常聚麵家

一離開月頭，大胃就化身糧尾指南，發掘到新蒲崗原來都係平民美食寶藏區呢間麵店睇落普普通通，但又好抵食喎佢地撚手菜似乎就係蝴蝶腩，係豬腩嘅一種，好似牛腩咁香口嗌豬雜麵嘅話，都有包埋蝴蝶腩，同時亦有唔同部位嘅豬雜豬膶好爽彈唔會沙，豬腸唔太肥好乾淨豬心好滑好彈牙，豬肚煲得夠腍河粉晶瑩吸味，又唔會散颼颼河粉如果算滿足，蠔仔泡飯更係大滿足咁嘅價錢，每𢳂一羹都有兩三粒蠔肉，仲要係大大粒，飯粒吸晒蠔湯嘅精華，加上芫荽同炸蒜更惹味呢間嘅大腸一啲都唔藞䕢，洗得既清潔又瘦身，唔會有好多肥膏，但留有大腸香味，用嚟炸更係肥卜卜，點醬食更加過癮:)又內臟又蠔咁，點都食返啲菜清一清，蠔油另上好細心，菜心份量幾多，烚到保持翠綠爽脆水吧都唔錯，檸茶份量好多，檸檬片都有多幾塊檸水都大杯，檸檬片都足料…查看更多

新蒲崗有間麵店叫「常聚麵家」，幾好食。環境夠光而且衛生整潔。點餐時侍應會用iPad點。食物多元化，中菜晚餐、麵、泡飯同小食都應有盡有。蠔仔🦪肉碎泡飯份量好大。都可以有起碼3碗。蠔仔🦪無沙，肉碎幾香口又彈牙，製成湯飯，口應豐富。成碗湯飲晒都唔會口渴。大豬雜🐷米線🍜（豬骨湯）大大碗好抵食。豬骨湯好濃郁，配滑滑米線食好味。豬雜配少少辣椒油好正。脆皮豬大腸配泰式甜醬必食，以為食緊脆片，同平時食既豬大腸口感唔同。蠔油菜心—無渣幾清甜…查看更多

今日試咗呢間隱藏於新蒲崗嘅懷舊麵店，果然有驚喜！🦪 馳名鮮蠔仔肉碎泡飯一上枱真係嚇親！超大碗，份量十足，絕對夠兩個人share。蠔仔粒粒飽滿，又大又鮮甜，完全冇腥味，仲多到好似掘極都有！湯底清甜，配上肉碎同少少炸蒜，味道層次豐富，必點之選！🍜 懷舊蝴蝶腩豬油撈麵第一次聽「蝴蝶腩」原來係豬肉稀少部位，老闆仲話好食過牛腩！一試果然冇誇張～肉質軟嫩得嚟帶少少筋膜，咬落去香濃又juicy。配上懷舊豬油撈麵，香氣爆炸，麵條爽彈，邪惡但滿足！🐷 香脆炸新鮮豬大腸即叫即炸，熱辣辣上枱！外皮炸到金黃酥脆，入口「咔嚓」聲，入面保留少少韌勁，蘸少少甜辣醬，簡直係送酒一流～總結：價錢合理，份量慷慨，懷舊風味十足！老闆仲好熱情介紹食材，值得再encore！…查看更多

「常聚麵家」喺新蒲崗嘅一間隱世小店，餐廳環境新淨光猛，主打自家製醬料同新鮮食材。佢哋嘅蝴蝶腩撈粗係必試之選！蝴蝶腩其實係豬肺裙肉，每隻豬得一小塊，好罕有。食落完全冇豬騷味，處理得好好，份量又多。豬油撈粗用咗自家製豬油，香得嚟唔會濁，再加埋佢哋特色XO醬（入面有魚乾同煙燻味，香辣惹味），真係無得彈！香脆炸大腸即叫即炸，外脆內軟，熱辣辣好夠鑊氣。油菜就正常水準，但夾埋濃味嘅撈粗同炸大腸就啱啱好。整體嚟講，呢間小店用心製作，肯花心思喺醬料同選材上，絕對值得支持再encore！…查看更多

