廣麪子

营业中

休息中

帶外國朋友食好嘢體驗地道香港風味，當然必食傳統粉麵店啦，呢間麵食已經有50年歷史，顆記全部都好好人又好傾，而且我個人好喜歡整個環境乾淨光猛，客人可以坐得安心舒適，我就點左切腩四寶撈粗轉沙腩，而家仲期間限定加一蚊加崩沙腩，暫定3個月咋，四寶超級足料，魚蛋彈牙，牛腩鬆化入味，雲吞皮薄餡靚，牛丸惹味爽口，大讚主角粗麵質感好爽，好好味，朋友點左炆腩撈粗，一定好好味，朋友都好中意哈哈，仲有酥炸魚皮，餐廳每日整新鮮即炸唔留過夜，難怪咁爽脆啦，健康啲嗌埋蠔油菜心，凍檸茶同鮮忌廉紅豆冰都好飲，推介紅豆冰好多紅豆而且甜度得宜👍🫘

由啱啱開張已經幫襯，之前買外賣，行三個字先返到屋企都覺得好食。今次同老公試吓堂食。服務一般，唔係好又唔算好差，但食物真係覺得差左。切腩之前食係有少少筋同軟滑，依家好瘦又有啲柴，冇乜白鹵水香味。魚旦正常發揮。雲吞真心唔得應該換供應商！好甜D豬肉餡又實，味道同質感都好奇怪！油菜$26都係正常。總而言之有D失望！

環境4分：麵檔格局，比正常光猛同冇咁迫，卡位舒服，可以畀四分。衛生4分：樓面乾淨企理，枱櫈冇黐立立，都幾衛生。服務5分： 侍應生快手快腳，好有禮貌，上菜爽手，滿分。味道5分：1)    原條切魚片日日新鮮炸，一客有好多舊，厚切超爽超脆，尤其係個頭尾片頭部份。浸住湯夠哂熱辣。加埋祖傳選用十多種材料炮製嘅辣椒油食落去吊起個味，好香辣，正！2)    油菜嘅菜心好淋好新鮮。3)    淨撈粗麵豉油底撈得好勻循，麵條有𡁻口。4)    淨清湯沙爽腩連咗少少肥，第一份量足，夠幾個人食，完全冇蘇味，牛味好香濃，一份錢一份貨，Ｄ腩爽連少少肥先夠香口爽潤唔鞋，一定要食。5)    腩四寶撈粗麵乜都有Ｄ，魚蛋牛丸雲吞片頭加埋五個餸，非常豐富，賣相震撼，整體夠爽。6)    魚片撈粗都有六片魚片，好彈牙！雙拼炆腩魚蛋湯麵好淋好入味，依款炆腩唔同食法，好好味。抵食5分：幾十蚊食餐足料撈麵，主要食牛同魚片頭，非常抵食！

位於灣仔鬧市區嘅粉麵店，位置好方便👍🏻價錢親民，係個飽肚之選😋✨炆腩河多蔥 $42整體味道較濃，湯底用上經典嘅腩汁，個人比較鍾意清湯腩嘅清甜，炆腩比較適合鍾意重口味嘅人👀另外河粉偏幼身，浸得耐都唔會好粉👍🏻✨清湯切腩河多蔥 $48清湯腩好入味，湯底腩汁同樣香濃，真係經典味道😋個人覺得清湯牛腩比炆腩多筋，入口質感比較厚實，兩碗份量都好多！✨凍檸茶 $22✨消脂青檸 $30正常糖都唔會過甜👀夏天消暑解膩必備✨✨原條切魚片 $95非常有驚喜嘅小食！睇價錢就知道份量絕對唔細，每日新鮮自家製嘅魚片果然名不虛傳🥹炸魚片好香好鮮滑，外皮炸得好好食之餘唔會好油，配上清湯同菜底一絕🥹👍🏻💯但份量真係比較大，厚切魚片都有8-10片，2-3個人食會好啲🫶🏻✨蠔油菜心 $26有生菜同菜心可以選擇🍽份量同味道都正正常常，而且唔會油👍🏻整體嚟講用餐好舒適🍽而且價錢好親民，上菜速度快，個人覺得係想快食一餐之選🉑

