2025年8月19日 星期二成个暑假都无去到旅行，真系好挂住日本既天气同食物，好彩有体贴既老婆知我心意，偷偷地预约左呢间餐厅既omakase呢晚带我黎食，以解我对日本既相思之苦餐厅主要提供呢三款omakase，有平有贵，我哋要左$580果款，另外再升级要彩羽太卷同雪花刨冰，因为呢两款都系餐厅招牌菜式，店员都强烈推荐一点完餐等左一阵就有前菜，分别系素菜蒸蛋、北海道白粟米同无花果，蒸蛋滑如丝绸，蛋香温润，配上三文鱼籽再作点缀，清新得嚟唔单调而北海道白粟米就粒粒饱满，咬落爆汁，甜得黎够自然无花果果肉柔软，甜中带酸，食落几开胃呢个系烟熏鲣鱼，鲣鱼经过烟熏之后烟香扑鼻，鱼肉结实带弹性，入口有种炭火后既深沉回甘，好有个性跟住有和牛寿喜烧，牛肉嫩滑，入口即化，汤汁甜中带咸，加埋蔬菜同菇类煮出嚟既浓郁鲜香，十分满足之后有𩽾𩾌鱼肝泡芙，外层酥脆，内馅就滑如奶酱，鱼肝香浓得嚟又唔腻，咬落有种爆浆嘅惊喜然后开始有唔同既寿司，先有金𫚕鱼鲷，鱼脂甘香，肉质厚实带脆，清爽中嘅甘甜后劲悠长呢个系拖罗，属于寿司界嘅王者之一，油脂分布靓得嚟又唔腻，真系每一啖都令人陶醉，入口鲜味即刻涌出，脂香与鱼香合璧，完全系人间美味再黎有江户前玉子烧，食落蛋香丰郁，绵密黏滑，而且见到层次透薄呈现鲜甜咸香，完全展现到师傅既功力再黎有昆布海胆寿司，昆布嘅清香将生海胆提升左几个层次，鲜味更加有深度，完全冇谂到可以有呢个配搭，非常有心思呢一个彩羽太卷系我哋加钱既，属于餐厅嘅招牌菜式，师傅将多款高级食材融合得恰到好处，视觉同味觉都好震撼，有海胆、大拖罗、赤身、蛋黄渍齐集，口感层次丰富，鲜香交错，卷埋紫菜一啖落肚，简直系寿司界嘅盛宴最后甜品有抹茶味刨冰配红豆白玉，师傅用咗来自日本嘅冰，清爽爽口，配搭香甜嘅红豆，而且同抹茶微苦鲜明对比，加上白玉烟韧软糯，一啖就即刻感受到夏天，充满日式风情，唔止解暑，仲有层次感添埋单大约千七蚊左右，感觉真系好似去咗日本食omakase咁…查看更多
