廣成冰室

营业中

休息中

前幾日約左朋友行山 行山之前果然要醫飽個肚先啦 講到上水食早餐喇wo 大家心有靈犀第一時間都係諗起廣成我地朝早7點幾去到 所以唔洗等位 有食開廣成既朋友應該都知 佢地餐牌只得早餐同茶餐選擇 話明食早餐 我地當然係叫茶餐啦！由於朝早唔係好多食客 d野食好快就到個早餐包左牛肉通粉（加熟蛋 我地一個叫煎蛋 一個叫炒蛋 鮮油餐包（即係菠蘿油呀）同加杯野飲牛肉通粉一如以往咁好食 好鍾意佢d牛肉既口感 同埋真係好入味 菠蘿油同樣好高質 同埋好邪惡添！ （你能唔能夠想像 熱熱既菠蘿包夾住大大舊牛油 擺入口時果種快感呀！）唯有行山果時努力少少消耗多d熱量啦另外 佢地既職員真係好友善 所以我一直都話 食廣成除左係食佢既食物之外 仲係黎食果份懷舊既感覺同人情味既！ 

好多人話廣成冇以前咁好食 但係作為係試水土生土長 廣成由細食到大既和味龍表示：唔係who!依然都仲係咁好食wo!由於今次係閒日去食 所以唔洗等好耐就有枱喇 我地一行二人叫左兩個牛肉通（當然啦 呢樣必食既）、一個菠蘿油share 另外一杯紅豆冰紅豆冰十年如一日既懷舊造型 同呢度十年如一日既裝修非常match 冰係以人手即叫叫磨既 好多紅豆 多到好似唔洗錢咁 d紅豆起晒沙 加埋花奶 又香又濃 正！菠蘿包外皮鬆脆 夾住大大舊既牛油 非常邪惡 為左健康著想 都係間中食下好喇牛肉通（貪心既我加左隻煎蛋）食左幾啖先至記得要影相 牛肉份量非常多 且口感亦非常好 而通粉煮得岩岩好 軟硬度適中 湯底落左薑絲辟腥味 岩晒本身鍾意食薑既我本身想叫埋蛋治 但實在太飽喇 唯有下次黎先再食啦

身為上水人嘅我呢就梗係食過呢一間老字號港式茶餐廳，我通常呢都會食佢個茶餐咁就有蛋治，同埋佢個招牌牛肉通，佢個蛋治整得好好食所以我每一次早起身我都會嚟呢度食早餐，基本上一個月都幫襯幾次，去到牛肉通啲牛肉好入味，不過最近好似冇咁好食不過整體來講都值得推介俾大家嘅，不過呢一間餐廳都開咗好耐，相信好多人都認識👍🏻

上水真係好少去，咁岩入到黎都見到係要必黎廣城。黎到廣城都係試呢度既經典常餐，因為最近少左人出街，星期六都唔太使等位就入到去食，係坐得比較逼啲。常餐（$42)鮮牛肉通粉係有啲似深水埗維記既湯底，牛肉好足料，通粉無過淋已經叫好合格。跟餐蛋治 ($3)出色既即製蛋治，上枱時間係通粉之後，今次叫左烘底，感覺上會比軟軟既包黎得好食，蛋既份量都非常足夠，如果唔太餓，單食呢個都夠曬。菠蘿油另一個餐無叫蛋治，要左菠蘿油代替，最鍾意牛油係大大片而無因為個包熱而溶左部分，都好好食。今日無試到紅豆冰，但呢度既熱奶茶係要一試，夠滑又唔會苦。黎之前已經知鋪頭會坐得比較逼，但店內員工急趕得黎態度都算有禮，呢種算比較舊式有歷史既冰室買少見少，希望可以繼續屹立係上水啦。

