快船廊

早排 Halloween 趁有買一送一去咗試文華新buffet🎃人均只係$593，因為分兩輪只食兩個鐘，不過實測坐咗約莫兩個半鐘都ok嘅，服務都超周到☺️一入門口就有好多靚靚手工麵包，已經食慾大增凍海鮮有龍蝦、藍青口、麵包蟹等等，長腳蟹就係最出色好粗好鮮甜！食返夠本！最近做緊上海菜主題同每人送一隻大閘蟹🦀食物款式唔算多係行精品路線，mvp係海南雞超級滑嫩多肉，幾飽都要配油飯食呀！澳洲羊肉好稔唔會太膻，炒蝦球好大隻爽彈好有鑊氣、仲有上海粗炒、五香豬排上海菜飯、小籠包等等，熱食嘅保溫都做得幾好，不過有部份肉類略嫌過熟，例如鱸魚有靚靚凱撒沙律同芝士手推車、仲有車輪巴馬臣芝士意粉，好有儀式感黎到主攻都係甜品，經典cheesecake 超幼滑又香濃！仲有朱古力松露蛋糕、核桃撻、杏脯意式奶凍…🤤超高水準唔少得馬卡龍同幾款收埋係樽入面嘅homemade朱古力勁正唔好食漏咗💝🍫雪糕都係homemade 肉桂雪糕幾香幾特別🍨…查看更多

✨今次分享和介紹我地在東方文華酒店食自助餐晚餐，今次買二送二平均每位$543蚊，可以用咁優惠既價錢食到五星級水平的自助餐，真是十分值🤭✨這裡有我最中意食既龍蝦，麵包蟹，長腳蟹，新鮮鮑魚，生蠔，本地凍螺，青口，非常新鮮❤️麵包蟹又大隻又多膏，我自己一個人都食左3隻🤣鮑魚又大隻又好淋😱好爽口，一啲都唔硬🤭生蠔有大隻有細隻🤣我本人中意食細細隻食到個感覺又可以留番個肚去食其他嘢😆個人建議50%食海鮮類美食，40%食熱食，5%食甜品，5%食沙律🥳✨️仲有其他不同美食，有即製意粉，即切烤牛肉，有刺身例如三文魚，甜蝦，吞拿魚，鯛魚，北寄貝。有三文魚壽司，甜蝦壽司，玉子燒壽司，腐皮壽司。有巴馬臣芝士輪凱撒沙律，內含煙肉，芝士粉，脆麵包粒。✨️仲有好受大家喜歡既海南雞及豉油雞🤣因為每次一出就搶食雞脾😆仲有泰式麵檔，仲有不同款式既甜品蛋糕等等好多美食不能盡錄😍✨️最後記得每人都包一杯飲品，我地叫左凍泡沫咖啡和凍檸檬茶。個人覺得建議叫咖啡類，我覺得酒店既咖啡都幾好飲，有啲質素，好過叫凍檸檬茶，好似比較普通。📍香港文華東方酒店 Clipper Lounge📍地址：中環干諾道中5號M層🕒用餐時間：第一輪 18:00 - 20:00 / 第二輪 20:30 - 22:30…查看更多

凍海鮮選擇豐富，有龍蝦、鮑魚、蟹腳、扇貝等較吸引的選擇刺身方面三文魚、北寄貝、甜蝦不錯，鯛魚多渣，吞拿魚口感亦都麻麻地熱葷方面有蒸鱸魚、香煎鱸魚、羊冧肉、香煎鴨胸、蒸小籠包、炸豬扒菜飯等，羊冧肉稍稍乾了一點點，其餘的都正常燒牛肉味道很好，口感還不錯，就是過熟了一點點，如果做到3-5成熟就最理想，至於燒豬扒，肉汁都鎖在裡面，很嫩滑芝士拌意粉加入了酥脆煙肉碎、芝士粉、蕃茜，還有超香口的辣粉，極品好吃，女友到了吃甜品時間仍然要求再取一碟其餘酸種麵包、香草麵包、各款芝士、海南雞飯都不錯，而大閘蟹亦有驚喜，蟹膏味道香濃甜品方面，粟子蛋糕普通貨色沒驚喜，芝士蛋糕、松露朱古力蛋糕、慕絲朱古力、布朗尼、焦糖核桃撻、各款馬卡龍都很有水準，至於雪糕則香燈雪芭最特別最好味，女友對各款甜品均讚不絕口雖然用餐時間只有2小時，但個人胃口用不著3，4小時吃一頓飯，以這優惠價格品嘗到文華各款美食已經很滿足…查看更多

