平昌

营业中

休息中

星期六晚5個人約咗去平昌 gathering我第一次去平昌, 2hrs任食 ($17xx/5人)裝修就係好standard嘅韓燒店, 裡面坐爆好多人！冷氣夠勁, 抽油煙都ok 冇話一浸燒烤味。豬牛選擇算多! 牛同豬雞質素ok ! 起碼上菜時會認到係乜嘢先,唔係一pat嘢咁👌🏻落order都快同全晚冇漏單!海鮮類極之普通,唔叫都冇損失。🤭🤭另外飲品無限任飲自己拎! 有可樂芬達烏龍茶等等 and most importantly係有 HITE beer !!整體收費唔算貴,豬牛雞OK,任飲,2粒鐘,夠涼!合格有餘👍🏻(記住唔好叫海鮮🤡)

想試呢間黃店好耐好耐，因為好少黃韓燒有得食爐邊蛋。今次同左媽媽一齊食，最平既大君御膳先$198，居然有蠔、扇貝+虎蝦食，肉類+熟食都有幾多選擇，質素都唔錯嫁😆半殼扇貝&蠔&虎蝦：雖然係任食，但d海鮮都算新鮮，特別係蠔都幾大隻，燒左一陣都唔係縮得好勁，媽媽幫我燒到岩岩好，食落肥美飽滿，嫩滑多汁😋大大隻虎蝦，d肉都幾多，加少少檸檬汁吊味就好清甜。調味鰻魚：居然有鰻魚食😂切到細細舊咁好方便燒，燒完後，鰻魚外層變到少少香脆，肉質仍然保持軟滑彈牙。肉類：作為牛舌控，可以瘋狂食牛舌好開心🥰牛舌切得幾薄，口感鮮嫩，烤完後帶有炭火香氣，點少少醬汁都好好味。其他肉例如牛肋骨肉、LA牛排、調味牛肉、雞肉串等等都唔錯，仲要有好多款熟食揀。我地揀咗個海鮮蔥餅&辣海鮮豆腐湯，海鮮蔥餅個粉厚度適中，煎到外皮微脆；足料海鮮豆腐湯辣辣地，飲完湯個胃暖笠笠，食到超飽咁走😣

我都唔記得第幾次黎呢度食飯啦，呢間餐廳每次黎到都門庭若市，如果冇預先book位的話真係有排等😂呢度啲味道正宗而且價錢超抵，2百幾蚊一個人就可以食到超多款式既食物，涵括肉類蔬菜類海鮮類，仲有唔同既熟食任君選擇！重點推介下面幾樣食物：牛舌👅：牛舌都可以話係牛最好味既部位之一，肉質比較特別，用來韓燒一流呀！雞腿肉🍗：雞腿肉係最嫩滑既部位，食落去鮮嫩多汁，輕輕點少少醬料就好美味！海鮮餅🫓：呢個係韓國成日食，所以知道呢間係好正宗既配方，餅皮熱辣辣，裡面配料有多種蔬菜，最重要係有蠔仔，好味！呢度每一台都有一個煙囪排氣，所以唔會食到成陣位，裝修佈局又好有韓國feel，一秒穿越韓劇既感覺！未有得飛就黎呢度感受下傳統韓國食物同氣氛啦！

📸 平昌 @pyeongchangkoreanbbq雖於位於「劣食之塔」既兆萬但平昌係完全無伏為食妹仲會成日回頭食既韓燒前排餐廳重新裝修過比起以前更光猛同乾淨放題價錢由以前既三款減到2款大君御膳 $218加一世子御膳 $298加一宜家仲有生日優惠😈壽星係生日前後3日光臨有75折宜家依然仲有得醬油蝦食🤤不過就只限世子御膳先有玻璃窗食過幾次都無肚痛大家可以放心黎試不過就同出面食到既醬油蝦唔同肉質爽口啲 又無咁咸如果中意重口味既朋友子就可能唔太中意🍴今次叫咗世子御膳💛7.5/10可以叫埋大君御膳餐牌既野食架餐牌會比幾張白色牌仔比客人係上面寫要咩野食同份量今次黎食覺得牛肉比豬肉更好食牛仔骨 牛扒 牛舌唔同款式都有得叫餐廳都有熟食供應為食妹就中意叫炒年糕🤤細細碟 份量啱啱好又唔會太辣 甜甜地仲會有埋魚糕片😈炸物都好食 新鮮熱辣限時2小時 但今次食得好趕爐好慢 爐邊蛋差唔多成9個字先熟完全refill唔切到個爐燒紅咗 侍應又會走黎換走咗塊鐵板🫠🫠🫠 為食妹覺得如果餐廳啲枱隔開少少更好當日為食妹背後已經貼住另一枱既枱聽曬人地枱講野而且疫情期間 太近都唔太建議#wwh食勻旺角#wwh韓國菜

