彩aya

早两日好想食拉面!! 有位朋友推介彩AYA呢间所以就去咗试!!我叫左黑蒜油沾面，拣左要黑胡椒面。入面有两块薄嘅豚叉烧片，味道可以，正常发挥。溏心蛋做得好好，唔会太熟蛋黄流出嚟，好正。黑蒜汤都好浓郁，但作为沾面嘅汤，我期望汤可以再浓稠一点，就可以更挂汤了！至于黑胡椒面，我觉得好好味㖞！食得出有胡椒味。老公就叫左海老沾面，拣左芝麻面。一样都系有两块豚叉烧同一粒溏心蛋。海老汤虾味好出，感觉真材实料！芝麻面相对普通。一样如果汤更浓稠，更佳。总结，都几好食，价钱都合理。店员妹妹有礼服务佳。有机会会再嚟试吓其他汤底。…查看更多

呢日食左好吸引嘅日本拉面沾面🍜入到去一坐低就闻到好大阵腥味，应该系由隔离枱嘅贝汁盐拉面传出来嘅～证明应该都几有鲜味😆而且当时贝汁盐拉面做紧优惠，特价送埋可乐🥤所以有更多人食（不过我怕太腥就冇叫到）🍜辛味噌沾面🌶️ $88 (9/10)呢款好似系期间限定，食落好有惊喜🤩面条用左山椒自家制作，沾埋秘制辛辣汁超级香麻惹味，有少少似食紧川菜嘅味道👅虽然味道唔太日式，但调味真系好好味🩷希望佢可以永久列入菜单中🤤🍜海老味噌拉面🦐 $93 (7/10)汤底有微微虾味，不算太浓🦐比起辛味噌沾汁，海老汤较为逊色💔面条可以选择小麦面或柚子面，拣咗几特别嘅柚子面🍋‍🟩可以隐若品尝到淡淡嘅柚子味，带来一丝清新感！…查看更多

最近去咗彩AYA旺角店试咗黑蒜油汤沾面，第一次喺呢间分店食，之前一直都喺西环店食，不过对于自己就有少少长途跋涉先去到⋯⋯喺旺角店食咗黑蒜油嘅香味搭上黑椒面面，配合汤底嘅浓郁味道，每一口都好有层次。面条滑得嚟，仲好挂汤汁嘅精华，特别一提⋯⋯黑蒜油真系好特别，唔单止增添咗香气，仲带咗一丝甜味，正好平衡咗汤底嘅咸香。质素依然保持到西环店嘅水准，作为新界东人，可以近近地多个高质沾面嘅选择，唔洗次次都要出去西环店先食到噜！…查看更多

上海街开业大约一年的拉面小店，招牌门面不显眼，拉面只有几款，两公婆路经当支持小店吧！浓鸡汤面，汤是浓和呈奶白色，汤的温度是“暖”嘅；柚子面冇柚子味，又吾弹牙；鸡肉冇鸡味但吾“鞋”；半熟温泉蛋味道嫩滑；最赞是紫菜，细细块都印到“彩面”字样招牌，打卡吾错。沾面，汤稍热一点点(仍未达标)，辛辣味香浓，但杰度跟日本食的差距太远了，根本都挂不起面条，比鸡汤面还要稀；面量就多，食得饱；厨师刀功都几厉害，两小片的叉烧都切到薄如纸张。食日式拉面，基本要求只是汤够浓够热，面够弹牙而矣，总评一般般吧！有点失望，抱歉难以回头了。…查看更多

彩Aya一向以面条及沾面成为其卖点，之后突破界限在西环开多一间浓厚鸡白汤拉面。而在不久之前在旺角上海街开店，邀请了在日本深造厨艺多年，亦在香港有名气的拉面店工作的香港人当主厨，之后此旺角店便推出好几款拉面，更推出了小食烧卖。先讲拉面，旺角店有几款独特的拉面，例如海老味噌拉面、昆布拉面及抹茶鸡白汤拉面。今次我点选了浓厚鸡白汤拉面及抹茶鸡白汤拉面。浓厚鸡白汤拉面味道不浓不淡，水准平稳亦相当易入口，拉面面条选择了小麦拉面，饱感度高，弹口亦有麦香，鸡叉烧肉质嫩滑，实属稳阵之选。抹茶鸡白汤拉面属创意之作，平衡度甚高，浓浓的鸡白汤渗出淡淡的抹茶味，没有过咸或过甜的感觉，两者味道没有抹杀对方，笋片爽脆属意料之外，这款拉面可以一试。烧卖是属于日本的中华烧卖类别，自家制造分别由鸡肉、猪肉及鱼肉制成，用竹皿盛载，大约$5港币一粒，三粒一笼，咬口感觉得结实，但口感点单调，加入黄色的芥末酱提升一点入口感，温度不热，外形比一般鱼肉烧卖大一点。…查看更多