御膳

营业中

休息中

🤍 觀塘「御膳」：13 年鑄就的私房菜在大多數人印象中，中菜或許形形色色，但要真正令人難忘卻並非易事。就我而言，以往對中菜的印象也不過爾爾。然而，觀塘這家屹立了 13 年的「御膳」，卻一舉躍升至我中菜返食排行榜的首幾位，今日便與大家分享這家本人私藏的私房菜館。.「御膳」主打粵菜、海鮮及山珍海味，從食材的新鮮度到菜式烹飪的火候，絕對引證如何在觀塘區屹立不倒13年.✨醬香茅台炆嫩鴿踏入店內，便見店員將茅台倒入砂鍋，那一瞬間，醇厚的醬香彌漫整個空間。待這道醬香茅茅台炆嫩鴿上桌，夾起鴿髀，便能看到其上色均勻，肥瘦相宜。放入口中，肉質鮮嫩，外皮香酥，淡淡的酒香更是為其增添了獨特的韻味。以往在外食用乳鴿，總擔心會有臊味，但在「御膳」完全不必有此顧慮，這道炆嫩鴿只餘濃香繚繞👍🏻.✨避風塘炒肉蟹大肉蟹🦀 竟提供多達 11 種烹煮手法如避風塘炒、即磨胡椒炒、臘味糯米蒸等，可見主廚技藝之精湛 我們選了最具地道風味 也是避風塘名物 結合香，辣，惹味 的避風塘炒肉蟹 上枱香味十足 蒜蔥辣椒 味道撲鼻而來 口感相當香口 蟹肉亦夠肥美 .✨蒜蓉粉絲蒸蟶子皇蒜蓉粉絲蒸蟶子皇是經典菜式，蟶子皇外觀驚人，與手掌

御膳地址:觀塘敬業街65-67號敬運工業大廈12樓F室今日與家人慶祝生日，選了觀塘一間有13年經驗的私房菜，最近更有一位澳洲廚神Gary Mehigan到來採訪和拍攝，好滿意他們的菜色，身為香港人，當然要來試試，生日不但不收切餅費，還可獲贈送滷水鵝肝鵝腎一份，更可自帶壽桃包來免費代蒸，十分貼心。❤️胡椒炒大肉蟹這裡的海鮮每日到貨，所以肉蟹非常新鮮，廚師用自製的白胡椒醬汁，為這道菜增添了獨特的風味，讓人一吃就停不下來。❤️汕頭滷水鵝 滷水的味道渗入到每一寸鵝肉中，蘸些蒜頭醋來吃，更添風味。❤️醬香茅台滷乳鴿色澤誘人，肉質鮮嫩，有酒香，鹵水的調味使其味道更為豐富，這道菜絕對不能錯過。❤️極黑豬叉燒燒得恰到好處，外層微微焦香，肉質鮮嫩，味道深入每一絲纖維，真是超級水準，令人回味無窮！❤️冰鎮鮑魚鮑魚肉質肥美彈牙，清新爽口，冰鎮的處理方法令人耳目一新，家人讚不絕口。❤️黄金流沙大海蝦非常大隻，炸得非常酥脆，表面沾滿香濃鹹蛋黃--金沙，蝦肉爽口彈牙，非常惹味。這裡食材的質量和廚師的技術都十分高，而且時常有新菜式，可以為客人度身設計菜單，豐儉由人，店方樂意為客人自攜的飲品或酒類，提供冰桶及酒杯，更免收加一，是

