幸福粥店

经常路过这小店但没有帮衬，看到总是有人排队买外买。这家庭小店，只有3张2人枱，午饭时段门口也会放几张临时桌子。今天来吃早餐，点了一粥一肠粉。皮蛋瘦肉粥粥中规中矩，满满一大碗，咸瘦肉是撕开一丝丝的，不黐牙。花生香脆新鲜，皮蛋也没枧水味。炸俩肠粉是即点现做的，肠粉皮靱滑，油炸鬼香脆，枱上放着各色酱汁有麻酱，甜／辣酱，炒芝麻，自己加配喜欢酱汁，十分美味。平常吃得茶餐厅的各式粉面套餐，尝尝这些中式粥品，改改口味也是不错的选择。…查看更多

慈云山呢间粥店系毓华街虽然唔起眼，但系次次经过都见到好多人食！今晚咁岩经过突然好想食炸两就帮衬左佢啦！个炸两入面嘅油炸鬼食落好脆，外面嘅肠粉好滑，夹埋一齐食好好味！仲要d甜酱麻酱可以自己任落！…查看更多

近来成日无胃口，晚餐想食清d，想买碗粥返屋企食。慈云山粥品唔系好多，平时食开另一间，今日试下呢间店面有d Up Dup嘅幸福粥店。餐牌都几多粥拣，平时我多数食粟米粥/肉碎粥/猪骨/鸡粥，今日想拣有鱼味嘅粥，最后拣左鱼腩粥。我平时好少食鱼粥，因为好怕有骨，但今日又好想食鱼，顺口问老板一句：「会唔会好多骨架？」老板话：「鱼腩咪一两条骨啰」好，就试下啦！生滚鱼腩粥系即叫即整，都等左几个字，整完佢会问你要唔要葱花同花生，我无要到。返到屋企，急不及待打开碗粥食，试下个粥底先，比起我平时食开果间鲜甜，再试埋个鱼，好滑，一咬就化开，唔会煮到好实好鞋，好好味啊！同埋真系唔多骨，每旧鱼腩得1-2条大骨。碗粥细细都有3-4旧鱼腩，好足料，好有惊喜！下次都多d帮衬呢间小店先～…查看更多

食物质素 8/10尼间粥舖出名抵食，相比起同区既另一间粥店都平唔少！平时谂唔到食咩我都会去买栗米粥同埋肠粉食，两样加埋三十蚊都唔洗！栗米粥尼度既粥品都系即叫再即煮，栗米粥系我既飞佛！栗米粥既栗米份量多，食落鲜甜，唔会觉得太淡无味，亦都唔会觉得系野咬口，咁既价钱食到咁既质素真系超晒班！肠粉尼度既肠粉正正常常，无咩特别，但系好既系啲酱任落，每旧肠粉都痴晒酱，岩晒我要食重口味！环境卫生 6/10地方唔算好干净，门口摆满要洗既碗筷服务质素 6/10尼度既位好少，坐得唔耐，所以都外卖拎走食…查看更多

今朝起身阴阴冻咁，谂住去食啲热辣辣既野，兜兜下就望见间粥铺。搬左黎成年都知有呢间野，不过见佢得几张枱，门口有好多人所以好多次都却步了。食食下先知原来楼上仲有位，下次可以上去睇睇有无位，因为楼下都好迫下。叫左碟白肠粉，甜酱麻酱自己落。肠粉好滑，唔厚，食落有啲烟韧。另外佢地有卖猪润肠，揾次黎要试试，因为唔多地方有得食。仲叫左碗猪润粥，啲粥好绵，加上猪润所以令到个粥好甜，猪润亦都好爽，同埋我食呢碗都有唔少猪润。…查看更多