鮮呢個字永遠離不及魚，我覺得係上帝非常成功創造既生物之一，而呢間灣仔老字號「廣麪子」已經有50年歷史，佢地既魚皮、魚片都係每日堅持新鮮炸，加上必試佢地祖傳用上10幾款材料自家製成既辣椒油，一定翻唔到轉頭，係屬於經典既味道。👇🏻📌麵 食 -▪️ 切 腩 魚 片 撈 麵 - $62▫️ 第一碗必試「切腩魚片撈麵」，切腩肥瘦適中，肉質軟腍完全唔韌，而且相當入味，仲有魚片非常爽彈，咬落仲帶淡淡既魚鮮味，好食；粗麵撈左d甜豉油，麵條質感有咬口，鹹中帶甜，仲附上碗清湯減膩，高水準之作！叫左杯凍檸檬可樂，加埋冰底一個字爽！▪️ 切 腩 四 寶 湯 粉 - $60▫️ 第二樣必食就係「切腩四寶湯粉」，話明四寶一定唔少得牛丸、雲吞、魚片同埋魚蛋啦，份量十足，加埋切腩擺底，基本上係相當飽肚，河粉又夠滑身，加埋廣麪子自制既辣椒油，份外惹味呀；餐飲揀左杯鮮忌廉朱古力，面頭厚厚忌廉，加埋朱古力，口感即肯幼滑不少。📌小 食 -▪️ 酥 炸 魚 皮 - $26▪️ 鮮 油 奶 多 士 - $16▫️ 另外招牌「酥炸魚皮」不得不嗌，每日新鮮製造，最精彩係會附上清湯，for你乾濕兩食，乾食好鬆脆香口，濕食帶出更強鮮味，點都好食；而「

#fafafoodblog灣仔 #fafafoodblog粉麵🍴切腩四寶撈粗70 蚊有切腩 魚蛋魚片 牛丸 雲吞🍜牛丸牛味夠而且彈牙 雲吞夠爽彈 蝦肉多 切腩 薄身得黎 牛肉好有牛肉味 口感有肉汁 撈麵個豉汁好正 麵粗身爽口 就甘食又得 點 d葱湯一齊食都得 佢魚片頭同魚皮即日炸 所以口感出色 尤其魚片頭 浸淋左都帶 d油香 好味🍴墨丸雲吞河 48 蚊🍜墨魚彈牙 似手打 雲吞皮夠爽蝦肉足料 佢河粉係好爽幼身嗰 d好有口感 正🍴原味炆腩140 蚊🐂牛腩大大舊夠多肉 仲有彈牙牛根 醃得好入味 帶 d甜咸香 好正既淨牛腩🍴酥炸魚皮26 蚊🐟魚皮好粗好厚 脆得黎有好香魚味 點落葱湯 湯麵或就甘食都好味🍴鮮奶油多士 16 蚊🍞多士好正 厚度夠香脆 入面有厚牛油同奶油 甜得黎又夠牛油香 正#多士 #牛油 #炸魚皮 #牛腩 #撈麵 #雲吞 #墨丸Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍

今日同幾個同事一齊lunch，我地揀咗一間充滿傳統風味的麵店。聽講依度的崩沙腩尤其出名，是他們的招牌菜😎 我們都決定點上一碗，絕對沒有失望！👌崩沙腩好大碗，肉質十分嫩滑，入口即化，令人回味無窮，值得推介🤪🤪此外，我們還品嚐了一些小食，包括炸雲吞和炸魚皮，炸得香口，正！😃主食方面，我選擇了一碗切腩四寶湯河，令我印象深刻的是魚蛋，口感十分彈牙。而切腩的肉質與崩沙腩相似，同樣美味可口（當然崩沙腩比較嫩滑🤭）食到最後，大家都叫埋飲品，我就點了一杯雜果賓治，夠晒清涼😹 品嚐咁多美食之後，大家都有動力繼續工作下去呢！😂💪 午餐時間呢度都幾多人，基本上係full哂，所以都好多人買外賣返公司食😎😎

