帕維亞意大利餐廳

营业中

休息中

間唔中都會去九龍城食泰國野，今晚想轉下口味，食意大利菜。之前聽朋友介紹呢間餐廳，大家都讚口不絕，所以我就揀左食呢間啦💕紐西蘭新鮮大蜆（$208)用白酒煮，證明蜆係好新鮮！而且好大粒！四個字：鮮甜美味，原汁原味無得彈😝精選pizza ($138)有少少芝士拉絲，係薄底既pizza, 材料有火箭菜、蘑菇，再配埋黑松露醬，唔錯！😋皮都係人手做架！手工野l like燒西班牙黑毛豬（$338)呢個菜令我最驚喜，因為黑毛豬煮得好juicy，再點上師傅秘製既醋，簡直可以用一流黎形容。店主話第一口可以唔點醬食先，食左個原味口感，再點醋，會有唔同既層次同口感。蒜蓉炒青蘆筍（$58）晚餐要食少少蔬菜先至會健康嘅😝出嚟梗係食啲平時喺屋企好少食嘅蘆筍哈哈😄其他圖片：

九龍城通常比人嘅感覺都係比較舊，但係原來其中都有好多隱世餐廳。今次去食嘅呢間Pavia真係令我好驚喜😆餐廳嘅佈置、擺設都好有歐洲餐廳嘅氣氛💃前菜有希臘沙律🥗和餐包🍞沙律落足料🤤有好多mozzarella 🤩橄欖都落左好多😝有特製沙律油可以加落salad到或者落擺左係檯嘅黑醋橄欖油都可以🤓餐包上到黎都仲係熱㗎😆跟住就有餐湯😋淺色d嘅係南瓜蟹肉忌廉湯🦀深色d嘅係那不勒斯海鮮湯🦐南瓜蟹肉忌廉湯味道清甜，蟹肉令到湯嘅味道更甜更豐富👍🏻那不勒斯海鮮湯嘅味道比南瓜蟹肉忌廉湯濃郁，而且用料好足，有好多海鮮🤩蝦、蜆...🦐終於到主菜😋首先係煙三文魚pizza🐟望落簡簡單單，但係要整得好食都唔係咁易😍pizza嘅皮厚薄啱啱好🤗煙三文魚嘅鹹味同切片嘅蘑菇同埋芝士好夾😙拎起成塊d芝士拉絲💕好邪惡呀🤤除左pizza，我地仲叫左大蝦忌廉汁意大利飯😚大蝦切開左兩邊用香料煎熟😋食嘅時候都好容易離殼食🤗意大利飯好creamy，有少少sticky整得好好👍🏻

之前行經九龍城，見到Pavia，都好想入去試，今日終於有機會嚐試到，的確令人滿足的意大利餐廳。是日用餐：餐包(附送）SJ Jamon Bellota Iberico Salad ($168)Roasted Spanish Iberico ($388)Pavia Special Pizza ($138)餐包有芝麻包&脆口蒜蓉包，芝麻包配橄欖油及黑豬，好味。蒜蓉包新鮮製成，直接食已經好完美。 另外叫左個頭盤黑毛豬火腿沙律，除在沙律菜，仲有紅椒及車厘茄，新鮮又健康。主菜叫左個燒黑毛豬及pizza，廚師好細心，黑毛豬上菜時已經切好，同老闆娘傾開原來黑毛豬係成塊肉燒好，再切開食，先能夠食出原汁原味，的確夠juicy。 Pizza係廚師每日新鮮手拉餅底，口感的確有別市面連鎖pizza店，夠香味餅底又夠香脆。

