延燒肉

聽朋友介紹呢間位於上環的燒肉店，晚市的燒肉套餐先係每人＄238，好似好抵食，今晚就黎左呢到食飯，餐廳空間唔算大，有BAR枱同四人座位，裝修偏向日系風格，仲會播住日本的歌曲，令我覺得自己去左日本食燒肉咁。是日小菜：海帶牙＆泡菜可以係食燒肉前清新一下味蕾。石狩西京魚湯湯有粒粒的魚肉，湯底濃郁得黎又唔會膩，又夠足料。自選Combo-兩款肉類（150G）因為坐BAR枱，睇住個職員接左ORDER先會即刻切肉，確保新鮮，睇住個職員對擺盤都好有要求，擺得花心思。日本華味鳥雞肉幾爽口，雞皮燒成脆卜卜，好邪惡。日本宮崎豚肉肥瘦適中，咬入口油脂感好豐富，一啲豬臊味都唔會有。薄切鹽燒牛舌牛舌份量都算幾多，牛舌入口爽彈。美國黑安格斯牛肉佢啲紋路好靚，入口牛味算濃，唔會過油，再加啲檸檬嚟食汁，好夾。季節時蔬拼盤有翠肉瓜，黃椒，大蔥，雞脾菇。日本青森縣白米飯食燒肉係一定要配白飯的，飯粒粒分明，好滿足好飽。開心果雪糕呢個都幾大驚喜，入面仲有粒粒的開心果，又唔會死甜，真係幾真材實料，為呢餐燒肉晚飯劃上個完美句號！…查看更多

