御希大排檔

今日放假約朋友去佐敦行街，行到有啲攰諗住喺附近搵嘢食，行到吳松街見到有大排檔味道好香好吸引，即刻入去試下。御希大排檔，完全係港式風情，雖然坐喺臨時熟食檔但係感覺好舒適。坐低第一時間點支大藍妹，冰涼暢快。白灼花螺，花螺肉質爽口鮮甜，唔需要其他調味，淨係食花螺嘅鮮味好足夠。炒蟶子，蟶子size雖然唔大，但係味道好鮮甜，用大排檔嘅炒法，夠曬火喉。火喉控制得啱啱好，蟶子特別嫩滑，香口鮮甜送啤酒一流。炸乳鴿，乳鴿肉質嫩滑，乳鴿皮炸香脆，一啖咬落去入面仲係好juicy。豉汁蒸倉魚，呢個倉魚簡直冇得頂，魚肉嫩滑，豉汁辣椒完全融入咗魚肉入面，食落去啖啖肉又香口有嘢味。配埋白飯真係又開胃又好味。喺香港而家好少見到大排檔，必定會經常幫襯，價錢合理食物質素好。…Read More

有台灣朋友來香港玩，特地帶佢地去廟街試下大排檔，體驗快要沒落的香港風味～ 出發前已經先係OP research過，呢間御希大排檔比較少食評，同時每個食評都係positive，咁應該真係organic的好評～ 所以當日鐵定要食呢間！結果～係much more than we expected!首先小菜價錢相宜又大碟（～$88-108，海鮮另計），另外味道係好食嘅 - 西檸雞係生炸，好少炸粉，煲仔飯有焦香味，蝦醬炒通菜唔太油，濃濃的蝦醬味🦐之另外老闆娘+員工們+顧客們都超熱情，見到係台灣來嘅朋友，好主動地幫我們合照，每個大排檔嘅位置都打卡🤣，仲用港普進行有限度嘅文化交流😆😆😆最後最痴線嘅係，老闆娘太想台灣朋友試下佢地嘅招牌蠔餅，主動送了一份給我地，要跟台灣的蚵仔煎比教一下🦪咁熱情嘅餐廳和隔離檯客人，作為local嘅我都表示unbelievable! 一間好有人情味嘅店大家都要多多支持喔！…Read More

great food: flavours you wouldn't get anywhere else. we HIGH RECOMMEND the clay pot rice, sweet and sour pork, fried tofu, and mapo tofu.local service: meaning VERY EFFICIENT and DIRECT. to outsiders it may seem rude. and noisy, loud, chaotic. but theres order to this madness. food came piping hot, drinks were served very quickly, orders taken at rapid speed.PS: don't expect 100% sparkle clean utensils, there's hot water and a container to wash the utensils and bowls yourself. i recommend you do that before eating. great vibes: if it wasn't raining, our group could've been sat outdoors, which is like the pinnacle experience of hk-style food. other than that, the semi-open-air of the establishment adds to the ambience and the local-ness of it all.PS: the toilet nearby is a squat toilet - be aware of this. might want to hold it in until you pop back to the MTR - or if you're a dude then…Read More

收工口痕好想去食大排檔😂搵咗好幾間最後俾呢間老闆吸左入去。舖位位於佐敦熟食亭入面，係屬於香港冬菇亭嘅特色本身有諗過嗌個即整既煲仔飯試吓，不過見到啲小菜幾吸引，配兩個靚仔🤣首先嚟咗碟椒鹽雞扒，雞扒炸到外脆內嫩🤤加上佢有少少避風塘風味，食落完全唔溜，令人想食完一舊又一舊👍金菇粉絲牛肉煲👍特別係用鐵碗擺上明火燒，牛肉粉絲本身就係一個好嘅配搭，但加上少少焦嘅味道特別過癮。呢碟入面都幾足料，好多塊肥牛同粉絲！最後在黑椒薯仔牛柳，食開都會用牛肉粒黎炒，呢間就混雜咗牛柳同牛柳粒一齊炒🤤口感唔會單調，食落好惹味！一般餐廳食呢味嘅洋蔥都係後邊加落去，食落會比較攻鼻，但係呢間好明顯會將洋蔥同個汁煮耐啲，令洋蔥比較林較易入口👍食大排檔當然唔少得啤啤佢啦😂…Read More

