帕維亞意大利餐廳

营业中

休息中

每次同人講我住九龍城，佢地都會話 啊好多野食個度呀嘛 好多泰國菜好好味架嘛。好似大部分人對九龍城既認識只係得泰國菜😂其實近呢幾年，越黎越多不同菜式的餐廳進註九龍城，今次就同大家介紹下呢家意大利菜pavia啦❤🍞餐前麵包一入座店員就攞左一籃麵包俾我地，暖暖地芝麻包同蒜蓉包好軟熟👍連細節位都幾貼心，牛油唔係一盒未開封拎出黎 質地已經係室温既狀態，唔會雪得太硬擦唔到麵包🐚白酒忌廉煮青口青口份量超級多，而且每隻都大左粒，好有肉地😋白酒味唔算太重，怕酒味既朋友唔洗擔心😉🍕parma ham pizzaPizza上有芝士，parma ham 同火箭菜🥗餅皮焗得幾好，係薄薄既pizza皮，食落脆身parma ham 鹹香味幾重😋平時覺得淨食火箭菜好苦，而家一齊食又幾夾芝士有拉絲架🧀😀🐮西冷牛扒牛扒香噴噴上枱😋😍大約煮到七成熟，切開見到牛扒中間仲係粉嫩的💗肉質嫩而不鞋，連配菜既薯蓉都好吸引😘兩個人share啱啱好🍋餐飲 熱檸檬水最後order左兩杯熱檸檬水，檸檬片有4塊，酸酸甜甜咁結束呢一餐意大利菜😋

九龍城除咗食泰國嘢，仲有好多精緻嘅西餐。Blue Monday同朋友食好嘢叉下電，最後揀咗Pavia一試🤓首先上嘅係白芝麻餐包同蒜蓉包，香脆可口。青口有好多隻😂每一隻都好飽滿，淡淡嘅白酒味配新鮮飽滿嘅青口，滋味無窮。意式風味薄餅，配料有Parma ham、火箭菜、水牛芝士。餅底薄脆，芝士味香濃，令人忍唔住食多一塊😂牛扒好重牛味，肉質好嫩，一啲都唔韌😋伴碟嘅忌廉薯蓉同雜菜都好香好creamy🤤餐廳環境舒適，微黃嘅燈光令人覺得好放鬆。其他客人亦唔會太大聲講嘢，大家都可以喺一個安靜嘅環境用餐🤗

九龍城附近一向係美食既天堂，除左泰國菜﹑潮州打冷﹑清真食品，仲有唔少既小店，今次同朋友選擇去呢間叫Pavia既小館子，享受意大利菜。。Menu上有唔少嘅選擇， 真係睇到人花多眼亂，好掙扎啊！我地分別點左白酒煮青口及大蜆﹑蟹肉南瓜忌廉湯﹑燴牛膝配意大利飯﹑辣椒蒜片橄欖油炒意粉﹑咖啡奶凍。好快就送上幾件既蒜蓉包及芝麻包，麵包外脆內軟，入口好香既白草味，加上蒜蓉牛油，實在相當開胃，而芝麻包亦十分出色，外層鬆脆，芝麻香口，味道唔錯，真想Encore多兩件。跟住就到白酒煮青口及大蜆 ，份內唔細，各有五隻，白酒味道清新，帶起大蜆同青口既鮮味，大蜆肉質飽滿鮮甜，而青口亦好肥美，透出海水味，肉質爽口，唔錯。至於蟹肉南瓜忌廉湯既口感順滑， 南瓜被打成好幼細既蓉，入口香甜，加上唔少新鮮既蟹肉，感覺好豐富好滿足。朋友叫左一客辣椒蒜片橄欖油炒意粉，上檯時冒出白煙，相當之熱，意粉入口乾身不油膩，帶有濃郁蒜香，橄欖油同辣椒好夾，非常惹味。至於我就叫左個燴牛膝配意大利飯 ，意大利飯配以芝士忌廉煮成，飯粒分明，唔會太軟，加上少少拉絲感既芝士，好香口。而牛膝就炆得好軟熟好好冧， 筋腱入口即溶，附上酸椰菜同番茄醬，減低紅