大君SET🥢辣炒年糕辣炒年糕辣度唔高，幾適合我，味道都正宗，細細碟啱晒心思思想試唔同嘢食嘅人👍🥢韓式炒粉絲韓式炒粉絲冇咩肉🤣 但係味道一樣好正宗，覺得廚師應該係韓國人👍🥢爐邊蛋朋友話嚟韓燒最鍾意就係食爐邊蛋，好香又好滑👍🥢烤肉好多好多款式嘅烤肉可以揀，我哋揀咗辣肥牛、普通牛肉、牛舌、LA牛扒、牛肩頸肉、五花腩、鰻魚、等等等等🤤🤤 完全有去返韓國燒肉嘅感覺，每款都好新鮮而且唔係急凍嘅，真係好抵食🔥海鮮方面我最喜歡既就係蝦，燒完既蝦好香，最後叫咗十幾隻🤣🥢煎餅最後仲食咗煎餅，都係冇咩餡料，不過調味調得好食，亦都唔會太油👍

旺角眾所周知好多野食，不過講食韓式燒肉，我就只會推薦平昌。第一次黎係表妹介紹，之後就間唔中會黎，今日就帶個朋友過黎食下好西。我地簡左大君御膳。店面裝修係好傳統嘅韓國燒肉店風格。坐底好快就上面前菜。係等肉上嘅時候可以食下好開胃，泡菜亦係可以refill！餐牌好多選擇。牛類的話我同朋友最中意LA牛排、牛舌、牛肋骨肉。牛肉嘅調味好合我口味，非常juicy。豬肉就必點薄切五花腩片，快熟又香口。豬五花腩就緊係用生菜，連同泡菜包埋入口，非常滋味！另外最特別嘅係依個價錢係可以食倒海鮮！半殼生蠔同半殼扇貝食多幾隻就回本啦～虎蝦好新鮮一D都唔痴殼，仲好有蝦味！鰻魚係要燒嘅，魚肉彈牙encore咗幾次。除此之外佢仲有好多傳統嘅韓式菜同小食，幾個人可以一齊share過下口癮。Like埋IG重有韓國雪糕送，記得啦～

好耐冇黎過兆萬食飯，今次就黎挑戰下呢個戰鬥塔啦哈哈。想食下啲香口嘢，一於就試下呢間韓燒。未到七點，場內已經差唔多坐滿，好旺場下喎。晚餐有兩個選擇，分別係世子御膳同埋大君御膳，我地就選擇左大君御膳，感覺上亦毫不失禮，牛肉豬肉雞肉都有七八種選擇，除此之外仲有海鮮選擇，實在不可多得，同價位韓燒似乎都唔多餐廳有得食鰻魚同生蠔成個爐鋪滿肉嘅感覺就係爽！爐邊仲有啲雞蛋比你送住啲肉一齊食，十分唔錯場外仲有好多韓國飲品同埋雪條任食任飲，感覺呢個價錢真係有呢種質素真係冇得彈。除左肉類同海鮮，其他韓式料理都係十分推介，有吉列炸蝦，炒年糕同埋各式各樣嘅石鍋料理，今次我地就試左呢個辣海鮮豆腐湯，真心同韓國街嗰啲餐廳有得揮完全超出左放題嘅expectation

這家主打韓燒放題，食物選擇非常多，除左多款肉類、海鮮外，仲提供不少地道韓國菜，餐廳設計跟足正宗韓燒店，使用銀色圓枱及圓凳，更有Oppa招待客人☺️世子御膳｜$298晚市有兩款套餐，世子御膳係貴啲嘅一款，選購後可以任意點選埋另一款套餐內嘅食物，世子嘅肉類級數較高，部分已經調好味，有不少貴價海鮮，如帶子、生蠔等，熟食更有鍋飯、水冷麵等，整體食材新鮮足料又惹味😋帶子｜8.5/10肉質好新鮮，輕輕烤熟兩面，唔洗沾醬汁，已經好彈牙有鮮味，不停encore扇貝｜7/10半殼上枱嘅扇貝賣相不錯，清洗得幾乾淨，不過略嫌鮮味不足T骨扒｜7.5/10好大塊，面積佔左半個爐面🤣燒完出黎幾軟嫩有咬口牛舌｜8/10同樣好大塊嘅牛舌，燒至輕微焦香，食落幾重牛味調味鰻魚｜8/10值得一試嘅鰻魚，輕輕燒一燒翻熱，蒲汁味濃香，口感軟滑多汁辣拌冷麵｜7.5/10酸酸辣辣嘅冷麵，食落好開胃，麵量都幾多炸忌廉蟹肉薯餅｜7.5/10滿口啖啖蟹肉，非常香脆，配上沙律醬，食落會相對飽滯

