平昌

营业中

休息中

同班朋友好耐冇見，今日就去左旺角兆萬中心既平昌食燒肉放題兆萬成日比人笑劣食塔，但呢間韓燒質素唔錯，放題有分唔同價錢，我地就要左平少少既大君御膳肉既選擇雖然好似唔係好多，但款款都好有質素豬肉 🐖 豬肉有分薄切、厚切，或有汁，可按照喜好選擇。豬五花腩厚切五花肉，肉和脂肪比例一半一半，烤到金黃色，食落香脆，肉味和油香剛剛好，用生菜包住肉食，再再配上泡菜一流！照燒汁/辣汁薄切五花腩片醬汁和五花腩片完美結合，和五花腩好夾，食落有更多肉汁，為五花腩帶來不同的口感。牛肉 🐂 牛肉有牛扒、肥牛片、牛舌等等……LA牛扒肉味濃郁，肉質細嫩照燒肥牛片牛舌沒有騷味，有口感。照燒汁/辣汁肥牛片放在燒烤盤上，因為有很多醬汁，很像醬汁炒牛肉，配飯食一流！海鮮🦞半殼扇貝帶子好大粒，烤過後也不會太乾身，保持到鮮甜嫩滑！除左燒肉，我地仲叫左d韓式料理過下口癮韓國野一定要食炒年糕，好鐘意佢甜辣既味道，d醬杰度岩岩好，條條年糕都掛到好多汁，年糕入面仲有幾塊魚糕，叫一次已經好大碟，夠哂成台人分去韓國，鍋物都係必食，我地仲叫左個辣海鮮豆腐湯，入面都好足料，有好多豆腐海鮮蔬菜同菇唔再講，雖然唔係冬天，但開住冷氣食個暖笠笠既湯真係最

好耐冇食過韓燒，今日嚟到呢間黃店韓燒，價錢親民👍🏻入到去都幾full吓，見到有朋友仔冇book位入唔到🤔想嚟dinner嘅大家記得book定位先‼️呢度嘅韓燒set有兩款，分別係大君御膳同世子御膳😆我哋揀嘅係大君御膳，星期一至四夜晚$198一位😬韓燒放題包飲品任飲，有唔同汽水、茶同啤酒～醬料方面麻油醬幾好味😆壓軸出場嘅就係主角～肉🤩🤩🤩豬、牛、雞、鴨任君選擇🥸牛舌、肥牛同薄切五花腩都好有肉味，燒落好香😚串燒就比較濃味～另外仲有海鮮～個人最鍾意嘅就係扇貝😚食韓燒最怕燒到燶晒😶要讚一讚員工一見到鐵板燶咗就即刻主動幫我哋換😆整體嚟講，餐廳質素符合返佢本身親民嘅價位～不過要提議一吓餐廳改善抽氣系統同最好提一提last order時間😣

幾個朋友都好鐘意食韓燒 所以我地就book左平昌食佢個任食韓燒啦餐廳設計好韓國classic既烤肉店 係令人懷念既圓枱圓筒座椅 仲有都會keep住播依幾年好hit既kpop 忍唔住跟住哼～大君御膳 $198 加一一坐底店員就會幫手整爐邊蛋 同埋擺底配菜可以點既種類都有唔少 一坐底我地就嗌左牛肉同埋海鮮海鮮推薦要點虎蝦 肉質結實唔梅 質素幾好我地都encore左2次肉類必點調味烤肉 預先用左甜甜地既bbq醬醃過 牛肋骨肉肉質鮮嫩 牛味香濃豬五花腩肉質結實 油花均勻豐富加埋泡菜整生菜包好好食！熟食我地都試左幾款 推薦水冷麵同炒年糕炒年糕唔會太辣 水冷麵清爽湯底酸甜飲品除左指定酒類之外都係可以任飲的性價比極高 平日晚市黎講 呢個價錢絕對可以食返夠本👍🏻👍🏻👍🏻難怪平日晚市都全部滿座 所以想食一定要訂座阿