平時去九龍城都係食泰國嘢多，今次轉一轉食西餐。餐廳位置都比較入，不禁讚一讚朋友咁勁，可以眾裏尋它 店舖內地方唔算好大，但感覺麻雀雖小，五臟俱全餐牌有set同埋散叫..唔想諗食咩嘅就揀chef recommendation啦, 好似都幾吸引 Main course 都有唔少選擇，有扒，飯，意粉等等...枱上面有兩個類似雞蛋嘅調味樽，好qq喎煙三文魚凱撒沙律三文魚份量幾多下，大大塊好滿足喔！！ 蔬菜好新鮮，卜卜脆燒法國春雞 菜式上碟外型好靚好吸引！春雞外皮好脆，肉質都好幼嫩！好Juicy!另外薯蓉好香牛油味，taste good ya!! 泡沫咖啡mousse蛋糕 蛋糕賣相非常精緻平時好少食咖啡味蛋糕嘅我都覺得好好味！ mousse好滑, 咖啡味濃，整個配搭都非常正估唔到九龍城除左泰國菜出名，原來西餐都唔錯丫

九龍城雖然係泰國菜嘅集中地，但係其實附近都有好多唔同類型嘅小店，無論中式定西式都有唔少嘅選擇，朋友約咗我嚟到呢一頭附近打算買啲蝦子麵， 順便再搵下嘢食路過呢一間小店，見到環境幾舒服咁，於是推門一試。當晚雖然係平日，但係都有唔少嘅客人， 好幾張枱都已經係畀人book咗， 似乎有唔少熟客， 應該都有一定水平。整體裝修以橙黑色為主調，加上少少嘅掛畫，感覺一種意大利嘅家庭式小店。有唔少嘅酒類選擇， 適合配搭唔同種類嘅食物。對於有選擇困難症嘅朋友，亦有set menu可以選擇，不過我同朋友就冇咁樣揀啦。枱上面亦有橄欖油同黑醋提供，方便客人因應自己口味調配。侍應先送上自家製嘅蒜蓉包同芝麻麵包仔，麵包非常熱，朋友就比較鍾意食蒜蓉包，貪佢夠香口，而且好有蒜蓉同香草味， 至於我就比較鍾意芝麻包， 貪佢外脆內軟。而且仲有大大嚿牛油可以搽，不過我就冇用到喇，而係落咗少少橄欖油同黑醋，別有一番風味。先嚟嘅係前菜白酒煮大蜆同青口 ，味道食落非常新鮮，青口同大蜆嘅尺寸都非常之大，入面嘅蜆肉同青口亦都相當肥美飽滿，不過我就比較鍾意大蜆 ，食落比較鮮甜，有淡淡海水味。而每隻大蜆同青口亦都吸收咗相當香嘅白酒味，加上少少

今次約咗女朋友嚟到九龍城，但就唔係食泰菜，而係試意大利菜。免費包包，應該啱啱烘起，所以熱到辣手。有芝麻包同蒜蓉包。蕃茄水牛芝士沙律 ($128)嗌咗個沙律做頭盤，蕃茄同沙律菜都夠晒 Fresh，蕃茄同水牛芝士不嬲都好夾。連份量都好大。蕃茄海鮮闊條麵 ($148) 個碗就唔算好大，但估唔到咁多料，有青口、蝦、魷魚同魚。闊條麵煮得啱啱好，撈埋啲蕃茄醬好入味，同埋我自己都偏向鍾意食有咬口嘅意粉。燒鴨脾 ($258)呢個係必試嘅菜式。首先鴨脾燒得好鬆化，個皮脆卜卜。雖然表面燒到咁，但鴨肉都五以保持鮮滑肉汁豐富，真係高質。檸檬蛋白批 ($68)食西餐一定要叫返個甜品先完滿。呢個檸檬蛋白批上面有泡泡，賣相高級，味道都好味，酸酸甜甜夠清新，伴碟係查咗朱古力醬嘅火龍果片。

呢間今年年頭我食過，今晚再同老公去食焗芝士，真係好邪惡吖，一上到台已經聞到香噴噴！食落去成個口都係芝士味，好得！蒜蓉包好香脆，而另一款包暖暖地加咪牛油落去食，食落去有少許芝麻香味牛油果大蝦沙律，呢個我覺得加咪配上個汁係非常開胃，因為個汁係酸酸地，成個沙律食落去係好Fresh,大蝦都係焦點，因為好爽口主角岀場啦，燒黑毛豬！呢個真係非常好食，極力推薦之一！好juice,而且一d都唔硬，好香燒到剛好，配菜清清地唔會搶左黑毛豬的味道，好好好食最後食咪甜品，開頭以為黃色個d係芒果，但原來係哈蜜瓜，好甜！而個cake甜度剛剛，老公好中意

