廿三廿四 (已結業)

久唔久都要獎勵自己飲吓廢水🥰公司附近咁啱經過呢間好似好吸引，尤其是餐牌見到佢哋所有配搭味道都好似好好飲今次試咗杯Oreo 芝士奶蓋果然冇令我失望，芝士奶蓋超級濃郁，泡沫鹹鹹甜甜的超好味，建議就咁飲咗面頭嘅芝士奶蓋，試試個味道先至攪勻佢飲埋下面，Oreo味道唔會過甜得來都好香😝😝另外仲可以加入自選配料，例如咖啡凍、蘆薈、珍珠、椰果等等增加口感，見到佢其他水果茶系列都好吸引，下次一定要試飲埋其他🥰🥰…查看更多

我3月29號幫襯過，嗰陣簡直覺得佢嘅奶蓋茶係全香港最高質素。Openrice可以搵返我之前飲過【海鹽芝士奶蓋紅茶】嗰時中杯賣$30，偏貴嘅，都算因為真係好好飲，而且奶蓋份量非常足夠，簡直係黃金比例。嗰陣佢地個招牌係白底黃字。去到唔知幾時開始，佢地轉左個淺藍色底啡字嘅鋪面，餐牌亦都轉左。好多選擇都無左。:(我問店入面嘅妹妹仔：係咪無左「奶蓋紅茶喇」？😳個女仔話係呀、得返牆上面嘅「芝士奶蓋鐵觀音」，佢話如果要飲奶蓋紅茶，就只可以order純茶再加$7芝士奶蓋。哦，咁好啦，我揀左綠茶+$7芝士奶蓋。但到最後我好失望，講真一個配料加$7算係好貴，但出到尼只有「薄e e 」一層嘅芝士奶蓋⁉️⁉️我覺得轉左招牌之後啲野好差呀！選擇少左之餘仲要偷工減料… 我本來真係好鍾意飲你地嘅product但見到杯咁嘅芝士奶蓋真係好失望，仲衰過出面quality良莠不齊嘅連鎖店😡😡😡希望個老細可以關注下你而家嘅產品質素同埋選項。仲有，嗰晚返工兩個女店員，後生女，都無乜禮貌。兩個坐喺度睇電話睇左好耐，個樣好似壓世咁，黑口黑面係咪老細你出太少糧比佢地？？依兩個女仔態度只會倒你米講完…查看更多

今日經過深水埗呢度又開左間手搖, 望落D野飲都幾吸引, 店入面有少量既位置可以CHILL住傾+飲野店入面MENU既選擇唔算多, 都係D熱門好味同吸引既款我嗌左既係黑糖珍珠鮮奶宇治抹茶, 即點即整既所以等左大約5分鐘先有SIZE正常而且黑糖份量都算多, 店員都幫我少糖左非常貼心味道方面同出面既都差不多, 但係抹茶濃厚加上黑糖既甜味, 兩者係勁MATCH而且抹茶既質素一定係比其他地方食到既更高質!! 珍珠既口感都係勁Q彈, 整體係不錯的!! 重點係價錢都不貴, 值得一試…查看更多

新開手搖店😍係太子行街行到勁熱見到有間新開嘅茶飲店即刻想試下😍😍😍揀咗杯士多啤梨海鹽芝士奶蓋！芝士奶蓋食落奶creamy，唔會好膩，食落淡淡芝士鹹香氣，食落好似士多啤梨新地🤣🤣超正！！！！另外叫咗杯蘆薈蜂蜜檸檬fresh啲嘅！飲落酸酸甜甜好舒服好解渴，蘆薈都甜甜地有啲咬口，超推薦呢個！🤤🤤🤤📍廿三廿四@2324.bubbletea📍深水埗大埔道72-74號海祥大廈地下A2號舖…查看更多

