平昌

营业中

休息中

今日收工同朋友行完旺角，就去了兆萬到食韓燒放題。我和朋友都點了世子set放題。首先我們當然點了唔少肉牛前胸腹肉：薄薄的一片牛，燒落去好香口同好有牛味，因為佢切得好薄，所以口感好好，係入口即溶，好好食。睇到咁多肉，真係正。圖聿最上的是香草五花肉，香草味都幾香，五花肉食落都香口。無骨原味炸雞（左）：炸雞個醬係甜甜地帶好微的少少辣，個醬都幾特別，可以一試。帶子（右）：燒完係好香口好好食，佢係好大粒好厚身，所以食落口感好好。牛肉眼：可以試到比較厚身的牛，口感唔錯。雞腎串：燒得又幾好食，幾彈牙爽口。T骨牛扒：大大塊牛扒好正，好重牛味，食完都真係幾頂肚，好夠飽。所以如果想食飽d可以點尼食下。炸忌廉蟹肉薯餅：薯餅幾香脆，唔錯。整體來說，食物質素幾好，值得一吃。

星期一同呀媽去左旺角一間好有氣氛既韓國餐廳食燒肉放題,8點去到已經坐滿曬人。佢地有2個set可以揀世子($298)同大君($218),有牛肉,豬肉,雞肉,其他肉類,海鮮,蔬菜,沙律,料理等等,同埋野飲都係任飲。由於世子會多近30款野食揀,仲有我好鍾意食既醬油蝦,所以一於揀佢。以下野食係世子set先會有既 :牛前胸腹肉,T骨牛扒,牛肉眼,烤牛腸,雞軟骨串,雞腎串,香草五花肉,特汁豬梅肉,豬皮,護心肉,辣調味豬頸肉,辣豬腸,帶子,蜆,半殼青口,北寄貝沙律,八爪魚沙律,辣拌冷麵,生牛肉石鍋飯,脆炸一口芝士,炸忌廉蟹肉薯餅,醬油燉豬軟骨,安東燉雞,燉藍青口,醬油蘇子葉,炸紫菜粉絲卷,無骨原味炸雞,醬油蝦。前菜有泡菜,芽菜同好靚仔新鮮既生菜,可以任添.仲有爐邊蛋。我最鍾意食燒肉包生菜食架啦,會不經意地食多左好多菜。野食質素幾好 當中有幾款我好鍾意既係護心肉,豬皮,五花肉同醬油蝦。護心肉係珍貴部位黎架,燒香後油分不多,爽滑彈牙。豬皮女士要食多啲 吸收骨膠原呀嘛。五花肉食燒肉一定要食,半肥瘦,係豬肉最嫩最多汁既部分。醬油蝦基本上我試過咁多間韓燒得佢一間有得食 醬汁甜甜有麻油香,蝦肉彈牙完全唔腥。Ov

之前食過一次平昌 覺得佢嘅款式好多元化今次朋友想食韓國嘢 就帶咗佢一齊嚟食平昌我哋揀咗世子御膳 $298一個餐廳嘅裝修好韓式採用左韓國傳統BBQ嘅裝修首先當然要試吓佢啲牛先啦牛舌係用咗牛脷心食落女好彈牙👍🏻喺出邊好少食到護心肉估唔到平昌放題有得食肉質比較嫩滑而我最鍾意嘅牛肉係牛肋骨肉牛肋骨肉比較多雪花食落牛肉味濃而且仲有牛脂香餐廳有爐邊蛋我哋自己剪咗啲泡菜粒落去啲蛋醬到變咗泡菜爐邊蛋味道昇華十倍推介大家試吓除咗牛肉外 餐廳仲有燒海鮮選擇亦都好多仲有最愛嘅帶子有殼同冇殼都有冇殼帶子食落啖啖肉 而且燒得好方便可以大量落單🙊餐廳仲有水冷麵 海帶湯等料理最適合要來解膩！嘢飲都係任飲既食完真係好似去咗一轉韓國咁呀！

