彩福皇宴

101123 星期二 | 爸爸跟友人外出旅游，这几天要抽多点时间陪妈妈了，今天就跟妈妈到彩福皇宴饮早茶，早晨优惠点心选择颇多，就点了个风味碗仔翅、招牌布拉肠和山竹牛肉球，另外要了个顶点竹笙菌皇灌汤饺。风味碗仔翅 ($6.8)，无咩特别风味，都系一般杰挞挞的碗仔翅，材料都几多，味道OK。招牌布拉肠 ($7.8)，称之为招牌，应该有些过人之处，但系又唔觉得特别滑或者特别好味，都系一般水准吧。山竹牛肉球 ($7)，又一一般水准之作，睇嚟优惠点心都不能有甚么期望了。竹笙菌皇灌汤饺 ($32.5)，满以为这个顶点会有些超水准的地方，可惜系无，重好唔抵食，竹笙只得一件，冬菇一件，灌汤饺里是有些菇类碎粒粒，但看不出是甚么菌皇啊。茶位每人$5，埋单要$71。点心的水准实在很普通，跟晚饭小菜有点距离。…查看更多

官塘呢间彩福,听闻食物ok抵食, 所以星期日一大班人去试, 原本仲打算中秋节订几围酒席...., 先说食物质素, 点心整体尚算可以, 不过职人手唔多够, 要添茶, 落order, 到最后埋单, 次次都要花十分钟以上..., 不过心谂晚饭无茶市咁繁忙, 可能会好d, 于是埋单后就出门口揾下宴会部倾下订酒席事宜, 不过唔见有宴会部, 唯有同门口派紧位果位女知客问下啦, 点知行埋去同佢讲左好多次"唔该", 果位知客依然唔理我地,好似完全听唔到咁,继续黑口黑面地派飞,之后佢仲好不满咁瞄左我一眼, 我同其他人唯有揾部长啦, 揾到一位部长表示想订晚饭酒席, 部长都系同果位知客讲, 叫佢帮我地订枱, 咁我地咪企系度等佢帮我地啦, 点知等左成分钟, 果个女知客依然继续佢黑口黑面地派飞, 完任冇理我地, 我再问左声"请问可以帮我地订枱未?", 佢依然唔揪唔睬, 咁既情况真系令人火滚!!!于是我同屋企人话: "人地都唔理我地, 走啦, 不如去第二间订好过啦!" 点知果位知客至好悔气地话:而家咪同你订啰!,原来佢对客态度系钟意就答你唔钟意就当听唔到! 咁"好"既服务态度叫人点帮衬, 尤其是仲话系婚宴专门店? 帮喜事比佢黑口黑面对人, 真系大吉利事!…查看更多

前几日同同事在旺角彩福饮完茶, 食过返寻味! 今日放假, 同男朋友去左观塘彩福饮茶!12点去到, 未到食饭时间, 所以一入去就有位!叫左壶铁观音, 好香茶味, 唔错!来到观塘彩福先发现, 原来唔同分店o既点心系有少少分别的!例如旺角有酥皮叉烧包, 观塘有雪山叉烧包, 即系墨西哥包o既皮都好味o既, 但系冇酥皮咁脆咁好味!因为旺角个锦卥云吞实在太好味! 所以o黎到照叫, 不过依度做得好似冇旺角咁好味, 但系个汁依然系very good!黑鱼子烧卖 & 虾饺, 全部都好大粒同叉烧肠粉一样, 味道方面是好吃的, 但没有太大惊喜我地仲叫左笼牛肉球, 依个好好味㖞, 但系gip汁如果多d就更perfect哪! 埋单$143, 两个人o黎讲有少少贵, 不过都系可以接受o既范围总括o黎讲, 食物味道好, 招呼都唔错! 不过如果多d款式会更好呀~P.S.另外我仲见到佢地有d午市行政套餐, 2人/4人/6人都有, $2xx 左右有炒粉面饭+小菜+点心, 都几抵食, 好方便上班一族, 不过我唔系依头返工, haha…查看更多

与失散多年嘅老朋友约好到彩福食晚饭, 呢间彩福都几好坐够哂宽, 唔使同隔离枱手踭撞手踭。因为上个月同亲戚嚟过一次, 觉得佢哋个餐好好味, 喺无睇餐牌嘅情况下, 再嚟encore个套餐。 一碟一碟随即奉上, 我先至发觉佢哋个餐有啲菜转咗, 无问题啦, 最紧要好食啫。 直到佢(彩福一品卥水乳猪)嘅出现, 我接受唔到lor,点解只乳猪唔系炸架, 点解个猪头五官咁清晰...点解...点解。我一嚿都无食呀, 连掂都唔敢掂, 只乳猪一上枱我哋已经拿拿临叫waitress姐姐拎走个猪头, 我以为...我真系以为我哋可以食得落, 最后都系唔得。 今次都系我大意无睇清楚个餐牌, 太过大安旨意了......唯有当作都系一次经验吧。不过, 总括嚟讲味道都唔错。 价钱都好经济, 是晚我哋半席$988 。…查看更多

话梅骨 - 一煲㶶味, 退左货柚皮炆海鲜 - 柚皮超苦斑头腩煲 - 茨汁5分钟内, 唔知点解凝固成一pat片皮鸭 - 用PANCAKE皮包(?!), 鸭好大阵酥味小炒(忘记了名) - D花胶&海参完全无味南瓜炆牛仔骨- 南瓜好"爽口" 马蹄露 - 马蹄冇味, 吉士粉味超劲, 唔甜大家一致认为, 全晚最好食就系碟腐乳炒通菜.…查看更多