今日經過深水埗見到呢間新開嘅茶飲店2324個名超得意, 就去買咗一杯手搖飲品分別有中杯、大杯、同環保裝系列, 款式主要有四個唔同嘅系列，包括奶蓋、黑糖、醒神、多多, 整體配搭都幾match, 仲有一周限定嘅Menuoreo 海鹽芝士奶蓋面頭係濃厚嘅芝士奶蓋, 建議先品嚐上面嘅芝士奶蓋, 再攪勻飲用, 奶蓋口感幼滑, 芝士味香濃, 再灑上少少Oreo粉, 飲落係鹹甜鹹甜嘅味道, 層次豐富, 唔會太甜另可加埋特色配料, 包括咖啡凍蘆薈, 珍珠, 椰果等, 增加口感…查看更多

🧋黑糖珍珠鮮奶宇治抹茶平時飲嘅黑糖茶飲底都係奶茶，見到呢間舖頭可以揀抹茶，就即刻試吓。宇治抹茶味作為主導,香濃醇厚同口感香滑嘅抹茶加晒分，仲加入左鮮奶,令到整個飲品更顯濃郁飽滿,。當中既珍珠Q彈有嚼勁,仲帶有濃郁的黑糖香,同抹茶係完美融合。大部份嘅黑糖飲品都唔可以選擇甜度，而呢間餐廳可以揀少糖😍甜而不膩,達到了恰到好處的平衡。呢杯飲品集抹茶、黑糖、珍珠和鮮奶於一身,層次豐富,口感誘人,係黑糖控同埋抹茶控必試嘅茶飲。…查看更多

途經太子有間新開嘅茶飲店，飲品款色種類唔多，主要分為黑糖、奶蓋、醒神同多多，有中杯同大杯，更有環保設計可以選擇。飲品配料有珍珠、椰果、蘆薈同咖啡凍，想增添口感可以加。第一杯要咗黑糖珍珠鮮奶宇治抹茶，珍珠微Q，帶點咬口，煙煙韌韌，黑糖味突出，螞蟻人表示正。抹茶同鮮奶唔會蓋過對方，飲落順滑，性價比高，記得要全糖！另一杯係士多啤梨海鹽芝士奶蓋，小朋友之愛，邪惡之選，同樣要全糖，建議先品嚐上面嘅芝士奶蓋同下面嘅飲品先再攪拌，奶蓋creamy，淡淡芝士鹹香氣，中和士多啤梨嘅酸甜味😬…查看更多

💛依杯海鹽芝士奶蓋幾好飲😚個芝士奶蓋鹹鹹香香，雖然杯野有啲貴，中杯都要$30，但奶蓋比得足呀❣️好少可有咁厚嘅奶蓋❣️而且做得好好，唔會「稀了了」我平時習慣走甜，今次都一樣，本來request左走冰，但係妹妹話冰無得改，所以唔緊要啦～但係出到尼杯野飲冰都唔係她多呀😚👍🏼🩷唯一係$30真係有啲貴，但真係幾滿意杯野飲好彩住得近 好期待再尼買其他野飲同埋佢地有好多出面無得飲嘅product，例如Oreo，不過希望Oreo可以列入可以加錢加配嘅配料之一🫶🏻…查看更多

雜莓海鹽芝士奶蓋 酸酸mei mei 不會太甜 芝士奶蓋好濃郁😋 轉杏奶 再好飲10倍茶凍非常之清新🍃啖啖花香味🌸一間小店舖雖然唔顯眼 但質素遠勝大型連鎖茶飲唯一嘅缺點就是不設走冰😅…查看更多

呢間飲品店真係有驚喜，今次踩單揀咗款雜莓海鹽芝士奶蓋，你問我點解選佢？因為個名夠吸引，成個組合咁新鮮！🍇🧀🌊 點知，一飲之下，真係一言難盡嘅正！海鹽芝士奶蓋嗰份甜中帶鹹，芝士香濃得黎又唔膩口，底下嗰層雜莓茶湯咁清新，仲真係有啲正宗莓果嘅粒粒，爽口得滯！質感好到不得了，飲一啖，個莓味就喺口腔裡面跳舞，啖啖都是喜悦。話說返，呢度啲飲品都唔會太過甜膩，好適合怕甜或者想健康啲嘅飲品愛好者。啲材料好似都挺新鮮，小小一間店，態度又好，真係唔錯。紫薯味我下次一定要試吓，聽聞好多街坊都推，話佢哋啲紫薯控制得宜，咁必試啦！總之，呢杯雜莓海鹽芝士奶蓋，係我今日嘅開心來源。之後再行過呢度，勁想再嚟一杯，成日都諗住佢，真係少少上癮！話俾你知，有時跟心不跟流行，搵到自己杯茶嘅滿足，咁先叫做享受啦！😌👍👅…查看更多