趁住網上平台 買一送一自助餐 又好好彩咁比我地搶到，就一家去左試下MO既自助晚餐。個日係星期三晚上8:30 餐廳都幾乎滿座。近排係大閘蟹開季人頭一人一隻大閘蟹🥰當晚刺身選擇不多，三文魚、甜蝦、吞拿魚、油甘魚同北寄貝。凍盤有長腳蟹，麵包蟹，青口，龍蝦。都幾好食。 凍蝦既蝦肉好彈牙。熟食相對比較多。 由小籠包，酸辣湯，牛羊雞，仲有芝士意粉. 當然，成個自助餐重點係MO甜品，尤其係佢最classic 既芝士蛋糕。 我地每人都食左一整舊。好正好濃芝士味。但一d都吾膩。推推推！ …查看更多

先說好的，慶祝朋友的生日，預訂的時候會先問了朋友的名字，在自助餐吃完之前，職員回溫馨的獻上小蛋糕主動幫忙拍攝！這是很好的服務。冷盤海鮮和刺身也很好，喜歡他們的麵包蟹，幾好吃！然而熟悉的就未如理想的，可能因為正在做某些的活動，所以食物的質素有點下降了，牛扒牛肉有太乾了，那個酸辣湯就真的不敢恭維了，整體來說還算可以吧？因為我是吃正價的，感覺有點蝕！如果有活動，平價一點點的，覺得還可以的。聽說活動是有兩個時段的，是段到就要走人了，正價的就不用趕時間了。…查看更多

我對高級自助餐，一向有要求，自助餐食物種類貴精不貴多，因為無論有多少種類，我都只會挑自己喜歡的來吃。打個比喻，如果有些人會嫌食物種類不夠多，你要吃炒飯，點心，烚菜，船麵，真的不要期望能在高級酒店吃到。好了，入正題先說我對海鮮的評價，急凍海鮮，龍蝦蟹腳鮑魚螺青口，的確比我想像中好吃，是有鮮味的，肉不是那種雪硬了的。但生蠔感覺下等，雖然很鮮味，但瘦小又不creamy。魚生我都不能接受，有辱文華東方酒店明聲，簡直像是下價放題貨色。芝士，我好喜歡吃芝士，我給它100分。燒牛肉，羊膝，不錯啦！我沒有試全部的熱盤，但目測感覺不過不失啦。對我而言，甜品就是自助餐的靈魂，真心覺得詫異，這裏供給的蛋糕質素很下等，完全不像是大酒店供應的甜品，馬卡龍不是外脆內軟，感覺只是普通的甜蛋白餅。所謂的栗子蛋糕，不知所謂，我只嘗到小小的蛋糕頂部有像手指尾第一節那麼大的栗子蓉，其餘不知自己在吃什麼。朱古力蛋糕，感覺像屋邨麵包舖賣的切餅。唯一最好吃，像樣的是最出名的文華芝士蛋糕。雪糕，不值一提。合桃撻，撻皮又硬又乾，我知道我做得一定比他好。水果，嚇死人嗎？高級酒店用糖水浸蜜瓜？士多啤梨很酸，水果質素一定比去旅行時他國酒店供應的早餐自助餐差。總括而言，如果你是用想試一試文華東方酒店這類級數的酒店食物，我會叫你不要來，去其他同等升級的，應該會比較滿意。但如果你只是付出了$600一位的價錢，我覺得可以一試^_^。…查看更多

