康和閣酒家

营业中

休息中

黃埔三期, 之前都有一間酒家, 應該係”紫荊火鍋”, 一樣有午市飲茶, 從未見過要等位, 晚市更差, 基本上只有四成坐滿, 假期入座率好一點, 也都只是六成坐滿. 而這間新開酒家, 已兩個月, 午市飲茶要排隊, 照理水準應該唔差吧.蝦餃, 中型, 大少不是問題, 最緊要好食. 皮薄, 透明度高, 內裡蝦仁餡未算出眾, 但也不差, 我給70分.叉燒包, 雖然賣相唔得, 又細隻, 但入口軟熟, 內餡超熱, 叉燒瘦多肥少, 醬汁適中, 滿意.四川口水雞, 用了我最不喜歡的杰杰醬汁, 而不是四川麻辣紅油汁. 但辣度夠, 麻味也不差, 雞皮唔厚, 皮肉間還有透明啫喱, 水準好, 收貨啦.紅豆椰汁糕, 寫明係用”十勝紅豆”, 係未?? 真係天知地知佢知, 我就梗係唔知啦, 哈哈… 味道少甜, 入口軟滑, 沒有一粒粒的紅豆, 應該都被磨碎了, 有微微的粉粉口感, 好味.餐紙上寫著”梅子排骨鳳爪飯”, 上檯時, 變咗”豉汁排骨鳳爪飯” (唔知點解要寫”排骨鳳爪”, 而唔係”鳳爪排骨”, 有些少挭耳, 哈哈..), 鳳爪無爛, 排骨中等, 肥肉略多. 但飯身夠乾, 粒粒唔痴底, 唔淋, 好滿意(只係飯物

大年初一去佐呢間新開既酒樓食野 , 好彩有book 位 唔係要等幾個鐘 有幸坐到獨立房 , 隔音好好 重有free wifi ! 野食方面,值得一試既有: 1. 馬拉糕 份量好大 好鬆化 重要唔係豬油整出黎 2. 叉燒 肥瘦適中 好好食 3. 小籠包 一直係我最愛 湯汁好多好好味 有得同台灣某著名小籠包比 4. 法式焦糖布甸一定要食!! 超好食 5. 楊滋甘露 用料好足 唔會太甜~ 6.腸粉 皮薄 料多 一般既食物: 咖哩魷魚 一般 唔太入味 待應態度好好!入到黎房都主動打招呼^^ 價錢都好低 新年都無加價

良心企業，新年都無特別加價👍👍👍👍佢個魚茸腸粉，十分好食，正呀！推介也！棉花雞已經唔係間間酒樓有得食，有嘅，但果D棉花都已經唔好食了！唔夠鬆化，但佢好鬆化，好入味！喊水角脆卜卜，放左半個鐘都仲脆！正！

收到外父大人通知, 以前在紅磡區開過兩次店嘅康和小館, 最近在同區再開店, 這店位置開在黃埔花園3期唔算好中心但都可以嘅, 小店面積也不小只是樓底不高壓迫感較大, 不過這已經是這區嘅酒樓通病, 新開酒樓裝修都是光潔明亮那種, 週末午飯時間座無虛席, 週末午市(大)$26,(中)$22,(小)$15,(特)$30,茗茶$9/位當日點心有:金珠家鄉咸水角(小) : 一碟三件, 一看見那漲波波嘅外型就知道係即炸出來, 表面完全沒有油光可以諗到那鑊油嘅油溫是正確無誤, 一個碟有四格為咗填補那一格空位廚師非常之有心思地放上一夥車厘茄/蕾茜葉, 又睇得又食得, 第一印象已經攞到分了,內餡亦是有晒咸水角應有嘅餡料, 咸水角皮沒有過厚, 一咬下感覺溫度適中, 無敵咸水角是也!蜜汁义燒(廚部) $98 : 雖然價位並不太平易但交足功課, 兩排义燒並排, 一排偏瘦一排偏肥可見這亦是廚師嘅心思細密, 客人想吃肥或者瘦適隨專便, 肥梅頭當然比較上好食但瘦的豬柳亦非乾柴一條,沙羌豬腳仔(廚部): 呢個亦做得好好, 起碼腳仔皮上無毛, 試過在一些比較唔講究嘅茶樓見過未全清嘅帶毛豬手, 當然可以咬掉那小片豬皮但好少