去親嗰頭都一定幫襯，不過通常都係自己帶杯去因為尋日飲完個杯洗咗無拎，咁啱今日又過去，所以終於叫咗杯有佢哋嘜頭嘅飲品🙊入面沖茶嘅妹妹全部都好好人，我要少甜少冰少珍珠，佢哋做到都會幫我做而且味道都好飲，大約三十蚊一杯真係值得幫襯仲有印花咭儲印仔，10個印仔一杯免費我飲過佢哋嘅咖啡、食過咖啡凍、飲過珍珠、水果茶、芝士奶蓋可能慣性叫少甜或者微甜，我覺得甜度都好合適水果茶叫微甜比較可以飲到多啲果香味咖啡系列都唔錯，不過附近有間飛龍，如果你對咖啡好有要求就去飛龍啦（但飛龍啲蛋糕一般，我喺舊店有出過食評）咖啡凍可以一試，當係甜品，佢哋仲出咗茶凍，不過我未試過珍珠系列啲珍珠真係勁多，好似唔使錢咁（我叫親都叫大杯），所以成日叫佢哋少珍珠，否則應該會濟到晚飯都食唔到😂珍珠彈牙嘅，唔算好甜，唔會好影響杯飲品嘅甜度balance今日呢杯士多啤梨奶蓋叫咗少甜，應該微甜會好飲啲另外芝士奶蓋唔算好出，下次可能都係飲返茶類（尋日飲完果茶所以今日想轉口味囉🙈）…查看更多

叫了大杯裝雜莓海鹽芝士奶蓋，返屋企打開蓋飲，斟到滿晒都只係$36👍👍 芝士奶蓋加咗少少海鹽已經香咗好多，雜莓呢款裏面真係加咗少少莓肉。佢仲有其他味例如紫薯、士多啤梨，我自己就覺得紫薯最好（係真。紫薯來的），雜莓始終有啲藥水感。呢間飲品店由開舖睇住佢做到而家，記得一開始班年輕人逐款飲品調校啲味，調到嘔心瀝血咁（所以就算同樣都係海鹽芝士奶蓋，唔同味都有啲有得少甜、有啲冇）。希望小店可以繼續做落去啦～…查看更多

經f熊貓嗌咗新出嘅薑汁芋圓加芋頭。食物味道幾好，薑汁好辣。芋圓不多，只係芋頭變了芋泥。加咗6蚊原來只有一茶匙，紫薯也是。成份都35蚊，份量就令人好失望。我覺得廿三廿四都係專心做飲品好了，糖水就不用了。…查看更多

😎 小編依日只係咁啱路過，眼利見到茶飲店內貼有Ian🐨嘅應援海報。既然咁有緣，又有一段時間冇幫襯過依間小店，就入去買返杯嚟飲！🤗［ 亂闖試飲 ］🍹 水果茶 (百香果) 😋😋😋😋依次揀咗中杯size，糖度少甜少冰，見到入面有蘋果、橙同百香果籽，綠茶茶底，飲得到水果嘅香甜味同百香果嘅微酸，入口舒暢！☺️下午茶 💵 約港幣$30/人💁🏻‍♀️ 小店位於近太子方向嘅大埔道，大家有興趣嘅，去開附近，可以多多留意同幫襯！💪🏻…查看更多

見平平地突登買杯試下。26蚊都無乜期望㗎啦，不過唔係水+珍奶囉。店員小妹已經提左茶味唔濃，問我要唔要加濃，加完都係一啲茶味都無。奶同茶味同珍珠甜味完全分得開，只此一次啦，怕怕:(…查看更多