在 Mandarin Oriental 享受 Sunday Brunch，並不完全是為了食物本身，而是沉醉於那份無可比擬的氛圍。坐在舒適的卡位，身心被柔和燈光與細膩服務包圍，那種優雅，是一般酒店無法比擬的。燒牛肉與甜品一向是 Clippers Lounge 的招牌，尤其是 cheesecake——如果你熟悉 Mandarin Cake Shop，就知道一件 cheesecake 要 $72，食多幾件已經回本。朱古力水準亦相當出色。雪糕 counter 則稍為失色，大部分時間都無職員駐守，客人需自行取雪糕，以五星級酒店而言，服務略為遜色。海南雞值得一試，肉質嫩滑且富雞味。Bread & pastry counter 令人印象深刻，我覺得是酒店自助餐之中選擇最多的，喜歡麵包或酥點的朋友應該會非常滿足。…查看更多

早前嚟到文華東方快船廊享用下午茶，整體體驗相當滿意。三文治係驚喜之一，麵包鬆軟、餡料新鮮，尤其喜歡三文魚嗰款配搭，清爽得嚟唔會太膩。鬆餅夠暖，外脆內軟，配埋果醬同clotted cream，簡直係完美組合。 鹹點方面，三文治雖然精緻，但如果可以再多一兩款選擇（例如加入迷你鹹撻或酥盒）會更加豐富。甜點就保持到酒店一貫水準，1963文華cheese cake 同朱古力蛋糕都做得細膩，甜度控制得恰到好處。 服務方面，員工細心有禮，令人感覺貼心。環境舒適優雅，係同朋友傾偈享受下午時光嘅好地方。雖然價錢屬中上水平，但以食物質素同服務嚟講，絕對值得一試！…查看更多

位於中環的東方文華酒店快船廊，自助餐的環境很好。餐廳內的裝潢典雅，座位間距寬敞，讓人感到舒適自在。服務員的態度友善且專業，無論是收碟還是斟水的速度都相當迅速，我體驗到了良好的用餐服務。在食物方面，生蠔的鮮甜程度讓人驚喜，口感極佳，回味無窮。然而，蟹腳的鹹味稍顯過重，影響了整體的味道平衡。其他海鮮及刺身的表現還算正常，讓人滿意。至於熟食部分，選擇豐富且味道不錯，特別是炒飯炒米粉，同行朋友吃了幾碗。甜品方面，雖然芝士蛋糕的口感極佳，但其他甜品則相對一般，未能讓人留下深刻印象。總的來說，這次的自助餐經歷讓人愉悅，無論是環境還是服務都值得一讚，或許會再次光臨。…查看更多

入到去望到張枱咁細已經知咩料 食物質素極低 全部海鮮，就咁放喺枱面 生蠔勁多殼 細隻 同埋爛魚生就咁放喺度 嘢飲得一杯 連基本橙汁都冇 得茶或者咖啡食物種類少完全物非所值 終於知點解佢做promote…查看更多

啲蠔又唔新鮮 款式又少 白酒煮青口乾噌噌反而係海南雞 即切牛扒幾好食甜品正正常常最大問題係如果四個人坐兩邊嘅話 當坐喺入面嘅人要出嚟攞嘢食嘅時候會好撠 not user friendly…查看更多

文華酒店是香港聞名已久有代表性的五星級酒店，酒店亦以芝士蛋糕著名，很多人都夢味以求來吃個下午茶。這次網上有買一送一活動，當然要馬上試試。閣樓的餐廳不大，但提供的食物和服務都是一流的，加上有雅緻的裝飾，富有年代感的貴族氣質。食材十分豐富，單是冷盤就可以吃飽。冷盤有凍蟹、長腳蟹、鮑魚、生蠔、青口、中蝦。其中生蠔是最新鮮、味道充滿了海洋的鮮甜。即做熱食的意大利麵、湯粉、中式鹵味、西式扒類多不萬數。熱盤更有蒸石斑，各式菜類、小炒。最後當然不能少吃的甜品，包括著名的文華芝士蛋糕、巧克力、巧克力蛋糕、雪糕各類下午茶必吃食品。…查看更多