又再年一年度親友生日家庭聚餐上年各位親友一致好評，今年又再嚟返觀塘嘅御膳私房菜食晚餐啦 性價比高 免+1免開瓶費免切餅費實在太好 適逢慶祝生日，又有鵝肝鵝腸送 放上社交媒體仲送汽水 正 親友仲帶咗支酒嚟 免開瓶費，仲準備咗啲冰杯俾我哋好貼心 叫咗避風塘炒大肉蟹 夠晒鑊氣 夠火候 個個親友都讚不絕口 而且帶出肉蟹嘅鮮味 廚師用猛火鎖鮮做到嘅極致冰鎮南非鮑魚 有淡淡的酒香 带海水嘅鹹鮮香味龍躉骨雜菌豆腐湯 最鍾意飲湯 好鮮甜嘅魚湯上湯龍蝦伊麵 龍蝦好彈呀伊麵又夠煙靭唔會過腍士多啤梨骨 酸酸甜甜好開胃 芙蓉蛋白蒸老虎斑，兩斤 冇乜骨 蛋白又夠滑 魚肉好鮮甜兩斤份量十足夠晒食生炒臘味糯米飯帶出臘味嘅鹹香 飯炒到粒粒分明 又夠煙靭 不禁食完一碗再想食多一碗親友仲買咗支秘製辣椒油返屋企添 佢話返屋企煮麵食，落少少又辣又香下次親友生日聚餐又再嚟過御膳 (觀塘)觀塘敬業街65-67號敬運工業大廈12樓F室

同成班同事收工去食飯，誤打誤撞搵到呢間「御膳」真係驚喜到爆燈💥 老細話做咗13年私房菜，睇嚟真係有料到喎！✨公司晚宴首選✨我哋廿幾人包場勁方便！WhatsApp傾menu超貼心📱 最正係三免免+1服務費，免切餅費，免開瓶費🐟海鮮新鮮到震！每日返貨唔講笑～老細仲好得意話「細路唔當人頭計」👶🏻 我哋叫咗個Freestyle套餐，按budget設計，道道菜都影到呃like📸 仲有得換汽水飲添！🎂壽宴必book位！閨密下個月生日即刻mark實呢度！原來 #唔使正日 都有壽星禮物🎁👉🏻送滷水鵝肝鵝腎👉🏻自備壽桃包免費蒸（仲要免切餅費！慳返$200蚊呀～）團體包場彈性到爆 #柯打貼地化每碟都係功夫粵菜 #唔係求其hea做散叫小菜都勁高質 #唔會伏

今次一行16人為婆婆慶祝生日，餐廳貼心安排得宜。訂枱後透過WhatsApp與店家聯絡，我們提出了口味及菜式要求，店家細心詢問人數分佈，包括成人、小朋友、長者及男女比例，並提出建議和煮法。.用餐前一晚，店家甚至主動提醒我們翌日用餐時間，十分細心。當晚到達時，餐廳座無虛席，有家庭聚會亦有朋友聚餐，氣氛熱鬧。有客人自攜酒水，店家免開瓶費、免加一及免服務費，更有打卡送汽水及甜品的優惠，性價比相當高。.菜式方面，手工製作、火候十足，海鮮現宰即煮，保持鮮味。婆婆最愛的海鮮菜式包括芝士焗龍蝦伊麵、茄汁香煎大海蝦、豉椒炒蟶子皇及避風塘炒大肉蟹，份量十足，加上龍躉蒸飯和兩碟蔬菜，已非常豐富。.值得一提的是，餐廳現時有生日優惠，不限正日，只要慶祝生日，就送滷水鵝肝鵝腎一碟，驚喜又窩心。難怪這間餐廳已經營13年，依然人氣不減。

食材新鮮只收現金免+1 ，免切餅費，免開瓶費生日者贈送滷水鴨腎鴨肝茶4元一位侍應全程黑面地方侷促Open rice 推介4.7 分，於觀塘區已是很高評價，不防一試，但踩雷！已知私房菜在工廠區亦不介意，但內裏狹窄，樓底矮，隔離一台一般聲量說話已感覺很嘈吵，心想快些吃畢馬上離開，枱與枱之間距離只有一身體位，吃一頓飯要起身讓路三次，沒有享受可言，蟹油炒麵也要打包回家吃，不想再逗留。走出電梯感覺身心舒暢，可想而知坐著多難受。食材確新鮮，連條白菜也像剛摘下來炒的，但不會有下次。不推薦！