今日在金鐘出差工作，約了在灣仔區工作的朋友到附近午膳😄 佢話推介去一間有50年老字號的傳統牛腩專門店，名廣麵子，試吓秘製清湯牛腩🐮和店內的招牌菜😉食肆在灣仔大王東街2-4號安興大廈地舖😀 門面裝修簡約但吸晴👀 室內裝潢同樣簡潔整齊，很明亮和乾淨！地方十分寬敞！坐得很舒適😆食物款式都不少！ 我們先來一個淨清湯切腩🐮 牛腩份量勁大碗，配上濃郁湯頭，清甜又美味😋 手切牛腩大大件，還帶有油脂和筋！ 每件牛腩都超入味，冧滑唔會鞋口，好有牛肉味👍 加上筋腩部份，充滿肉汁和有咬口，超好吃的😋店長推介的原條切魚片🐟是必食的😚 清湯配菜心上，味道鮮美！魚片是每日新鮮做的！食材新鮮，魚味濃郁！魚片厚切，吃起來爽口彈牙，又充滿魚的鮮味🐟 好好食😉再配上這間店的自家製辣椒油🌶️ 真是超完美了！店員話此辣椒油用了80多款材料煮製！怪唔得香辣味超濃💯四寶撈粗麵🍜有原味炆牛腩、牛丸、雲呑和魚片！大大碗，份量十足！ 炆牛腩的酱汁入味！雲呑大大粒，餡料足，蝦很爽！粗麵底用了酱汁撈過，好味道👍小食來了一個酥炸魚皮🔥這是每日新鮮製造！ 果然是不同一般貨式🤔 有濃濃魚味，炸得香脆可口！ 用湯浸一吓才食，味道又會提昇！超正😉這

廣麪子灣仔大王東街2-4號安興大廈地舖一間老字號登陸灣仔區 魚皮、魚片堅持✊ 日日新鮮炸 
自家製辣椒油好惹味 有得買$120@1食撈粗 河粉一定落 藍色格調裝修 睇落 大方又舒服酥炸魚皮 $26跟一碗香蔥魚湯 魚皮夠脆浸一浸湯再食又係另一種滋味 用白色牛油紙袋裝住魚蛋魚片河粉 $50 + 紫菜($8)以柔軟滑嫩的河粉搭配鮮嫩的魚片和彈牙的魚蛋魚香味道 簡簡單單既食材最能體驗簡單的美味切腩魚片雙併撈粗 $62切腩烹煮，讓肉質入味且不過於油膩 腍滑係切腩特色彈牙撈麵 不會太軟爛或過於硬咬 吸附調味料和肉汁 咸香惹味煉奶花生醬多士 $12原條切魚片 $95淨雲吞 $42

🍜灣仔區以其眾多傳統有名的餐廳而聞名，然而今次我選擇造訪一家設計新潮的港式粉麵茶餐廳，其位置接近灣仔中心區域，在一條小巷中，非常方便到達😛🧡這家餐廳不僅環境獨具特色，而且所使用的食材也十分優質。他們每天現場炸製新鮮的魚皮和魚蛋，非常彈牙！非常正宗🥳特別推薦特製的祖傳自家製辣椒油，選用了十多種材料精心炮製，辣味中帶著香氣，絕對是美食的完美搭配🌶️🔥【是日點餐】💥 切腩四寶撈粗麵/ 粗麵配上豐盛的切腩和四寶，厚切牛腩較嫩無比，每一口都充滿了濃郁的鮮味，絕對是魚蛋粉麵的升級版🍲💥 魚蛋魚片雲吞粗麵/ 魚蛋和魚片都是現場新鮮炸製的，配著彈牙的雲吞和粗麵，經典配搭一碗搞定🐟💥 蠔油菜/ 不知道為什麼就是很喜歡吃麵店的油菜🤭絕對是麵食的絕配🥬💥 鮮油奶多/ 超厚的鮮奶油🧈真的是香港必點小食之一，非常適合作為一餐的完美結尾▪️ 廣麪子📍灣仔大王東街2-4號安興大廈地舖