感覺有一段時間沒有食燒肉，咁就約咗很久沒見嘅朋友去旺角呢間食店拆一餐。食店面積頗大，裝修冇乜特別，只係牆上有一啲卡通人物咁。一坐低，就有一啲泡菜、芽菜、生菜擺上枱。個鐵板側跟放一啲蛋漿，熟咗可以食。雪櫃放了嘅飲品種類唔算太多，啤酒、可樂、檸檬茶、烏龍茶等等，尚算足夠。放題時間兩個鐘，即刻落柯打係咁點嘢食，肥牛片、五花腩、牛筋骨、牛舌、豬頸肉、梅頭片......將啲肉放在鐵板上，聽住那美妙的「滋滋」烤肉聲音，心中只係盼望佢煮熟的一刻，肉薄薄一片，反兩反，一轉色可以夾來品嚐，啲肉燒到熱辣辣梗係香氣四溢，點些醬汁更加惹味。亦有雞肉串、雞腎串海鮮方面有一啲元貝、蠔嘅選擇如果唔夠喉可以整碗辛拉麵，一樣熱辣辣，滿足！醬油蝦~醃得幾好，夠入味。整體食物唔錯，唯一係時間短，食兩個鐘，個半鐘就截柯打，所以都係不斷食，密密食，盡情食！

位於旺角兆萬中心全幢都係食放題店之類，今次就約咗朋友去13樓呢間食店盡情食燒肉，雖然六點半左右，但已經開始多人。menu有兩款set，一個叫大君、一個叫太子，若果order大概三百幾蚊嘅太子set，就可以同時食埋大君set入面嘅食物。除咗主打嘅燒肉外，仲有唔同嘅熟食選擇，如果要試勻咁多款，咁就每款小小哋嗌住先，食咗好味先再決定 encore 。個人推薦嘅熟食有：北寄貝片沙律~沙律菜上加入了醋汁相當開胃，酸酸味味反而增進食慾！石鍋拌飯~其實叫這個飯有啲搵自己笨，食咗飯可能未必食到其他嘢，不過講真呢個飯真係幾好食，尤其是啲飯焦脆卜卜，零捨不同。香噴噴飯焦：醬油燉豬軟骨~豬軟骨已經燉到好鬆化，去到入口即溶嘅程度，而且好入味。講返主角嘅燒肉類別，講真，啲肉一碟一碟遞過嚟，有時未必分清楚邊碟肉打邊碟用，但整體食落去啲肉都係夠嫩滑，最緊要一啲內臟或者豬肉要燒得耐啲，咁就食得安全又好味。將燒肉同生菜一齊食，絕不油膩，更加惹味：青口、年糕海鮮蔥餅：總括嚟講，選擇類別都齊全，而且逢叫必到，冇乜走漏單，服務唔錯，而且現場氣氛好熱鬧，加埋現場節奏強勁嘅韓國歌曲，好容易一碟食完再一碟，滿足！

秋風起 又係食燒肉既時候朋友話想食正宗韓燒 見呢間平昌幾正宗 又任食 就試下 呢到得兩個set 大君御膳 同世子御膳世子既野食豐富d 就揀左了一坐底 就有生菜、芽菜 同泡菜 店員仲會係烤爐加蛋漿 成個裝潢都同韓國9分似 飲品自取 先食海鮮叫左蠔 、蝦、帶子 、蜆 係板上燒比較少 但烤出黎好香 海鮮都幾新鮮 蠔唔係甩肉個d 之後就係肉 推薦 牛腸、豬護心、五花腩、杏鮑菇有醃過 就咁食都幾好味但最正當然包埋菜 同 芽菜 泡菜咁食大滿足除左海鮮同肉 呢到仲有好多唔洗燒既野食 由沙律 、前菜、 小食 、主菜差唔多講得出都有我地連 辛辣麵 同海鮮豆腐湯都有叫暖下胃一流最後 follow佢地ig 有埋任食甜品（雪條） 食完咸野食番甜野 非常完美既一餐 等唔切去韓國 🇰🇷過黎食下韓燒都係不錯既選擇

呢日嚟左呢間旺角食店 平昌～我就同朋友一齊叫左大君套餐，呢個set都包左好多野食～～啲小食好正～～首先燒肉種類好多，例如有豬肉牛肉雞肉等等，不過呢個餐就冇海鮮。肉質不過不失，都不錯嘅！另外小食類有好多，我同朋友都最鍾意韓式煎餅，叫咗好多塊，佢係即叫即煎，好有韓國風味～另外店裏面都有好多唔同款式嘅嘢飲，例如有港式嘅烏龍茶、韓式飲品、汽水等等，同埋有好多唔同種類嘅甜品（雪條）環境方面，都環境幾好，而且店員服務態度亦都唔錯，之後都會再嚟試吓其他餐