最近我去咗觀塘嘅私房菜御膳慶祝朋友生日，真係一個唔錯嘅選擇！今次我哋點咗幾道招牌菜，真係食到唔想停手，只係$450一位，仲要唔洗加一😎首先，醬香茅台滷乳鴿嚟到，色澤誘人，肉質鮮嫩，滷汁入味，配上少少香料，真係好開胃！啖啖肉，食完仲想再點多一隻🤪招牌極黑豬叉燒，肉質肥瘦適中，外面有一層焦香嘅糖衣，咬落去口感十足，甜中帶咸😎香芒沙律大蝦球亦唔錯，蝦球爽脆，搭配新鮮嘅香芒，帶出夏日清新感覺 🥭 古法蒜子焗大肉蟹令人驚喜，好大隻😈蟹肉鮮甜，蒜香味四溢，肉質肥美，真係唔可以錯過😎富貴金龍就更加豪華，原條沙巴龍躉，肉質滑溜，流沙黃金味令人垂涎，再加上吉列椒鹽，味道層次分明，實在太好味，未食過吉列石斑真係要試吓😈蒜蓉粉絲蒸大元貝四隻，元貝肉厚實，粉絲吸收咗鮮味，咬落去滿口香味，完美嘅組合😆最後，上湯浸時菜清新爽口，蟹油銀芽炒麵就係絕配，麵條滑順，蟹油香氣十足😎特別嘅係，因為慶祝生日，仲送咗滷水鵝肝鵝腎，口感滑溜，真心令我哋感受到主人的用心😈總結嚟講，觀塘私房菜御膳真係一個值得推薦嘅地方，不論係環境、菜式或者服務，都令我哋嘅晚餐變得特別。下次再約埋朋友一齊嚟食！

餐廳係一間開咗13年，以手工粵菜為主，會選用日日新鮮食材同海鮮，再跟據客人嘅要求同喜好製訂餐單，每日每枱都會有唔同～依家仲要免加一、俾個👍🏻就送汽水！另外，生日月會送滷水鵝肝鵝腎、自帶壽包仲會免費幫你蒸！買cake慶祝，仲會免切餅費同開瓶費😎😎∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴<必點必食>❥ 菊子魚將12兩嘅東星斑，起肉再炸成一個又一個菊花。炸皮薄脆，魚肉鮮嫩。所用嘅柚子醬汁，酸甜味中和炸物嘅油膩感，仲帶出魚嘅鮮味❥ 極黑豬叉燒份量足，表面閃令令，滿滿蜜汁，叉燒燒到帶有燶邊，食落甜甜哋仲帶有焦香味❥ 醬香茅台炆嫩鴿乳鴿口感十分嫩滑，每一啖都充滿醬汁同茅台香氣，好入味❥ 蒜蓉粉絲蟶子王蟶子王大大隻，啱啱熟，肉質彈牙，好易咬開。粉絲吸晒蟶子鮮味同蒜蓉香味，好惹味！❥ 芝士焗龍蝦龍蝦爽口，搭配香濃芝士沙律醬，濃郁醬汁包裹啖啖肉，底層仲有啲脆脆炸麵，多重口感∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴

呢間係觀塘工廈嘅隱世廚坊，開咗13年都keep住水準，專做功夫粵菜，海鮮日日新鮮到貨，仲可以按budget設計菜單，好flexible！醬香菌皇乳鴿砂鍋飯 真係必試！乳鴿嫩滑入味，菌香滲透飯粒，煲底仲有少少飯焦，香口到停唔到筷。蔥油雞半隻 嘅蔥油係自家製，清香唔膩，雞肉爽滑，好啱送酒。蒜蓉粉絲蒸大元貝 夠晒鮮甜，元貝大隻到呢，粉絲索盡精華極黑豬叉燒 即叫即燒，外層微焦，肉質鬆化，蜜甜得嚟帶少少炭香。花雕雞油蛋白蒸大肉蟹 酒香撲鼻，蟹肉鮮甜到震，連蒸蛋白都滑溜濃郁。仲有薑蔥炆龍躉腩，鑊氣十足，魚肉厚身又彈牙，食到舔舔脷湯水方面，花膠響螺煲雞湯 足料老火，飲完成身暖笠笠。最驚喜係生日嚟（唔使正日）送滷水鵝肝鵝腎仲有三免政策（免+1/切餅/開瓶） , 訂位話明幾人同budget，師傅會幫你安排妥當