上星期 同個好耐冇見ge朋友gathering 唔知食咩食 佢提意食韓燒 上openrice見多笑哈哈 就揀左呢間“平昌”7點放工上到去 星期三平日 嘩 已經坐滿人 好熱鬧 侍應安排我地入到最入 都幾舒服ge位我地揀左“大君”set 位位HKD218任飲任食最開心有海鮮食 最鍾意虎蝦 大大隻 好鮮甜 另外仲有蠔呀 好有誠意 連殼都係大大隻 仲有扇貝tim 每一轉都要點海鮮朋友仲意食肉 瘋狂點 調左味ge肉好正 特別鍾意食 牛舌，牛肋骨肉，辣汁薄切五花腩片 諗起都流口水想飽肚d 叫左辛辣麵同辣海鮮豆腐湯 個湯好足料 好味道另外仲有d特別菜式 就係醬油鵪鶉蛋 又幾有驚喜韓燒 點少得圍緊個爐ge蛋 好香蛋味overall 成餐都好滿足 好多款口菜式 last order8點半 我地食到9點 依然好多人 勁熱鬧 今次淨係同左一個friend食 下次要同一班friend食

朋友推薦我哋呢間餐廳因為鍾意呢間餐廳充滿韓國氣氛！今日係假期前夕所以間餐廳都非常有熱鬧，所以記住要提早預訂！我哋叫左世子套餐好難得放題都會有無限嘅爐邊蛋蛋香味都幾濃郁！都有唔少名貴嘅食材，例如帶子！半殼生蠔問咗職員係要燒熟佢先食得、所以記住唔好當生蠔咁加檸檬就直接食呢！雞腎超級好食而且已經係預先醃製過，所以好入味！我一個人食咗四串呢！調味雞翼都幾好食而且調味好惹味，又唔會太鹹控制得好好！肉類方面都好多選擇，而且冇咩漏咗單嘅情況！牛脷好好食超級推介呢！唔好以為韓式放題食豬肉唔夠回本，但係呢間嘅豬肉絕對係超級有誠意！叫咗調味豬肉梅頭片，超級juicy 而且呢間餐廳調咗未嘅肉類一啲都唔伏！就算食完成餐返到屋企都唔會覺得口渴！小食方面覺得鵪鶉蛋都幾好食，脆炸一口芝士就好有誠意，上菜嘅時候熱辣辣！啱啱炸起！飲品選擇都算剛剛好！

過去2週食了兩次日式燒肉放題，今日想試下食韓式拷肉，於是放工就與朋友來到旺角兆萬中心13樓的平昌韓式燒烤店。 平昌韓式燒烤店由在港的韓國人主理，店內不論是炭火、小菜、醃製醬料、蘸料以及烤製手法均採用了韓國地道傳統的方式。在傳承韓國宮廷燒烤技藝的同時，還特別根據香港人的就餐喜好、口味需求進行了改良創新，滿足了香港人對燒烤食物口感差異性的需要。 晚上七店半來到餐廳，只見全場爆滿，座無虛席。店內裝修風格上又幾特別，牆上畫滿色彩繽紛的壁畫，明快而熱烈，與火熱的烤肉相得益彰。從韓國直接引進的燒烤爐，火燃燒穩定，發熱值高，充分保留食材的原汁原味，讓韓式烤肉更加地道美味。搭配上獨立的抽油煙機，讓你甩掉一身的烤肉味。 餐廳提供了2款豐儉由人餐單大君御膳($218/120分鐘)和世子御膳($318/120分鐘)，我們選擇了世子御膳，因為我們睇中了餐單裡的戰斧牛扒、牛肋肉眼同埋牛前胸腹肉。戰斧牛扒和牛肋肉眼位於牛肋脊部最上方，肉質軟嫩，油花、味道豐富。牛前胸腹肉牛的在最下方，肚子的地方，皮下脂肪豐富，有厚厚一層的脂肪，就是牛五花，味道與油花都相當豐富，特別適合於燒烤和火鍋。把這三種牛肉放在韓式燒烤爐上火候