好姊妹約在九龍城晚飯，意外地唔係去食泰國野，而係去食意大利西餐-Pavia。餐廳環境令人置身意大利的異國風情的感覺。晚餐選擇眾多，有散叫/set dinner，仲有chief recommendation，最適合有選擇困難症gei我地👍🏻一order完，店員馬上上餐包，餐廳餐包夠哂特別，分別有蒜蓉包及芝麻包，兩種不同的香味，配有熱熱地牛油，又橄欖油及黑醋，完全絕配。48個月西班牙黑毛豬火腿沙律頭盤先黎個Iberian ham，黑毛豬共有4大塊，好香口，鹹香味配上甘甘地味火箭菜，可以balance下味道。精選薄餅 主要有磨菇、黑松露醬、火箭菜及馬蘇里芝士，餅底夠脆，黑松松搭上芝士，遠遠已經聞到陣陣香味。燒西班牙黑毛豬呢款係chief recommendation 餐牌內，的確冇推介錯，表皮燒到有少少係焦，內裡肉質好香口。

辛苦了成個月，到今日終於開到單。心情大好，要食點好東西，慰勞自己一下。食肆林立的九龍城，近來發覺不少高級餐廳進駐，提供更多不同的菜系選擇。踏進九龍城的一間意大利餐廳，室內的裝飾風格懷舊，柔和的燈光令餐廳充滿歐洲風情。晚上供應的菜色都實而不華，選擇了意式四道菜晚餐。芝士煙肉焗大啡菇，煙肉和香草，拌勻後鋪於大啡菇上，加上芝士，簡單的調味已非常好吃。周打魚湯這道西餐湯，用忌廉湯底加上魚肉，配合蔬菜跟煙肉碎煮成。湯味香濃，可惜牛奶忌廉多了點，湯底也比較甜。燒美國頂級西冷牛扒伴著蓉，厚切西冷成半吋厚。西冷是牛隻腰部脊肉，肉質厚實，油脂香滑。味道不錯，不過有少部份有筋。甜品是Opera蛋糕, 因它外形四方，表面的朱古力又薄又平滑，像歌劇院裏的舞台而得名。濃郁的巧克力與咖啡味，非常好味。加上一杯咖啡作結, 感覺相當完滿。

There is a lot of competition in Kowloon City for food so restaurants have to maintain high standards or serve something different to be in the game.Discovered Pavia the other day so decided to go there for dinner one evening.The dinner dishes were quite impressive as they had Raclette cheese and Ossobucco which you wouldn't expect in Kowloon City.Unfortunately, I was on diet so only had the Fresh New Zealand mussels in White wine sauce.Bread is given before the meal.The New Zealand mussels were

以往去九龍城覓食必然想起食泰國菜，但近呢幾年多咗選擇，因為開咗好多其他國家嘅餐廳。朋友介紹係打鼓嶺道有間質素唔差食意大利菜餐廳好聞名。去九龍城廣場shopping 後一於去試試。門面招牌好搶眼，有藝術氣派；牆上掛上幾幅手繪得意人像畫，光線感覺舒適,地下座位唔算多，但樓上也有兩大張長枱同一個小酒吧，好適合同一班朋友暢飮歡聚。店員介照款新菜式；係黑松露菌忌廉汁意大利帶子牛肝菌雲吞,濃稠綿密湯底，入口巳感覺陣陣黑松露香味，雲吞帶點似中國雲吞，餡料出奇好味。甜品都有好幾款，呢款蛋糕叫歌劇院朱古力蛋糕，望到巳垂涎欲滴，入口香濃突出，甜度適中。今次試新菜式，令我感到稱心又滿意。

今次响九龍城寨城公園踩單車後行過對面街去搵嘢食，發現打鼓嶺道有間意大利餐廳。見餐廳內都差不多坐滿客人，一於入去試一試。地方唔算大，燈光柔和，有上層角樓，設有兩張大長枱,適合喜歡有私人空間的聚餐用，另有一個小酒吧，感覺好別緻。一貫常例食意大利餐都嚟個包先，有沾滿芝麻外層的輭熟包配厚牛油一件，同香口鬆脆蒜茸包,兩種各有風味。店員推薦我哋兩款主打菜其中呢款白酒煮新鮮紐西蘭青口，果然別樹一格，啖啖肥厚嘅青口肉，入口份外鮮味,。其次青炒大蝦墨魚麵，蝦肉彈牙鮮甜,雖然係墨汁麵，但與別不同唔會食到滿嘴都係烏卒卒，麵質煙韌富口感。店員確係無介照錯，今餐食得頗滿意。