我們在香港努力工作之餘，也需要平衡一下工作壓力。最好方法便尋找美食，展望將來，也要好好地活好當下啦…😜😉😋🥳疫情其間，我們仍未可出外旅遊，在尋找美食的當刻就好像去了旅行一樣。今晚去了一次韓國……我們選擇了韓燒……『平昌』🤣😅😎充滿了年輕味的氣氛，讓我們的心情也輕鬆又愉快。 MENU有「世子御膳」及「大君御膳」兩款韓式BBQ放題2小時任君選擇，我們選擇了「世子御膳」，下次再來嚐試「大君御膳」🥳🥳🥳🥳🥳🥳🥳🥳🥳🥳🥳🥳🥳🥳🥳《世子御膳》 高達23種菜式任君選擇，我們自選了以下 ：#牛肉眼#牛前胸腹豬肉#香草五花腩#辣拌冷麵#脆炸一芝士#炸忌廉蟹肉薯餅#油蛤#半殼石蠔#北寄貝片沙律#Hite Beer #FruitTea # Skippy 在燒牛肉，海鮮之餘的時間，可以食下北寄貝片沙律，提醒一下味蕾，可以開餐啦…喂＃帶子，半殼石蠔（青口）及油蛤：粒粒大隻又新鮮。＃辣拌冷麵 ：看韓劇看了無數個劇目，見到劇中人食的韓式麵，冷麵，很是好味道。今晚可以吃了，麵條幼身，拌上韓式辣醬，蘿蔔絲及蛋絲，邊燒邊食冷麵，感覺是身在韓國一樣。#脆炸一芝士#炸忌廉蟹肉薯餅必選炸物小吃，不會讓咀仔有空閒時間，脆卜卜又有

勁耐無食過韓燒心血來潮想去食以前食都覺得幾抵食！無記錯以前都差唔多價錢今次食嘅係大君$218+1 任食平時去韓國鋪頭單點一個湯都最少$70仲有咁多肉加海鮮任食超高CP值平日嘅夜晚去要居然都咁多人人山人海行入去已經勁香門口就有個韓國🇰🇷店員問我哋幾位好想去韓國呢一開始就叫咗勁多野食第一樣想推介嘅係呢個煎餅因為唔洗自己煎而且呢個味道真心唔錯佢都煎到脆脆地我再偷偷放到個爐再燒 仲正啲食咗2塊然後就係蝦見到大君set都有蝦正最愛食蝦仲有蠔都不錯個人最鍾意食鰻魚烤一烤好香店員好好keep住幫我哋換塊燒板可能因為我燒得差最後包返個生菜🥬就覺得健康返小小呀仲有飲品呀仲包飲品任飲我飲咗無糖烏龍茶同埋呢枝！呢枝唔錯解一解油膩

第一次幫襯平昌. 感覺一般.沒有驚喜,失望大些. 先講食物. 眾多燒肉只有辣腩肉可讚一下. 其它都是急凍貨. 蝦又細.新鮮不夠. 4人進餐. 枱面太小. 爐也太小.放不了太多食物. 侍應反應冷淡. 隨了一位身材高矮小的女侍應. 但他們全部都是沒有反應.禮貌欠奉. 冷氣也不足. 此家店鋪只此一次. 不會再光顧. 失望. 

本來就開開心心去食，點知落親野食都唔到。一係就黎少少。到last order嘅時候，就問員工啲野食黎唔齊，都無點食過，你唔會幫客人check order.員工就將責任推落廚房再推落客人到。總之就係自己無錯啦，仲反問客人點解唔識問。態度非常惡劣同差，不能接受。食物品質一次比一次更差。不會再有下次。

放工係旺角想食燒肉，本身想食牛角，但實在太多人，係openrice見呢間平昌韓燒幾多好評而且又係任食就去試下～一上到去就有個韓國oppa招待，幾有feel😂我地揀左世子set，2個餐牌都揀得飲品又係任拎，可以喪飲Milkis同可樂，正😂食物種類好多，肉，海鮮，菜，湯品，小食有排你食牛肉太多款，試唔哂全部，印象最深刻係前胸腹肉 & 調味烤牛肉，烤牛肉薄薄一片片好快熟，個醃料甜甜地幾好味，辣版都唔錯，夠惹味，岩重口味人士👍🏻豬肉就中意薄切五花腩同厚切午餐肉，燒到2邊脆脆地就最好食😋熟食既辣豆腐湯都比想像中好食同多料，唔只係單一既辣味，每啖都食到唔同既餸～辣炒年糕都不錯，唔會好辣，年糕靭度剛好，份量每樣細細碟，咁就可以每樣試少少，試多啲唔同菜式👍🏻