依家嘅大排檔真係買少見少，大排檔嘅小炒好有地道風味，一大班麻麻甩甩吹下水飲下酒真係好過癮😬叫左三個餸，西檸雞、豉椒炒蜆、馬拉盞通菜煲，三個餸都大份夾抵食😬西檸雞炸到皮脆內嫰，加埋酸酸甜甜嘅檸檬汁，勁惹味配白飯食一流🤤炒蜆新鮮，無乜沙，加左豆豉、青椒、洋蔥爆炒，色香味俱全！最驚喜係個馬拉盞通菜煲，本身以為就係得通菜嘅煲，點知原來超級多海鮮，有蝦乾、蝦仁、鮮魷，勁足料，通菜好爽脆，價錢都係88蚊，好抵食😍上菜果陣仲以為上錯菜，原來真係咁豐富🥰…Read More

天氣開始有少少涼，又到左食煲仔飯嘅時候，今晚黎左呢一間大排檔食炒小菜，煲仔飯，啤一啤。黑椒薯仔牛柳粒 $108好香濃黑椒汁味，佢啲牛柳好有咬口黎得又有肉汁，唔會用鬆肉粉我覺得幾surprise，加上炸過的薯仔，送啤酒食一流。西蘭花鮮魷 $88魷魚爽口新鮮，加上鮮嫩的西蘭花，夾埋個口感好食。滑雞煲仔飯 $78上枱熱辣辣，面頭的雞件幾嫩滑，加埋豉油撈飯食，真係唔覺意食多幾碗，個煲底仲有啲飯焦，正呀☺️☺️食大排檔點少得啤酒雪花啤酒 $20凍冰冰嘅啤酒，冇得輸👍👍大排檔係可以體驗香港道地美食的好地方，特別係秋冬天嘅時候，真係有另一番風味。…Read More

每個月都同朋友去一次兩圍啲嘢好好食最鍾意食避風塘炒蟹豉油王炒麵，佢哋個羊腩煲都好好味，其他舖頭係食唔到喎，劉小姐服務非常好，每次都有打直添，有個老啲嘅阿姐非常和藹，有一次劉小姐仲請我食榴槤…Read More

香港嘅露天大排檔買少見少呢度就有一系列嘅大排檔有啲似新加坡嗰款 坐晒出街好有風味，好地道呢間餐廳嘅餐牌都有幾多款嘅選擇煲仔飯，海鮮肉類 咩都有我就叫咗一個滑雞煲仔飯係用一個鐵煲載住 然後倒上惹味甜嘅豉油滑雞都幾大嚿 都幾滑 多肉另一碟薯仔牛柳粒 夠晒大碟熱辣辣炒出嚟啲薯仔夠晒林田 啲牛柳粒份量都 唔同部位都有仲有啲蔬菜 例如青椒，紅椒黃椒夠晒多汁，配飯食一流見到隔籬枱嗌咗蠔餅 椒鹽鮮魷 飲啤酒好正啊一班人食就最啱 而且價錢唔貴 …Read More

📍御希大排檔 (佐敦)佐敦吳松街29-39號臨時熟食小販市場地下11號舖建議先行預約 如果唔係有排等而家露天大排檔真係越來越少 襯開始入秋好想坐大排檔 專登過嚟熟食市場 食返個煲仔飯晚上9:00嚟到 座無虛席 越夜越熱鬧✨臘味煲仔飯有句說話叫做秋風起食臘味熱辣辣嘅白飯上面鋪滿臘味 油香肉汁滲入白飯碗邊仲有脆脆飯焦 人生一大樂事 ✨豉椒炒蜆加埋尖椒炒 又香又辣 夠晒鑊氣 惹味十足✨紅燒乳鴿BB鴿啖啖肉肉質嫩滑 ✨椒鹽墨魚咀椒鹽調味適中 墨魚咀炸到脆卜卜✨薑蔥蠔煲薑蔥香氣撲鼻 生蠔漲身飽滿 點少得啤酒🍻整體用餐體驗✨味道(4/5)✨環境(3/5)✨服務(4/5)
✨抵食(4/5)…Read More

