廿一堂

营业中

休息中

午餐，行過聞到好香，好日式嘅炭燒味，見平均唔駛$60有午餐丼飯加汽水，試一次啦！我叫咗廿一燒牛丼 $55包可樂（其它凍飲加$3-$8不等）。好唔掂！牛肉燒到又乾又鞋，本身都唔係瘦，燒完都咁乾，我燒可能好過佢。牛肉唔靚，冇肉味，得黑椒味，用的是粗粒黑椒，有點偏辣。燒肉汁聞就好香，食入口第一啖已經覺得超勁鹹，結果我可以忍受晒啲牛肉，但啲飯食剩三份一。topping有紅色薑漬物、洋蔥、芝麻。唯一要讚係機器點菜很方便，仲可以每樣topping選擇要唔要。（奄尖如我，要親口向售票員講「走洋蔥」「汽水走冰」等，其實都有點煩人）總括：食得飽，但下次唔會浪費錢了

係中環地區想搵個價格商宜，又坐得舒服， 又想係日式料理，好似好多要求，但係呢度就岩哂啦！每次係呢度食飯都係夜晚放工時間，人流並不會太多，座位非常寬敞，太好啦。😁 相信午飯，下午茶時段會很繁忙。今次叫左兩個定食，免費配上玄米茶或汽水一杯 👍🏻鰹魚湯讚岐烏冬 🍲配關東煮🍢，麵豉湯🥣，大根醬油漬🫔 份量十足，魚湯紫菜烏冬麵身清爽，湯汁一啖入口，好好味😋 關東煮雖然係配菜，不過絕不馬虎，獅子狗卷丶蘿蔔入味👍🏻👍🏻👍🏻廿一炭燒鳥丼 🐓亦都是配上麵豉湯🥣及大根醬油漬🫔 滑滑燒雞柳係不錯，不過燒汁少少過鹹，大根醬油漬作為前菜簡直冇得頂！快靚正，推介⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️

中環抵食又吾洗等位又坐得舒服既午餐餐廳真係吾多，廿一堂就係其中一間。十二點去到，吾洗排又吾洗等位，今次試下個厚切牛舌飯，然後搵位坐，五分鐘左右就拎得野食。雖然感覺係快餐，但係佢嘅服務不嬲都幾好，服務員又有禮貌。今次個牛舌非常足料，大概有四五塊左右，塊塊都好大塊。但應該係採用日本米，口感同普通米飯不一樣。另外佢也免費跟野飲，同埋有一個甜品跟埋，甜品係凍既糯米糍，是芒果餡料。得閒定期都會再黎食，性價比太高啦。

今日午餐第一次試呢間同事介紹嘅廿一堂, 同事介紹嗰陣話佢係高級版嘅吉野家, 所以令我都非常期待！不過去到睇menu覺得佢更應該被稱為燒肉版嘅吉野家, 因為佢啲丼飯主要以燒肉為主, 唔會有吉野家嘅招牌牛肉飯嗰種因為係第一次食, 我今次就揀咗佢標示係人氣no.1嘅廿一燒豚丼($58), 外賣自取有9折, 最後埋單$53包埋飲品(汽水/麵豉湯/玄米茶)同一粒大福, 喺中環嚟講非常抵食！不過因為餐廳話係即叫即燒, 所以打工仔要有心理準備等大概10-15分鐘返到公司一打開個外賣就聞到好香嘅燒肉味, 豚肉嘅份量都唔少, 肥瘦適中, 肉質有啲乾但係可以接受, 如果有多啲燒肉汁就好了！餐廳喺個飯上面放咗一啲紅姜, 紅姜下面係燒洋蔥。因為我本身唔鐘意紅姜嘅味道, 所以挑走晒佢哋我先正式開餐跟餐嘅大福個皮非常煙韌, 入面係唔會太甜嘅cream, 唔錯！呢個價錢同質素應該會令我瘋狂幫襯, 下次要試同事極力推介嘅燒牛舌飯

今日喺中環食晏，周圍都好多人又難揾位，跟住就行到廿一堂， 雖然好似好多人，但大部分都係買外賣的，所以很快就有揾到位就。呢段時間外賣可以有9折。午市有十多款選擇，有丼飯亦有烏冬類， 可以配牛，豬，炸雞，鰻魚，鯖魚等。今日就食廿一燒牛丼，有大福草餅同玄米茶。堂食$56。由於外賣好多人，所以堂食都票等，應該都有15分鐘左右個飯都好熱，燒牛肉份量都好多，非常足料，上面有點紅薑同芝麻，再加上大福草餅加可樂就好滿足嘅一餐

