呢间位于屯门的日式放题御满屋环境宽敞舒适，食物选择超级丰富，价钱合理，适合一家大细去食。佢哋有多款新鲜刺身任你拣，三文鱼厚切鲜嫩，甜虾弹牙甜美，象拔蚌爽脆多汁，绝对系高质素选择。烧烤食物一样出色！烧乳鸽皮脆肉嫩，香气扑鼻，烧蚝同烧扇贝新鲜肥美，烧到金黄边缘，配埋蒜蓉，超级惹味。其他冷盘都好吸引，有虾、蚬、青口等任食！虾新鲜弹牙，蚬同青口肥美多汁。呢度海鲜冷盘供应充足，任食唔驶担心。冷盘除咗海鲜，重有我最钟意嘅小食！猪耳爽脆有咬劲，配埋辣椒油超开胃，泰式凤爪酸辣入味，香辣鱼皮脆脆辣辣。甜品系压轴好戏，选择多到眼花撩乱！柚子芝士蛋糕清新酸甜，芝士浓郁唔腻。芒果布甸滑溜香浓，芒果味浓郁。木糠布甸层层分明，脆脆木糠配埋忌廉超正。香芋布甸芋头味浓，甜度适中。重有多款雪糕同雪条选择，包括Movenpick嘅高级雪糕，能得利雪条，Mega雪条，仲有原个芒果雪条，芒果味超真实，食落凉快又满足。总结嚟讲，屯门御满屋放题性价比高，绝对值得一试！…查看更多
