呢日地胆带路去食好嘢, 话有间茶记啲炒粉面饭好高质，好食又大份。去到个menu超多嘢拣，我都选择困难咗好耐🥹 最尾跟咗佢𠮶三个推荐黎嗌，另外加个炒公仔面。点知行到出去counter又见到再多啲选择 😂 𠮶几个滑蛋饭超吸引，但最尾都系决定试返本身拣𠮶啲先 🙈送例汤，节瓜汤好好饮，唔会饮完口渴，MSG唔会太重手👍瑶柱蛋白炒饭，份量好多，调味够 好香又炒得够干身，瑶柱份量好大方，我有啖咬到旧无mit好散嘅瑶柱，香到爆炸 🥰 我哋叫咗四碟main, 呢个系唯一有新鲜菜嘅 😂香煎肉饼饭，本身睇名觉得无咩特别，地胆十级强调必须嗌就try try。离远见staff拎住仲以为咁大块汉堡扒，行近先知原来系我哋嘅肉饼 🤯🤯 厚到呢，同我认知中嘅肉饼完全唔一样，煎到劲香口但唔会干🥹 好juicy 应该有落粟米同马蹄，口感够又少少甜吊下味，唔试走宝 🤌椒盐猪排饭呢度啲有啲蒜湿湿哋，呢日猪排干咗啲，如果肥返少少仲正。牛扒炒公仔面，呢个都系encore，好似话之前食𠮶次好食啲，今次争紧啲镬气。牛扒唔会太细旧，唔un 好软熟又有牛味肉饼同猪排饭都有俾菜甫，少少辣 我平时唔食得辣嘅都接受到，送饭食好惹味😍…查看更多
间间唔同唔出奇不过都算 见到有个免治肉酱肠仔饭点知嚟到得一条肠仔 唔使咁孤寒呀
两条肠仔唔系好贵啫下