中環中午時份無論買外賣或堂食都超多人，依家係廿一堂買外賣有9折，食日式餐廳嘅外賣都幾吸引。本來想堂食，但真係好多人又要等位，唯有買外賣食，佢呢度都好多選擇，有飯類又有烏冬定食，今次就叫左1號餐~廿一燒豚丼，連大福草餅及一杯飲品$59，外賣有9折，即$53，係中環係超抵食，等大概10分鐘就有，可以接受燒豚肉好香，而且上面有生薑酸酸地醒下胃，醬汁美味外賣嘅大福草餅會有個小盒仔載住，再加杯可樂就好yummy

喺公司附近冇咩特別野好食⋯同事就話不如試吓呢間嘅丼飯😋燒牛丼肉質比較乾身因為牛肉冇乜油脂不過可能係燒既關係一打開個蓋已經勁香！上面紅卜卜嘅係醃蘿蔔 加埋啲牛肉一齊食會比較冇咁油膩👍🏼燒豚丼用咗五花腩 油脂比較豐富咬 落去會比較腍同樣地亦都好香燒過嘅味道！.芝麻雞翼脆卜卜好香口 如果可以多啲肉汁就更好💪🏻

今次介紹一間好受中環打工仔歡迎嘅日式快餐店🥳～ 餐廳就位於中環Donki上一條街，成日經過都好好奇🧐小編終於有機會試試佢啦！點餐流程同連鎖快餐店一樣，俾錢攞飛再攞餐 亦都可以自助點餐😉餐廳座位闊落乾淨 不過唔算好多，平日lunch time通常都逼爆。食物方面頗有誠意，燒豚丼豚肉厚薄適中 邊位微焦 有焦香😋飯就用上日本米 粒粒圓潤分明有口感🍚面頭都放咗啲酸蘿蔔解膩。讚岐烏冬免費轉咗鰹魚湯 比較清淡🍜似係日式醬油湯底 帶些少甜味。唐揚雞大大塊 肉嫩脆口 好好食🤤跟餐仲送嘢飲同大福🍡大福外皮軟糯 內餡係滿滿嘅忌廉，味道偏甜。除咗主食，大家仲可以加配小食 大致$8-16，小編都試咗幾款。炸薯餅口感非常綿密 裡面質感似薯蓉🥔芝麻手羽其實就係雞全翼，炸得非常香口 值得叫！肉串有啲似ikea嘅肉丸🧆普普通通 無必要試。小編真心覺得抵食過吉野家多多聲，每次消費仲會送優惠卷，唔怪得咁受歡迎！🌟 廿一燒豚丼 ($56)🌟 唐揚雞配日式咖喱讚岐烏冬-轉鰹魚湯 ($68)🌟 芝麻手羽2件 (+$16)🌟 北海道炸薯餅 (+$8)🌟 日式雞軟骨肉串(+$16)味道：🌕🌕🌕🌗🌑環境：🌕🌕🌕🌑🌑價錢：🌕🌕🌕🌕🌑

中環搵外賣多選擇 但價錢係一個考慮咁啱經過廿一堂 見有二人套餐 $118 幾抵有得揀丼飯/烏冬 六選二然後有小食同飲品揀 每人三選一要咗個鰹魚湯牛肉溫泉蛋烏冬+九州豚湯野菜煮 + 麵豉湯 等咗10分鐘左右放得幾好 冇漏瀉鰹魚湯牛肉溫泉蛋烏冬烏冬同湯分開放 啲麵冇淋/爛拎到返屋企仲熱辣辣一開勁香!!! 而且份量大好多牛肉同烏冬 (尤其牛肉 出奇意外地多 正)雖然分開放 不過原先烏冬已經有味 鹹鹹地溫泉蛋超流心 似未熟 但係撈烏冬好正牛肉半肥瘦 有牛肉味 食落又腍 冇根烏冬質感好彈牙 滑碌碌 又索汁 超入味👍🏻好食過吉XX 好多鰹魚湯反而清清地 同時幾香 全部野好夾九州豚湯野菜煮同樣分量多個湯都濃味 似麵豉湯 係旺菜 好食麵豉湯都超濃醇😋夠鹹-味道好味👍🏻勁有日本味道服務好環境大 (雖然唔係堂食)CP值算高 $59 主餐份量足 又多野食 又高質中環搵食好選擇

Beef rice bowl - typical local working class experience!!if you don't have high expectation, then the food may ended up tasting just fine!  if there is a long queue, then don't waste your time... (you need to check the queue inside where order is being prepared and not just at the check-out, because the queue there can be misleading!!)  the place was quite packed during lunch hour too! good thing - they have phone charging station where you can plug in usb cable ! 

