平記麵家

又黎到大埔街市搵美食😋食一碗美味雲吞麵😋平記雲吞麵始於1945年，食完絕對無失望，絕對係物超所值😋雲吞麵爽彈，又有清甜的湯底，麵同湯底好夾。碗裏的小雲吞皮薄餡足，特別是蝦仁彈牙，每一口都令人感到滿足。更重要的是，老板手工包製的雲吞，每顆都是用心制作，充滿情懷。店鋪內阿姨態度很好，招呼客人熱情親切，讓食物不止是填飽肚子，更是心靈的慰藉，一碗味道好的雲吞麵包含著好多細節，食材控制，煮麵時間，再要加上人情味，真係無得陣😋美食能容天下事😋…查看更多

作為一名平民的傻食家，小人最愛四圍找吃，滿足一番！正好跟小人有共同嗜好的友人踫巧在港，一於四圍搵食是也！不敢妄言，對於小人來說，大埔的確少到，卻在沒有想過的情況下找到如此這間傳統麵家！兩個人兩碗麵，加一客淨雲吞。第一碗乃水餃麵，水餃的皮雖然長卻居然那麼薄，滑捋捋的扇入口中！肉餡亦不差，香軟而綿。梘水麵少梘味，應無則無。片頭河的魚片頭屬腍身，卻更易索到湯汁，但片頭的炸香仍然猶存，利害！淨雲吞也很好味，滑嫩肉感不已！共享之樂，二人三碗！…查看更多

蝦子雲吞撈麵真係好正！雲吞裡面嘅蝦肉鮮嫩，每一口都咬得到蝦的鮮味，超級好吃。麵條Q彈，唔會煮得太軟，剛剛好。加上蠔油之後，味道更豐富，帶點甜味，完全提升咗整碗麵的層次。湯底清淡，但又唔失鮮味，搭配得剛剛好。整體嚟講，無論是午餐定晚餐，呢碗撈麵都係個好選擇，真係好想再來一碗！不過地方淺窄 等位都要啲時間 食完就要走…查看更多

行過行過，唔試唔得㗎！今次我黎到咗平記，腦海中不停諗起大家嘅推介，所以馬上落單咗碗豬油撈麵同埋雲吞蝦子撈麵。先講豬油撈麵，睇落簡簡單單，一撈起嚟，麵條滑而唔膩，帶勁嘅彈性入口即化，仲有淡淡嘅豬油香，咸香適中，簡直係屋企感覺🏠！但蝦子撈麵就啱啱哋，蝦子唔夠鮮香，整體感覺好似有啲欠火喉。跟住嘅，就係啱啱哋嘅雲吞啦！一啖一粒剛剛好，外皮蛋味濃郁，同肉餡嘅鮮味完美融合，係得嚟唔攝👍。場邊，隔籬桌嘅媽媽點咗杯奶茶，我聽到咗就跟風試咗一杯，真係正！奶味同茶味夠晒平衡，順滑得嚟唔膩嗮口😋。嘆罷奶茶，我就同隔籬嘅媽媽傾起食嚟，帶嚟咁多暖笠笠嘅交流，食飯嘅時候仲可以咁多嘅分享同歡樂，真係一個愉快嘅體驗！下次我一定再嚟，希望到時候除咗豬油撈麵，其他嘢都可以撈上心頭😉！…查看更多

聽人介紹嚟試一下，第一次食蝦籽麵滿心期待。除咗面頭第一啖食到少少蝦籽味之外，第二、第三啖都冇乜。同其他評論講嘅一樣，唔夠香。麵下面放咗油，傑傑地，唔知係咪豬油，一樣冇香味。撈埋之後更加食唔到蝦籽香，成碟麵偏凍，唔係好知食緊咩，而且味道好淡，食到成pat蝦籽先有啲味。清湯夠熱，好飲。雲吞細細粒，5粒左右，都好食。價錢不便宜，份量唔多，食完可以試埋附近嘅美食。如果當正餐嘅話就未必夠飽，叫做墊下肚唔肚餓。整體覺得普通、正常。…查看更多

