幕多

我非常喜歡吃拉麵坊間有不少出名的過江龍也未能得我歡心！早前吃過一間非常用心的本地小店，品嚐到店家用心的真材實料好味道。拉麵店位處尖沙咀漆咸圍內的幕多！擁有超養眼的紅色店面行過絕對不會錯過的。這天下午兩時許來到仍然全店滿座！幸運的是未有人龍所以等了約10分鐘便可入座，期間店員先給我們餐牌點選食品，餐牌內容非常簡單絕對是吃專注。店內設有十多個座位於拉麵店來說算坐得挺舒適，放在檯面的貨櫃紙巾盒也勁可愛啊。拉麵店每日也有精選美食這天有蟶子及貴妃蚌，實在太合我們口味一於全點上。不消一會所點美食全部來到我們面前！肚子已經非常雀躍地打鼓我們也不客氣要大快朵頤了。精選海鮮小食各$38/份全以醬油來調味！貴妃蚌和蟶子也沒有華麗賣相，看似簡單但吃下爽口彈牙加上幽幽的醬油提鮮是好吃的。拉麵獨孤一味只售醬油蝦濃湯麵$118但足以令我回味無窮。拉麵上檯的時候會在席前淋上自家提煉的蝦油！紅彤彤的色澤非常亮麗有了它能增味添香不可多得的小確幸。先呷口用上超過40斤的蝦來炮製的濃湯！濃稠的口感令嘴巴充斥幸福感，超鮮香確實真材實料是沒法輸味道。溏心蛋$16/隻浸得夠入味蛋香也迷人！橙紅色的蛋黃流心程度挺合我們心意，雖然不便宜但絕對不錯吃。店家採用日本曲麵喜歡它沒有討厭的鹼水味！軟硬適中的口感吃得我非常愜意。拉麵內附上三隻已去殼的醬油蝦所以吃得特別暢快！點到即止的醬油香加上新鮮爽彈口感帶來滿分鮮味。有質素的拉麵店絕對值得連湯也喝光！幕多是少數我會清碗的其中的一間。只是百多元一碗的拉麵有這樣高質素，吃得出老闆非常用心去炮製，希望小店越做越旺生意興隆我們才可長吃長有喔。…查看更多

✿醬油蝦濃湯麵 $118上枱時店員會係面前淋上一圈蝦油,助攻令成碗拉麵更有層次🆙😝湯底蝦鮮味突出入口濃郁,質地有種奶泡感🍜不過非重口味人士,或許會覺得頗鹹🤓蝦身貼心地剝左殼,肉質爽彈🦐雖然麵質相對普通🥢但衝著蝦濃湯而來的人,相信絕對滿意🧡…查看更多

今日專登去試呢間人氣拉麵店，一入到去已經聞到超香蝦湯味！佢哋嘅醬油蝦濃湯拉麵（$128）湯底真係不得了，用咗大量蝦頭蝦殼熬製，濃郁到掛係麵條上每一啖都係蝦嘅鮮甜！麵質揀咗中太麵，咬口十足又掛湯，仲有兩隻超大醬油蝦，蝦肉爽彈仲帶淡淡醬油香，絕對係真材實料😍配料都有驚喜～慢煮叉燒入口即化，溏心蛋流心效果完美，仲有紫菜同蔥花提鮮！成碗麵由頭飲到尾都唔會過鹹，反而有種深沉嘅鮮味回甘，鍾意蝦湯嘅朋友一定會愛上！總括來講絕對係香港數一數二嘅蝦湯拉麵，雖然價錢中上但質素對得住價錢，一定會再encore！👏…查看更多

人氣醬油蝦濃湯拉麵，晚餐時間去到已經見到門口排長龍，好彩等咗半個鐘就入到去。雖然要等，但有侍應出嚟送嘢飲比排緊隊嘅客人，又有得飲住等，感覺好貼心。枱上拉麵時蝦香撲鼻，侍應仲會即場淋蝦油，非常香，湯底入口濃郁，蝦鮮味超突出，飲落好有層次。拉麵質感普通，唔太彈牙，掛汁力尚算唔錯，每啖都食到湯底精華。配料有三隻大蝦，肉質爽彈鮮甜的，冇雪味但食落感覺似係冰鮮蝦；溏心蛋就比較失色，唔夠入味同唔太流心。食到一半覺得有點膩，食唔哂麵，但都忍唔住飲哂全部湯。拉麵嘅重點係個蝦湯，好鮮味，但拉麵同配料就有改善空間。…查看更多