平時好少食意大利野，今晚同事話帶我去一間情調唔錯嘅意大意餐廳食晚飯餐廳門口推薦食物今晚所有都係朋友發板，我等食！係台見到呢個樽都幾得意先食左個沙律先，入面有好多牛油果！而沙律菜就正常，新鮮而清甜！旁邊個汁係有少少酸，感覺好健康，呢碟沙律都算大碟但蝦真係好大隻，煎到好香！我同朋有一人一半都唔會覺得好少餐包竟然有4個，算多個包夠熱，加埋牛油食唔到口咁多芝士真係嚇親，因為我好怕好膩，但呢個竟然一d膩咁口感都無，反而仲覺得適合用來送酒真心覺得好食，估唔到淨芝士都可以做一道菜式呢個燒黑毛豬口感好特別，食落去有d似牛扒的味道，但又有豬的味道！老闆話呢個係豬柳，係頭上面附近其中一部份。唔怪得咁好食，同我地平時食開嘅黑毛豬好唔同，呢個好食好多好想再吃多塊，因為真係好味食個甜品做結尾先呢個甜品好soft,唔係好硬個種，好食！

今日同男朋友慶祝一下，雖然無咩特別紀念節日，但係總是搵個藉口有野要慶祝所以出街食飯，仲可以借機會見下佢！我地入左九龍城一間西餐廳，食個浪漫西餐！男朋友負責點菜，我地先來一個麵包籃！我好鐘意食麵包，咩麵包都好鐘意，超鐘意依間餐廳麵包即叫即烘，熱辣辣好香口，加上牛油半溶入口非常滋味！當中又以蒜蓉包最岩我口味，入口充滿蒜香，芝麻包味道更是香口果仁香濃！海鮮濃湯是男朋友最愛，佢鐘意飲湯，對海鮮湯更加係愛不釋手，海鮮大大隻夠鮮甜，湯汁濃郁唔會膩口！加上小小芝士碎相信會更滋味！三文魚pizza更是出色，批底夠香脆夠薄，而且三文魚咸香份量都唔算少，口感極佳！大蝦意大利飯用上生米煮熟，入口有咬口，而且保持飯心半熟，的確夠意大利風味。大蝦爽甜爽口，蝦肉香口咸香，煎得剛剛好！甜品有火龍果配蛋糕，賣相相當精緻。

今日嚟到九龍城見客，又諗起pavia，難得嚟到呢頭，緊係要來食啦！一嚟到就見到呢個落地大玻璃門，配橙紅色牆同微微暖光，充滿異國風情，好易認！係門口睇睇chef recommendation, 價錢親民👍🏻老闆娘安排左我哋坐喺門口位置，環境企理乾淨，座位夠鬆動，絕對冇同格離枱搭枱嘅感覺😂呢度嘅餐包熱辣辣脆卜卜，最欣賞個蒜蓉包，真係好香！頭盤我哋要咗巴馬火腿配哈蜜瓜沙律，呢個哈密瓜甜到不得了，加埋鹹香十足嘅巴馬火腿簡係絕配！食得出餐廳嘅用心，連揀水果都唔馬虎！沙律菜嘅醬汁係甜甜地嘅醋，好開胃！主菜要咗蕃茄海鮮闊條麵，入面嘅海鮮非常多，好足料，而且全部都鮮甜好味，有龍利柳、帶子、魷魚、大蝦，唔係得個樣，絕對唔會淡茂茂！呢到既青口就更加唔使講啦！鮮味十足，喺出邊真係食唔到呢一種口感嘅青口！感覺仲有啲似食生蠔添！由於我哋唔食牛肉同羊肉嘅，老闆娘介紹我哋食呢個西班牙黑毛豬，其實黑毛豬都已經食過好多次㗎啦，估唔到呢一度會比到驚喜我，老闆娘話黑毛豬係食果實，只要煮到七八成熟就好啦，切開佢果然仲有啲微微粉紅，第一啖首先試吓唔好點醬汁，試清楚豬肉嘅味道，食落去係估唔到咁濃郁，而且口感有別一般豬扒，每一啖爆