平記麵記（1:18pm brunch）每逢星期三休息作為大埔人，但一直都未試過平記蝦籽麵，今日決定試試。從舊街市經營到而家，好似去到第三/ 四代，與同枱年長老街坊傾談中，知道佢啲麵係會自己打，所以食落冇乜鹼水味。👍🏽 叫咗個蝦籽雲吞撈麵，食麵前試試碗湯，清清地幾好飲，唔似一般麵舖嗰啲湯頭咁得個死鹹。一眼望落去蝦籽鋪滿個麵，蝦籽唔會太鹹，但個人覺得唔夠香。唔講都唔知，原來每碗撈麵都有落豬油，證明豬油唔特別香，另一失色之處。🐽雲吞好結實鮮味，裏面有細細隻蝦仔，幾好食 😋 一個撈麵有5-6 粒。辣椒油夠香夠辣，適合愛辣之人 🌶️ 去得街市個玩法就係好多食店都唔包嘢飲，呢個價錢其實有啲偏貴🤑，試一次無妨。…查看更多

今朝一早就到大埔熟食中心搵早餐食，經過記得好耐冇食個平記，咁就就坐低叫咗個細蓉～不一會熱辣辣嘅雲吞麵就上枱，望上去嘅麵堅挺紮實沒有軟淋淋嘅感覺，夾起入口，爽口嘅竹昇麵，加上本身豬肉雲吞確係一絕，略嫌湯頭比較平淡，如果是說傳統的雲吞，已是不錯的選擇。冇記錯之前有人講過，話平記嘅雲吞豬肉味蓋過蝦味，有少少資料提供補充，平記本身嘅雲吞係肉多蝦少嘅舊式雲吞，如果再舊一點的廣州雲吞只是只有豬肉，所以平記雲吞肉味重屬於正常呀，而家香港普遍有勁多蝦嘅係後期演變出嚟。ps 最不喜愛啲蝦多到好似蝦餃咁嘅雲吞⋯⋯戴返頭盔先，我覺得好唔好食≠你覺得好唔好食，好唔好食因人而異。…查看更多

平記麵家 - 如果你見到兩位後生仔碌麵，建議你可以不食，因為我幾次見到佢都碰釘，不能做到麵爽效果，豬油配料各樣不一，未能維持質素，相反如果你遇到老師傅（即係老闆）咁你就要試一試啦，加多句多豬油，香氣滿溢，配上銀絲細麵，「正」，此外，雲吞亦都係該店的靈魂，舊式雲吞，多豬肉餡雲吞，最緊要用咗靈魂「豬油」，堅正😊…查看更多

當日媽媽好想去大埔懷緬一下，因為媽媽喺大埔出世，所以佢話想去大埔睇睇，同埋佢又好想去平記麵家，因為依間麵家係老字號，去到而家已經係第三代。依間麵店嘅特色係手打竹昇麵，今次我哋就係想試吓佢啲質素同之前兩代有冇分別。我哋叫咗一碗魚片河、一碗墨丸雲吞河、一碟蝦籽雲吞麵。魚片河同墨丸雲吞河味道不錯，但未至於太特別。至於蝦籽雲吞麵，味道就真係都幾得。阿媽食完個蝦籽雲吞麵，話以前啲感覺返晒黎。因為佢啲麵嘅質感真係好煙靭，好有口感。至於環境方面，其實都算乾淨，坐落感覺都唔差。…查看更多

位於大埔新街市上面的熟食市場有很多知名食店，常常出現排長龍的情況，不過這家店似乎相對少人光顧，由於不想排隊，所以決定給它一個機會。向店員查詢，她向我推介她們的雲吞和麵，因為兩者均是自家製作，於是我就點了一碗雲吞麵。這家店的雲吞是比較細小的那一種，雲吞皮滑滑的，餡料亦很香，味道很好；至於那個自家製麵條，不會太彈牙，口感不錯，唯一的缺點就是有點鹼水味，據說有些人很喜歡，而我卻不太鍾意。雖然不是長龍店，不過卻帶來驚喜。…查看更多

今日去咗大埔搵男朋友一於嚟食下佢嘅童年回憶蝦子麵🦐店家位於大埔墟熟食市場啱啱撞正中午時間人頭湧湧搵到個位即刻就叫咗一碗蝦子雲吞撈麵✅蝦子嘅份量絕對冇欺場滿滿嘅蝦子沾滿着每一條麵非常之香口！✅幼麵自家製，冇鹼水味爽滑彈牙條條分明最重要係用咗豬油撈麵🐷熱騰騰咁上碟真係好香👅✅鮮蝦雲吞大大粒亦都非常足料數過都有成五粒㗎 抵讚!雖然熟食市場嘅環境就比較迫坐得可能冇咁舒服但係人情味搭救！店主亦都非常之親切😺見到旁邊都仲有其他餐廳 好想再試啊！大家都不妨嚟大埔墟熟食市場試下平民美食啦👻——————————食物質素：7.5/10環境衛生：4/10舒適度：4/10服務：6/10 性價比：7.5/10總評分：6/10——————————#foodblogger #foodlover #foodie #hkfoodie #相機食先 #大埔…查看更多

