悅素

营业中

休息中

日前，一大班人在Joys Cafe聚會，廚師精心製作一些食物，十分美味。有沙律、小吃、主食等等，全是純素食品，茹素者可以安心享用 。另外，還有一個用莓+國寶茶調配得很好飲，莓的酸甜味在夏天飲，非常適合。侍應亦很有禮貌，以現時服務業的情況，這間的員工的服務是水平以上。

今日忙忙碌碌，直至下午四點幾才有時間，吃一點，選擇了附近的一間素食餐廳～Joys Cafe。它重開後，廚師都轉了，曾經試過佢地嘅「無飯煮意」的，不錯！平日有下午茶餐供應，揀了一個貴一點的公司三文治$78另外加$4一杯燕麥奶咖啡。麵包烘過如果跟指定兩款飲品，不用加錢，我想飲杯咖啡，故加幾蚊啦三文治外觀已經很吸引，味道亦不錯！製作食品很用心，能夠讓我好好享受一下寧靜。此店無加一服務費，埋單$82，本人認為是值得。店員有禮貌，客人有疑問，能夠給予中肯的意見，抵讚現時經營食肆不容易，加油！

Joys cafe重開，簡直叫人期待。純素餐廳經營不易，要大大力支持佢！餐廳環境如玩具店，周圍都係玩具，打卡一流。講返食物，二人總共叫左兩個餐。分別係burger餐、滷水餐。飲品叫左蘋果味水克非爾，外面少見，所以想試。飲落好香甜的蘋果味，少少酸，但必須是冷飲。不喝凍飲的朋友要注意。Burger選了天貝burger加牛油果、薯條。天貝係炸過，但不油膩，亦沒有豆腥味，應該是有醃過。加埋軟綿綿的茄子，口感都配搭得宜。滷水餐叫了菜底。難得可以食多啲菜，所以選了菜底，有椰菜花、西蘭花。愛吃飯也可選飯底、五穀糧底，坊間比較少見。滷水豬腸幾可亂真，亦有木耳、豆腐、花生。下次試主食五穀糧底，因為外面無得食，自己煮亦費時。而檸檬撻可以再酸d, 廚師在上碟時，刨了新鮮檸檬皮，加添了新鮮感。但質地是偏硬的雪芭質地，溫度亦都幾凍。不知道是否要再稍為回溫才較合食用。而因純素甜品不用奶類，吃下去有椰奶同腰果奶的味道。不愛椰子味的朋友要留意。整體用餐經驗都好好，店員服務態度熱誠。上菜速度正常。可以再回頭！

上星期約咗係呢間餐廳做part time既朋友仔去食個early dinner。位置算易搵既，餐廳內既佈置令我兩眼放光🤩，原因有好多figures，有大有少佈滿每一個角落。好！講返啲食物啦！原來冇食開素真係唔知𥚃面大有學問。我可能用左原先既食材做對比。所以當果碟「水克芝士沙律」放喺我面前時，我都未覺得有乜分別，但當食入口時果口感就知道有分別了！因為係素，所以芝士係唔可以用牛奶，咁樣就令到個口感有差距。不過，都係好好食🤤生機檸檬批值得推介冇嘢可以挑剔反而個Tiramisu呢… 又係因為冇落牛奶而令到個蛋糕質地有啲乾，又加上有大量可可粉，真係好易食到卡住係喉嚨… 所以，食呢個時要小心注意！大致上所有食物都好用心去做，值得大家一試