今日就約咗朋友嚟到九如坊食晏，其實呢條街都幾特別，只喺跟下面威靈頓街、上面歌賦街一街之隔，但感覺就好似進入另一個空間，以中環嚟講，特別寧靜，加上呢度四周都喺舊樓，又有個公園仔，顯得格外清幽:)。是次到訪嘅「延燒肉」是家日式烤肉店，主打自選烤肉套餐。鋪面已顯得有格調，走進店內，雖然店子細細，座位唔算多，一邊喺4人卡座，一邊喺吧枱位，數一數都喺十多個而已，但裝修骨子，一派和風日系嘅淺木色系配搭，簡潔，感覺舒服:)。正所謂工卻善其事，必先利其器，調味用嘅醬油、鹽、檸檬已在枱上，仲有燒烤夾，而燒烤爐用下抽風式，抽力強勁，食完都唔會一身油煙味。雖然午市都有散點，但當然嗌套餐抵啦，店家嘅午市燒肉套餐玩法喺任選兩款肉類，部份肉類或海鮮需另外加錢，此外，套餐仲包咗是日小菜、湯品、季節時蔬拼盤、白飯及甜品，起錶價$158。我哋就無特別加錢，都喺食番最基本嘅4款肉，只喺加咗隻新鮮雞蛋。淨喺睇啲肉，色澤紅潤，有光澤，足見來貨靚。此外，仲奉上一小嚿和牛膏，喺俾客人燒烤時焫一焫個烤爐，減少黐底嘅機會，認真細心。是日小菜、鮮嫩生蛋食日本定食，都會附上冷盤小碟，是日就有醃海帶同泡菜，前者爽脆帶點鹹鮮味，又富麻油香，後者酸香帶微辣，呢個辣度啱晒我，兩者都好送飯。而雞蛋用上蘭王蛋，色澤較深，圓潤靚仔，將烤肉沾上蛋漿，口感更滑！石狩西京魚湯定食慣常都喺俾麵豉湯，同樣，呢碗麵包喺，不過，加入大量三文魚，個湯本身已經好有麵豉香，又夠熱焫，而啲三文魚油潤嫩滑，仲伴有好多洋蔥添，夠晒營養。美國黑安格斯牛肉、薄切鹽燒牛舌先喺試碟安格斯牛肉同牛舌，其實，睇見成碟肉已經好吸引，油花平均分佈，仲有一小粒青檸嚟添味，份量亦喺唔少。先分享牛肉，由於喺牛嘅關係，加上薄切，基本上兩面焫一焫都已經可以入口，先喺一片原味，再一片沾上醬油，最後一片沾上鹽巴，肉質嫩滑，牛味濃，富油脂香，真心好食。牛舌切得大片，表面已睇到灑咗鹽同黑椒作簡單調味，所以，燒完之後反而唧番啲檸汁落去就入口，咬落口感有種彈牙感，帶有牛舌獨特嘅味道，加上微微鹹香，亦好唔錯。日本華味鳥、日本宮崎豚肉第二碟喺試試其雞肉、豚肉，前者喺厚切，後者就依然薄切，但色澤紅潤，同樣好靚仔。雞肉無咁多脂肪，所以，再搵嚿和牛膏掃勻個烤網，費事黐底。雖然啲雞件裁得較厚身大件，但得3件真喺未夠喉，不過，啲肉食得出有鮮味，質感非常之嫩滑細膩:)，雞皮燒燶少少，變得金黃脆口。而豚肉都睇到，脂肪甚豐，所以，落網時非常搶火，燒得火光熊熊，好有氣勢，由於喺豬肉關係，比起啲牛同雞，都燒耐少少，更逼出唔少油脂，食起嚟有焦脆感，既有油香，又唔好肥，再唧少少青檸汁，更具去膩之效。季節時蔬拼盤此刻嘅野菜有黃椒、大蔥、雞脾菇、翠玉瓜，正好為成餐都喺肉嚟平衡一下，其實，只要啲菜夠新鮮，燒出嚟嘅效果自然好食。順帶一提，套餐仲包一碗日本青森縣白米飯，飯粒飽滿，口感黏糯有米香，之前日本仲鬧緊米荒，唔通賣晒出國等我哋食到好嘢！牛乳雪糕是日嘅限定雪糕口味喺牛乳味，相貌就肯定平平無咩特別，但一入口，嗰份超濃郁嘅奶香猶如大爆發，湧入口腔，加上質感軟滑，為今餐飯有個整全嘅結尾。食得出啲食材都喺靚料嚟，所以，以日式燒肉套餐而言，算得上物有所值，加上服務非常好，侍應有禮，又主動幫忙調校火力、收拾碗碟……等等，讓人食得稱心，喺妙不可言嘅用餐體驗。…查看更多

上環一向多美食，今次黎左呢間燒肉店，裝修都幾日系風是日小菜：海帶牙+泡菜石狩西京魚湯🐟🥣 有粒粒魚肉，湯料非常豐富！喝下去尤其暖胃！自選Combo-兩款肉類燒牛肉之前，記得放一舊油脂燒，以防痴底！日本華味鳥🐓雞肉超嫩滑，雞皮燒成金黃色平時少吃雞皮的話（雖然有啲邪惡），都忍唔住食晒佢～溫馨提示：一定要放上青檸🍋‍🟩汁！有提鮮作用！薄切鹽燒牛舌👅牛舌👅都幾大size，由於師傅已經係表面混上鹽粒基本上不用蘸任何醬汁，即可食得出牛舌嘅鮮味！美國黑安格斯牛肉🥩超靚紋路嘅牛肉，基本上每邊燒15秒左右，再放上檸檬🍋汁，即可享用！季節時蔬拼盤🥬🥒前面食得多牛肉，可以食返啲蔬菜中和一下口腔的肥膩感！日本青森縣白米飯🍚粒粒米飯，非常飽滿鮮嫩生蛋🥚將蘭王雞蛋🥚拌勻，再蘸上牛肉一起吃，口感更易入口！開心果雪糕🍧食到粒粒開心果，真材實料，在這個夏天吃一口尤其舒服！Sapporo啤酒🍻食燒肉一定要配啤酒🍻帶點微微的醉意真係好chill…查看更多

