幸屋

喺湾仔做完嘢，知道附近有间拉面店，一于入去返碗先。拉面店环境舒适，坐得舒服。有拉面有沾面，一于同同事各叫一碗。🍜 樱花虾味噌拉面一上枱就俾成座「樱花虾山」震撼到！汤底用赤味噌混虾头熬煮，橙红色汤汁稠到挂匙！面条咬落弹牙有麦香，最正系双豚肉叉烧，厚切腩肉慢煮到入口即化，薄切肩胛肉炙烧到焦边脆口，夹埋流心蛋黄同脆口木耳丝，非常滋味。🫕 鱼介豚骨沾面经常出现的话题，拉面vs沾面，倒不如各点一款比较一下。沾面汤底稠到可以挂企匙羹，鱼介嘅烟熏香撞豚骨嘅胶质。而沾面底属粗面，冰镇过上枱，咬落非常Q弹，夹一束浸落热辣辣汤汁3秒——挂汁力爆灯！另外，配料嘅慢煮叉烧腍到离谱，糖心蛋流汁捞汤更邪恶。🥢 小食- 冷豆腐：冻豆腐淋鲣鱼汁，面头洒上木鱼花，夹埋青瓜丝同葱花，非常清新。- 芝士年糕：流心芝士涌出嚟！外糯内流心嘅双重口感，记住趁热食，冻咗会变芝士橡胶波㗎！后感：食幸屋，真幸福。…查看更多

湾仔捐窿捐罅揾到间拉面居酒屋，面积唔算好大，胜在楼底高，感觉空间阔落左😆，佢哋做紧优惠，一碗拉面再加$28就可以配小食一份同汽水，呢个套餐食落都几饱，味道又唔错㖞👍🏻🍜带子鲣鱼汤赤鸡胸拉面 $108 :我就嗌咗两个拉面，其实佢哋嘅卖相都几丰富，配料都相当多😍，好似呢一款拉面除咗有鸡胸同带子之外仲有海带，芦笋，木鱼等，汤底比较清淡，我就觉得味道啱啱好，唔会死咸，面软硬适中👍🏻，佢嘅鸡胸真系做到冇额外添加又唔靭👍🏻👍🏻👍🏻，带皮食都绝对唔觉肥，推荐推荐🙌🏻🙌🏻🍜樱花虾味噌拉面 $88 :另外呢款就系跟咗豚肉嘅樱花虾拉面，樱花虾嘅份量都几多😍，捞埋食绝对够晒香口，豚肉腍身又入味，都系唔错嘅选择😋🍠紫薯栗子饼 +$28 :最后小食方面我哋拣咗栗子饼，佢炸到表面金黄色超酥脆🤤，里面被整个紫薯包围住，仲要食到粒粒栗子，够晒真材实料👏🏻🥟炸饺子 +$28 :饺子都炸得唔错，粒粒金黄色，食落馅料唔干身，皮够薄，最紧要唔会油霖霖😌…查看更多

今次去到湾仔小巷入面嘅「幸屋」，一间专卖日式拉面嘅小店。位置有啲隐世，店内装潢木系风，客人一坐低就感受到当中日本的风情，十分令人期待。酱油北海道元贝拉面汤底浓郁带点甘香，入口顺滑唔死咸，配上鲜甜嘅元贝，海味同酱油底味互相融合，味道相当鲜明。面条烟韧有咬口，挂汤力足，每啖都带住鲜香，而配料都好丰富有紫菜，糖心蛋，荀，仲有健康既菜。赤武士辛味拉面汤底带微辣兼有香料味，辣度唔算过火，特别啱钟意浓味感嘅朋友，烧肉炙烧得洽到好处，入口即化。炸饺子炸饺子外皮香脆，包裹住肉馅饱满又多汁，热辣辣上枱时最正，配埋饺子汁更好食。吉列炸蚝蚝肉鲜甜肥美，外层炸浆薄脆，咬落先系酥，跟住系蚝嘅软嫩鲜香，完全冇腥味。…查看更多

#fatchubelly湾仔 幸屋 (湾仔) 💥 赤武士辛味拉面 叉烧厚切又入味 💯份量亦都好多😳汤底又浓郁又辣 仲要系有层次嘅辣！面条弹牙 食到出汗都唔停得口！😂💥 酱油北海道元贝面 酱油汤底好香👍🏻调味啱啱好 唔会太咸元贝亦好鲜甜 咬落去仲有啲爆汁感！面条吸晒汤 每啖都好有诚意🥰🥰💥 炸饺子& 吉列炸蚝炸饺子脆卜卜 馅料够足🤩炸蚝外脆内鲜 冇腥味一啖爆汁好满足！😈配埋汽水同拉面一齐食 真系好正！👏🏻幸屋 (湾仔) 湾仔机利臣街5-9A号维昌大厦地舖…查看更多

行过湾仔，突然想食沾面，就同朋友试吓呢间幸屋。地点都几方便，唔使排队就入到去，啱晒我呢啲怕等位嘅人。一睇餐牌，选择都几多，最后叫咗两个唔同嘅面试吓。🍽️鱼介豚骨沾面：沾面嘅灵魂当然系个汁，呢个鱼介豚骨汤底超浓厚，鱼介嘅鲜味同豚骨嘅香甜味捞埋一齐，真系不得了。面条好有咬口，挂汁力一流，每啖都食到浓浓嘅汤底味，好满足！另外叫嘅紫薯栗子饼都好有惊喜，外皮炸得好脆，入面嘅紫薯同栗子蓉香甜软糯，配埋可乐，好夹！🍽️带子鲣鱼汤赤鸡胸拉面：朋友叫嘅呢款拉面，汤底相对清甜，带子嘅鲜味同鲣鱼嘅香气好突出，啱晒钟意清淡口味嘅朋友。鸡胸肉煮得啱啱好，唔会太柴，肉质好嫩滑。炸饺子都唔错，外皮炸到金黄酥脆，内馅都几juicy，唔错嘅配菜。…查看更多