幸屋

喺湾仔做完嘢，知道附近有间拉面店，一于入去返碗先。拉面店环境舒适，坐得舒服。有拉面有沾面，一于同同事各叫一碗。🍜 樱花虾味噌拉面一上枱就俾成座「樱花虾山」震撼到！汤底用赤味噌混虾头熬煮，橙红色汤汁稠到挂匙！面条咬落弹牙有麦香，最正系双豚肉叉烧，厚切腩肉慢煮到入口即化，薄切肩胛肉炙烧到焦边脆口，夹埋流心蛋黄同脆口木耳丝，非常滋味。🫕 鱼介豚骨沾面经常出现的话题，拉面vs沾面，倒不如各点一款比较一下。沾面汤底稠到可以挂企匙羹，鱼介嘅烟熏香撞豚骨嘅胶质。而沾面底属粗面，冰镇过上枱，咬落非常Q弹，夹一束浸落热辣辣汤汁3秒——挂汁力爆灯！另外，配料嘅慢煮叉烧腍到离谱，糖心蛋流汁捞汤更邪恶。🥢 小食- 冷豆腐：冻豆腐淋鲣鱼汁，面头洒上木鱼花，夹埋青瓜丝同葱花，非常清新。- 芝士年糕：流心芝士涌出嚟！外糯内流心嘅双重口感，记住趁热食，冻咗会变芝士橡胶波㗎！后感：食幸屋，真幸福。…查看更多

今日经过湾仔见到一间日式料理，于是忍唔住想入去试一试系咪真系咁好食！带子鲣鱼汤赤鸡胸拉面个汤底真系不得了，一上枱已经闻到阵阵鲣鱼香，饮落去清得嚟又够鲜甜，完全唔会觉得油腻。最惊喜系个赤鸡胸，平时惊佢嚡口，但呢度整得几滑，仲要好入味，成碗面食落好舒服，清清爽爽但又唔失味道。黑蒜浓厚山药豚骨拉面钟意浓味嘅你一定唔可以错过！个黑蒜油香到呢～一上枱已经闻到阵阵蒜香，饮啖汤，豚骨嘅浓郁同黑蒜嘅香味真系夹到绝！山药打成蓉溶咗落汤度，令到个口感更加滑溜。叉烧肥瘦适中，入口即化，成碗面由头到尾都保持到个浓厚感！芝麻手羽呢个鸡翼真系整得几出色，外面脆卜卜，里面仲保持到肉汁。最正系面头𠮶层芝麻，烘得香喷喷，咬落去芝麻香同鸡肉味一齐爆出嚟！蒜香鸡软骨鸡软骨炸得金黄香脆，咬落去"索索"声，但又唔会太硬。蒜香味够晒突出，每粒都沾满蒜粒同调味，咸香得嚟又唔会过浓，食到最尾都唔会觉得腻！幸屋 (湾仔)湾仔机利臣街5-9A号维昌大厦地舖…查看更多

今日去开湾仔做嘢，做完之后咁啱晚饭时间，见到附近有一间拉面店就即管入去试吓。餐厅环境干净企理，拉面沾面选择好多。今晚我地拣左 北海道蟹肉汤拉面 配炸鸡（ $166)，入面配料丰富，有蟹肉、叉烧、蟹籽、流心蛋、竹笋和木耳丝等，同埋 赤武士辛味拉面 配吉列炸蚝($111)，其中吉列炸蚝正常发挥，拉面不太辣但份量十足，啱晒今日好肚饿嘅我。📍幸屋 (湾仔)湾仔机利臣街5-9A号维昌大厦地舖@yukihouseco #湾仔餐厅 #湾仔 #拉面 #日式 #炸物 #日式拉面 #流心蛋 #hongkongfood #hongkongfoodie #hongkongfoodies #hongkongfoodblogger #hkfood #hkfoodie #hkfoodies #hkfoodblogger #hkfoodstagram #foodie #foodies …查看更多

如果钟意食拉面朋友仔就唔可以错过🍜#幸屋#拉面控🍜超级多料，分量又多🤭每碗都有2大块日式叉烧❤️仲有一只糖心蛋🥚而且拉面咬口岩岩好，唔会太硬太软🍜钟意食芽菜朋友仔都唔可以错过🤭佢地芽菜系自家制腌制，非常脆口又唔淋👍我地试佢地招牌赤武士辛味拉面，少少辣，但饮落去汤底满满豚肉味，真系会忍唔住饮多2啖🤭🤭另外佢地樱花虾味噌拉面都唔可以错过❤️❤️满满樱花虾铺系拉面面😍每啖会食到脆口樱花虾及拉面😍😍😍😍😍另推荐佢地嘅和风饺子，即煎即食，肉汁仍系饺子内，最钟意佢地成块薄脆都可以食到😍😍午餐虽然冇特别优惠，但佢地2点后下午茶就非常之抵食👍👍价钱低至$60，就有齐拉面，小食及饮品😍😍…查看更多

Located conveniently near the Wan Chai MTR exit B, Yuki House Ramen offers a satisfying dining experience with a variety of flavorful dishes.The signature ramen features a rich miso-based broth complemented by two thick, tender slices of round pork chashu. The soup is generously topped with Sakura shrimp, black fungus, bamboo shoots, and onions, creating a complex and appetizing flavor profile.The beef bowl is a highlight, packed almost to overflowing with high-quality beef that appears to be marinated in a sweet Korean-style barbecue sauce. The dish is savory but not oily, and the accompanying rice is enhanced by a sweet sauce, making it a very comforting and substantial meal.Beyond the main courses, the menu offers appealing sides. The dumplings, served with a compelling mayonnaise and sweet vinegar combination, were particularly enjoyable. The breaded oysters are another flavorful option; the batter is crisp, and the freshness of the seafood is evident in every bite.Overall, Yuki House Ramen provides fair value with generous portions and quality ingredients. Their ramen includes a full, perfectly cooked "candy egg" (seasoned egg), and a notable commitment to not using MSG ensures a clean, authentic taste.…查看更多