德國餐廳 (Mikiki)

嚟紧10月有德国啤酒节，飞唔到去德国就梗系要揾返间德国餐厅，感受吓节日畅饮嘅气氛啦🤪 呢间德国餐厅推出咗期间限定嘅慕尼黑盛宴menu，我哋就食咗佢哋嘅三款菜式 。威灵顿牛柳半价！$118就食到高质素嘅威灵顿牛柳啦🤩 上碟时已经切开咗，见到牛柳都几粉嫩，咬落口质地实净，亦都有好多肉汁🐮 香脆嘅酥皮包裹住蘑菇酱同埋牛柳，一啖食落口劲满足🙈 德国啤酒节慕尼黑盛宴Platter劲丰富，啱晒饮住啤酒，同朋友share😋 最瞩目嘅当然系原只嘅德国咸猪手啦，师傅已经帮我哋将香脆嘅猪手起骨再加切件，劲方便食啊🐷 纽伦堡蛇饼肠都系个人比较喜欢嘅德国食物，纽伦堡肠味道唔会太咸。德式芥末籽香肠碱水面包棒 ，入面嘅脆皮肠配埋面包味道唔错，最有特色就系面包嘅内层有一层芥末籽，更有风味🌭 另外有两件德国传统扭结包，麦味好香浓㗎🌾 拼盘仲有巴马臣芝士粒、酸菜及薯仔沙律、酸瓜及橄榄🫒 2L德国生啤塔话明系德国啤酒节，梗系要嗌返啲生啤嚟庆祝啦🍻 呢个生啤塔有成2L，最特别嘅系装啤酒嘅容器，系用碗装㗎，有德国传统文化特色🥣呢个份量够晒3-4个人食，饮住啤酒大吃大喝就啱晒 。一齐投入德国啤酒节嘅狂欢气氛啦🥳…查看更多

呢日喺新蒲岗 Mikiki 叹咗个静静地嘅下午茶，地方明亮干净，有啲欧陆小镇气氛～🍰$47 朱古力蛋糕套餐，质感湿润又唔会太甜，配返杯 即磨咖啡（冻、走甜） 啱晒我口味，咖啡香味浓但唔苦，味道层次几好🍝 $68小朋友𠮶份 忌廉鸡丝意粉 + 炒蛋 + 鸡翼 + 苹果汁 + 朱古力雪糕 都出奇地有诚意！意粉忌廉香滑、鸡翼炸得香脆唔油，整体几讨好～ 👦🍦仲有苹果汁送最后嘅主角当然系 🍖 传统德国白猪手$238，外皮香脆、入面肉质嫩滑，仲有淡淡嘅烟熏香。需时20-30分钟，不过真系值得等！…查看更多

经过Mikiki见到呢间餐厅几吸引，就决定入去试下。可能因为未到食饭时间，完全唔使等就有位，环境宽敞舒服:)我哋叫咗三款菜式：烧鸡配薯条、西班牙火腿凯撒沙律，仲有一份五成熟牛扒。烧鸡真系有惊喜，皮脆肉嫩，肉质好多汁而且入味，配薯条一齐食非常满足。牛扒方面，五成熟煎得啱啱好，外层微焦，内里粉嫩，肉味浓郁，食落唔鞋，仲有少少肉汁渗出，好正！沙律就属于正常发挥，蔬菜新鲜爽脆，火腿份量唔少，咸香味同凯撒酱融合得唔错。整体黎讲，食物水准高，价钱合理，环境又舒服，系一间值得再试嘅餐厅…查看更多

焗猪手皮脆肉嫩！$5任攞烧鸡啤酒 性价比超高德国咸猪手配酸菜及薯仔沙律 - $238必叫招牌！个焗猪手外皮真系香脆到不得了，皮同肉之间夹住一层脂肪层，食落满口油香，超正。猪手肉质烟烟韧韧，咸咸地十分好吃，配埋酸菜啱啱好。地中海式炸鱿鱼圈配柠檬蒜香蛋黄酱 - $118今次呢个鱿鱼圈炸得唔够脆，有啲可惜。份量就可以嘅，肉质正常发挥，配合个蛋黄酱一齐食，味道都算夹。$5神优惠！丹麦式烧鸡＋嘉士伯生啤（原价$128，人均消费满$100就可以用$5加购）真心癫！只要加$5就食到一只全鸡同三杯啤酒，性价比极高。只烤鸡味道唔错，鸡肉唔会过熟，烤得几香口，夹埋杯啤酒，同3-4个朋友Share简直一流！总结：猪手真心好食，绝对值得试。个$5优惠更加系重点，抵到烂！记得要约够3-4个人先好去啊！…查看更多

见餐厅做紧优惠，有一折猪手两折啤酒就去食，咁系我冇睇到要够三个人先有优惠，入餐厅嘅时候职员提醒我话要够三个人先有优惠，我话明白。餐厅虽然连住但分咗德国同西班牙两边，职员话咁德国𠮶边full哂坐西班牙𠮶边o唔ok，我当场问佢确定咗两边menu一样先话ok。于是入到去，扫QR code揾唔到佢餐牌上边写嘅148蚊生蚝，职员话帮我落，转个头话冇哂。 之后，我叫咗朋友嚟到，凑够三个人，职员竟然话坐呢一边冇优惠，要坐出面或者隔离先有，咁隔离又full哂冇位转比我地，出面又热唔想坐出去。一开头话够三个人先有优惠，冇讲话坐隔离冇优惠，有三个喇，又话要坐隔离先有，姐系摆明水人入去啦，更离谱嘅系，见到有后来坐出面嘅客叫生蚝，餐厅系有上比𠮶枱，姐系唔系冇生蚝，系唔上比坐呢边嘅客，姐系根本连menu都唔同，咁一开头就唔好话menu一样啦，一心想水人入去，职员一个大话接一个大话。本身叫咗个set dinner重要过咗40分钟先上到菜。由二人枱转四人枱转咗一次姐，得罪你咩，服务差到。㷫过火屎。…查看更多