今日收工做完嘢嚟到新蒲崗嘅 常聚麵家，環境企理，氣氛親切。主食點咗 懷舊蝴蝶腩豬油撈粗麵，蝴蝶腩煮得夠腍，帶少少油香，配上粗麵撈勻特製XO醬，帶微微辣香同豬油香味，食落層次豐富，非常惹味。另一款 馳名鮮蠔仔肉碎泡飯 真係好驚喜，蠔仔份量超多，每粒都大大隻而且新鮮飽滿😍咬落鮮味十足，加埋肉碎同熱湯泡飯，蠔仔嘅鮮甜味滲晒入去，成碗好足料，佢份量有啲多三個人都夠食～小食揀咗香脆炸新鮮豬大腸同埋油菜（今次我哋揀咗生菜），炸到外層金黃香脆，入口仲有少少焦香，內裡保留咬口，完全唔覺膩。配埋醬汁一齊食更加惹味，係必試小食之一。整體食材新鮮，份量足，適合平日用餐嘅選擇。…查看更多

常聚名字好有人情味，店內不大但餐牌就好多款式選擇，食嘢其次，睇到店員與人客之間嘅互動，就更感親切⋯⋯我同老公叫左幾樣馳名鮮蠔仔肉碎泡飯新鮮蠔仔飽滿大粒，洗得乾淨冇沙，最緊要好多葱、芫荽、冬菜，呢啲都係蠔仔泡飯嘅靈魂，豐富得黎更顯蠔嘅鮮味。新鮮豬雜湯麵豬雜麵係用咗豬骨湯底，味道香濃亦唔油。材料多款:豬面青、豬心、蝴蝶腩、豬膶、粉腸、豬肚，全都入味夠腍。我比較鍾意豬心夠爽，豬膶夠滑，粉腸冇異味，食得安心。懷舊蝴蝶腩豬油撈面（配自家制xo醬）撈粗麵夠爽，亦冇鹼水味，蝴蝶腩夠腍，要落埋自家製XO醬，夠野味又唔太辣，配撈麵一絶。小食蝴蝶腩每隻豬只有一塊，經過廚師細心烹調，肉質保持嫩滑又好味。菜心油菜嫩綠嘅菜心，入口爽脆清甜。…查看更多

今次去啟德行下，晚飯時間黎到新蒲岡搵好西食，最後揀左常聚麵家，主要見到有新鮮蝴蝶腩同埋自家制XO醬，環境又算新淨光猛，於是就入去試下。[蝴蝶腩撈油麵] -$52好多人以為蝴蝶腩係屬於牛腩，其實唔係，佢係屬於豬肉一部份，實際係豬肺裙肉，因為形狀似蝴蝶所以用「蝴蝶腩」命名。蝴蝶腩每隻豬只有一塊，所以極其罕有，如果要新鮮就更加難搵。呢度的蝴蝶腩份量好多，食落去無任何豬騷味，證明有預先處理過。另外呢度的撈麵加上豬油，同老闆傾完計後先知係自家制的，唔怪之望落去好清，食落去香得黎唔會混濁。最後加上可以「任落」的自家制XO醬，呢度的XO醬好特別係加左魚乾，另外再會有一陣煙燻的味道好特別，同時夠香辣，最後配埋自家制重料的XO醬就係絕佳的配搭。[蠔仔肉碎泡飯] -$55一上枱估唔到份量都幾多，足足可以食到6碗份量，相當足料。蠔仔泡飯最重要係蠔仔夠新鮮，呢度每隻蠔仔都脹卜卜，硬落去爆汁，食落去無腥味同泥味，夠晒新鮮。之後就係上湯，係每日新鮮用豬骨熬制，配埋芹菜、芫茜同肉碎，增加味道的複雜性，另一個要讚的位係相信呢度的湯底無加味精，因為飲晒啲湯都唔會覺特別口乾。[脆皮炸大腸] -$40呢度的炸大腸係新鮮即炸，所以食落去做到新鮮熱辣、外脆內軟的感覺，另外腸內仍然保持油份，所以咬落去會保持到Juicy的口感。[蠔油芥蘭] - $22正常淥菜唔需要特別介紹，但因為呢度的上湯係每日新鮮用豬骨熬制，所以用上湯浸完的芥蘭都隱約食到上湯的味道。另外呢度揀選左比較嫩的芥蘭，所以食落去相對脆口，最重要唔會食到有渣。整體而言，呢度的菜式唔算話好Fancy，但食得出有「內涵」，無論係湯底、XO醬，甚至撈麵的豬油都係自家制。食材又夠新鮮、連油菜都揀比較嫩的部份，可以見到老闆的用心。有時食小店就好似開盲盒咁，往往有驚喜的存在。…查看更多