景物全非，味道依舊。從80年代開始咗40年直到永遠無限Loop嘅「臨時」大排檔。一個舊都要拆都要返新嘅「臨時」大排檔 ⋯⋯廢話少講先嚟一個必食嘅椒鹽鮮魷。蒜香乾身惹味，鮮魷肥厚肉嫩。咬落啖啖肉，香口脆身。黑椒牛仔骨。肉質滑嫩，由保留到佢牛肉嘅肉味，黐住骨嘅部份爽口，黑椒惹味，夠鑊氣。豉椒炒蟶子。粒粒肥大肉厚，食得出係新鮮貨。火候剛剛好。再嚟一個白飯。簡單幾味大排檔小炒，迎着第一口的秋風。快樂就是這麼簡單。…Read More

去咗佐敦臨時熟食中心嘅御希大排檔食晚飯，感覺真係唔錯。呢度嘅環境雖然簡單，但係食物質素係相當高。🥢椒鹽鮮魷鮮魷炸得好脆，外層嘅椒鹽調味適中，唔會太鹹。魷魚本身非常新鮮，咬落去好彈牙。🥢豉椒炒蟶子蟶子炒得啱啱好，保留住海鮮嘅鮮味。豉椒嘅香味滲入咗蟶子入面，每一啖都係濃郁嘅味道。🥢果皮蒸班頭腩呢道菜真係一個驚喜。果皮同班頭腩嘅配搭出乎意料地好，蒸得啱啱好，肉質嫩滑，果皮帶出咗一絲清香。🥢黑椒牛柳粒牛柳粒煮得非常入味，黑椒嘅香氣十足，牛肉嫩滑且多汁，每一粒都充滿驚喜。總結嚟講，呢餐晚飯係一個好愉快嘅體驗，食物質素高，值得推薦俾朋友。下次我一定會再嚟試其他菜式！…Read More

香港除左出名打邊爐外，大排檔美食亦都係大家喜愛既食物，而今次去佐敦既御希大排檔就有齊呢兩種選擇，除左有10款既火鍋選擇外，仲有好多出名既配料不過，今次黎既目的係食大排檔美食；未入到去，每個職員都好熱心咁打招呼同埋邀請我地入去揀野食，舖頭有室內室外選擇，當日見到好多食客都會選擇坐係室外傾計，雖然係露天，不過舖頭有大風扇吹住，所以都唔會太熱同有蚊睇完餐牌後就叫左三道菜：豉椒炒蟶子，馬拉盞通菜煲，西蘭花牛柳粒；等左唔洗一陣，啲食物好快就黎齊，碟碟都好大份，而食物同醬汁都十分夾，味道一流，最出色既係馬拉盞通菜煲，平時都係辣豬肉炒通菜，不過今次呢一份就加左好多料，有鮮蝦，乾蝦，豬肉同埋鮮魷，味道出名外，亦都大大份，值回票價。十分推大家經過就黎試一試，保證唔會失望。…Read More

