虽然出品略有飘忽，平心而论咖啡尚算好饮。但呢家主打「日本旧式咖啡店」氛围嘅离岛大支砲原来会赶正常消费嘅顾客。我系街坊。近来有文稿要写，就拣咗喺佢度坐吓，顺便试试出品。之前去过两次，都系午饭后三点左右，坐到傍晚闩门前。我同伴侣齐齐坐一卡位，开电脑做自己嘢，亦各自点咗杯咖啡。两次都一样夹埋消费咗 $88。而两次间舖都保持有空位，其他枱唔系熟客就系市区游客，各自悠闲。临走前都有同店长嗲两句，起码当时唔会觉得自己原来已经畀人暗暗落咗黑名单。之前印象唔错，亦都想试吓佢手冲咖啡，就决定带埋电脑再去坐一个下昼。当时两点半左右，入面空咗三枱。我同伴侣坐低后，店长之一摆明因为知我哋会坐得耐，专登提一提今日每位顾客都只能限时坐一粒钟。我有啲错愕但都无谂太多，就问系咪因为今日周末呢？店长就话来紧咁多日直至月尾结业都一样。如果唔方便就实在无办法喇。我哋见无得做嘢，咪马上走。后来查返，店家其实无喺任何地方规定过过顾客逗留时限一粒钟，所以颇肯定系畀人针对赶走咗。我前两次去都系周末，都无坐爆嘅情形，唔知店长边度来嘅自信来紧半个月都会货如轮转呢？况且就算几咁人多又热门，咖啡店会为咗做多几转生意，赶走坐得耐些少嘅顾客，都前所未闻。再者，你杯咖啡系精心制作嘅，我都会想逐啖逐啖咁慢慢享受，而唔系急住灌晒落肚。今日佢咁样一赶，除咗侮辱顾客，侮辱店家品格外，亦侮辱咗自己出品嘅咖啡。我知佢月底后就唔做堂食，改专营外卖。但既然店长都系𠮶个店长，睇来我都系无缘享受呢间排队到码头嘅名店喇。…查看更多