廿一咖喱唐揚雞井 $68都大大件，肉又嫩身，咖喱汁黎講不會太濃，但配埋日本米好食，有啲口感！呢個算抵食，都幾多塊雞。追加上北海道牛乳薯餅小食 +8係香口好食既，無乜特別。餐都包左飲品同甜品～甜點係大福。個大福真係好有驚喜，煙韌得黎仲會爆啲cream出黎，好似食緊雪米糍咁，呢個真係好正。

講咗成年一直想試，今天終於試到，因為有人陪。中環食飯時間係好多人，搵位難，無人陪真係好難搵位。外賣要加$3。店內有部機如果自己收盤可以按一張票第二日再光顧$2優惠。服務態度：自助式，先購票，後取餐，姐姐收盤都快手，搵位不太難。環境方面：坐位多，比一般快餐店乾淨，比較嘈雜。食物質素：2號餐燒牛肉飯好味，牛燒軟，偏肥但口感好，有酸蘿白中和油膩感，佩塔相當唔錯。厚牛舌飯，牛舌相當日厚，有咬感，軟軟的。性價比：高總結：應該早啲嚟，一定有下次。好味指數

//食物 🌕🌕🌕🌗🌑1️⃣廿一炭燒鳥丼 $58D雞係用炭火即叫即燒既，所以會有陣焦香。個雞加咗少少燒汁去燒，鹹鹹地幾好食，可惜肉質略乾，而且個飯無汁，所以食耐咗就會覺得好dry😣2️⃣鐵板角切和牛 配燒魂丼 $80D和牛好大粒，咬落去一D筋都無，好鮮嫩，仲有少少粉紅色，再加埋D炸蒜片簡直一流！淋埋D燒肉汁上個飯到，話咁快就食曬😛3️⃣大福 跟餐加$10本身Menu個大福係綠色既，我就以為係抹茶紅豆大福，點知完全貨不對辦，係淺啡色既，個餡都只係普通cream，完全唔值$10。//價錢 🌕🌕🌕🌑🌑價錢中規中矩，以中環區嚟講算係唔錯。//位置 🌕🌕🌕🌗🌑唔算近鐵站，隔離就係Donki，而排隊入Donki條龍就係正餐廳門口-//環境 🌕🌕🌕🌗🌑呢間餐廳係自助形式，自己攞餐，自己回收，有D人食完無回收到，雖然間中都見到有姐姐收返D托盤，不過衛生都未去到特別好🤔-//員工 🌕🌕🌗🌑🌑因為係自助形式，所以其實成個過程都無接觸過D員工，所以不予置評😶-//總分 🌕🌕🌕🌗🌑-野食質素正正常常，行完Donki想搵個地方坐下食下野，都可以考慮下😂

黎到中環，想食平啲，又坐得舒服，💡發現係donki 附近有間幾抵食又多位既日式餐廳，係吉野家以外既選擇～🤓價錢幾實惠，五六十蚊就有成個lunch set 🐓唐揚雞配蕃茄湯讚歧烏冬 $68本來係咖喱，原來可以免費轉鰹魚或蕃茄湯底，🍅蕃茄湯都有唔少蕃茄，海帶同煮到甜既洋蔥🍗好大件唐揚炸雞，外皮都夠香脆，咬入去唔會好乾😍隨餐附送大福，好鐘意佢外面煙靭既表皮，咬入去都係滿滿既cream!原本lunch set 可揀玄米茶或汽水，今次黎飲品可以免費升級做🌿宇治抹茶，🤔不過抹茶味有點欠奉

午飯時間，這裡成日好多人，今日更加full，在門口買完餐，好不容易終於搵到位，今日叫了個新產品，生薑汁煮豚軟骨丼，第一次食這個丼，幾好味，飯上有我最鍾意的溫泉蛋，用來撈飯一流，豚軟骨好淋身，唔韌，而且好入味，餸的份量也充足，豚軟骨上有葱花，賣相不錯.