放題套餐分左大君御膳同世子御膳，一場來到當然揀果貴果個。環境裝修都好有feel，熟悉的金屬圓枱和圓凳，強勁的Kpop音樂，如果唔係聽到隔離枱講東話，真係會以為去左韓國。坐底後店員就會添加爐邊蛋同各式泡菜、仲有生菜可以包住肉食，唯一缺點係無蒜頭。店家揀用手寫落單的模式，自己將想食既菜式號碼，寫落膠卡到再交俾店員。因為係自己用手寫，都驚店員睇唔明，好彩無漏單，而且上菜速度都好快。🔸厚切豬腩肉：厚切，肥瘦得宜，雖然無醃但有肉味，用泡菜包住食好夾。🔸牛肋骨肉+烤牛肋骨肉: 肉眼可見既雪花，無雪味有牛味。🔸烤牛脷：食落口感同味道都似牛舌芯，好味。但每次份量只按人頭俾，明白唔想做成浪費，唯有落多幾次單。🔸牛肉眼(世子)：睇落雖然唔太多油花，但食落嫩滑🔸T骨牛扒(世子)：好大份量而且厚切，肉味濃郁。🔸牛前胸腹肉(世子)：油花較多，入口嫩滑。🔸護心肉(世子)：韓燒必定會想起既護心肉，嫩滑好味。熟食同小食都有好多選擇：🔸醬油蝦：蝦隻大小適，新鮮爽口彈牙🔸鰻魚：本身係凍凍地的，用鐵板燒一燒加熱再食🔸安東雞：2人份量唔大，適合一試。味道入味🔸韓式撈冷麵：同一般冷麵唔同，係撈麵既形式，味道比較一般冷麵辣同濃，

<好正既韓燒放題>🔥呢間平昌開左都幾年 間中都去食下 佢既韓燒任食價錢合理 任食兩個 hour記得 bk位 , 我地食世子 set , 即係可包埋大君 set既野食 野食多又豐富 首先喺個熱辣辣既烤爐邊側邊整 d蛋 側邊仲有生菜 泡菜 芽菜 辣醬 甜豉油等等 要黎包住同點肉食😁 飲品有唔同既啤酒汽水 可樂 好多選擇👍🏻海鮮方面海蝦好新鮮 仲有帶子 扇貝 都好味肉類有豬牛雞 內臟 最正係肥味既牛腸 辣得黎好惹味既豬大腸 牛西冷 牛胸腹 豬腩肉 爽滑既雞腎 雞軟骨 仲有肥味鰻魚等等 🐷🐂而不得不提佢既熟食都十分唔錯 有冰凍爽口既水冷預 香預既炸雞翼 鯖魚 仲有生醃蝦等等 🦐 都好好食 食到甘滿足都係每位278 蚊加1 好抵食好味 👍🏻#韓國菜 #韓燒 #帶子 #海蝦 #西冷 #冷麵 #大腸 #豚肉 #泡菜 #煎蛋Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻

兆萬出名劣食，朋友約我黎食本身有啲驚，但體驗都算唔錯!呢度放題分3個等級 其實最平既大君御膳已經包左好多款食物，燒肉/熟物/主食都有，今次食既世子御膳就再多啲選擇!一早book好位，所以唔洗等直接入得🤤一坐低就上左前菜，有芽菜泡菜，消滯生菜，仲有爐邊蛋點餐係劃紙仔，寫好號碼寫埋數量，食材好快就送到。兩個人就無留quota食飯食麵，不過試左好多款肉，同幾款炸物☺️爐邊蛋調味啱啱好，有少少似咸蛋蒸蛋，放耐少少慢慢食都唔會太燶太乾炸蝦炸芝士炸芝士蝦球😗上枱既時候已經唔燙口，但都仲係脆卜卜。無乜蝦味😢炸芝士正好多，食幾舊過下口癮都幾正咁多款肉，有幾款特別有印象大推香草五花肉! 呢度既五花肉幾厚切，加上火力勁大，輕鬆整到少少燶邊但入面一樣彈牙，加埋香草既調味就啱啱好照燒肥牛片都唔錯，自己燒都有餐廳既味道☺️想自己點汁食，就推薦護心肉同牛前胸腹肉海鮮類係魷魚比較好，其他唔算出色飲品bar選擇都多!兩個人吹下水燒下野食，時間好快過，服務好快手，抽油煙都唔錯。較為不足係音樂有啲大聲，成個環境就比較嘈雜少少，但用餐經驗係相當愉快😌😌

