常滿百家菜

营业中

休息中

秋天正是火鍋旺季，荃灣友一定係嚟英皇（即係而家嘅大鴻輝）打邊爐喺12樓有間居然以冇時限作招徠，仲要收得好平，伏唔伏㗎？首先，揀湯底竟然可以免費變鴛鴦湯底，唔做焗住做小朋友，可以任性地要兩個湯底嚕！大胃揀咗沙嗲鍋+ 鹹菜豬肚粉腸鍋，沙嗲湯底都幾濃，豬肚湯又真係好多豬肚同醃菜喎肉肉方面，可以好似點心紙咁樣剔自己想食嘅款，當中大胃好推介滑牛、牛脷、雙丸同魚頭。滑牛同牛脷好厚切，肉質肥美。鯪魚球同墨魚演打得好鮮嫩，唔會好實。魚頭有好多肉，骨膠原滿滿除咗打邊爐，呢度其實主打點心放題，有大量點心任食，蝦餃燒賣一定走唔甩，仲有鹹點、包點、小碟同其他點心仲要份份又大件又香口，尤其小籠包都變大籠包咁，食落唔會得個實字，而係真係有水準嘅剔完紙仔，都仲可以出去自助區自理有唔同蔬菜、丸類、粉麵、肉類、餃子等任攞，同樣係好足料亦有小炒、豬腳薑、鳳爪豆腐花、雪糕等等可以自己加料感覺翱翔大餐之際最最最正係飲料區有好多啤酒任飲，齋青島都有支裝同Gold版仲有其他牌子可以逐罐試，飲到餐廳收工為止都仲得

麻甩兩父女去撐枱腳，一個愛飲茶一個好邊爐，大鴻輝呢間常滿啱哂我地～座無虛席 建議訂座穩陣啲餐廳有兩款套餐可選1️⃣ 點心+小菜2️⃣ 火鍋+點心（我地揀呢款）午市$𝟏𝟓𝟖（+𝟏𝟎%） 晚市$𝟐𝟎𝟖 （+𝟏𝟎%） 🍲 湯底鍋可選雞/魚煲 或 湯鍋/鴛鴦鍋另可加錢揀 藥膳醉雞煲我地揀最新推介 椰子燉雞湯鍋📝 點心紙落單肉類：牛控第一次覺得豬比牛吸引豚肉無臊味 大塊明顯肉鮮味本地滑牛軟嫩 肥牛牛味普通還可以手打丸：爽滑彈牙Encore了好幾次墨魚丸 明顯粒粒墨魚 鮮甜味濃鯪魚丸 鮮魚香 除蔥無其他調味海鮮類：蝦食得過 肉質鮮爽唔霉愛魚之人表示 魚的話可免則免另有數款海鮮可另加錢點選如沙巴龍躉、珊瑚蚌、帶子片等♾️自助吧除火鍋醬料亦有蔬菜、雞肉、丸類（牛丸貢丸都不錯）、魷魚豬皮等，且有不少熟食提供🫖飲品有茶、玻璃樽裝汽水、支裝/罐裝啤酒🍦甜品有#香港製造 本土雪糕𝐂𝐨𝐂𝐨𝐁𝐞𝐫𝐫𝐲布丁、芒果、朱古力等多款口味亦另加錢點選擂沙湯丸或壽桃🥢點心方面選擇比較多少少 最基本的點心都有最為驚喜係好大粒 好大嚿😳蝦餃入面有四、五粒蝦蘿蔔絲酥餅入面滿滿蘿蔔整體味道不過不失 有某幾款略咸◡̈ 以上食評乃個人意見僅供參考◡̈

普通酒樓格局，午市有得揀淨飲茶，亦都可以任食火鍋之餘仲可以繼續嘆點心，除左有多款點心選擇外，火鍋配料都有好多唔同種類。除左肥牛竟然仲有海蝦。 點心當然要叫蝦餃燒賣牛肉球，仲有綿花雞，炸饅頭馬拉糕等等。每款點心都熱辣辣，蝦餃燒賣好足料，蝦大大隻，奶黃包大開仲見到滿滿既奶黃醬，馬拉糕都好鬆軟，炸物都好香脆。點心係餐廳主打，味道都唔錯，而且仲可以一邊睇波一邊打邊爐勁爽！岩晒鍾意打邊爐同飲茶既客人，所以都見到都有好多街坊幫襯。