if ur craving proper yakiniku in central, this spot is a must-try. just be prepared to wait a lil bit during peak lunch hours (totally worth it tho!) each set comes w 2 kinds of meat (120g), appetiser, soup, rice, veggies & dessert👅thinly sliced salt-grilled beef tonguetender, juicy and packed w flavour- especially when dipped into that raw egg soy sauce dip (+$10). 10/10 highly rec! we should’ve gotten 2 portions of ox tongue haha🐥japanese hanamidoridecent but nth special. stick to the beef if u want the real stars of the show🐮US black angus (+$38)well-marbled, delicious! worth the upgrade🐷miyazaki porkexpected more from this, but it tasted like basic pork belly🪸appetiser- seaweed & beef🐠ishikari saikyo miso fish soup 🥗veggie platter- zucchini, mushroom & bell pepper🍨lunch set dessert- homemade tofu gelatolight, subtly sweet, the best tofu ice cream i’ve had in hkthe table next to us had wagyu and it looked insanely good. would try it next time!price: $158 up (lunch)rating: 8.5/10revisit? yesss…查看更多

復活節長假期大家唔係飛出去玩就係北上，小編就趁呢個時間好好享受少人既香港haha今次黎到上環食燒肉，餐廳有提供午市燒肉套餐，$158起就食到兩款肉120g、前菜、米飯、湯品同甜品，性價比幾高。午市燒肉套餐自選-COMBO-兩款肉類（120g） $158 美國黑安格斯牛肉 +$38 海之極味+$68 日本華味鳥 小編都朋友都選擇了海之極味，再各自點了牛肉和雞肉。安格斯牛肉厚切，咬下去肉質滑嫩，油脂分布均勻，味道濃郁；海鮮有帶子、蝦和海鰻，味道鮮甜；華味鳥嫩滑，皮脆肉Juicy。小菜 是日小菜是海帶 ，海帶清爽，口感脆口輕淡，適合搭配肉類。食事 日本飯｜鮮嫩生蛋 +$10 米飯粒粒分明，生蛋滑溜，混合埋一齊食happy happy湯品 石狩西京魚湯 湯底香濃，魚肉滑口，味道帶有淡淡的甜味，店員都提醒我地要趁熱飲季節時蔬拼盤五款 +$28 有黃椒、大蔥、菇同南瓜，蔬菜新鮮，色彩繽紛甜品 是日季節水果（菠蘿） 菠蘿酸甜適中，清新解膩，為整餐畫上好結尾…查看更多

【上環燒肉新聖地🔥｜吧枱前直擊師傅解體藝術！牛舌一咬噴肉汁】終於嚟到上環呢間隱世燒肉店推開門已經聞到香味，重點係——全程睇住師傅係吧枱前手起刀落切片日本直送嘅靚肉 仲未食已經流口水🤤✨驚艷三重奏✨🐔 雞腿肉 - 燒到金黃脆皮一啖咬落去竟然爆肉汁！師傅話特登保留皮脂位逼出嘅雞油香真係無得輸！🐷 鹿兒島黑毛豬 - 雪花紋靚到似藝術品📸簡單蘸少少山葵已經超正油脂甘香得嚟完全唔膩口感滑到似食緊和牛～🐮 極上牛舌 - 全場MVP！厚切到似年糕 燒到微微焦邊😍中心位保持住粉嫩色😋咬落去「咔嗤」一聲 然後係澎湃肉汁衝擊！個種爽脆又Juicy嘅感覺 真係要親身試先明！服務都要比💯分店員會耐心教點樣燒至靚仲不時同客人吹水講解肉品來源成個氣氛好似去咗日本居酒屋咁溫暖總結：雖然價錢中上但為咗個塊會跳舞嘅牛舌同埋超chill嘅用餐體驗絕對會encore！建議提早三日book位啊～#上環燒肉 #吧枱前切肉 #爆汁牛舌 #日式炭火燒 #Foodie日記#香港美食 #燒肉控必收藏…查看更多