去到旺角周圍都係餐廳選擇，但係邊一間餐廳唔中伏，又好食既韓燒，我就來過依間平昌幾次，每一次都冇失望，所以今日都特登影吓相，推介大家食大君套餐，大家唔使食最貴嘅套餐都已經有好多款式選擇，而且質素都好高。呢間舖頭平日嚟都算多人，所以大家記得一定要預約。198一個人食到好多選擇嘅肉，我仲想講佢唔單止肉高質，佢嘅side dish都好好食。首先個鑊就有店員為大家準備嘅蛋，我就叫咗豬頸肉，牛舌，牛肋骨，肥牛等等嘅肉，而家就想講吓佢韓式炒年糕，泡菜豬肉湯嘅韓式炒年糕份量會話好多，但係佢係同出面韓國餐廳一點叫嘅炒年糕嘅質素一模一樣，好好食，因為通常出去食放題，佢嘅side dish 都係唔好食嘅，但係呢間餐廳唔會。以佢嘅泡菜豬肉他亦都有好多泡菜，質素都好好，我就鍾意將泡菜撈埋肉，再撈埋菜一齊包住食。而家人老咗，真係唔想食太多肉，所以我都覺得係呢間韓式燒烤餐廳食放題嘅話，除咗可以食烤肉，亦都可以食韓國菜。飲品同埋雪條都係好多韓國入口嘅

好難得搵到一間黃店嘅燒肉放題💛 平日都好多人排隊 坐滿晒 空間唔大 坐得好滿 所以好熱鬧 🤣我哋揀咗世子放題 $278 一個人🤣 有好多燒肉海鮮韓式小食😋 世子比大君多d 肉食同埋有醬油蝦 所以就揀左貴少少嘅🤣 有好多肉可以食 例如護心肉、牛肉眼、T 骨牛扒、調味豬梅頭片、薄切五花腩、肥牛片、牛舌等等 超級多選擇😋 都算係我食韓燒入邊算最多肉嘅一間！最鍾意食調好味嘅肉 因為佢個醬料好入味 好好食！ 仲有爐邊蛋 全部任食 唔洗理價錢！ 醬油蝦！ 🦐呢個一定要推介 因為蝦非常鮮甜 醬油加芝麻味道好夾！我encore 左幾次🤣🤣 仲有蠔、虎蝦、帶子、青口、扇貝等等海鮮 都算新鮮～ 仲有好多韓式小食 例如炸雞、韓國年糕、泡飯、辛辣麵等等 真係最鍾意呢度多款式 次次都食到勁飽又可以試唔同野！👍🏻💛

生日飯局停不了。今日就去咗旺角兆萬13樓“平昌“食韓國燒烤。 我哋選擇咗“大君套餐“，198蚊一位任食。食物方面，就分咗牛肉，雞肉，豬肉，海鮮同一啲韓國熟食。 先介紹下啲牛肉。本人推介嘅就係“牛肋骨肉“同埋“LA牛排“ 。肉類沒有太多嘅醬汁醃料， 整熟咗之後就可以原汁原味咁品嚐到牛肉嘅香味。 雞肉方面，我會推介“雞肉串“同埋“原隻雞翼“。雞肉十分嫩滑，原隻雞翼啖啖肉十分滿足。 豬肉方面，我就會推介“豬頸肉“。 厚切得嚟唔會好油膩，而且肉質非常爽口， 口感十足。 海鮮嘅話就會推介“魷魚圈 “，即使喺鐵板燒完之後都唔會好乾身，而且口感膠質十足。 另外“鰻魚“都好出色，必食。熟食方面都幾多選擇。本人推介嘅就係但“肥牛大醬湯“。 出面比較少飲得到，有驚喜。 另外個年糕都好好食 ，嗰醬甜甜辣辣 ，攞嚟點埋啲肉食都可以。 仲有好多其他美食不能盡錄。溫馨提示： 我哋平日去但係都已經好多人，所以記得要訂位。