✨醬油蝦濃湯麵 $118另加蠔 $38 2隻因為太晏 所以除左蠔其他海鮮都賣晒😭​一上枱店員係我面前淋上一圈蝦油😍 即刻昇華左個蝦湯底 超級濃郁 食完又唔會好口渴🤤蝦身已經剝左殼 好貼心🥰生蠔都算大隻飽滿 但味道同賣相就一般~​最後竟然可以免費追加拉麵！咁就真係飽晒喇☺️味道👅👅👅抵食🤑🤑🤑環璄⭐️⭐️⭐️服務👍🏻👍🏻👍🏻番兜🍉🍉🍉(最高分x5）​…查看更多

我大約下午五點半到場，好彩唔使排隊。✨ 蝦湯口感似奶泡咖啡，濃厚又滑，蝦味非常突出。加入櫻花蝦同蝦油，令整碗拉麵更上一層樓。上枱時，店員即場淋上蝦油，香味即刻撲鼻而來。建議先飲一啖湯，感受最原始嘅鮮味。頭幾啖湯蝦味好鮮，但蝦油食完之後，味道明顯淡咗，層次感亦減弱。好在唔算太鹹。🍜 至於麵質就比較普通，雖然彈牙但唔夠煙韌，冇乜味道。🦪 我仲試咗醬油漬蠔同醉鮑魚。醬油漬蠔蠔尤其出色，肥美鮮甜，口感滑溜，幾好味。💭 整體嚟講未至於值得特登去，但唔使排隊都算係一種福氣。🍋 仲叫咗杯檸檬啤，清新帶柑香，為成餐加咗少少趣味。🍻🦐🍜🍻🦐🍜🍻🦐🍜🍻🦐🍜🍻I arrived around 5:30 PM and luckily didn’t have to queue.✨ The shrimp broth had a cappuccino-like texture—rich, creamy, and packed with intense shrimp flavor. The addition of sakura shrimp and shrimp oil really elevated the whole experience.When served, the staff added shrimp oil directly into the ramen, and wow—the aroma hit instantly. Make sure to sip the soup first!The first few spoonfuls were bursting with the taste of fresh shrimp. However, once the shrimp oil was finished, the flavor lost its depth and became noticeably lighter.At least it wasn’t overly salty.🍜 As for the noodles—nothing special. They were firm and springy but lacked chewiness and were completely flavorless.🦪 I also tried the soy-marinated oyster and abalone. The drunken oyster was particularly impressive—plump, fresh, and silky smooth. Delicious!💭 Overall, I wouldn’t strongly recommend this place... but hey, no queue was a blessing!🍋 I also had the lemon beer—refreshing and citrusy, it added a fun twist to the meal.🍻…查看更多

醬油蝦濃湯麵🍤🍜 $118✨ 個人認為餐廳最出色的是湯底——超級濃郁！上菜時店員會淋上蝦油，讓湯底的鮮味更突出。🌊 🍜 其次是麵條，鍾意煙韌口感既必選刀削麵，咬勁十足又不會太硬；拉麵同樣彈牙💯 🌿 配菜的蔥份量好足（「適中」其實都唔夠）🔥本身個麵已經配左三隻蝦，小食就唔使再追加啦。蝦肉帶微辣🌶️，但蝦膏不多。🦪 小食試了鮑魚、蠔、溏心蛋同埋是日精選蟶子，最驚喜既係蟶子——爽脆鮮甜！其他小食就中規中矩，cp值唔算高，真係想試也可以，唔會踩雷。 💧 入座時店員會每人送一支免費水（沒俾記得問！），因為湯底超濃，你一定會喝光它🤣。想再喝耶既話，建議外面買會抵啲～😆 整體黎講😋味道3/5回頭3/5如果想試嘅有心理準備需要排隊㗎🥹！=======================😙Shrimp Soup Noodle 🍤🍜 $118🍜 The star of the dish is definitely the rich, deeply flavorful shrimp soup. The staff would drizzle prawn oil 🫖 when the noodles are served, which adds an extra layer of prawn flav 🌊 🍜The noodles are so fine as well.👉🏼Sliced noodles is perfectly chewy, with just the right bounce. 👉🏼Ramen is also great if you prefer something springy and light. 🌱For the Toppings, a generous heap of onion ("moderate" option is enough). 🌟If you really want to order extra items, the razor clams (daily special) are so crisp and sweet. 🦪The abalone, oysters, and half-boiled egg 🥚 were fine too, but cp value is not very high to be honest. ✨Lil TipThe noodle soup already includes 3 prawns 🦐 , so no need to order extra. They had a nice spice🌶️, but the meat was average. They give you free bottled water (ask if they forget)—you’ll need it, the broth is that rich. If you’re still thirsty afterward, better grab drinks elsewhere! 😌Overall😋 Taste: 3/5 Comeback: 3/5 …查看更多

