師傅仔 (金碧閣)

营业中

休息中

周末懶得煮飯就落街搵野食, 見開左間新餐廳, 黑tone門面裝修頗特別, 就咁吸引左我哋入去試下 我自己點左票米魚扒飯($40), 待應見老公心大心細, 就介紹左雲耳蒸雞飯(唔記得幾錢), 另外點左個老火湯($18)滋潤下。魚扒飯夠哂大碟, 塊扒成隻手掌咁大, 煎得好香, 汁份量岩岩好; 蒸雞飯都唔錯, 雞身幾滑同嫩; 最想讚係個湯, 原本冇嘜期望, 估唔到好足料, 一啲都唔馬虎, 有驚喜!Overall成餐飯都頗滿意, 食物質素中上, 侍應態度都好好, 新店都冇令我失望, 希望Keep住水準, 會再幫襯

放工去長沙灣搵朋友食下飯吹下水，見到新開張所以試下。雖然話係茶餐廳，不過地方企理又光猛，而且好多卡位，十分乾淨!睇餐牌先知選擇好多，原來好多小菜款式揀。兩個煲都好足料，斑腩同牛肉都好夠份量。而且夠晒熱味道又岩岩好。南乳炸雞同椒鹽肉排都好蘇好香，唔會炸到好乾身。炸雞D南乳味好夠真係幾特別。涼瓜炆倉魚煮得岩岩好，肉質好滑。夠晒大條幾抵食。

上星期五晚收工, 約左朋友到長沙灣食晚飯由於只得2個人, 大家都唔係食得好多野所以晚飯地點就由小肥牛改為附近一間新開既茶餐廳可能係新開張既關係, 店內環境好乾淨同好光猛(最怕污污漕漕既地方)我同朋友點左一碟中式牛柳, 西籣花炒斑塊同一個例湯例湯: 羅漢果煲茶乾湯 <--- 出乎意料之外好味, 所以追飲左一大碗中式牛柳<---- 味道酸甜, 開胃😀西籣花炒斑塊<--- 味道不錯, 只是斑塊經炸過後既皮略嫌硬身, 失左分總結: 侍應態度友善, 環境乾淨, 食物中上, 是我會encore既食店

放左工又唔知食咩好～又行過師傅仔～早兩日試左佢既午餐超值又好食～見到晚飯套餐又幾低所以又入去試試～見到晚飯時段都比較多人～但佢地既侍應態度事都好好～個叫左個海南雞飯套餐～雞肉滑有鮮味👍👍配油飯正～個餐有埋老火湯～個湯好足料～好似住家和呀媽煲～而家咁足料既餐廳真的賣少見少啦～唯一不足係杯奶茶唔夠奶～值得再去食👍👍👍 好好小女子係長沙灣返工～近日發現這間新開張既茶餐廳～入見裝修簡簡單單睇落好舒服就入去試一試～入到去好快就有人招呼你～重介紹有set lunch～下咁我就叫左個梅菜馬蹄肉餅飯 加一杯野飲先$40～個肉餅蒸得好入味👍👍個味道好有住家風味的～同埋份量好多～所以係超值的～👍👍👏👏

很少寫食評, 不過由於係新開小店, 真心要支持下, 下下都翠X, 大家X, 真係人都顛, 支持本地小店, 講番個店面, 唔算豪華, 不過就有一種舒適同埋簡潔既感覺, 座位坐得好舒適, 唔迫!! 其中6人卡又幾啱我地幾條友又唔會唔夠坐. 又可以坐埋一齊, 呢下幾細心. 抵讚講返D食物, 出餐唔算太耐, 好快到, 而我點既係海南雞反, 因為試新店, 我習慣叫雞, 唔好問點解,不過由於我習慣走翼但下單時冇講, 佢地攞到黎我先出聲, 心諗受硬氣, 因為始終係lunch打仗時段,點知佢地好有禮貌同埋二話不說就同我去換, 仲要好快手個隻, 再讚多野, 至於味道, 真係唔錯, 味道啱啱好, 雞浸得好好, 油飯出奇唔油(hahahah唔知自已講咩), 同事點的午餐都好好食, 不過就冇影, 淨係影左個menu, 40大元, 真心抵, 新界都唔得la.. !!!!