星期四晚同呀媽出去旺角食飯，揀左係兆萬13樓一間韓式燒肉，一上到去真係人山人海！坐滿曬人，仲有好幾個人等緊入去。一同門口位哥仔講野就知佢係韓國人，個口音好搞笑😂啲staff又係韓國人，感覺真係去左韓國咁🇰🇷佢呢到有2個set : 大君同世子我地就揀左世子卿膳 $298/人價錢比大君貴$80但多左以下28樣野食揀，仲要俾我見到有醬酒蝦！即刻心心眼😍✨牛前胸腹肉，T骨牛扒，牛肉眼，烤牛腸，雞軟骨串，雞腎串，香草五花肉，特汁梅豬肉，豬皮，豬護心肉，辣味豬頸肉，辣豬腸，帶子，蜆，青口，北寄貝沙律，八爪魚刺身沙律，新拌冷麵，生牛肉石鍋飯，脆炸一口芝士，炸忌廉蟹肉薯餅，醬油燉豬軟骨，安東燉雞，燉藍青口，醬油蘇子葉，炸紫菜粉絲卷，無骨原味炸雞，醬酒蝦😋✨餐牌主要分左 : 牛肉，豬肉，雞肉，海鮮，蔬菜，沙律，小食，料理呢到落order唔係寫紙仔，係寫落塊白板到，可以重覆使用。呢個idea好好呀👍🏻夠曬環保！✨呢到用餐時間係有限時既，入座起計120分鐘，對我地黎講2個鐘乜都夠曬啦。加上上菜快到不得了，所以一定夠時間食！食到最後都未夠鐘我同呀媽都飽到停曬手啦😅✨生菜籃，泡菜，芽菜，爐邊蛋，燒肉醬，麻油，辣

堂食開番，香港飲食業特別係晚市慢慢興旺。旺角美食多到數唔哂。去左間評分唔低嘅平昌。地點超方便，兆萬冇人唔識去。不過超多人，中學生有，上班族有，家長都有咩人都啱。記住要book 檯。遲到可能冇得入，計時的。早到都冇得入，因為冇檯。韓國老闆中文幾好，聽得明你約幾點。menu 就兩種世子 同 大君大君嘅menu世子menu世子高級小小，不過你想食大君嘅野都得。係大君menu 嘅人， 唔可以食世子環境麻麻。唔太位，黎依到食野嘅個個都唔係食個環境。係食d 食物。平靚正任飲任食。兩個人,張細檯。正常野。太多野食，大家口味唔同。依到勝在多款式，可以試到好多人d staff 成日會主動幫你換個鐵板。主打推介。d soup 係ok 嘅。一定要一人一碗d 肉唔差，可以叫多d.d 蛋都幾好食，未燒好嘅時候可以頂肚

這間位於旺角鬧市之中人氣餐廳「平昌」主要係食韓國烤肉，身邊的朋友極力推介今日終於有機會下😍餐廳位於兆萬中心十三樓，一打開電梯好似置身係一間韓國餐廳，真香播放韓國音樂，四周圍都係圍爐，每幅牆都有唔同嘅壁畫，顏色七彩繽紛，圖案非常可愛，四處都係好靚打卡位！餐廳以自助形式、分任食時段的韓國燒烤，每枱設有燒烤爐，配以韓國必備的特色燒烤醬料及生菜🥬餐牌有兩款，分為大君御膳及世子御膳，如果想食多少少款式，比多幾十蚊就可以兩個餐牌都選擇👍「平昌」名物包括有烤LA牛排骨、烤牛肉(光陽調味）、烤牛舌、五花腩、薄切五花肉以至特級豬頸肉，肉類方面特別鍾意食五花腩，肥瘦比例剛好，燒至微焦特別好食😋牛舌切得好薄，帶點爽口，食燒烤當然唔少得牛肉，呢度牛肉質素不錯👍色澤好靚，入口嫩滑！見有海鮮控必吃的烤帆立貝、烤蝦及烤鰻魚等，全程食唔停口，除了燒烤，店內亦提供正宗韓式料理，當中包括有煎海鮮蔥餅、韓式炒粉絲、海帶湯、爐邊蛋、韓式辣醬炒年糕和醬油蝦等..一次過品嚐韓式美食😋

今日去咗呢間位於旺角既《平昌》食韓式燒肉🔥！店內環境超韓流🇰🇷，可以話有驚喜，每幅牆身都畫滿韓國風情，可以話處處都係打卡位📸！今日特意點了呢個《世子御膳》餐，因為所有海鮮類（蠔、帶子、蜆、扇貝、虎蝦等等．．） 都係任點任食，性價比好高 ！海鮮又好新鮮，鮮味十足👍🏻👍🏻！而肉類方面，除了牛肉、豬肉、雞肉外，護心肉、牛肉眼、胸腹肉等等．．呢D比較特別肉嫩多汁既部位都可以食到😋！加上大部份肉類都經過調味，所以燒完就可以即食，感覺已經夠晒入味👍🏻👍🏻！而熟食方面選擇都唔少，加上份量都是以人頭計算，所以情侶💑同行，都可以食到好多不同種類既食物！