難得有朋友返香港就緊係去食下大排檔嘅香港風味啦，不過依家大排檔真係買少見少，今次搵左間係佐敦嘅大排檔我地2個人叫左4樣餸1. 椒鹽鮮魷：食得大排檔就一定要食椒鹽鮮魷啦！真係爽口又彈牙，鮮魷炸得岩岩好冇過火，而回鑊再用椒鹽等配料炒一炒，食落非常香口，而且份量又夠，用黎餸啤酒，真係正到痺2. 西蘭花炒牛柳粒：牛柳粒炒得恰到好處，保持牛肉嘅鮮嫩多汁。西蘭花爽脆又有味道，一舊牛一舊西蘭花咁食，兩者加埋岩岩好食落唔會覺得膩。3. 豉淑鵝腸：呢個豉淑鵝腸入口細嫩，帶有淡淡嘅豉汁香氣！鵝腸處理得乾淨，而且唔會話好食，所以食落唔會一口油又帶爽口，正4. 馬拉盞通菜煲：夠晒大煲，通菜冇煮到老食落爽口，而且馬拉盞味道同茶菜好鬼爽，而且仲有d魷魚仔、蝦乾同蝦仁一齊落煲整，食落夠晒豐富整體黎講餐廳食物質素高，夠晒鑊氣，好岩鍾意食大排檔嘅朋友仔黎食…Read More

想食大排檔鑊氣小炒，梗係要去夠地道嘅先至好味，放工約咗朋友仔去佐敦熟食市場「御希大排檔」啤啤佢🍺眼見有唔少外國人遊客都黎感受一下大排檔嘅風味，露天嘅環境一邊食小菜一邊飲啤酒，超爽🤩脆皮吊燒雞我地兩個人嗌咗半隻雞，吊燒雞係即叫即炸，要等上大概十零分鐘，外皮脆卜卜非常香口，裡面嘅雞肉依然嫩滑有汁水，雞胸部位亦唔乾身，點上淮鹽食更加滋味黑椒薯仔牛柳粒牛柳粒嘅份量非常多，肉質緊致有咬口，牛根嘅部位彈牙，配以薯仔粒、青椒同洋蔥，加入黑椒汁猛火爆炒，入口充滿黑椒香味，微微辣好惹味，送啤酒一流🍺通菜炒鮮魷鑊氣十足👍🏻👍🏻通菜青脆碧綠，啱啱熟夠爽口，魷魚新鮮彈牙，滿滿一大碟，蝦醬嘅咸鮮味道令餸菜嘅鮮香味大大提升鹹魚雞粒炒飯食大排檔必食嘅炒飯😋夠晒鑊氣，金黃色嘅米飯裹滿雞蛋令人垂涎三尺，上枱時已經聞到香噴噴嘅鹹魚香味🤤炒得夠乾身粒粒分明，我同朋友仔每人都分到兩大碗📍御希大排檔 (佐敦)佐敦吳松街29-39號臨時熟食小販市場地下11號舖人均消費：$200食物：⭐️⭐️⭐️⭐️⭐️環境：⭐️⭐️⭐️服務：⭐️⭐️⭐️⭐️回頭率：⭐️⭐️⭐️⭐️⭐️…Read More

最近夜晚去左油麻地佐敦一帶感受夜繽紛, 連晚餐都係街邊大排檔, 充滿風味!!首先上嚟嘅係大排檔Signature dish - 豉汁蒸白膳。個白膳個個肥美彈牙,連皮帶肉一起食,很有嚼勁。濃郁鹹香嘅豉汁淋在上面, 配碗白飯一齊食, 更係美味。另一道菜係香濃軟滑嘅沙拉骨, 肉質特別柔軟,有咬口。而佢哋用嘅沙拉汁調味,恰到好處,唔會太鹹,反而帶有一點甜香。食落真係好過癮啊!接下嚟我哋試咗一碗馬拉盞通菜煲。呢個菜式係用馬拉盞肉同通菜一齊燉煮而成,濃濃嘅味道非常對胃口。肉質好軟滑,而通菜亦保留住新鮮感同脆爽感, 湯汁入味。最後,我哋點咗一盤椒鹽魷魚。個個魷魚極之酥脆,外層鹹香,好食到停唔到口。同埋份量亦好足夠,仲可以配白飯一齊食。雖然呢間大排檔同埋佢哋嘅環境同設備都好簡單,但亦係一個可以品嚐正宗香港菜同感受地道風味嘅好地方, 價錢亦好親民呢。…Read More