朋友介紹嚟九龍城食意大利菜，餐廳環境不錯，幾有情調。有兩層，如果人數多可以預訂坐上層。有Set Dinner可點，會較經濟，但我哋又想試廚師推介，所以點了一個餐，加其他自選。點好餐，就會有麵包送上。黑松露忌廉汁帶子牛肝菌意大利雲吞黑松露加鵝肝菌幾香，帶子味就唔夠重。白酒煮新鮮紐西蘭大蜆原本想點青口，但老闆娘說這個季節沒有青口，改了做大蜆，一樣煮法。原來用大蜆煮都好好味，好厚肉，味道鮮甜！焗西班牙黑毛豬最想試這個黑毛豬，果然無揀錯，肉質鮮嫩，面層微微炭燒味，肥瘦位適中，油香味重！焗美國頂級西冷扒食完豬，再食牛扒感覺得有點‘漏’，牛扒比較有啃口，我個人比較喜歡黑毛豬的油香。餐甜品可選Tiramisu 或者Creme Brulee, 好味！

第二次重臨小店,因為實在太懷念依度嘅美食及用餐氣氛今次約埋親戚一行五人再嚟過,亦係訂咗6:30pm嘅檯。本來餐廳方面見有五個人,可以試吓出色嘅(斧頭扒),但幾位女士唔感興趣,最終都係叫返set dinner。親戚一家點咗三款唔同嘅嚟試,自己今次亦選擇咗唔同款。(人多好做作)食都多咗選擇,所以我哋試食生蠔。生蠔係法國Gillardeau No. 2貨色。據說係法國擁有等同頂級佳釀身價嘅生蠔貨色唔多,除咗來自布列塔尼嘅銅蠔Belon之外,就要數依種Gillardeau石蠔㗎喇係法國都被視為生蠔中嘅勞斯萊斯,蠔肉肥美有彈性,口感爽脆鮮甜。先甜後脆,加上海水嘅咸味,味蕾感受多種層次嘅享受另一款小食西班牙黑毛豬配蜜瓜同樣觸碰味蕾。可能氣氛唔同,好似仲好味過係西班牙過度食到嘅㖭大概係因為小店食唔似去旅遊趕車趕船啩,優優閒閒嘅氣氛(soft music & 幽暗燈光。 兩個頭盤早前食評已經介紹過,維持到水準。餐湯非常味濃,親友都讚不絕口。佢哋話真估唔到九龍城咁偏僻嘅小店可以出到五星級餐廳嘅水準Risotto上次食完覺得超好味,今次再encore特別想新試羊脾寬條面。嘩 嘩 嘩!!!上檯嚇咗一跳隻羊脾

十二月份零舍多飲宴要安排兩個生日晚餐,做東節,聖誕節.....真係頭都痕埋好彩有openrice嘅食評可以參考吓今晚要慶祝生日,所以早幾日搵到依間意大利餐廳(即管聽食評講訂位嚟試試)。小店鄰近公園比較幽靜,港島友可能會比較難搵嘅。6:20pm到咗入內坐底見到大約有二三十個位左右,環境清靜適合三五知己聚會。外set dinner之外仲可以散叫,但第一次嚟幫襯想試多啲所以叫咗佢。三個waitresses非常caring,問清楚之後就知道我哋想share攞兩份餐具俾我哋。最先上檯係網友讚過嘅牛油及蒜蓉多士。果然香脆可口,加上牛油溫度非常容易搽;唔似一般快餐店咁凍冰冰搽唔到Starter 之一嘅煎鴨肝賣相超正,兩個人share就會少咗啲。但師傅做得好掂,外脆內軟不特止,最驚喜係有塊火龍果墊底;消減其他餐館食時果種油膩感另一款starter係黑松露汁法式雲吞,醬汁香濃幼滑;partner 局然可以KO晒相片入面全部醬汁。Main course 嘅西冷叫咗五成熟,又係外脆內軟。啲薯蓉超好味,非常香口未試過有紫椰菜伴碟,so surprising。香甜得嚟又爽口,好食。大蝦芝士意大利飯係另一驚喜首先