夜晚係灣仔大王東街搵食，總會食到d 平時Lunch Time好想試，但太多人排隊而緣慳一面既餐廳😝其中廣麪子大有來頭！係西灣河名店麵家經典風味嘅麵店開到黎灣仔，一定要試下晚上8點幾廣麪子冇平時咁全場滿座，可以輕鬆慢慢食個麵❤️我試咗佢哋嘅招牌菜式，包括酥炸魚皮同切腩魚片撈粗。魚皮同魚片每日都新鮮炸製，味道鮮美酥炸魚皮香脆可口，質感一流切腩魚片撈粗有超濃郁嘅魚湯汁，配上鮮嫩的魚片，無得彈🤤另外，我亦試咗佢哋嘅沙爽腩，即係牛前後腿之間嘅牛腩爽腩肉連筋膜，煙韌軟糯，正！ 😍最後，佢哋嘅即炸雲吞都係必食口感酥脆，內裡嘅餡料鮮美豐富，好好味😋另外想讚一下，廣麪子員工服務態度亦非常有禮，服務周到呢🫶🏻值得ENCORE 的一間店❤️

本人對中式粉麵既鍾愛比日式拉麵更高，平時都會去唔同鋪頭試下，最近朋友介紹呢間麵鋪質素唔錯，今日咁岩同另一半去左港島果邊，就去試下佢😃😃餐廳裝修新穎，座位唔會覺得迫，呢到主打食牛腩，魚旦，雲吞等既粉麵，粉麵一碗價錢40幾蚊有交易，以地點叫黎講算幾平，每碗份量都唔少炸魚皮食粉麵點少得炸魚皮，呢度嘅炸魚皮好香脆，應該係即日炸既，又炸得夠乾身，浸落啲湯到幾秒，少少淋又帶點脆口，呢個係我鍾意既食法🤣😋鮮奶油多士面包夠厚身又烤得香脆，中間夾住冰凍嘅牛油同甜甜地嘅煉奶，一啖咬落去真係有幾種感覺切腩拼雲吞同墨丸河雲吞墨魚丸各兩粒，牛腩大約有四至五件，雲吞有大大隻隻既蝦，墨魚丸食到有墨魚肉同幾香墨魚味，牛腩炆得夠林，唔會乾亦唔會癡牙，幾香牛肉味，個河粉底都幾靚，唔會一夾就散，湯底又幾香牛腩味切腩四寶撈粗四寶有牛丸，雲吞，魚蛋魚片再加牛腩，呢度嘅魚蛋同魚片質素幾好，都幾彈牙又香魚味，另外牛腩都幾多，4-5件大大舊，啖啖肉，撈粗既醬汁都幾惹味，粗麵又幾彈牙😍😍淨魚蛋魚片由於本人好鍾意食魚蛋，所以就叫咗個淨魚蛋魚片，有六粒魚蛋三片魚片，有熱湯浸住熱辣辣食，更香魚味👍🏻爽腩河呢一碗係後加單，因為我哋食完頭兩碗嘅

今日lunch時間行過見到呢間食粉面同牛腩嘅餐廳大排長龍突然又好想食一碗牛腩河就排隊試 直頭喜出望外！超有驚喜！比佢哋個Menu大家睇吓先其實就係一般茶餐廳咁 唔算有太多嘅選擇但係已經好足夠 因為每碟餸都好有質素！而且價錢10分優惠有咁嘅質素 性價比直頭超級高！呢樣都係我特別推介呢間餐廳嘅原因我就諗住一場嚟到就嗌咗淨切腩呢款腩 侍應講會比較瘦 冇乜脂肪啱晒我呢啲減肥人士試過第二間餐廳呢啲冇乜脂肪嘅暔會好瘦好柴點知呢間餐廳令我對瘦牛腩重拾希望真係唔係講笑 瘦得來，但係好爽，一啲都唔柴每舊都擺得入口！雖然價錢$160但份量超級多 我一個人係食唔晒如果兩個人嚟，應該就啱啱好食牛腩點會少得辣椒油！呢間舖頭嘅辣椒油係自家製！絕對唔係喺市面上買得到員工同我講 佢哋係自己獨門秘方製造！如果啱食嘅，可以買一樽返去屋企食完之後真係忍唔住 入手左一樽比屋企人食得辣嘅朋友，千祈唔好錯過個味道絕對有別於，一般嘅豆瓣醬或者辣椒醬最後嗌多個西多士做甜品唔知有冇人同我一樣 其實唔鍾意西多士入邊有花生醬呢間餐廳嘅西多士就係冇花生醬 冇任何嘅餡料！但係出奇地好味😋唔係誇張，呢一個可以話係我咁大個女食過咁多西多士最好食嘅