居於上水既人應該冇乜人唔識廣成冷室店內外都充滿歲月既痕跡由傳統既餅櫃..懷舊既吊風扇..破爛既餐牌充滿懷舊氣式當日星期六下抽可能由於疫情影響.唔洗等位...亦都比以往鬆動主要出名既係兩個餐...牛肉通粉（可轉）+雞旦三文治配熱飲另一款係牛肉通粉（可轉）+熟旦+ 鮮油餐包但由於雞旦三文治係沒有唔食既理由..食10次都係始終如一..牛肉通粉必要加入大量胡椒粉..仲有少量薑絲..絕配旦治就一如以往大大份..旦勁厚又滑...加入少量既鹽更滋味奶茶茶香奶滑...散點係菠蘿油..若比較多人可能會賣哂..熱既菠蘿包把極邪惡既牛油溶左係裡面...好好食仲有紅豆冰...較特別係三角型狀既冰..外型討好...唔同出面餐廳d冰只係杯中..紅豆起沙好滑夠甜..配埋大半杯既花奶...完美既組合.超讚

之前住喺上水，勁鍾意嚟呢間廣成冰室，特登朝早八點嚟食早餐，佢嘅蛋治配牛肉通勁好食，重點係蛋治真係勁大份，好多蛋，牛肉通粉冇得輸🥰大件夾抵食，不過係好多人排隊，等位要等好耐，但係真係值得嘅🥳🥳

每次有需要你上水都會提早半小時打定電話叫廣成既外賣，每隔一排都有一種相思既感覺，唔知點解都系茶餐，佢會搞到個人上哂癮甘🕞輪後時間🕤提提大家最少預早30-40分鐘前叫，唔係你實有排等，就算係堂食都要等十幾分鐘最少🥢推介食品🥢1️⃣茶餐$42火腿通粉，牛肉湯底，自選餐包（牛油餐包，菠蘿油，蛋治）通心粉正常，每次吸引姐既係個包，牛油餐包同菠蘿油都十分出式，面包微溫配上厚厚既牛油🧈，雖然非常邪惡，每次都會話做返多點運動就比自己過關🙈食左先算味道 😋😋😋賣相 👱🏻‍♀️👱🏻‍♀️👱🏻‍♀️價錢 🏦🏦🏦(5分最高）✨餐廳環境✨：傳統冰室風格🧑🏻‍🍳侍應服務🧑🏻‍🍳：櫃台老板娘好搞笑，有人情味🔆總結一下🔆：回頭率高 食物品質中上 服務態度好

有個朋友好鍾意食茶記 又住呢頭 就一齊去左食😂😂😂大家都叫左茶餐 因為傳統茶記都冇咩選擇（岩哂我呢啲有選擇困難症既人）叫左牛肉通（可轉火腿） 蛋治 （可以轉菠蘿油 但小妹冇quota）同紅豆冰（冇得跟餐）牛肉通好有薑味 牛肉亦好林 意外既幾好食😆😆😆蛋治好大份 只係食左一半 正常水準啦試左朋友既菠蘿油 菠蘿包唔熱 好普通 有啲失望～而最後紅豆冰 係真係成杯紅豆加奶 再加水面堆冰 幾正 但就肯定肥喇 haha 叫左少甜都幾甜下 但值得一試既

之前已和朋友試過這間被受推介的冰室，初嚐套餐的味道是...鮮牛通的湯低好酥，食完唔想再食。事隔多年，這間冰室仍然健在，又可再來挑戰。叫了鮮牛肉套餐、鮮牛蛋治和紅豆冰。鮮牛肉通 - 牛肉新鮮，湯低沒有以前的酥味跟餐蛋治 - 都算大份，同單點是有分別的餐飲 - 必點奶茶單點的鮮牛蛋治 - 份量大份，不過美中不足的是，鮮牛太濕，令到下面塊飽皮因而變軟及有點爛。單點懷舊紅豆冰 - 下午茶時段才有供應，有著倒插甜筒型的碎冰，一定要影抵。除了外觀，內涵也很好，有着足夠份量的紅豆粒及淡奶，比例恰道好處，只是喝到最後，感覺紅豆有一點點甜。值得再光顧。

廣成冰室係上水區已經好多年，但住左上水咁多年，今年先第一次去，真係好失敗......當日排隊時間唔洗好耐，可能我地2-3點去，所以無咩人。當天點左紅豆冰、菠蘿油同埋牛肉通粉。首先講下紅豆冰，我個人覺得太甜，所以如果唔鐘意食甜既人唔好叫。另外，牛肉通粉個湯底同牛肉都不錯，但可能我本身唔多鐘意食通粉所以覺得還好。但我想讚下個菠蘿油，真係好食壓平黎食仲好食nice!最後，我會推薦大家黎試下廣成，因為係佢仲keep住舊時冰室個環境，有吊扇。但我覺得個度既姐姐做事好急，催我落單，而點要改改。留意收4點!4點！4點！