店內長期好多人光顧。餐廳採用圓台，多人食嘢都好方便。呢間餐廳主打火鍋加點心，一次過兩種享受。大部分食物都可以喺紙仔剔選，有一些食物就會係出邊自取。今日想食清d既湯底，叫左鮮茄薯仔排骨鍋。頭盤:海鮮羹。質地呈汁狀，又幾好味。主打:脆肉皖、魚頭、鮮蝦🦐、豬頸肉丶肥牛、豚肉我超中意食魚頭同脆肉皖，兩款都好多肉，而且肉質滑嫩。另外，蝦同豬頸肉都一定要食，非常彈牙。打邊爐一定唔少得其他配料，包括：牛肉丸、水餃、芝士腸、番茄、苦瓜、金針菇、玉米點心時間到了，超多款式招牌小籠包常滿蝦餃皇鮮蝦燒賣皇鮮竹牛肉球蒜香蒸排骨金蒜蒸翠玉瓜蝦餃、燒賣，每籠子有兩粒。每人食一粒就夠曬喇。其他點心剛剛蒸好都非常好食。

兩個人，一個想飲茶食點心，一個又想食雞煲打邊爐！最後上網搵到間無限時任食多款點心+火鍋放題，價錢晚市都係$208/位，於是就一錘定音，決定去試吓😂雖然係任飲任食，但老闆真係一啲都唔吝嗇，林林總總既點心，火煱食材及飲品，包羅萬有，總有一款你鍾意。好啱三五知己，邊食邊吹水哈哈，我地兩個人既戰鬥力一啲都唔輸蝕，叫咗蝦蛟，燒賣，牛栢業，牛肉球，豉汁蒸鳳爪，流沙包等，即叫即蒸，夠晒新鮮熱辣，而且味道一啲都唔比點心酒樓遜色！份量仲好多添最令人驚喜都係炸物邊爐方面，有多款火鍋湯底選擇，鍾意的話仲可以撰雞煲添，不過我地怕食唔晒，所以最後撰咗個鹹菜豬肚粉腸鍋和沙嗲鍋除咗點心和邊爐之後，仲有一啲特色小食既自助區，豬腳薑，醉雞腳，紅腸，馬豆榚，桂花糕等等。總括黎講，價錢經濟實惠，而且款式多樣化，性價比十分之高

荃灣點心火鍋放題👏🏻點心任食 打邊爐任食 😌懷舊酒樓吃到好創新的的點心火鍋放題餐👍🏻價錢天是好抵吃👍🏻👍🏻👍🏻每位$200左右就可以吃得到！😍點心種類也有很多款，包括有蒸類、炸類。點心有：招牌小籠包、懷舊馬拉糕、常滿蝦餃皇椰香蒸饅頭、鮮蝦燒賣皇、蒜香蒸排骨鮮竹牛肉球、薑蔥牛柏葉、酸甜炸雲吞雜菌蒸滑雞、蘿蔔絲酥餅、豉汁蒸鳳爪黃金炸饅頭、金蒜翠玉瓜⋯⋯⋯⋯湯底也非常多選擇，這次點了椰子雞湯，椰子味非常濃郁！火鍋配料有：精選肥牛、牛腱拼牛脷、手打墨魚丸、手打鯪魚球、海生蝦、脆肉鯇魚、魚頭⋯⋯大排檔自助區域還有更多火鍋配料選擇，另外更有多款茶樓小食，如薑醋和雞腳。甜品更有港式甜品，如番薯糖水和豆腐花。