新蒲崗爵祿街新開張《常聚麵家》環境乾淨企理，見食客頗多應該不錯。 我們點左蠔仔肉碎泡飯$55: 新鮮蠔仔很鮮甜又足料有20多隻，肉碎滑嫩，湯底清甜香濃，加芫茜、葱花、炸蒜，口感豐富美味好食。新鮮豬雜湯麵$65（幼生麵）：豬雜新鮮洗得乾淨無異味，有瘦肉、豬粉腸、豬腸、豬肚、豬心、豬膶，豬骨湯底味清甜，麵質爽口，大大碗份量足抵食又好食。剩食蝴蝶腩$50: 腩肉質腍滑、筋膜軟滑入味有膠質，非常美味，值得推介👍👍蠔油菜心$22: 菜心苗嫩綠可口。飲品：凍阿華田、凍檸茶：正常發揮。總結：真材實料食材新鮮大份抵食，枱面的辣椒醬都好惹味。…查看更多

常聚麵家係喺新蒲崗嘅一間街坊小店，主打性價比高嘅湯麵湯飯，更有多款自家製小食，係附近街坊鐘意嘅人情味小店😜😜😜👍🏻👍🏻⭐蝴蝶腩豬油撈麵比較少見嘅美食，蝴蝶腩帶筋膜位，肉質軟嫩，含豐富嘅膠質，層次豐富。撈麵用咗豬油特別香口，粗麵盡吸豬油香氣，仲配埋清雞湯💯💯😍😍⭐新鮮蠔仔肉碎泡飯新鮮蠔仔大大粒，好飽滿❤️❤️，處理得好乾淨，一啲腥味都冇。湯底鮮甜，配合蠔仔嘅鮮味，好滿足⭐香脆炸大腸大腸洗得好乾淨，火喉控制得剛刪剛好😁😁👍🏻，外脆內軟，沾上泰式辣醬，更加惹味🉐🉐常聚麵家新蒲崗爵祿街82號地舖…查看更多

今日專登過嚟新蒲崗試呢間街坊小店主打鮮豬雜同蠔仔泡飯 果然名不虛傳店仔細細但坐滿熟客 睇嚟真係有料到～🌟 必試招牌🐷 新鮮豬雜湯麵 $65有齊豬心、豬腸、蝴蝶腩、豬肚、粉腸、豬膶等豬雜處理得超乾淨 零異味！豬潤粉嫩唔鞋口 豬腸爽脆湯底滾燙上枱♨️個豬雜湯麵熱到吹咗勁耐先食到..........但就係要咁先夠風味！豬骨熬足數小時 清甜帶微微胡椒辣粗麵吸湯能力強 索盡精華~~鮮蠔仔肉碎泡飯 $55蠔仔多到瀉 粒粒飽滿冇砂🦪肉碎增加口感 再加埋芫茜葱蒜令到成碗泡飯都好香湯底鮮甜到飲晒豬蝴蝶腩淨食 $50部位罕見🐖肉質勁滑 原汁原味肉質香濃 零豬膻味！🥬 油菜 $22菜芯嫩綠 蠔油份量剛好湯底真材實料 飲完唔口渴豬雜處理認真 完全冇異味價錢合理 大碗足料…查看更多