入到去依間舖，見到人頭湧湧，聽到有幾個人叫咗杯紅豆冰，所以跟住叫。一見到杯紅豆冰上枱，我有點，成支冰柱插咗係個杯到，小朋友見到一定好興奮，亦係依間舖嘅特色之一。回歸正轉，講返依杯嘢飲，紅豆夠多同有起沙嘅感覺，D紅豆亦夠香，如果係喜歡有粒粒紅豆咬嘅朋友，就未必會中意。雖然成支冰柱插入去杯嘢飲到，但支冰柱係由碎冰整成嘅，所以飲用都方便，同時以免因冰柱(如果冰柱係由一塊過嘅冰所組成)慢慢溶化，導至杯嘢飲變淡，依點值得一提。但唯一美中不足嘅係奶味唔夠濃味，依樣嘢，令到杯紅豆冰扣減咗分數。希望依點能夠改善到啦。

今日去左呢間超級懷舊既茶餐廳。一般黎講都會有小小人排隊，今日可能落雨，人比較少。餐廳內可選食物唔多，大家離唔開都係食鮮牛通，蛋治，菠蘿油。我地都選擇左茶餐，個蛋治都唔錯，啲蛋好多，都算滑，但略欠調味。白麵包個味仲出過佢，個包係簿身既有小小小質感，所以整體個蛋治係好味。至於個牛通，實屬正常，唔會話令你驚喜。個通粉過淋，鮮牛有牛味，湯底有薑絲都帶小小鮮甜，但我唔會話特別喜歡。個熱奶茶係多奶時間唔算茶味重，但奶滑身既。可能想食太耐，反而無想象中甘特別，但懷舊感係真係食到既。

I seldom come to Sheung Shui but in view of a recent Anime exhibition in Sheung Shui Centre(Conan), I went to this district and saw some of the reviews of this restaurant. I definitely did not regret it.In view I was eating alone, I quickly got a seat. The egg sandwich came first. The egg was so thick and creamy. It was so delicious I ate the whole thing before my red bean ice arrived.The red bean ice was served with a cone of ice instead of the usual ice cubes. It was really great to have an ic

去廣成冰室幫襯，一定要好有耐性，因為逢星期六日，淨係等位，可能都要30分鐘，入坐落單，等食都差唔多再20-30分鐘佢嘅裝修係古舊嘅裝修，應該係話冇裝修，佢啲裝修係以前帶落嚟，燈制丶電制丶風扇都係好殘舊，不過為咗佢嘅美食，冇所謂，就當係特色啦佢嘅茶餐，你可以選擇蛋治或者菠蘿油，我多數要蛋治，因為佢嘅抄蛋好滑，啲雞蛋都有成吋厚，鮮牛肉通粉，新鮮煮出嚟個牛肉湯汁好香濃，加啲胡椒粉就更加美味，奶茶水準唔穩定，有時香滑，但有時有D淡，一般都OK，所以咪咁多人幫襯嘅原因

呢日在上水做完義工，朋友介紹我去一間佢每次係上水都必食的老牌冰室。一間老牌冰室要排哂長龍，必定有其獨到之處。食物款式並不多，我點了必食的茶餐，都只是$40，牛肉通粉：主角牛肉用了新鮮牛，不是普遍粗製濫造的沙嗲牛肉，鮮粉嫩色牛肉肉味濃，肉質比較嫩，湯底亦夠味道，是有心機即叫即製。果然有其賣點。蛋治：厚蛋好滑，兩片白麵包夾著，炒蛋是精髓，不會太油。吃到一半已經好飽。紅豆冰：賣相吸引，冰造到雪糕的形狀，仿雪糕紅豆冰的樣子。呢杯賣相勝出，味道還是偏甜了一點點，紅豆亦不夠多。菠蘿油：見每枱客人也另外叫，好吸引呢！菠蘿皮夠脆，中間夾著厚厚的牛油，雖然勁邪惡，但係招牌真的沒介紹錯 ，食左先講🤣坐位偏迫，但食物心機搭夠。點都要試一次 支持下越來越少的真正懷舊冰室。