韓燒放題食得多，但有無試過有醬油蝦放題？😝今次推介呢間位於旺角嘅平昌，唔單止位置方便，簡直係誠意之作，大推醬油蝦讓你吃到飽，咁當然仲有其他好多選擇啦～1️⃣世子set(T骨牛扒,牛肉眼)⭐️⭐️⭐️⭐️⭐️作為最貴嘅set，肉類果然高一個層次！世子御膳有好多高質牛肉揀，仲有牛前胸腹肉等，薄薄地好香牛油嘅香味，燒一燒已經好快熟，唔好燒太耐就最嫩滑香口😋2️⃣大君(海蝦,扇貝)⭐️⭐️⭐️⭐️⭐️ 咁係咪叫咗世子set，大君套餐就一無是處？絕對唔係！叫左世子可以嗌返大君入面嘅海鮮，種類五花八門，有石蠔、大虎蝦等。肉類就真係世子一分錢一分貨，可以考慮加一啲大君先有嘅食品，例如雞翼等，咁就咩都試到～世子餐都有不少海鮮選擇嘅，例如青口、帶子、蜆咁，海鮮愛好者萬勿錯過！總括而言，平昌食品種類繁多，又有海鮮燒牛肉嘅質素又高，而且任食，大食者必選！😋

首先，一上到去出𨋢已經feel到成個環境好油，啲抽油煙完全冇做好，而且第一眼望到啲位我心諗洗唔洗咁迫呀，多人坐嘅話隨時會同後面嗰枱嘅人貼住個背脊添，如果唔係frd話想食，我喺呢一刻已經想走。好，咁之後一埋位就梗係即刻攞份menu黎睇，嘩！頂你，份menu油到我想扔落地下，開黎一睇，冇一樣野吸引到我，咁通常呢啲時間就梗係乜都嗌黎試吓，第一樣燒嘅係牛肉（肥牛 牛扒嗰的），燒完食一食，ok我即刻想叫個店員同佢講句：啲肉仲嚡過你阿嫲 點搞？真係唔知佢啲肉冰鮮左幾耐呢。仲有一樣野唔知佢問題定我問題呢，不過我食其他燒肉店都未試過，佢啲油彈左我起碼5-6次 痛到我，燒左一陣望一望隔離冇人坐嗰張櫈，十幾滴油喺上面，真心厲害咁肉唔得就燒下啲海鮮啦，燒左啲生蠔帶子嗰啲食，啲海鮮一食就知唔新鮮，可以話接近臭，如果Gordon Ramsay黎香港一定要叫佢去呢間廚房睇下佢點保存食材，一定好好睇之後就叫咗啲即食嘅嘢食，因為已經唔想再燒呢間啲嘢，啲即食嘅野食都平平無奇冇乜特別，其中個辛辣麵真係唔知佢點煮，啲麵淋曬，個湯冇乜味，咁簡單嘅嘢都煮到咁，真係唔知講咩好。咁好啦，食到咁上下有個店員行埋嚟話follow間店i

今日同男朋友想食下韓燒，一直都見到兆萬平昌好多好評同推介，話性價比最高既韓燒我地就決定上去試下我地比較晏黎，大概9點先到，但好好彩都仲有位！一入到黎見到勁旺我地揀左大君set, 感覺都好夠我地食同埋款式都包左勁多肉！同埋我估唔到原來都有海鮮，esp 有蠔見到即刻想叫10個個位都好夠闊，同埋我地好好彩坐左張係有多一張台仔既位醬料都為典型韓式3款醬料，我最鐘意都係中間果個醬海鮮到啦！！！第一轉揀左d 海鮮，好鮮味，同埋爐都燒得好快熟！唔會話要等好耐先食到之後就係韓燒必既肉，基本上menu 上的肉我地都叫晒黎試以上既肉都好入味，唔洗點醬都可以。最後，想重點介紹鯖魚燒我其實都係第一次韓燒燒鯖魚，原本都諗緊會唔會好奇怪，但燒出黎勁香口同好味！鯖魚落左少少鹽黎燒，都係唔洗點醬都有魚既鮮味大家一定要試我地臨走起身先見到牆上既大畫作好多韓星同熟悉既名人，畫得好cute 呢度環境都坐得舒服，上菜快，燒野都好快，不知不覺都燒左1個鐘，最後走既時候都飽住個大肚走😂😂😂