今日食嘅係打邊爐加點心放題😋點心有成廿幾款到，當然我哋就食唔曬，所以叫咗幾款唔同點心🤪今日食咗嘅點心有: 蝦餃、燒賣、蒙古流沙包、牛柏葉、炸雲吞同鹹水角😋點心嚟到時熱辣辣，餡大大夠，由於大份嘅關係，唔敢食咁多🤣 （因為要留返嚟打邊爐）邊爐我哋今日叫咗鮮茄薯仔排骨鍋，邊爐湯底足料，邊爐材料有肉有蝦，肉類好食😋重有鬼馬釀百花，有啲驚喜😍除咗邊爐同點心外，自助區亦都有好多小食，有碗仔翅、銀心粉同豬紅蘿蔔等等😋諗到想食咩都會有😝除咗點心同邊爐外，重有中式甜品😆有桂花糕、椰汁糕，重有兒時嘅啫喱😆見到即食，勁開心😝總結: 點心好多款式，熱辣辣👍邊爐足料，自助區超多嘢揀，值得再叫朋友去食👍

嚟食過常滿好多次，小菜圍餐食過，火鍋點心放題都食過，多數食圍餐，一家人連埋老人家嚟食都岩食。今次都係食圍餐，但就特登訂咗個海鮮餐，第一次食海鮮餐，估唔到都幾新鮮，本身唔係特別大期望，諗住普普通通就ok，點知意外地好食。海鮮份量/隻數係按人頭比鮑魚海鮮拼盤係冰鎮的，下面有一大堆冰鎮住，好好有包保鮮紙，唔洗驚啲冰污糟，亦唔洗驚啲冰溶咗啲水整到落啲海鮮度。鮑魚已去除乾淨啲腸，好大隻，好彈牙有口感，亦都鮮甜。蝦都好大隻，有蝦膏，好鮮甜。豉椒炒蟶子王下面用啲殼墊住，其實啲肉已經起晒出嚟炒，好大隻，好彈牙，豉椒炒好惹味。薑蔥蟹炒飯底隻蟹超多膏，揭開蟹蓋好多蟹膏食，隻蟹都好大隻。好食在個炒飯，吸晒啲蟹汁好鮮味。粉絲蒸元貝都好大隻，粒肉好大，唔會痴晒殼起唔到，肉唔靭，唔會咬唔開，有好多粉絲，夠淋，仲吸晒汁，好多蒜蓉好夠味。當紅炸子雞酒樓先有嘅經典配蝦片，炸子雞皮好脆清蒸海斑好大條，蒸得剛好，熟，又滑瑤柱蛋白炒飯炒得粒粒分明，唔油，個碟底都唔會有油紅燒海王翅芝麻拼盤蒸芝麻卷好滑，除咗面頭好多芝麻之外，芝麻卷都好濃黑芝麻味馬拉糕好鬆軟，不過有啲甜糕好彈牙福祿壽桃蒸得好軟熟

今時今日餐飲業生意難做，傳統酒樓都要搞搞新意思🤗🤗🤗 ，破格大玩 點心🥟🥟🥟+火鍋放題 （無限時）🥘🥘🥘，咁有趣我哋都決定去試試佢～ 呢間位於荃灣大鴻輝12/F嘅酒樓，係一間傳統舊式酒樓，早、午市飲茶嗰種 ☕️☕️☕️ 以每位$208無限時任食作招徠～ 價格平、又飲又食、又可以坐成晚，又係一個另類玩法禾 👍👍👍 入到場，待應安排左我哋坐低之後，就可以填紙仔點嘢食 📝📝📝 點心、湯底 （有10款左右選擇，仲可以揀雞煲）、鮮肉 & 海鮮可以填紙仔點，而其他都係自助形式自己拎：汁醬、飲品、菜、熟食、丸餃、甜品………🧐🧐🧐 食後感係以點心做主力，再配火鍋食材陪襯，達至增添多元味覺感受 😊😊😊 以下幾款食物比較推介 ：1.） 支裝汽水，仲有支裝維他奶 🥰🥰🥰2.）點心全部都唔錯、尤其有蝦嘅點心，d蝦大隻得嚟又彈牙 👍👍👍 特別推介 ⭐️炸雲吞，又脆又香，點埋甜酸汁，正！😋😋😋3.）薑蔥牛扒葉，蒸得幾林幾入味～ I like ❤️❤️❤️ 鍾意食爽口嘅就未必鍾意 4.） 火鍋料 ： 手打雙丸幾好味 😋😋😋 本地滑牛 👌👌👌5.） 雪糕 🍧 海鹽味 👌👌⭐️⭐️⭐️ 8pm前埋單每位 -$20⭐️⭐️⭐️ 9pm後入座每位