新蒲崗地區真係隱藏著好多美食呢間麵店主打新鮮豬什．仲有多款口味嘅泡飯吸引不少附近上班族店內乾淨舒適．好多款式都吸引✨蠔仔肉碎泡飯蠔仔大隻飽滿．泡飯配上湯底足料大碗有份量✨新鮮豬什湯米線集齊多款不同部位的豬什湯底清甜．多款麵底可以選擇揀咗滑溜溜嘅米線✨淨食新鮮蝴蝶腩 蝴蝶腩口感充滿嚼勁灑上蔥花和芫茜．份外香口✨蠔油菜心苗菜心新鮮爽口．沾上蠔油更滋味✨凍奶茶充滿港式奶茶風味．茶底香濃口感順滑以後嚟新蒲崗又多個選擇喇…查看更多

常聚麵家環境乾淨整潔，用料新鮮，是一家以港式粉麵、米線為主的餐廳，招牌菜有新鮮豬雜粥、鮮蠔仔肉碎泡飯及脆皮炸大腸等，深受食客歡迎。馳名鮮蠔仔肉碎泡飯是一道招牌菜，湯底鮮甜香濃，蠔仔鮮味突出，肉碎肉質滑嫩，與蠔仔一同烹煮，再加上芫茜葱蒜，帶出層次豐富的味覺變化。新鮮豬雜湯麵：豬雜新鮮且處理乾淨，包括有瘦肉、豬腸、豬肚、豬粉腸、豬膶等，豬骨湯底清甜濃郁、豬雜鮮嫩無異味及口感豐富。香脆炸新鮮豬大腸：外皮十分酥脆，而內裡則保持軟糯且帶有豬腸肥油的甘香，吃起來兼具香脆與嫩滑的口感。油菜鮮甜爽脆，口感清新。加上蠔油調味汁，令菜心更香滑而且外觀油亮，口感更佳。凍奶茶茶香濃郁且奶味醇厚。凍檸茶酸甜適中又涼爽。…查看更多

酸菜魚米線套餐…跟餐送黃金皮蛋➕凍飲！加料➕蝴蝶腩！已經扣底！但都食唔曬！份量足！味道正！魚片好滑！好彈！可以肯定係新鮮魚片…不過有少量骨！環境乾淨衛生！冷氣夠！埋單$94！會有下次幫親！👍…查看更多

如非經YouTube，飲食界KOL推介，揾食肥華都唔知，新蒲崗又有一間新粉麵店，落戶此處已有四個多月，嘅然知道有新店登場，肥華梗喺要帶靚媽去，光顧睇吓此店水準如何。論食物水準，今餐肥華所點嘅，豬雜米粉，炸豬腸，同是B+評分食品，而個泰式鳳爪，就得不到靚媽好評，祇能俾個C+評語佢，而全枱最出色，能獲A+級評分嘅食物，就喺嗰碟，清湯蘿蔔，好味嘅食物加上一枝，樽裝可樂，新店環境又乾淨企理，呢餐肥華俾👍👍👍👍…查看更多

個粥好正…系新鮮野煲噶其他小食都好吸引，尤其係豬大腸同自家製大蝦餃子，隻蝦真係好大隻…一個人食6隻飽到上心口🤗環境幾乾淨企理…起碼光猛.食物質素幾好，下次試試大豬雜湯麵…聽老細講日日係用新鮮豬頭骨煲湯.好用心噶一間麵館👍👍值得推薦…查看更多