如果你是自助餐愛好者，那麼快船廊絕對是個值得一試的好地方，尤其位於中環文華東方酒店的這家店，提供精緻的自助餐選擇，絕對能滿足你對美食的渴望。炒飯：這道炒飯香氣四溢，米粒分明，每一口都帶有淡淡的煙燻味，米飯粒粒飽滿，讓人一試成主顧。娃娃菜：這道蔬菜非常清脆爽口，口感非常清新，與其他菜式相比，成為餐桌上的一抹綠意，非常解膩。甜蝦壽司：新鮮的甜蝦輕輕放在壽司上，口感彈牙，配上微微的醋飯，味道恰到好處。吞拿魚壽司：鮮嫩的吞拿魚片切得薄且均勻，入口即化，搭配清爽的醋飯，口感非常細緻，讓人一試成癮。意大利番茄香草麵包：這款麵包外脆內軟，配上香濃的番茄和香草，散發出誘人的香氣，是一款很有特色的小點心。快船廊不僅提供各式美味的自助餐，還有高質感的餐飲環境，適合與親友一起共享美好時光。…查看更多

【快船廊】文華東方閣樓自助餐 刺身・甜蝦・黑芝麻卷 每款都想回本再添！週末約老友想「嘆返餐」有質素嘅 Buffet，最後鎖定中環文華東方酒店閣樓的快船廊。酒店地標式位置易搵，電梯一開門已聞到烘焙香，心情即刻 +10。環境與服務餐廳裝潢走典雅路線，桌距寬敞，窗邊位仲望到皇后像廣場景致。侍應全程面帶微笑，補菜、收碟手腳俐落，期間主動換乾淨蟹鉗、添熱茶，細節位夠貼心。推介菜式逐道評1️⃣ 黑芝麻卷 － 外層酥脆、芝麻餡香濃卻不膩，甜度控制到位，開胃效果滿分。2️⃣ 甜蝦刺身 － 蝦肉晶瑩彈牙，鮮甜度高，連冰鎮溫度都拿捏得好，沾醬或原味同樣出色。3️⃣ 三文魚刺身 － 薄切均勻，油脂分佈理想，入口即溶；配少許芥末可提升鮮味層次。4️⃣ 士多啤梨布甸 － 布甸質地細膩滑溜，草莓酸甜平衡，作結確實「荷包瘦身、心口飛升」✨價格與總結午市成人收費約 HK$7xx（++），以文華東方品牌、食材質素與服務水平來說屬合理。菜式選擇多但樣樣有質，補菜速度快，沒有「揀剩貨」感。適合慶祝、家庭聚會或想獎勵自己時光。推介指數：★★★★☆再訪率：📈 95%…查看更多

  如果你在中環一帶，想要輕鬆享受一餐高質自助餐，快船廊無疑是值得一試的選擇。這裡的自助餐不僅提供各式精緻的美食，還有不少新鮮的選擇，讓人每一口都感受到驚喜。  首先是炒飯，每一粒米飯都炒得乾爽且帶有香氣，搭配著蛋花和蔬菜，口感清新又不油膩，是一道經典的自助餐選擇。  接著是煙三文魚，魚肉片薄且鮮嫩，煙燻的香氣渾然天成，品嚐後令人印象深刻。  腐皮壽司的外皮酥脆，而內餡則是鮮美的魚肉，這樣的搭配既別具一格，也讓人感受到不同於一般壽司的口感。  三文魚壽司則呈現出海洋的清新，每一片三文魚都切得適中，搭配著微微酸的醋飯，兩者相得益彰，風味十足。  最後，豉油雞無疑是一道經典的香港風味。雞肉鮮嫩多汁，醬油的味道濃郁，吃上一口，瞬間感受到港式家常味。  如果你想品嚐一頓質感十足又不會讓你負擔過重的自助餐，這裡絕對能滿足你的胃。…查看更多