今晚同屋企人去咗呢間荃灣酒樓食晚飯，數十款點心+火鍋放題任食，最長仲可以食足5.5小時呀～😱一定包你食飽飽!!! 除咗點心同火煱外，自助區仲有提供小食、老火湯、飲品同甜品雪糕等…點心有數十款選擇，食幾多叫幾多😋點心即叫即整，熱辣辣上枱。阿媽最鍾意蝦餃皇，大大粒蝦餃，晶凝通透，蝦肉爽牙。阿爸鐘意食炸雲吞炸得好香脆，仲有甜酸汁。燒賣同樣大大粒，我鍾意流沙包，入面好流心😍口感軟熟，點心品質有質素👍🏻火鍋湯底有幾款煲底選擇，有麻辣、沙嗲、香茜皮蛋、豬骨、野菌豆腐等等…新推出仲有椰子燉雞湯鍋，湯底好清甜。火鍋配料有海鮮、豬牛、手打丸等…仲有本地滑牛，顏色新鮮。其他配料自助區都可以取，真係食得好飽好開心!!!甜品仲有豆腐花、薑汁蕃薯糖水、紅豆沙、雪糕、啫喱、布甸、馬豆糕等…仲包啤酒🍻汽水任飲。

人均消費：$100-200推薦指數：⭐️⭐️⭐️⭐️難得一日Day off，決定同屋企人提早慶祝下中秋，於是晏晝揀左間可以任食點心既酒樓試吓。1）點心+小菜（任食 無限時）$158 係酒樓可以任叫點心真係好爽，平時食開嘅點心全部都有，仲有啲炒粉麵飯😆。我同屋企人嗌咗兩三輪嘢食，佢嘅點心冇因為係任食而偷工減料，同平時散嗌嘅質素差唔多👍🏻。蝦餃好足料，入邊有好多隻蝦。其他嗰啲鳳爪、燒賣、牛肉球都合乎水準，淨係食點心都抵！😚佢啲小菜就麻麻哋，炒飯炒麵唔係好夠鑊氣💨。如果真係嚟食嘢，建議都係叫返點心穩陣啲，始終出面食點心都唔平，任食都真係幾抵下😝*五六日每人加$10*65歲或以上減$20*另收加一

好多人嚟香港旅行，原來第一時間係會食點心！點心真係香港嘅特色，不過而家飲茶真係好鬼貴，食幾籠點心閑閑地一舊水，勁奢侈！呢間可以無限時任食點心真係啱晒我，原來仲可以打邊爐，一次過滿足兩個願望😍呢度每晚都好多街坊幫襯，食足五個鐘人均$200咋，咁抵食，梗係爆場啦！點心即叫即蒸夠晒新鮮，而且係用件數嚟到落order，大食座細食座都可以滿足。我發現佢啲蝦餃同燒賣用料好足，大大粒蝦餃裏便竟然有三隻蝦😍非常高質好味！豉汁蒸鳳爪同埋排骨夠惹味，牛柏葉、牛肉球、豆沙包呢啲真係經典點心，亦都不能錯過！然後自助區仲有一啲特色嘅美食，醉雞腳夠晒入味，輕輕咬骨肉分離👍豬腳薑亦都係馳名小菜，豬腳炆到非常之淋同Q彈，而且用上等甜醋，食落冇咁酸，入晒味嘅雞蛋好正！除此之外，仲有紅腸啊、腸粉啊、雞肉串、豬皮豬紅、酸辣湯、粟米湯、紅豆沙、桂花糕，勁多款式！打邊爐方面可以自選湯底打邊爐或者叫個雞煲都得！肥牛，豬肉雞件海蝦等等之外，自助區各款蔬菜、丸類、菇類、仲有水魷魚、豬紅、豬皮、豬潤等等新鮮食材，大把時間可以吃到夠為止！鍾意啤番兩杯嘅，呢度有多款啤酒供應👍各款汽水冷熱飲品都齊全，性價比真係好高！走之前仲可以食杯雪糕😆

