋯⋯…查看更多

心血来潮，想黎望住个景食嘢，喺我享受紧望住个景食嘢𠮶阵，个阿姐无端端落窗帘完全遮住晒个景，我要求开返个窗帘，阿姐唔肯，而现场所见就冇客人话要落帘嘅，隔篱枱嘅叔叔都系咁样讲叫阿姐开返。跟住阿姐话会晒亲客人背脊，所以唔开帘wor。1. 如果客人觉得晒，应该掉位坐个唔晒嘅位，而唔系要全餐厅嘅客人为咗就佢而冇得睇住个景食嘢。2. 我要求开帘，你可以选择开我𠮶个位嘅帘，唔系全部落哂帘。以上咁合理嘅嘢咁样都做唔到，加上现场唔见有客人要求关帘，好明显就系啲阿姐唔想接触到阳光所以唔肯开帘，而𠮶一刻根本一啲都唔晒。希望管理层睇到，职员帮你赶走紧啲为左睇景嚟食嘢嘅客人走。…查看更多

晏昼2,3点简单食啲嘢，去附近茶餐厅快闪~叫左个tea set - 风味鸡排包，可以拣配薯条定沙律，跟餐饮😗今次拣左薯条。鸡排十分大块🫢包夹住鸡排，少少生菜同千岛酱。面包有搽牛油，估唔到连锁茶餐厅都几有心机。薯条都好食，脆卜卜，唔系快餐店淋啤啤😂外脆内软，食到少少薯蓉👍🏼虽然下午茶时间好full好多人，姐姐服务都好好。…查看更多

今日lunch叫左个猪扒蛋盖饭😍猪扒肉质几好，味道又唔错😌性价比很好👍🏻大大件猪扒，唔算重味精蛋仲几滑Tim 真的lunch 恩物饭嘅份量好多🤣仲食唔晒Tim 间中同同事嚟食lunch 就好…查看更多

星期五晚放工后，同朋友一齐去咗新蒲岗工业区攞啲嘢，之后一齐直落食晚餐😄 朋友提议不如去启德𠮶边食晚餐，于是我哋两个慢慢由新蒲岗行过去启德😆去到启德𠮶边之后，我哋决定去意乐锯扒😆 虽然其实我近排系想食清啲嘅，但朋友话佢屋企人话意乐嘅杂扒餐其实都唔错，所以我哋都受唔住诱惑想试吓😅🤣我哋都系拣咗和味啖啖肉套餐，我拣咗牛肝菌汁，而佢就拣咗黑椒汁😄套餐有餐汤同包杯嘢饮😄我觉得成个餐里面，鸡扒系最好味😄😋其次系脆皮芝士肠同滋味薯条☺️ 纽西兰极级西冷牛扒，我反而觉得其实唔系好有牛味，我觉得淡咗啲😅 如果点咗我朋友嘅黑椒汁会好啲，但系其实整体牛扒嘅味道都系比较淡😅 虽然牛扒嘅份量都唔少，但相对鸡扒嚟讲，鸡扒嘅水准比较高😄👍餐饮我加咗钱转饮热泡沫奶红茶，感觉都唔错😄 另外，我觉得店员们嘅服务态度都好好，好勤快😄 我哋亦坐得好舒服😄下次我哋再去启德嘅时候会再帮衬☺️…查看更多