朋友喺灣仔區附近返工，最鍾意捐窿捐罅搵好嘢食，今次喺佢極力推介下，來到呢一間50年老字號嘅經典傳統牛腩麵專家，試下佢哋啲手勢正宗，傳統牛腩爽腩麵。小店非常乾淨企理，坐得舒適。<清湯沙腩>先來一客淨清湯沙腩，沙腩份量勁多勁大碗，以牛腩清湯做湯底，每一件牛腩都夠厚，切得相當平均，而且每一片牛腩都帶有少少脂肪，脂肪分佈均勻，牛腩入口咬落去厚實而軟淋，最重要係佢嘅牛肉味非常出眾，而且充滿肉汁，非常推薦。小店供應嘅絕對係真材實料靚牛腩肉。<切腩四寶撈粗麵>呢個切腩四寶撈粗麵材料相當豐富，有鮮蝦雲吞、牛丸、魚蛋，而且除咗有大大件靚牛腩，仲有非常之大件嘅炸魚片頭，份量十足，超級抵食。佢哋嘅炸魚片頭，炸得鬆軟，而且咬落去非常之彈牙好食。無論牛丸同魚蛋都非常之大粒，值得推薦係呢度嘅牛丸，入口非常之彈牙實在，牛味香濃，非常好食。呢度嘅撈粗麵仲用咗特製醬油來撈，更加惹味。<切腩四寶湯河>就算河粉配牛腩湯底都非常之好味，同樣份量超級多，材料新鮮高水準。另外值得推薦嘅係呢度嘅鮮奶油多士，佢哋嘅多士非常之香脆，入面嘅牛油同埋煉奶份量都非常之多，熱辣辣真係好好味呀！！

又想食牛腩，上網見呢間食評幾好，同d fd嚟試下。入到店先知原來是筲箕灣魚蛋老店的副線。餐廳環境乾淨舒適，有卡位。我地點了切腩4寶撈粗，魚蛋魚片湯河，炸魚皮，西多士，青檸梳打及忌廉紅豆。先上炸魚皮， 厚薄均勻，炸得夠香脆，浸一浸魚湯更好食。切腩4寶撈粗，有切腩，魚蛋魚片，牛丸，雲吞。切腩肥瘦合適，容易咬開，而且牛味夠濃，師傅刀工好，每件大小一致，食落唔痴牙。魚片魚蛋新鮮好好食，重魚味加少少胡椒味，唔腥。牛丸同雲吞亦是水準之作，貪心d叫四寶真係好正確，一次過試晒幾款👍🏻 辣椒油夠香夠辣，落少少調味真是畫龍點睛。原來辣椒油用咗十幾款材料自家製，所以外面食到嘅完全唔同，食得辣嘅朋友真係可以落多啲。豉油撈粗麵麵底夠彈牙，唔會易斷，夠味好食😋朋友唔食牛，點了魚片魚蛋河，河粉細滑好食，湯底清澈而香濃，滿意。飲品青檸梳打，夠冰凍消暑解渴。同行朋友只想食甜嘢，所以點了西多士，忌廉紅豆。鮮油厚西多真係無得彈，熱辣辣煎得好香，食落濃濃牛油蛋香味，加少少糖漿就剛剛好。鮮忌廉紅豆即是紅豆冰，加鮮忌廉口感唔同晒，比起坊間的紅豆冰，更似一個甜品～總括大家都食到飽又好滿足，下次試埋墨丸！