中環一向都好多嘢食，上次去搵串燒食嘅時候無意中發現呢一間燒肉店，今次特意同朋友黎試佢哋嘅套餐。套餐裏面可以揀兩款肉類，我同朋友兩個都揀咗牛舌同安格斯牛肉。薄切鹽燒牛舌肉質極之嫩滑,鹹香惹味,一定要配埋佢哋特製醬汁去食，值得一讚嘅係佢個牛舌嘅口感竟然有啲似我哋喺日本好鍾意食嘅牛舌，帶有少少咬口。美國黑安格斯牛肉肉質鮮嫩，成份肉嘅脂肪比例非常好，雪花紋好平均，燒落唔會覺得好韌。另一大亮點就係佢哋嘅「石狩西京魚湯」,湯底清鮮甘甜,濃郁但不會膩口，作為跟餐嘅湯品嚟講，絕對比麵豉湯有誠意。雖然肉食係重點,但延燒肉仲貼心地附送野菜拼盤」幫手解下膩。最後,作為一餐完美的晚餐，最後跟餐仲有一個雪糕甜品，非常滿足。中環地區難得喱個價錢食到喱個質素既燒肉，十分推介俾大家！…查看更多

好鍾意上環嘅九如坊，街道好有特色之餘又唔算好多行人。呢度居然有$158 嘅午市燒肉套餐，有前菜、野菜拼盤、湯、兩款主打肉食，加埋甜品，質素同環境都好好。🥗 前菜 & 野菜拼盤前菜送上泡菜同海帶芽，酸辣清爽，非常開胃。野菜拼盤有厚切南瓜、翠玉瓜、白菌同甜椒，燒完香氣撲鼻，仲帶住少少焦香，夠晒平衡成餐肉類嘅油膩感。🍲 石狩西京魚湯湯底係帶微甜味噌香，飲落舒服暖胃，配燒肉正好。🥩 主角燒肉套餐可以揀兩款肉，我哋試咗：🐖 日本宮崎豚肉：切得厚薄適中，油花分佈平均，燒到微焦邊位，入口多汁又有彈性。🐂 薄切鹽燒牛舌：爽口彈牙，帶少少鹽味，燒一燒啱啱好，牛香十足。另一個餐我地揀咗：🦐 海之極味由北海道帶子同阿根延紅蝦組成，食燒肉時食海鮮最大嘅好處就係自己可以一燒完就食，趁熱食好鮮甜。🐂 日本和牛A4赤身另一個亮點係由日本和牛A4赤身。和牛肉質嫩滑，油脂細膩唔膩口，配埋芥末同柚子醋更突出鮮味。🍨 甜品最後以一球開心果雪糕作結，奶香濃郁，果仁味突出，係完美收尾。以 $158 價錢嚟講，喺上環真係算抵食。環境光猛舒適，午餐時間嚟食都可以慢慢嘆。係同區最抵食之一。…查看更多

