強記餐廳小廚

趁住假日就同爸爸妈咪仲有个仔入梅窝行吓，下昼揾地方食lunch，无乜所谓下就拣咗呢间极品餐厅。爸爸妈咪入去先，可能佢哋衣著太普通，个男职员以为我哋系大陆人，未请我哋坐低已经讲每人最低消费40蚊。之后又叫我哋出去cashier买飞，餐具盒唔系枱枱有，佢安排我哋坐嘅枱又无，都无主动攞俾我哋，可能你会话咪自己攞啰，但之后有一对backpacker入嚟，佢语气明显唔同，又推介人食乜又主动俾餐具，仲要人哋无order饮品，佢都同人讲有水可以攞！喂我都系消费者，你唔想做我生意你咪一开头话收铺啰！我哋走仲要多谢都冇句！嘢食又唔好食！无下次呀！…查看更多

呢度假日先难得入去，点知难忘经历。晏就入到座低食，但点知似俾人赶住出嚟咁，店里的职员似收工咁 似落last order 咁，叫左果猪排公仔面，但点知 酱汁加埋芝麻，仲系难得 。之后俾人赶住出嚟咁既经历。…查看更多

入去叫左个快餐烧汁鸭胸肠仔饭 等既其间入黎既人叫完野食到晒 都未到我个快餐 仲要个男店员黑晒面行埋黎问我系咪食饱好啦个饭终于到 顶咸到我思考人生 鸭胸都无所谓 但条肠仲咸过鸭胸几倍 加埋个烧汁真系一绝 自问无咸不欢今次都五体投地 虽然店员服务态度麻麻 但都无阻我再去挑战既决心…查看更多

咖哩猪扒蛋饭，咖哩比较普通，猪扒有梳打粉味，但仍然坚靭，唯有只蛋系煎得好D，茄汁鱼块煎蛋饭，茄汁好似樽装茄汁味，麻辣肥牛米线，肥牛得几件份量比较少，味道一般，猪扒捞出前一丁，猪扒仍有梳打粉味，出前一丁捞得唔好味，总括嚟讲失败！…查看更多

今日一早就搭船入咗梅窝，今次唔系嚟玩，做为工作而来。完成工作，够钟食晏。一于食埋午餐先返公司。不过因为要睇住上船时间，唯有喺梅窝码头附近觅食。可能因为系平日，好多餐厅都未开门。入到梅窝又唔想食连锁店。好彩揾到这间强记餐厅小厨，距离码头大约3分钟路程。餐厅空间感大，环境舒适，系假日feel 啊～午餐以饭餐为主，价钱相宜。其中一个听个名已经觉得特别，就系「咖喱鸭胸鲍片饭」。一于试下，饭餐可以配热奶茶，阿姐仲送埋例汤。先尝一口奶茶，茶味重，带点苦涩味。虽然不是用黑白奶，不过不失啦。饭餐上碟一看，卖相有住家饭的感觉。🍛 咖喱汁分量十足，多得可以盖过大部份鸭胸鲍片，捞饭一流。咖喱微辣，适合非辣人士。仿鲍片腍滑。煎鸭胸切片也不太薄，有七至八片，份量十足。是日例汤系青红萝卜汤，自家汤清甜，无落味精，唔错👍🏻…查看更多