本身來大埔墟街市熟食市場，是想去欽記，但是總是找不着，找到了，卻又發現沒有開閘。然後看到另一間，賣相都不錯的麵條，但是阿姐又指午餐已經做完，要關門了。冰冷的週末，難得二人都有興緻吃雲吞麵裏，於是就隨隨便便找到這間雲吞麵店。由於根據過往經驗，這些店的牛腩多數都是柱候式，因此還是吃雲吞、魚蛋穩陣。水餃比較大，內裏餡料也不少，味道不算太香。雲吞細細粒，味道更加香，而且一口一顆，味道不錯。確是奇怪，因為你點魚蛋麵，都沒有叫魚皮，你說如果魚蛋麵有魚片頭，都尚算正常，因為它的成份都是魚肉組成，但是有炸魚皮，就好像有點兒奇怪。🤔魚蛋味道普通，但是還算是彈牙，幼麵亦煮得夠彈牙，蛋味濃郁，不算鹼水味很重。…查看更多

聽聞大埔的平記麵家是老字號，出名不錯的雲吞麵。.明明知道雲吞麵是推介的，但叫了魚蛋麵和芥蘭。 魚蛋好一般，不太好味道但又不是差，其實有點後悔。 麵是不錯的，店員說是他們每天自家制，芥蘭味道也好。 同枱有位小姐在吃雲吞麵，她不停讚雲吞做得非常好！ 於是，我再叫了一碗淨雲吞。 我不懂欣賞雲吞，好像大部分都是肉，我並沒有後悔，因為要親自試過就才知道好不好。 .我所叫的食物全部都不是差，價錢合理。 只不過並不是我想像中的傳統雲吞麵（大地魚湯，韮黃）。 …查看更多

#double_大埔-【好多蝦子啊😳】黎到大埔 #🍋👧🏻 當然要帶大家試吓好出名嘅蝦子撈麵 唔少雜誌都有介紹過 呢度賣嘅係手工全蛋麵 花唔少心思-🔻蝦子雲吞撈麵($41)食撈麵第一件事要試吓個湯 不過就冇乜特別一睇相就見到好多蝦子 好吸引啊 聞落有少少腥雲吞有五粒 入面冇鮮蝦 系純豬肉餡 麵夠彈牙 不過要一路飲湯一路食 有少少un胃⭐️評分：5/10-🔻蝦子墨魚丸撈麵($41)墨丸有三粒 但冇乜咬口 其他基本上同雲吞撈麵一樣⭐️評分：5/10-以上是粉麵不包餐飲 有點貴喔－－－－－－－－－🏝環境：4/10🛋服務：5/10💲價錢：5/10💥翻兜指數：4.5/10-🍴餐廳名稱：平記麵家 (大埔)📍地址：大埔鄉事會街8號大埔墟街市及熟食中心2樓-🔎餐廳類別👉🏼#double_熟食中心🔎食物種類👉🏼#double_麵食🔎菜式類別👉🏼#double_港式🔎選擇口味👉🏼#double_咸-#double_official #double_兩姐妹#double_mango #double_apple #doubleig #doublefood #相機食先 #hkig #hkgirl#hkfood #hkfoodieblogger #hkfoodie #hklife #hk#hk852…查看更多

呢間雲吞麵係大埔區內已經有一段歷史，經營咗咁耐而且係咁大競爭嘅街市入面，仍然站得住腳，可想言之佢有一定嘅位，而店內招牌菜係以手打麵同雲吞為名，咁當然要點一碗雲吞麵。可惜星期六下午食飯時間太多人，一個人食都要等位，落單前店員有提醒我要等30分鐘，好彩落單後約10分鐘就有麵食。雲吞麵$26麵身有少許鹼水味而麵質有𡁻口但唔彈牙，而湯底就幾鮮甜。雲吞一共有五粒，而每粒都好細。雲吞皮都算薄，可惜豬肉餡太多遮過蝦鮮味。整體不算特別，可能係我對雲吞麵愈來愈講究~…查看更多