今日約咗朋友去吃燒肉！ 延燒肉位於中環九如坊6-10號地下B舖。 上環站A出口下車行過來都很方便！ 室內的裝修簡約，有日式懷舊的感覺！ 座位不多，有張大吧枱； 對面有廚師即叫現切生肉和即場調味！ 食材新鮮，現切能保持原汁原味！ 這裏的有不同肉類和套餐供選擇，還有多款清酒、梅酒和啤酒！ 我們要了自選COMBO: 兩款肉類+小菜+湯品+季節時蔬拼盤+日本青森縣米白飯+甜品！🐟石狩西京魚湯、是日小菜魚湯來採用鮮魚慢熬，湯色乳白；味道濃郁！ 湯料十足，有大大粒的魚肉；充滿魚的鮮甜美味！ 是日小菜：海帶牙和泡菜，清新又爽口， 是不錯的前菜！🐮美國黑安格斯牛肉黑安格斯牛肉的肉味香濃和肉質細嫩！ 燒烤至外層微焦，內裡呈现粉紅色就最好食！ 肉汁豐富， 蘸點少許鹽；更能凸顯牛肉的鮮甜的口感！👅薄切鹽燒牛舌牛舌選用舌芯部位，燒烤後香氣四溢！ 口感爽脆又彈牙，加上檸檬汁，令牛舌更清爽不油不膩！🐷日本宫崎豚肉豚肉肥瘦相間，充滿油脂！燒得焦香，肉味香濃；每一口都充滿油香的鮮味！ 加配青檸檬汁來吃令味道更提昇！🥬野菜拼盤份量不少，有京蔥、黃椒、脆肉瓜和雞髀菇，烤後的京蔥，味道香味濃郁！ 黃椒和脆肉瓜爽口清甜，雞髀菇就鮮味有咬口！🍚日本青森縣米白飯白米飯粒晶瑩飽滿，好有飯香！與以上的燒肉的搭配一起來吃就最適合和大滿足！🍧限定雪糕是日是益力多口味的雪糕！ 微酸的益力多味令味蕾清新又可解膩！…查看更多

帶咗深圳嘅朋友嚟大館睇吓香港嘅文化，附近就有一間朋友推薦嘅燒肉～兩個女仔叫咗兩個燒肉餐，其中一個餐升級咗和牛。前菜嚟講有泡菜同埋海帶～海帶口感好爽，早知問佢可唔可以要多一份啦 😋石狩西京魚湯一啲都唔腥，好鮮味😋和牛脂肪好均勻，唔使燒到熟晒，香噴噴，流晒口水 🤤安格斯牛肉肉質鮮嫩，牛味香濃，店家提供嘅燒肉汁我都無用到，享用牛肉就已經很滿足。🥹豚肉同埋雞肉都同樣出色，火候上都令到件事加分，唔會一味太大火咁樣燒到啲肉乾晒 👍🏻精選時蔬有大蔥，翠玉瓜，黃椒同埋杏鮑菇，呢四樣蔬菜都係適合用嚟燒烤嘅蔬菜 😋甜品就兩球雪糕～為呢一餐畫上完美句號～…查看更多

一人燒肉開到成行成市，方便以外最緊要都係肉嘅質素，今晚真係有正宗日本燒肉嘅感覺。美國黑安格斯牛肉油花分佈均勻，juicy有肉香，本身已經有少少燒汁提味，推薦一定要加生蛋，沾上蛋汁真係昇華晒，有壽喜燒feel。日本和牛A4赤身肉質細膩嫩滑，燒出黎清爽又不失風味，入口即化，食到牛肉嘅天然甜味，配埋粒粒分明嘅青森縣白飯一流。帶子肥美厚實，輕易就燒到表面金黃色，大大粒好有彈性，軟嫩鮮甜。 蝦新鮮爽彈，燒到蝦殼同蝦頭都焦香，好香好滿足。不得不提最後嘅開心果雪糕非常高質，媲美Venchi水準，食到lam lam脷。…查看更多

一間位於上環新開但備受好評的高質日式燒肉店，以其高質的日本食材和精緻的環境出名。餐廳雖空間較小，走現代日式風格，設計簡約而有格調，大部分位子都是圍着廚師的吧枱，感覺專業。晚市提供特惠Dinner set和單叫餐牌，Dinner set包莧菜、湯、兩款肉及三款蔬菜 和甜品，價錢也算吸引！我們兩個人選擇了四款基本肉類款式-日本雞和豚肉、牛舌和美國安格斯牛。雖然牛肉是基本款式，但品質依然高，油花分布均勻，肉質有口感和富肉香； 薄切牛舌感爽脆彈牙；雞肉和豚肉也處理得很好，品質上乘。值得一提，餐廳的白飯煮得非常出色，配上燒肉汁，非常好味。而且生啤Yebisu做優惠-$98兩杯，非常順滑爽口，配燒肉一絕，大推！…查看更多

