廚匯濃湯雞

呢间位于旺角快富街嘅「厨汇浓汤鸡」我已经想试好耐～终于抽到时间去试佢哋最出名嘅 花胶浓汤鸡锅 🐔✨一坐低，个汤味已经好香，系𠮶种真‧鸡汤香味～饮第一啖就觉得汤底非常浓郁，但又唔会油腻，入口有啲胶质感，好顺滑。鸡肉份量唔少，肉质嫩滑、唔鞋，仲保持到鸡味。花胶都系重点之一～佢煮得啱啱好，够腍又唔会散开，食落有少少弹性，好满足 😋。锅入面仲有红枣、菇、娃娃菜同云耳，食完真系觉得暖笠笠，好似养生咁。我𠮶日拣咗配米线，吸晒啲汤精华，好香滑～成锅食落非常饱肚。价钱大概 HK$75 左右，以呢个质素嚟讲算几抵食。店舖唔算太大，但干净整齐，坐得都几舒服。唯一系晚市时间比较旺，要等位少少。不过食完真心觉得值得 👍✨ 总结：汤底浓郁得嚟唔腻、鸡肉滑、花胶优质、配料丰富。如果你钟意饮鸡汤或者黎紧想冬天补一补，呢锅真系必试！…查看更多

「厨汇浓汤鸡」邻近旺角站，步行数分钟即达，适合忙碌都市人寻找暖胃美食。餐厅环境简约整洁，带点港式小店的亲切感，以浓汤和用心食材取胜，难怪人流颇多，一台接一台不断翻枱👍🏻🐔花胶浓汤鸡锅配米线是招牌之选，汤底经长时间熬煮，散发浓厚鲜香，花胶软稔入味。鸡肉嫩滑，米线爽弹，吸满汤汁，令人满足🥄。花胶同鸡件都相当足料，而且仲有大量娃娃菜同菇菌类，所以特别鲜甜😍🐷胡椒猪肚鸡锅配米粉则带浓烈胡椒香，微辣开胃，适合喜爱刺激味蕾的食客，而且仲会keep住坐热，所以食到最后尾都仲系暖笠笠。猪肚经处理干净无腥，口感爽脆，鸡肉同样鲜嫩，米粉细滑，与汤底完美融合。另外加点了一份小食 「腐皮酿虾滑」🦐，腐皮炸得金黄酥脆，内裹鲜虾滑，虾滑肉质弹牙多汁，配上少许酸甜酱更添风味👍🏻…查看更多

最近黎开旺角，见到一间一家专卖鸡汤米线的餐厅。餐厅的环境简约但舒适。当日有一位系附近街市的舖主系咁推介鱼皮饺，话成日帮亲呢度，而佢叫左干炒牛河，都几吸引。第一次食，所以我都系点翻餐厅的招牌鸡汤米线。我选择了胡椒猪肚鸡锅薯粉。汤底香胡椒香气，有6－7旧猪肚，薯粉搭配辣酱油，唔错。另外，朋友点了花胶浓汤鸡锅米线。花胶份量唔少，汤底清澈透亮，都有4－5旧，米线的口感滑顺，吸收了汤的精华。米线有附上我芽菜同腐皮，让整碗米线口感更加丰富。而且分汤上，可以试埋原味汤底。另外叫多个小食，怀旧虾多士。香脆，搭配沙律酱，好食！…查看更多

唔知有冇人到咗夏天会冇咩胃口食嘢，prefer食啲感觉健康啲嘅嘢食👀今次路过旺角呢间小店，平日下昼都几多人帮衬㖞，价钱超级抵$60就有交易😧胡椒猪肚鸡锅 跟米线 $62一嚟到真系吓亲，成个锅咁上，劲大份！汤底味道浓郁，猪肚爽口弹牙，鸡系最惊喜嘅，估唔到可以嫩滑成咁😋除此之外，仲有好多配菜，包括萝卜、木耳等等。而米线系另上嘅，煮得啱啱好，滑得嚟唔会太硬或者太腍胡椒猪三鲜锅 跟薯粉 $60汤底同好浓郁，猪三鲜分别系猪润、猪粉肠同猪心，三样都洗得好干净，食落唔会有异味。同埋又系劲足料，好似食极都食唔晒咁🤣薯粉方面都正正常常，煮得啱啱好，爽滑Q弹👍🏻香芹墨鱼饼 $36墨鱼饼炸得金黄酥脆，咬落去好弹牙😋点泰式辣酱食冇得弹…查看更多

行过旺角揾食，想食啲暖胃嘢，见到呢间铺头几旺场就试吓。今次叫咗两锅一小食，胡椒猪肚鸡锅配薯粉($64) 同 浓汤鱼三宝锅配米线($62)，再加份 怀旧虾多士($22)，埋单$148有找，抵食到笑！先讲个虾多士，一咬「咔嚓」声脆到耳仔醒神，面包炸得金黄唔油腻，中间虾胶弹牙仲有新鲜原只虾肉，廿二蚊有咁高质真心惊喜。跟住重头戏胡椒猪肚鸡锅，汤底滚住上枱，白胡椒香攻鼻但唔呛喉，饮落成个胃即刻暖笠笠！猪肚份量够晒多，洗得干净冇异味，啲鸡件仲要嫩滑过蒸水蛋，薯粉索哂浓汤精华，嗦嗦声吸到停唔到手～朋友个鱼三宝锅都唔输蚀，鱼腐、鱼片头、鱼蛋铺到满一满，浸喺奶白色鱼汤里面滚到胀卜卜。鱼腐吸汤能力满分，咬落爆汁鱼味浓，米线份量多到朋友食到捧住肚，仲话啲娃娃菜索咗鱼汤甜到似食紧海鲜！最抵赞系价钱贴地，两个锅都系六十零蚊但料多汤靓，冷天食完由头暖到落脚趾尾。记住留单五日内再嚟有$5优惠或者送饮品（下午茶时段除外），呢个质素绝对会返兜！…查看更多