實不相瞞我係睇咗「衛食xx」嘅YouTube片先知道有呢間舖頭，好鍾意龍蝦湯既我同海鮮既我決定搵日就黎幫襯！皇天不負有心人，老公記得我講就話明天去啦，首先梗係要多謝老公啦，上星期去既鐵板燒懶得寫都要寫呢篇先！星期日中午1點左右，我地排第三張，前面有5人未入，等左約15分鐘啦，店旁有長紅櫈，目測足夠10人座住等🌷大熱天時有水派🌷呢啲就係店主（總之就係要讚唸呢樣野出黎既人啦）誠意！真心讚！一定會介意多啲朋友來試！入座不久，店員就擺低bb餐具同qoo 比我個小朋友🌷🌷🌷見到我地餵佢有一下急需紙巾，我記得當下真係想搵但無手，結果店員就放下一盒全場得bb獨享既紙巾用🌷！嗰下真係雪中送炭，一定要記下來，好人有好報！我地食左，睇相啦拉麵，點左生蠔、鮑魚、同是日精選北寄貝真係無得輸，好新鮮！生蠔最好味口感一流！個湯拉麵啦，唔好味都先贏賣相，雖然話never judge a book by its cover ，呢碗拉麵就係相反晒，睇得！好味！蝦頭完整係度但蝦身係唔連殼架🌷，對一個已經唔識剝蝦殼嘅人係幾甘福音！總結，口味就好個人既，要試左先知係咪好食，快啲黎試下啦，我唸我個肚開心左一日🥰…查看更多

尖沙咀呢間專賣蝦湯麵嘅小店幕多，憑住一碗「醬油蝦濃湯麵」成為排隊傳說！星期五晚8點去就排足1個鐘，但飲完第一啖湯就知值得～😋✨ 醬油蝦濃湯麵 ($118)一上枱店員就會淋上一圈蝦油，儀式感滿滿🥰▫️ 湯底：質地濃到黏嘴唇！滿滿櫻花蝦+蝦油香氣攻勢‼️▫️ 麵底：有刀削麵同埋拉麵兩款揀～刀削麵大勝！超彈牙又掛汁，拉麵就普普通通👐🏻▫️ 蝦隻：3隻已剝殼醬油蝦，蝦膏爆多+肉質爽甜 ，唔使自己剝整污糟隻手，超級貼心 🦐 ⚠️ 警告：湯好飲到會不自覺飲晒，小心鈉超標😂 🦪 醬油鮑魚 ($38) ▫️ size驚喜！彈牙得來超入味 💡 小貼士▪️嗰日去到醬油蠔已經賣晒😭唔想排太耐隊又想食到其他特色醬油海鮮就記得要早啲去！▪️ 舖頭只收現金，記得要帶夠 💸▪️留意小店冇特定閂門時間‼️只要賣晒當日份量就會收舖📌蝦湯+濃湯愛好者必定要嚟朝聖！全店得一款主食，簡直係選擇困難症恩物 🤣想體驗爆膏蝦嘅鮮味暴擊 ，就一定要嚟🥹🦐舖頭唔收加一🙏🏻仲會免費提供樽裝水，真係超級暖心🤍抵食指數：🌕🌕🌕🌗🌑好味指數：🌕🌕🌕🌕🌗📍 幕多❀ 尖沙咀漆咸圍1-3號多福大廈地下A號舖#hongkong #hkfoodie #foodiehk #hkfood#hkfoodblogger #hkfoodstagram #hkfoodshare #hkfoodblog #hkfoodlover #香港好去處 #香港必去 #香港美食 #尖沙咀美食 #日本美食 #打卡美食 #打卡餐廳 #日式料理 #香港拉麵 #日本拉麵 #日式拉麵 #日式蝦湯麵 #尖沙咀拉麵…查看更多

枱與枱之間坐得好逼，水都無杯碗麵無咩特別，湯底似櫻花蝦湯浸出嚟甘，完全吾明點解會排長龍，食到一半放棄無食蝦好食既，拉麵底就普通貨式，打邊爐仼食場有得拎個隻貨源，成個餐後感都好差…查看更多