呢間酒樓主打任食，仲要係所有野任食。佢哋分別有任食火鍋點心同任食小菜點心，今晚我哋就試咗火鍋點心任食。佢有十多款唔同嘅湯底可以選擇，我哋今晚就揀咗新推出嘅椰子雞湯。配料方面，佢都有分自取同需要落單，需要落單嘅唔算好多，但應該要有嘅都有，亦都有大家常見嘅牛肉豬肉，仲有海蝦同手打丸。自取方面有唔同嘅蔬菜麵食，種類都十分豐富。除咗火鍋配料之外，點心方面都有十幾二十款可以選擇，我哋試咗薑蔥牛柏葉，小籠包同蝦餃，仲有蝦腸，冇偷工減料同平時飲茶嘅size係一樣嘅。除此之外，佢仲有各式各樣唔同嘅熱食同平時大家酒樓會見到嘅甜品糖水，以及雪糕。另一個特色就係佢有玻璃樽裝嘅汽水同麥精，仲要可以無限任飲。以呢個價錢嚟講算係唔錯。

同朋友每月相聚，黎到荃灣大鴻輝中心十二樓的「常滿百家菜」大快朵頤，貪其可容納咁大班人同時又可以坐得舒服，佔地全層，枱與枱之間闊落。呢間酒樓晚上主打無限時任飲任食點心+火鍋放題，最長食足5.5 小時，真係好誇張！除了點心外，自助區會有少量熱食、小食、飲品，湯，火鍋配料同糖水甜品🍮，好適合一家大細同朋友聚會🎈。有多款火鍋湯底可選麻辣、沙嗲、香茜皮蛋等，重點竟然有椰子燉雞湯鍋，可以先飲湯後打邊爐，真係好足料，大大舊雞髀肉熬煮，仲有新鮮椰子肉增加甜度，越滾越清甜。火鍋配料最回本絕對是海蝦、本地肥牛，色澤均勻，而且仲有老人家最愛的脆鯇魚，仲有不同的手打魚丸，都夠曬飽，但仲要留肚食點心，不得了!點心有超過20款，全部即叫即整，上枱時熱辣辣，一定要趁熱食，個人最鍾意蝦餃皇，裡面有三大粒爽口彈牙嘅蝦，皮晶凝通透。鮮竹牛肉球肉嫩多汁加上大量蔥花，好有咬口！叉燒包軟熟多餡。炸雲吞酥脆美味，蘸上甜酸汁，回味無窮。燒賣又係大大粒，仲有香菇蟹籽點綴。鳳爪蒸得好軟焾，懷舊馬拉糕好有層次，邪惡練奶小饅頭都好正，物有所值，點心質素有保證。記得要留肚食自助區嘅食物呀！有炸至外脆內嫩嘅雞翼、行氣活血的入味豬腳姜、泡椒鳳爪

任食火鍋點心荃灣呢間酒樓主打任食，佢裝修環境就好似我讀書時期會同啲朋友去食嘅酒樓火鍋店，好有回憶。佢哋分別有火鍋點心任食同小菜點心任食，今晚我哋就試咗火鍋點心任食。佢有唔同嘅湯底可以選擇，我哋今晚就揀咗推介嘅椰子雞湯。配料方面，點心紙上面有牛腱拼牛脷，牛肉，豬肉，鯇魚，魚頭，海蝦同兩款手打丸。自取方面有唔同嘅蔬菜麵食，我哋有試到響鈴，生根，木耳，粟米同埋一啲嘅蔬菜。除咗火鍋配料之外，點心方面都有十幾二十款可以選擇，眼闊肚窄，我哋只係試咗其中幾樣。除此之外，佢仲有各式各樣唔同嘅熱食，有唔同嘅炸物。另外，佢哋都有兩款唔同嘅湯包括係粟米魚肚羹同酸辣湯。糖水甜品方面有各式各樣嘅雪糕，椰汁糕拼桂花糕，啫喱同芒果布甸仲附加花奶(加分加分)！另一個特色就係佢有玻璃樽飲品，包括汽水同麥精，除此之外，仲有其他罐裝飲品同啤酒任飲。