幸福石磨腸粉

啱啱開嗰時見啲人話好食，試過一次真係覺得幾好食。！今日再去食完全唔係同一個味道啲腸粉黐埋一舊又淋又散完全唔好食。員工態度惡劣唔知係咪老細。keep住咁嘅水準應該唔會有生意真係好難食都要寫食評。。。真係好差…查看更多

啲腸粉黐埋一pat，叉燒腸粉啲叉燒硬掘掘，超級難食，啲豉油唔知係咪落咗味精，食完非常頸渴， 送嗰杯豆漿難飲到飲咗一啖就要掉，而且店員態度非常差， 呼呼喝喝，好似唔憂做咁，買咗個外賣，呼喝你出門外等，咁冇問題嘅，你店舖細呀嘛，咁之後返轉頭攞， 原來就咁求其喺店舖外面窗口，問佢幾次呢個外賣係咪我嘅，又唔答，又冇紙寫住係啲乜嘢嚟嘅，邊個攞咗都唔知， 求其一個街外人經過都可以攞走，又唔知又冇畀人掂過，亂七八糟，blacklist…查看更多

新開張時仲未有OR，當時叫左2碟叉燒雞蛋腸/粟米瘦肉腸 各$28腸粉係我食過咁多間之中呢間加咗雞蛋都唔厚，仲要滑身個蒜蓉辣椒醬惹味到不得之了最近再幫襯，餐牌多左好多野但我只想食腸粉！好似見請左個學徒啲腸粉明顯同之前食冇咁皺皮厚度有啲不一，但仍然夠滑今次我叫雜錦「幸福滿滿腸粉」$35有牛、豬、蝦、叉 、蛋、粟米、菜脯、生菜另外一碟叉燒雞蛋腸粉+粟米🌽$33豉油要添加😋估唔到個菜脯都幾好食喎，雜錦乜都有啲$35 千祈要落自家辣蒜蓉！勁惹味！蒜蓉係煮過辣椒🌶️岩岩好如果拎封bbq燒茄子一流呀 😆我有考慮買一樽走嫁其實仲送無糖豆漿，不過我地唔飲所以冇要到啦呢間時間開得較夜 岩哂我啲細食嘅夜鬼…查看更多

好簡單叫咗個豬潤腸粉+豆漿（送嘅）外賣，等咗大概10分鐘，即叫即整，好好味！豆漿係唔甜嘅但都ok! 個豉油同辣油好似自己調，鍾意蒜嘅人會好鍾意。返到屋企已經諗過多兩日再去食！…查看更多

假期起身早餐諗唔到食咩？可以試吓去呢一間匿埋喺旺角入面嘅隱世石磨腸粉店，而家呢一種傳統美食真係買少見少，推薦大家黎支持吓呢啲小店。### **🐮🥚牛肉雞蛋腸粉｜雙重嫩滑の暴擊！** 一上枱就見到腸粉皮薄到透光，入面嘅牛肉同雞蛋若隱若現～👀 米漿用石磨即磨，腸粉滑到用筷子都夾唔起，要用匙羹兜住食！💕 最正係加咗少少蔥花，清新得嚟唔會搶味！ **✨隱藏食法**：可以自己加餐廳嘅菜譜同辣椒油，辣辣哋更加開胃！🌶️ ### **🐷🌿香蔥豬膶腸粉｜濃香惹味の經典** 豬膶控必試！豬膶切到厚薄適中，煮得啱啱好，外脆內軟仲帶少少粉嫩～😍 腸粉吸晒豬膶嘅精華，加埋爆香嘅蔥花同薑絲，香氣撲鼻！最驚喜係豬膶完全冇腥味，反而有種獨特嘅甘香，配埋腸粉嘅米香，簡直係絕配！ …查看更多

買宵夜：一個豬什粥、小籠包及义燒腸。落單時，得疑似老闆，但態度極差，我落了第一個腸粉時，我未開囗就講了幾多錢，我話仲有粥同小籠包，之後三個加埋1 1 0，算平。粥係健康粥，冇乜料，可能怕膽固醇高，再看看之前的留言，都係話冇乜肉，小籠包皮厚，超細粒，而且不是上海小籠包那一樣。腸粉一般，义腸同淨腸冇分別，我們個仔好唔好食，佢話唔知义燒係邊，我試一條，勁！第一次食义燒肉粉腸，連一般白飯粉都大粒過佢。唔好意思，冇影腸粉，不過都影唔到义燒！唔通肉真係咁貴，最差係態度！…查看更多