我們為一位千里迢迢而來的朋友補辦生日聚餐。餐廳特別貼心，即使唔係生日正日，都送上滷水鵝肝同鵝腎作為生日驚喜，誠意十足。菜式可以散點，選擇多又彈性大，價錢合理，性價比非常高。手工菜式講究，海鮮現場即劏即煮，新鮮味美；叉燒更係即燒，香氣撲鼻。連炒飯都特別真材實料，有蝦球、牛柳粒和帶子。服務方面亦值得一讚，店員會細心觀察客人進食速度，適時調節上菜節奏，完全唔會催促，食得自在又舒服。仲有個小驚喜，只要影食物相打卡，就可以換汽水，呢個傳統優惠已經堅持咗13年，細節位見誠意，令人好感度大增。

ᴏᴜʀ ʀᴇᴠɪᴇᴡ無人講真係唔會發現呢間觀塘工廈入面既私房菜，店員介紹佢地呢間老字號餐廳已經屹立咗13年，專注於海鮮同埋粵菜。餐廳内都有唔少大臺，好適合包場/家庭聚會✨ 如果唔care環境，呢到性價比真心好高。餐廳提供Freestyle套餐迎合唔同客人需要，例如我地今次呢個4人設計菜單每位都係$450，免+1/免切餅/免開瓶費！.今次我地試左幾款招牌菜式，真係無一款係覺得伏！生日會送滷水鵝肝鵝腎，滷水味道香濃。醬香茅台滷乳鴿肉質鮮嫩 juicy，醬香撲鼻。招牌極黑豬叉燒都好出色，肉質柔嫩，蜜汁味道濃郁。香芒沙律大蝦球清新可口，蝦球大而彈牙，搭配冰鎮水果開胃一流。蒜蓉粉絲蒸大元貝好巨型，蒜同粉絲量好足。我個人私心推介古法蒜子焗大肉蟹，用砂煲上熱辣辣，離遠已經聞到蒜香味🤤 真係落足料墊底有滿滿既蒜頭！.富貴金龍用原條東星起肉，兩食做流沙黃金味同吉列椒鹽味，份量超有誠意（我上臺真係wow左聲😂）最後飽到上心口都要食埋蟹油銀芽炒麵，麵條乾身不油膩，每一口都係鑊氣！仲有菜同甜品作結~ 我地另外加左一個砂鍋什菌龍躉骨豆腐湯，好少魚湯飲完覺得完全唔腥，超推薦🥹🥹🥹.ᴏᴜʀ ᴍᴇɴᴜ四位設計菜單 $

ᴏᴜʀ ʀᴇᴠɪᴇᴡ無人講真係唔會發現呢間觀塘工廈入面既私房菜，店員介紹佢地呢間老字號餐廳已經屹立咗13年，專注於海鮮同埋粵菜。餐廳内都有唔少大臺，好適合包場/家庭聚會✨ 如果唔care環境，呢到性價比真心好高。餐廳提供Freestyle套餐迎合唔同客人需要，例如我地今次呢個4人設計菜單每位都係$450，免+1/免切餅/免開瓶費！.今次我地試左幾款招牌菜式，真係無一款係覺得伏！生日會送滷水鵝肝鵝腎，滷水味道香濃。醬香茅台滷乳鴿肉質鮮嫩 juicy，醬香撲鼻。招牌極黑豬叉燒都好出色，肉質柔嫩，蜜汁味道濃郁。香芒沙律大蝦球清新可口，蝦球大而彈牙，搭配冰鎮水果開胃一流。蒜蓉粉絲蒸大元貝好巨型，蒜同粉絲量好足。我個人私心推介古法蒜子焗大肉蟹，用砂煲上熱辣辣，離遠已經聞到蒜香味🤤 真係落足料墊底有滿滿既蒜頭！.富貴金龍用原條東星起肉，兩食做流沙黃金味同吉列椒鹽味，份量超有誠意（我上臺真係wow左聲😂）最後飽到上心口都要食埋蟹油銀芽炒麵，麵條乾身不油膩，每一口都係鑊氣！仲有菜同甜品作結~ 我地另外加左一個砂鍋什菌龍躉骨豆腐湯，好少魚湯飲完覺得完全唔腥，超推薦🥹🥹🥹.ᴏᴜʀ ᴍᴇɴᴜ四位設計菜單 $