延燒肉是一家位於上環的日式燒肉餐廳，專注於提供高品質的和牛及多樣精選肉類。餐廳注重食材的原味呈現，並配以簡約且質感不俗的環境，讓食客在輕鬆舒適的氛圍中享受燒肉體驗。圖中午市燒肉套餐讓客人可自選兩款120克肉類，價格為158港元起，選擇豐富，包括日本華味鳥、日本宮崎豚肉、薄切鹽燒牛舌、美國黑安格斯牛肉等。加價可選日本甲羅燒、A4等級日本和牛赤身、海之極味以及日式蒲燒白鰻。套餐配有當日小菜、季節時蔬拼盤或三款時蔬、石狩西京味噌魚湯、日式白米飯及主廚特製雪糕（開心果味），選項全面均衡。此次點用了薄切鹽燒牛舌及美國黑安格斯牛肉，牛舌口感爽脆彈牙，輕灑鹽粒提升鮮味，入口即化。黑安格斯牛肉則油花分布均勻，燒至五分熟時肉質鮮嫩多汁，肉香四溢。配搭特製燒肉醬汁和新鮮蔬菜，整體風味層次豐富，食後令人回味。延燒肉不僅食材選擇多樣且精良，套餐設計貼心，配菜和湯品均衡，為喜愛日式燒肉的食客提供了優質且高性價比的用餐選擇。餐廳環境雅緻，服務周到，是在上環品嚐精緻燒肉的首選之一。…查看更多

昨晚我和朋友在上環工作，途經知延烤肉，即興約了一起吃晚飯。這裡提供158r/一人餐選擇，還可以自由選擇肉類或海鮮，讓人十分心動！我跟朋友各自點了一人餐，選自己喜歡的口味，我點了和牛A4赤身和蒲燒鰻魚，朋友點了日本華味鳥和甲羅燒，套餐還附有餐湯、飯、蔬菜和甜品，真的挺划算！享受美食同時談談心，真不錯！日本和牛A4赤身真是一絕！口感嫩滑，肉汁鮮嫩，而華味鳥外脆內嫩，搭配特製醬汁，味道也很不錯！甲羅燒的蟹肉鮮美，不過吃有點鹹！蒲燒鰻魚也很有水準！…查看更多

自選COMBO 燒肉套餐可自選兩款肉類日本華味鳥這種雞肉以其細膩的肉質和獨特的風味而著稱，經過精緻的處理，肉質鮮嫩多汁，適合燒烤，能夠充分吸收醬汁的風味日本宮崎豚肉宮崎豚肉以其豐富的油花和柔軟的肉質而聞名，烤制後更能展現其獨特的甘甜風味，口感滑嫩薄切鹽燒牛舌牛舌經過精細切割，薄片狀態使其更容易入味，鹽燒的方式突顯了肉質的鮮美和香氣，燒烤後外焦內嫩美國黑安格斯牛肉黑安格斯牛肉以其高品質和豐富的油脂著稱，肉質鮮嫩、香氣四溢，燒烤後的焦香味讓每一口都充滿滿足感前菜（泡菜、海蜇）酸辣的泡菜增添了開胃的效果，口感爽脆海蜇的清爽口感與主菜形成對比，帶來清新的味道石狩西京魚湯湯以新鮮的三文魚為基底，搭配西京味噌，湯汁濃郁、鮮香四溢野菜拼盤新鮮的季節性蔬菜，色彩繽紛，提供了健康和清新的選擇日本飯精緻的日本米飯，香糯可口，與燒肉和湯品搭配，完美吸收湯汁的精華開心果雪糕柔和的淺綠色，散發著淡淡的堅果香氣，雪糕質地絲滑…查看更多