第一次去食醬油蝦湯拉麵，真係驚為天人，覺得好好食！首先去到係門口排隊，有排櫈係到，可以坐住等，期間職員仲會派水，呢樣好貼心！舖內空間不大，但輪候時間唔耐。餐牌只有醬油蝦湯選擇，可以選刀削麵/日本拉麵，試過2款個人鐘意拉麵多d🤤仲有蠔、鮑魚同時令海鮮選擇。麵到時，職員會係你面試倒蝦油，即刻覺得成碗拉麵好香🤤🤤🤤🤤第一次，試左蠔同鮑魚，蠔勁大粒勁飽滿！！鮑魚都好食。食到最尾蝦湯會漸漸無味，呢個有d失色。總括而言，係會encore的店！第2次再光顧，蝦湯有d退步，但蠔依然大粒飽滿。未必會再來了…查看更多

今日特登射波入黎食，平時星期六日放假排半個鐘都排唔到，星期一中午時間就唔洗等直入。一入門口就聞到極度濃烈嘅蝦湯味，坐低嗌左兩碗拉麵，一隻鮑魚，一個糖心蛋。只做一款麵既鋪頭，理應係每樣食材都做到滿分搭配，碗麵加埋自然係100分。先試左啖湯，OK夠濃味，蝦OK，麵冇味，百零蚊既一碗麵黎講，份量算細，大概係出面一般既2/3左右。外加既鮑魚味道普普通通，糖心蛋就同我平時係7-11買$21有3隻即食包裝既一樣，唔知應該話今時今日嘅便利店做得太好食，定係呢間舖頭做得太普通？地方亦非常之狹窄，加上最後埋單得知只收現金，過多幾個月都就黎2026，打開門做生意都仲係只收現金，唔講以為我落街篤串魚蛋…查看更多

店舖主打一款【醬油蝦濃湯麵】今次為咗佢個湯底而嚟 就試試佢係咪真係咁好食૮ ˃̵ ֊ ˂̵ ა夜晚排隊用咗一個鐘左右 幾驚喜老闆會出嚟送嘢飲比排緊隊嘅客人💗✧ 醬油蝦濃湯拉麵🦐🍜店員即場淋上自家製蝦油提鮮同香氣.ᐟ湯底打至起泡濃稠 配大量櫻花蝦增加口感 頭幾啖蝦味直衝味蕾 但食多幾啖就開始得返鹹味 越食越口渴同膩 餘韻較為失色🥺配料有三大隻醬油蝦 好貼心咁剝好殼 啱曬我呢啲懶人🤭醬油蝦爽口鮮甜 不過咬落去好愕然蝦係凍的 有啲扣分˶ˊᜊˋ˶ 拉麵麵質普通無特別…查看更多

這間店在內街中，遠處已聞到很香的蝦味🦐湯底蝦味濃郁還淋上蝦油特別香，湯底還加了櫻花蝦，味道除了蝦味外還帶點麻味，每隻蝦已經剝好十分貼心，可以選擇刀削麵或拉麵，這次選了拉麵但略嫌拉麵偏軟。🦪點了醬油生蠔，$38一隻，調味簡單用醬油和蔥花帶出食材本身的鮮甜，價錢略貴.整個菜單只有一款拉麵可以選擇不過有其他醬油小食可以追加小店不會主動提供水，可以向店員詢問可提供凍水。.人氣第1️⃣的拉麵店🔥所以超多人排隊。這間小店座位不多店外很多人排隊，大家要去要預留時間。中午12:15到大概等等了50分鐘，門外有提供5個座位可以邊坐邊等。位置比較近佐敦。只收現金記得帶現金💰。.💰 人均消費大概118…查看更多

特登早啲出尖沙咀行街，然後過嚟食呢間拉麵因為睇食評話要排好耐，所以我哋特登5:30就過嚟食，好好彩唔使排就入得去食喇🙌🏻🙌🏻我哋叫咗兩碗拉麵，然後叫咗小食蠔同鮑魚我本身都好鍾意食🍤，然後佢個湯有蝦油，所以我覺得好好味，鍾意食蝦嘅朋友，應該都會鍾意佢個湯底生蠔同鮑魚正正常常，唔算話好驚艷，但係都好食😋價錢唔算係好貴，兩個人食好似三百幾買單有興趣嘅朋友都值得去試一次既🙌🏻🙌🏻整體我會比90分…查看更多