其實食物都ok, 環境都可以，唯一係侍應服務態度麻麻，我哋5個女人一個BB去食午餐，傾計傾耐左, 佢哋3點落場可以好聲好聲講，例如話唔好意思，我哋3點落場，麻煩你哋埋左張單先，但係，個侍應係，放低張單係台，衰聲一句，“我哋3點收工”, 我哋全部人呆在，梗係即走啦，兼異口同聲話，以後都唔再去

同男朋友拍拖去9龍城買野見到有間好似幾高級既意大利餐廳餐牌又唔係貴喎 一於試下先入到去鋪頭唔係好大但感覺幾舒服同幾高級咁 一黎侍應就比左面包我地先有2款面包 個人鐘意食蒜蓉包多d我地叫左意大利黑松露雲吞好好食呀，超香既黑松露味雲吞皮好薄好滑份量重有6粒咁多之後有個煙3文魚pizzaportion 唔算大 不過好夠食pizza 底好脆 真係即刻整既味道主菜叫左個黑毛豬Rips黑毛豬既肉真係香d 係唔同平時既豬(雖然我唔係食神 但食到係有唔同架 香好多)再加上咁樣燒 更加香口薯蓉都ok食埋個Tiramisu 甜品 超級飽呀

朋友真係好犀利, 四圍捐窿捐罅搵到好野食~今日就帶左我黎九龍城食西餐!!呢道位置都偏偏地, 所以話朋友真係好勁, 乜都俾佢搵到~~餐廳唔算好大, 黎食就最好預約啦, 唔係黎到冇位就慘慘豬喇!諗唔到食咩可以睇下是日精選...基本既西餐種類呢道都有呢!!頭盤...意粉...pizza...排類....飯.....甜品等等先上餐包....wow, 有香噴噴既牛油蒜蓉法包....又香又脆!!另外仲有牛油餐包~白酒煮新鮮紐西蘭青口份量非常之多!!!!!! 兩個人食每人都食到好多隻!!果然好新鮮~~ 青口好鮮嫩!! 配白酒煮巧得丫!!燒法國春雞...精緻上枱~~雞仔好cute~~ 肉質好幼嫩好juicy!牛油薯蓉都巧香巧巧味呢!!黎九龍城唔一定要食泰國野, 西餐都有好選擇!!黎開不妨可以一試, 科科

是日行開去九龍城好彩黎到岩岩好有位一入門口配上餐廳既燈光, 音樂已經好似去左外國既餐廳咁, 充滿異國風情點菜之後無耐, #餐包就黎啦牛油軟熟, 輕輕一刀再釀入麵包入面, 暖笠笠佐下個胃, 好味好舒服!前菜係#巴馬火腿配哈蜜瓜沙律平昤食既PARMA HAM好咸好"確"喉,呢隻唔同, 食落咸得黎生津, 仲有香濃既煙燻味一放入口已知唔係普通貨式,然後再食啖哈蜜瓜,一咬落去, 係唔想講野甜, 完全呈現咩叫甜而不漏勁多汁, 簡直好似去左焗桑拿咁, 一啖乾蒸, 一啖濕蒸, 超正！跟住下一道#蕃茄海鮮闊條麵隻碟勁得意, 又係碗又係碟, 成頂帽咁麵同海鮮比例近乎6比4,堅足料, 青口, 帶子, 大蝦, 龍利柳, 魷魚每一啖都係海鮮既味道絕不欺場!!微微帶酸既蕃茄, 唔覺唔覺就KO左成碟最後#燒西班牙黑毛豬淨係睇塊肉燒出黎既效果已經好勁視覺沖擊一切開微微帶紅, 唔講以為切緊牛肉急不及待放入口WOW, 第一浸煙燻味先衝出,然後咬落去肉汁勁爆出黎我完全無點佢特製既醋汁完完全全將黑毛豬本身身處當地農場既風味滲出黎肌肉纖維鬆軟得黎充滿彈性帶橡果既香甜好中意呢度,價錢絕對對得住食物既質素完全係有尊重客人!