同朋友約好咗食晚飯，一早用OpenRice 訂位，又方便又容易。我哋原先book 8:00，但因為個個都早咗到，所以我哋就早咗少少上去，因為兆萬等lift 想去嘅人勁多，所以要預留少少時間去排隊。我哋7:30左右上咗去，店員都好好，即刻安排位俾我哋坐，帶咗我哋入去一間房嘅位置。我哋入到去，抽風系統應該唔係太好，因為都比較大煙，但都接受到嘅。我哋坐咗一陣，發個冷氣真係唔係好夠，一路食一路出汗，店員仲話冷氣開到最大，所以怕熱嘅朋友要注意，記得帶風扇嘢食方面，所有嘢食都好新鮮，我哋叫咗最貴嗰個餐，我就勁鍾意食佢嘅醬油蝦，佢嘅所有牛肉豬肉等等都係好新鮮嘅，店員都有禮貌，總括嚟講值得推介

冷氣唔夠，一邊食一邊擦汗，點十份老是少來幾份，再點也是這樣，真沒意思，本來份量就少，又少來，老是在等食物。食物種類唔多，蔬菜🥬更少選擇，海鮮🦞不要有期望，凍棒要在FB點讚才能取一支。

今日晚餐同朋友來平昌旺角食韓式燒肉放題🥰我地要咗世子放題 , 因為可以食埋大君嘅menu😍 熟食都有好多款海鮮蔥餅好脆口，安東燉雞好入味，雞好juicy👍🏻👍🏻👍🏻燉藍青口幾新鮮，脆炸芝士蝦球都炸得脆卜卜，非常好食😍 韓式大醬燉青花魚個醬好幾正宗，好有韓國特色！😋😋😋 調味鰻魚是我最喜愛的，因為用了燒汁，鰻魚啖啖肉冇骨😍 燒烤種類有好多😍肉類有例如雞肉串,牛舌,牛肋骨,豬頸肉同護心肉，全部都有醃製的所以非常惹味！ 🥰🥰🥰海鮮有帶子，青口，虎蝦等！ 都非常新鮮，肉質嫩滑😋😋😋醬汁有三款包括有燒汁，辣豆瓣醬及麻油鹽👍🏻 飲品係自助任飲架！

慶祝終於可以放假，所以就同左朋友仔過嚟呢一間好出名嘅韓燒度食下啦💛可能因為放暑假啦所以人都真係幾多，入去訂咗位都等咗一陣，不過店員都好好禮貌，真係辛苦晒我哋就叫咗個高級煩啊因為要慰勞下我咁辛苦嘅人生，所以呢我就食咗呢個世子，我都係$300左右，唔錯啊佢就包左T骨牛扒話真係成塊面咁大，同埋帶子扇貝有殻嘅生蠔❤️❤️❤️用料其實我就覺得好好，朋友話雖然唔夠啲勁高級嗰啲肉佢比啦但係呢個價錢同埋呢個質素真係CP值非常之高同埋佢啲配菜都非常之高質，我就最鍾意飲佢嗰個海帶湯，如果啲石頭鍋飯等咗一陣我哋燒咗好多嘢，但係識落都係熱辣辣同埋真係好鍾意食佢嗰個粉絲要一叫再添，遲啲如果同朋友想食韓燒絕對都會返番呢間舖頭

已經唔記得係第幾次嚟呢間食韓燒今次同之前一樣都係成$290嘅套餐醃肉好嘢味！之前食過好多間聲稱韓燒都好伏、因為根本稱唔上係韓燒！而呢一間比我嘅感覺就好似真係去咗韓國食韓燒一樣！就連佢哋嘅大軍料理都同喺韓國食嘅一樣味道但今次佢唯一不滿嘅係佢哋安排我哋坐門口位，而呢個位完全唔夠冷氣！我係一個好怕凍嘅人都熱到出晒汗、

以前最鍾意黎呢間食韓燒 真係好抵食 如果冇book位幾乎食唔到 今次黎真係好失望 128個套餐賣228 客明顯少左好多 啲店務員都係黑口黑面 有啲又冇戴口罩 以前韓國個啲好nice 依家上菜都慢 今次食完唔會再來了