我本身真係好鍾意食腸粉，特別係石磨腸粉呢一間，我都食過好多次，當食外賣都有試過好想讚嘅係，係OpenRice 叫外賣自取無外賣額外收費仲同堂食一樣都會送豆漿👍🏻👍🏻我今次食粟米瘦肉腸粉，米味好香濃，個醬油甜甜地好好味🤤…查看更多

係旺角街頭行來行去，想食小食，又可以坐陣。最終揀左坐左係呢間小食鋪。1）幸福滿滿腸粉，即係乜材料都有，包羅萬有。除左椰菜外，其實食唔到任何味，連豉油都唔鹹。但係可以飽肚👍🏼呢個價錢，喺旺角有得坐，算係咁。2）另外，餐廳老闆送豆漿，豆漿熱嘅，但係完全冇味，同水一樣。由於係送嘅，所以就當係一杯水啦。…查看更多

現場落單一個豬膶粥，一個小米，一個牛肉腸粉，三杯豆漿，咁佢就話「好呀 坐底等一等先。」點知喺門口等咗一粒鐘，睇住佢做晒啲外賣平台嘅單都未處理自己張單，都算數公道啲講 佢有話要等不過冇講等哂平台先。一個鐘後第一句問你既係「你要咩雲吞 你2樣野係咪」 下，師父你冇落單？「ehh 冇叫雲吞」 糾正返之後叫我地拎大佬 我要3杯豆漿師父pack左一杯 得啦我嘩話「3 杯豆漿」大佬 可唔可以尊重下人？$118 你值唔值 小人做野粥好鹹仲有燶煲仔味小米蒸唔透豆漿完全冇味都算 $5當買水飲腸粉爛蓉蓉 老實小小過分…查看更多

腸粉本身都幾滑，幾好味。但瘦肉腸，幾乎冇瘦肉！肉碎都好難搵！食得非常之唔爽。開頭有去過幾次，後來都係唔再去啦。建議老闆闊綽少少，俾多幾粒肉碎客人啦。啱啱諗住叫外賣，見到呢間舖頭，專登入返嚟OpenRice留言。🤧🤧🤧強烈反對:幾乎冇瘦肉！幾乎冇瘦肉！幾乎冇瘦肉！…查看更多

小店一間，座位唔多有啲迫，服務普通～叫左瘦肉雞蛋腸粉加生菜賣相吸引👍 瘦肉幾滑，生菜爽脆，腸粉係正宗石磨腸粉，少少皺皮，滑身唔漿口，吸豉油吸得好快，係好食既！😋#石磨腸粉 #幸福石磨腸粉 #旺角美食…查看更多

鮮肉雲吞麵轉米粉落咗勁多芹菜芫荽蒜頭，所謂作為調味，但隻味勁難食又臭，仲要冇得比客人選擇是否落這些配料，要求退款，得到不友善的回覆，其他食客沒有問題 不代表我沒有問題 態度勁差 冇諗過食第二次諗住試吓其他嘢竟然係咁 不會再幫襯 垃圾店家…查看更多

終於係香港九龍區食到一間抵食既足料腸粉 早幾日係趕時間底下搵間部食店，咁岩經過這間腸粉店，就走入去試一試！我就叫左一份幸福滿滿腸粉，超級足料，套餐仲要包一杯無糖豆漿，難值抵食$35 腸粉皮薄，又多餡料，腸粉包了牛，豬，叉燒，蛋，粟米，菜脯，超級豐富，再配搭少少豉油，真係好好味😋 豆漿就正正常常，沒什麼特別，只係無糖比較健康😊簡簡單單既午餐，質素算唔錯，大家可以黎試一試 👍🏻環境方面：地方比較小，快食都可以既…查看更多

其實就食開 不過有日拎個外賣都俾個阿姐大大聲小 唔會再幫襯野食就正常唔差嘅 係香港可以食到30零蚊嘅足料腸粉算係咁 不過珍珠餃竟然唔俾蠔油我 叫佢比蠔油就會唔俾辣醬我不過對返題先 個阿姐真係好趕客 係咁先…查看更多

鋪頭坐位唔係好多，5張四人枱腸粉即叫即蒸超好味，皮薄餡多！仲有個蒜蓉辣椒醬，溝埋落腸粉度食簡直一流，買返去煮面食都正。平均28蚊一碟仲送一杯無糖豆漿，值價比超高！…查看更多