影片
营业时间
今日营业
11:30 - 16:30
17:30 - 22:30
星期一至日
11:30 - 16:30
17:30 - 22:30
公众假期
11:30 - 16:30
17:30 - 22:30
公众假期前夕
11:30 - 16:30
17:30 - 22:30
以上资料只供参考，请与餐厅确认详情
有关奖赏计划
食家推介
朋友推介嘅上海菜～先来一人一个蟹黄大汤包，先用吸管饮汤再食，鲜味浓郁，打卡必点📸镇江冰官肴蹄、麻香鸡丝粉皮、苏轼东坡肉、上海担担面、浓汤砂锅云吞鸡 食物份量、水准整体都唔错👍🏻值得再去试埋其他菜式环境坐位舒服，服务态度好👍🏻
继续阅读
有冇试过一坐低，只眼望晒所有菜，都唔知由边款开始落手？呢间上海菜餐厅就系比我既感觉！直情系沪淮美食博览，突然选择困难症发作！🤣之前book 左台，按时到场即刻有得入座。落场第一度菜系淮扬五福拼盘！成盘嘢卖相已经好高级，蓝白花瓷分格装，每格都系心机菜。大家坐低一定要快手影多几张相先！呢个拼盘摆得好靓，令人好有食欲。我最中意个苏式熏鱼，好入味，鱼肉又冇腥味，唔会柴到咬唔郁。烤麸味道甜甜咸咸，系我好中意既个种味道。醉鸡软滑又入味，鸡肉渗满酒香，皮啲胶质又弹牙，简直系啖啖滋味。凉拌红蛰头啲蛰头切得薄薄，爽脆带酸，仲有微辣，好醒神。比较失色既算系冰官肴蹄，虽然胶原蛋白满满，红粉啫喱包住大大嚿肉，但肉有点过焾，口感一般。嚟到餐厅既必点生煎包 - 铁板灌汤版！睇落似普通生煎，实际劲有野心！个铁板上热辣辣，生煎包底部煎到金黄色，一夹即刻见到皮薄汤多！表面仲洒咗芝麻同葱花，增添香气！一笼有四大粒，食一粒就好满足，叫多笼都冇问题！让人食到停唔到口最后一道菜我拣左上海粗炒啦！粗面够烟韧、有咬口，系真‧美食爱好者至爱。斋睇都知份量大，大大碟粗面包住猪肉丝、椰菜、青菜、冬菇，仲有秘制甜酱爆炒，齐齐吸晒汁水！每条面都挂住糖色酱油，食落镬气十足，咸香非常。啲肉同菜吸晒酱汁，仲有淡淡葱香！炒得唔油唔腻，越食越开胃，唔止一条路咁简单。今餐真系由冷菜、主食到点心，全部都好满意。特别系五福拼盘同生煎包，两款都系老上海味道，啱晒香港人想感受下江南小馆感觉。粗炒又够份量，足料不欺场，加埋环境舒服，服务都几好。唯一要挑剔的地方，就系座位之间空间比较贴，要聊天的话，都要用尽力对方先听到。一个字嘈！但除此以外，食物系出色既！
继续阅读
这几天天气真差尤其是对于要学车的我，下雨天学车心情都麻麻今日刚学完车，肚饿，最近医肚嘅地方，莫过于又一城，又唔知想食啲乜嘢，行吓行吓上到最顶楼咁滞，见到家上海，之前都嚟过，横掂肚饿，就入去食个午餐，简简单单叫咗碟醉鸡，同埋上海炒年糕，醉鸡系脾位，嫩滑，酒味唔会太浓，最重要入晒味上海炒年糕，配料不外乎，肉丝同埋津白，猪肉丝唔会鞋，整个菜唔会太咸，少少麻香味，令到我食欲大增，食完嘢，慢慢叹返啖茶，留意到啲员工做嘢，几细心，我食完嘢佢哋会帮我清碟，主动问我使唔使叫啲甜品🍧整体嚟讲佢哋嘅食物同埋招呼都唔错，值得再一次嚟帮衬
继续阅读
早段时间嚟过呢间上海菜，发觉佢哋嘅出品和服务都很好，今次就同父母嚟食，睇吓佢哋嘅出品有没有变，首先醉鸡，鸡嘅位置系脾位，所以比较滑，而酒嘅味道唔会苦，头盘首选跟住鸡丝粉皮，麻酱香滑然后系松子黄鱼🐟，黄鱼本身几滑，炸过之后，鱼🐟肉外脆内滑，最重要个汁，唔会好酸亦唔会好甜，味道刚好，父母一致好评，整条鱼佢哋两位老人家差唔多食晒跟住火腿津白，煮得好淋，咸火腿嘅香味入哂啲汁到，浸住啲津白，入哂味小茏包同窝贴，肉汁香浓，真系可以keep住水准，服务员态度友善、有礼，主动加茶换碟，父母亲们对这家上海菜非常满意，另外佢哋有啲promotion ，鲍鱼一罐$188加多$10可以多一罐，每罐6只，今次买咗两罐试吓，因为屋企人都几钟意食鲍鱼
继续阅读
今日同一班细路又嚟到又一城溜冰，放暑假，人多咗，尤其多咗好多小朋友，溜完冰，又嚟到呢间餐厅食上海菜，今日餐厅爆满，6个人可能要等1个钟，好彩带位员工话如果19:45可以还到枱，可以先比张枱我哋先，睇落有个半钟，应该可以，坐底嗱嗱临点菜，炸鸡系必点嘅，跟住松子鱼，上海粗炒，小茏包，鸡丝粉皮，臭豆腐，元蹄，高力豆沙等，都系我哋一家最喜爱嘅𩠌菜，好快，𩠌菜一一上，味道一如以往，食物保持水准，好似炸鸡，皮脆肉嫩，上海粗炒唔会太咸太油，元蹄炆得好入味，又够淋，本来叫咗高力豆沙，但系唔小心叫咗豆沙窝饼，自己落错单，口着面皮问问经理可唔可以帮我哋换，殊不知，经理话无问题，真的帮我哋换番高力豆沙，我哋一家对呢间店舖，都非常满意，楼面女员工会不时嚟同我哋啲细路玩吓，倾吓，楼面员工亦会主动加茶，执碟、换碟，食完唔驶个半钟，立刻埋单还番张枱，美满的一餐
继续阅读