急便丼

营业中

休息中

今晚行過天悅廣場，見到有一間日式便當，於是膽粗粗叫左一個炸雞扒便當，返到屋企打開，同佢舖頭post的相一樣，有沙律菜味道正常，粟米正常，鳴門卷正常，泡菜好味😋，滷蛋入味蛋黃香口，個湯冇意見，到主角雞扒，食雞好怕鞋口，雞扒D肉白雪雪，唔鞋口，個雞扒炸漿食落重脆口加分，下次可以再試其他款式

今次介紹間新開位於長沙灣嘅日式外賣店，除咗便當、拉麵同烏冬之外，仲有玉子燒、大阪燒、日式熱狗同小丸子等，有各款日式食物，而且價錢亦非常實惠~🍱 吉列豬扒便當 $52豬扒份量都唔少，份量都裝滿成個外賣盒，豬扒外皮都炸得金黃香脆，食落肉質都結實，雖然口感偏硬咗少少，但整體味道都唔錯，配上沙律、泡菜同咖喱汁食，性價比都幾高。😋 明太子玉子燒 $20玉子燒面有滿滿嘅明太子醬，玉子燒好香蛋香，外皮燒得幾香口，再配上明太子醬食，明太子醬鹹鹹地又有啲顆粒感，口感幾豐富。🍗 炸雞 $28雞肉炸得幾香，食落肉質都嫩口，個人認為如果再炸得脆啲會更加好食，但本身雞肉都幾夠味，食落幾香口、幾過癮。🥔 南瓜薯餅 跟餐+$8南瓜薯餅外皮炸得幾香脆， 而且內餡充滿南瓜薯蓉，滿滿嘅南瓜味，唔會好粉，亦唔會太creamy，味道甜甜地幾好味。🐙 原味小丸子 $38小丸子有六粒，外皮都幾香口，內餡食落唔會覺得有好多麵粉漿，味道都唔錯，值得一試，仲有明太子、飛魚子同其他口味可選擇。

🎀長沙灣平價外賣自取小店 款式多種🙆學生上班族必選😝🎀🕯️店名* #急便丼🕯️🔮地址*長沙灣元州街162-188號天悅廣場地下A4號舖 🔮🗾分店地區🗾 沒有分店💰價錢$294 (4人)➖➖➖➖➖➖➖➖➖➖➖➖➖🎵餐廳環境🎵由地鐵站出黎大約行7-10分鐘路程然後過馬路就見到有間舖頭 日式裝潢 好吸睛👀見到有日本poster同裝飾品🎎🇯🇵另外牆身貼滿餐牌 一覽無遺💁🍽️食物質素🍽️舖頭雖小 但五臟俱全 超多唔同種類既野食任君選擇🙆而且價格優惠 分量亦多🤗主食方面 有便當/丼//拉麵/烏冬🍱🍜🍛選擇輕食方面 有大阪燒/日式熱狗/沙律🥗🌭小食方面 有玉子燒/小丸子/不同炸物🍤🍢烏冬🍜：👀評分💖💖💖💖🪄鯖魚烏冬$42 加醬油蛋$8烏冬質地彈牙 唔會過軟或過硬同湯底好襯 湯淡淡鹹味 唔會食完好口渴鯖魚夠大條 而且煎到外皮脆身 同系貴價餐廳食既味道有得揮🤗如果可以加多個檸檬癖腥味就更好便當🍱：👀評分💖💖💖💖💖🪄蒜香一口牛便當$66🪄味香牛肉燒便當$48🪄日式炸雞扒便當$48一口氣叫左三款唔同既便當😋😋每個便當都大大粉 十分豐富😍呢個價錢真係性價比極高😎三款便當既肉都唔會煮得過老 而炸雞扒亦都可以維持脆身！便

朋友提起附近開左間日式外賣店，好多日式口味小食/便當，幫襯過幾次唔錯，不如就試下😌門面位都幾光猛，貼左唔少食物相、日式海報佈置，睇落去精神原本以為日式外賣店剩系賣魚生飯、壽司、刺身，反而呢間日式店以熟食為主，都幾多日本🇯🇵經典口味搵到，例如：小丸子、大阪燒、玉子燒、日式拉麵、日式便當🍱/丼飯等等蒲燒鰻魚便當🍱跟麵豉湯除主角鰻魚外，仲有沙律、栗米、泡菜、鳴門卷、炸雞粒，配料真系幾豐富，出面食鰻魚都成$8x-1xx，以$78食到4塊算厚身既鰻仲咁多配菜，成個飯真系抵食，留意鰻魚上面仲有落到山椒粉，食開日餐就會知鰻魚+山椒粉簡直絕配，真系好開心冇諗到細細間既日式外賣店可以咁細心生薑豚肉燒丼 跟麵豉湯另外叫既生薑豚肉燒丼，原來丼飯系冇配料，價錢$38，飯唔少餸又ok滿，青椒絲、豚肉片，微甜口又有薑味既汁，滲左落飯到真系好好送口，豚肉十分入味，豚肉咬落質感唔會好肥，食落冇咁罪惡感😂🫢人跟便當、丼送既碗麵豉湯，因我同朋友冇特別喜好，系可接受到既味道，唔會淡到水亦唔會咸到飛起，中規中矩飲得過原味玉子燒呢樣真系滿分💯好味又邪惡，面頭上邊唔知系米芝士醬定咩醬，帶少少咸味+火炙既味配搭甜香嫩玉子！玉子燒舊

住左係長沙灣都差唔多十幾年。天悅廣場樓下啲食鋪都唔知轉手過幾多次好小有鋪做得長我平時真係唔會寫野，不過真心想呢間鋪仔可以做到落去，啲野食ok 又唔貴既鋪都唔多。希望呢篇小小文章可以幫到佢地呢班後生仔打打氣喇！

我係附近住左超過30年，亦都好支持附近要開多d 小店，所以見呢間新開張，支持下，點知完全失望：1) 我order 左生薑豚肉燒便當, 加左$9 轉烏冬， total $57; 但係我收到只係得4塊極細又肥的豬肉 (見圖）2) Menu寫明附送兩塊炸雞，最後收到得1舊（我total order 左2個餐，2個餐都係得1舊雞）如果真係要cost saving, 就改一改menu 唔好誤導食客 3) 我明附送的味噌湯唔好有太大的期望，但係個量小已經唔講，仲要好鹹4) 加左$9 的烏冬，個量還可以，但係個麵煮得煮得太"林"全部都有圖有真相，我返到屋企見到個外賣嬲到要即刻獻上我嘅第一次打食評。公道啲講個味道還可以，但係個4塊肥豬肉，真係so amazing. P.S 對面元朗冰室$60已經可以食到一個焗豬扒飯，呢間性價比極低To shop owner: 如果你見到呢個食評，希望你可以改善下，特別深水埗競爭激烈，呢d 質素真係無下次