來到九龍城不一定要吃泰菜，可以試試意大利菜。雖然只是閒日，但這間 Pavia 已近乎全滿了。首先來點免費餐包，是熱騰騰的，更有我最喜歡吃蒜蓉包，蒜香味重又香脆。然後來的是蕃茄水牛芝士沙律 ($128)，賣上已經很吸引，蕃茄很爽口新鮮，而水牛芝士則濃郁彈牙，兩者配絕了，再沾上黑醋酸酸的很開胃。蕃茄海鮮闊條麵 ($148) 材料豐富，有青口、蝦、魷魚和魚等等，全部也很新鮮。闊條麵也煮得恰到好處，煙韌有嚼感。不得不提就是主菜的燒鴨脾 ($258)，鬆脆無比，鴨肉嫩滑鮮甜。聽店員説是來自法國呢～就連伴碟的薯蓉也很 creamy 香滑，帶有香香的牛油味。最後的甜品就是檸檬蛋白批 ($68)，上面有泡沬，連底下的餅底也好味。整體酸酸甜甜，配上火龍果片加朱古力醬，真是妙絕。

今日同男朋友食飯，日忙夜忙無咩時間見到男朋友，今晚有時間就約佢食個晚餐。佢放工揸車黎接我放工，我地兩個入左九龍城食飯！帕維亞意大利餐廳，男朋友帶路入黎食西餐，早早訂定位。先來一個麵包拼盤，即叫即焗非常香脆，熱辣辣好滋味，加上牛油夠香滑，好鐘意蒜蓉包，香脆夠蒜味。之後來個海鮮濃湯，好足料呀！濃郁海鮮湯加上蝦和青口，鮮甜好濃郁！三文魚pizza我最鐘意，加上青醬，三文魚咸香好新鮮，批底好薄脆，入口唔會乾唔會好飽濟，卜卜脆好惹味！大蝦意大利飯最岩男朋友口味，飯粒即叫即煮，飯心有咬口，大蝦煎得香口香嫩，鮮甜夠濃郁，超正！最後我地加點一個甜品，用上火龍果伴碟好靚呀！

最近旺角開飯開到厭，於是決定同同事去九龍城搵下野食，跟住見到呢間意大利野好似幾多野食，於是就決定抱住試下嘅心態入去食下。一入去見到地方都算大，店員仲熱心咁為我地送上menu，仲同我地介紹左好多好食嘅野黑松露意大利飯‌呢個黑松露意大利飯絕對值得一讚架，呢度嘅意大利飯份量唔少，仲要非常咁貼心即叫即整。成個黑松露意大利飯未食之前仲好香同好熱架，真心夠晒惹味，入口感覺超正，包唔會有油淋淋嘅感覺。而且濃厚嘅黑松露味真係豐富，一啲都無花假架。除左野食，餐廳嘅環境都唔錯架，二個人靜靜地坐低食下野，都真係幾寫意架，因為格局或氣氛都比同類型餐好，下次都要同屋企人黎先得。

又到放工時候緊係搵間就腳嘅好野食下野喇，係openrice搵左一陣，最終決定去呢間離公司近嘅餐廳，地方雖然唔算太大，但員工就夠晒親切，個人真係好耐無食過意大利野喇意大利薄餅主食我地叫左個餐廳嘅招牌意大利薄餅，呢個招牌意大利薄餅真係值得食下，薄餅係即日即整，成個意大利薄餅本身唔會太油膩，入口夠惹味，而且醬汁好香都好開胃下，係一個幾令人驚喜嘅野食。蘋果金寶(甜品)呢度嘅蘋果金寶都真係幾有心思，夠份量唔再講，重點係連成個蘋果金寶都係餐廳自己整嘅，夠晒心思!!餐廳嘅野食都真係幾令人興奮，咩都有得食下，價錢都唔算太貴，幾個朋友食下野傾下偈都算係好地方，下次都要再黎先得

同朋友撞左入去試 老闆同啲同事都超級咁nice  我地叫左個 牛扒同呢度嘅自家製薄餅 本身想試黑毛豬骨 但因為同行有朋友唔鐘食豬 所以無叫度，下次黎一定會試牛扒我地叫左安格斯 有肉味之餘又惹味 餐廳比較專主打食意大利野嘅西餐廳，餐廳嘅自家製薄餅就真係無得輸 真係要一讚，芝士夠多又夠脆身 另外老闆話佢係意大利菜呢邊已經做左好多年，餐廳嘅好多菜式都係佢嘅心血 餐飯我覺得都幾抵 有份量同野食好新鮮另外甜品都要讚讚 老闆話甜品都係自家製的，唔係拎貨的