彩薈軒 (海之戀商場)

𠮶日同屋企人去咗饮茶，就算平日下昼都有好多客人。好彩我哋坐喺靠窗的位置，一路饮茶一路睇海景，个人心情都好好。餐厅嘅菜单上有好多选择，尤其系创意点心，令人眼前一亮。我哋叫咗几款，食物真系都新鲜即整，啲点心都好好食。我特别钟意佢哋嘅虾饺，皮薄馅多，好大粒鲜虾，味道好鲜美。𠮶日仲叫咗炸鱿鱼须，外脆内嫩，个炸皮好薄，好好味，令人惊喜。其他菜式都好有水准。呢次体验非常愉快，食物质素高，环境舒适，非常适合全家人一齐黎叹茶。…查看更多

一肚气，门口咨客只入熟客。眼见二枱冇飞打尖，一枱二人客比四人飞又打尖，又有熟客耳语打尖想入，我地白白等左40分钟。唯有走人。之前都见过几次唔夸张都算，今次真顶唔顺。e间野普通客唔驶去受，等d熟人大客彼此去打尖啦!…查看更多

今日与妈妈和弟弟在荃湾西站寻找美食荃湾，在海之恋商场,与家人叹吓茶行吓街，轻松写意。清明时节，竟然等咗半小时就可以入座，仲安排坐海景枱，望着海上悠闲自得的海鸥，乐也融融。由于家姐与他的儿孙往海洋公园度假两天，故我们三人近近地在荃湾叹茶。我特别喜爱金箔鲜虾姬松茸饺和燕窝椰子糕，安虾咸水角也不错，外皮份外香脆。与家人倾吓，笑吓享受吓，乐聚天伦。:)餐后仲去行运动服店舖，另外买护肤品，食品，一个商场已满足妈妈的购物欲，哈哈。…查看更多

早上帮衬 不过 只得两个人所以唔可以坐近向海嘅位置有啲可惜.... 要用手机扫二维码落单， 虽然好多茶楼都系咁但系都会保留你可以用 写纸嘅选择。 有时觉得用笔写落实物𠮶一种感觉系食嘢之前嘅一种心灵享受可以减压又可以玩下墨水。 早餐算系咁啦，有孖宝、三宝、同埋四宝嘅选择。 叫咗个叉烧肠， 叉烧有啲韧肠粉皮 如果能够薄啲滑啲就更好喇； 我 比较想分享少少负面嘅就系啲茶比较涩， 香片第一转沟水都觉得太涩； 鲜虾菜苗饺 就蒸得算系中上味道都唔错食得好开心； 排骨 ok 啦； 有个高汤鲜竹卷 就觉得有啲失望因为啲汤好热好多油其实唔系几健康。 不过叫咗四样嘢连埋茶100蚊松啲都差唔多啦都冇乜好讲 la…查看更多

荃湾海之恋彩会轩酒楼几乎每星期都会同家人饮茶，因为彩福集团点心都有保证，地点方便，而且今次有亲戚由英国回港，所以特别约咗喺呢间酒楼饮茶，唉！今次竟然食了一半的豉椒排骨发现有只小强🪳且size亦不是太细只，立刻把嘴里的排骨吐出，大家都感到很呕心，其余啲点心都无胃口再吃下去了！亦立即反映给一位女部长，但反应冷淡只是想尽快拿走碟点心便算数，一声道歉都没有，所以永远都不会帮衬了！曱甴在点心里出现，真是最低级嘅错误！失败！…查看更多