出菜慢，食物質素一般，性價比差一早已經預訂菜式平均20 分鐘上一次菜按鐘服務員亦沒有回應食物單價貴，份量少房間電視不能使用Open rice 點評略為不實希望店家能有改善

今日同一大班朋友食生日飯, 朋友安排左食私房菜, 黎左呢間係觀塘既餐廳✌🏻朋友一早同餐廳講左預人頭費幾錢, 想食D咩, 餐廳就幫手設計菜單, 保證岩食!餐廳仲會whatsapp推介有D咩時令既食材, 服務超貼心!我地一班酒鬼仲帶左好多酒黎飲, 因為呢度唔收開瓶費, 仲唔收加一同切餅費❤️我地叫左:芝士龍蝦:一上枱就聞到濃郁芝士香，龍蝦肉爽彈，啖啖肉😋芙蓉蛋白蒸老虎斑:蒸得岩岩好，D魚肉好嫩滑😆醬香茅台炆嫩鴿:鴿肉加茅台,個香氣滲透晒入D肉，食得好爽🥰薑蔥炒大肉蟹:鑊氣十足，薑蔥香逼入晒蟹肉度,相當好味☺️滷水拼盤:手撕雞入味，豬大腸乾淨又保留少少脂肪香，金錢肚爽得嚟唔韌,個滷水唔會死鹹👍極黑豬叉燒:等25分鐘絕對值！外層既燶邊配合豬肉既口感,食完即刻明白點解要即叫即燒😍蒜蓉粉絲蒸蟶子皇:蒜蓉炸得金黃香口，粉絲索晒蟶子汁同蒜油，鮮味十足😝呢度既海鮮真係超新鮮，服務又好, 朋友都食得好開心, 已經想再黎食多餐!🥳

呢一間係觀塘既私房菜真係夠哂高質, 佢呢度既套餐少至2人,多至12人都有, 價格都係豐儉由人, 你可以同餐廳講哂你地有咩食有咩唔食, 有咩更加中意食, 餐廳會按照你既需求幫你度身設計一款啱哂你地既菜單~ 所以佢既收費好透明, 係咁多次就咁多次, 又免加一, 切餅費同埋開瓶費! 佢既海鮮係每日新鮮到貨, 所以真係必叫! 呢度有自家製既辣椒油, 係食飯個陣就會試到, 中意既話食完飯都可以買番屋企! 我地就好中意, 就買左番屋企! 呢度仲係打卡送汽水添,真係好抵! 我地今日既菜單有咸菜胡椒豬肚湯、荷羽雞、避風塘炒大肉蟹、富貴金龍、蒜蓉粉絲蒸大元貝同埋香芒沙律大蝦球! 真係好豐富! 首先係咸菜胡椒豬肚湯, 咸菜唔會太咸, 豬肚份量超多又洗得乾淨, 好好飲!跟住就係荷羽雞,佢入面係包住左好多料既, 外面用荷葉包住，其實係清遠雞淘空，裡面有乳鴿，鹿茸菌，飯，超有創意! 你會食到鹿茸菌的鮮香、滷水乳鴿的醇厚、米飯的綿密，再有埋荷葉既香氣,因為佢係用荷葉包裹後慢蒸3小時以上。富貴金龍，用沙巴龍躉2斤做，起肉，做2種味，流沙黃金＆吉列椒鹽! 兩隻都好好食,我地食到停唔到口! 蒜蓉粉絲蒸大元貝就非常穩定既