巴伐洛娃

今晚试左大角咀呢间隐世cafe,座位唔算多，大概坐到4 pair人左右，另外墙边有吧枱可以坐! 叫咗佢哋二人套餐，分别有$288同$398选择。我同朋友就选咗$288呢个，包括是日餐汤两碗(因为太肚饿所以冇影到），我𠮶日饮嘅系甘笋汤，味道唔错好浓甘笋味，texture杰身，但系份量就比较少。主菜拣咗西班牙海鲜饭，同西班牙猪鞍扒，菜式都系即叫即整几有诚意，味道都唔错，猪鞍扒肉质嫩滑，几juicy，西班牙海鲜饭口感烟靭，但系就略嫌份量比较少。另外套餐仲包两杯饮品，有花茶水果茶可以选择。另外仲有甜品可以拣两款，印象中免费嘅有苹果金宝，特浓朱古力蛋糕，同法式焦糖炖蛋。个人最满意系朱古力蛋糕，味道略苦，加上雪糕，可以中和苦味，而家雪糕好大球，好满足。另外，法式焦糖炖蛋就略嫌有少少overcook，唔够嫩滑，但系表面有焦糖脆皮啱啱烧好所以好脆身，诚意系有嘅！Overall呢个价钱嚟讲，味道冇得挑剔，仲要包饮品包甜品性价比都唔错，净系略嫌份量有啲细，可能胃口大啲就未必够饱啦！…查看更多

已多次光顾，环境布置很干净舒服，食物味道很好，感到厨师用心去做给自己吃，选择种类亦足够，今次下午茶时段光顾，其中尝试特浓朱古力蛋糕和鸡扒沙律非常好吃，可能是位置问题所以价钱较平，总好过去连锁餐店和其他快餐店食，一间值得支持的餐厅。…查看更多

呢间西餐厅喺OpenRice揾见喺返工附近就试一试估唔到咁有惊喜 味道卖相都一流我叫黑松露杂菌意粉同热mocha 意粉面条煮得岩岩好 条条都吸哂浓郁嘅黑松露酱😋好正 配埋杂菌好出色 份量足够杯热mocha都好浓好滑 拉花都好靓 好适合打卡👍🏻环境唔错 好Chill好舒服 下次再试埋其他先…查看更多

今次嚟到大角咀一间小店😆呢间小店嘅餐牌好有惊喜！分别有餐汤，两个前菜同埋两个甜品，仲有嘢饮送🤓⭐️餐汤：南瓜蓉餐汤，对于钟意食南瓜嘅我嚟讲好正😆主菜1️⃣：蒜香辣肉肠意粉-我个人认为佢偏咸，一定一定要配嘢饮嚟食，但整体嚟讲都算唔错主菜2️⃣：黑松露威灵顿牛柳🐮（主菜再加$50）-基本上系俾佢吸引到黎食，佢个酥皮好香🤤个牛肉又好嫩🤤如果唔系𠮶日肠胃炎，我一定会再食多啲😤甜品1️⃣：熔岩Tiramisu-好似食紧奶盖嘅感觉🤣但系都几特别，味道又啱啱好，仲可以打吓卡（不过呢个甜品要另外再加钱）甜品2️⃣：apple crumble🍎-第一次食有雪糕加埋嘅Apple Crumble，酸酸甜甜咁，好啱夏天食😆😆整体而言，虽然店舖比较细，但对于两三个人，甚至四五个好朋友一齐聚餐嚟讲，都系一个几好嘅地方，如果行开奥运或者大角咀，可以嚟试吓呢间小店啊😆舖头主打pavlova 今次未有机会食，希望下次有机会再去试吓啦😋…查看更多

今日同细佬误打误撞黎到呢间cafe面前，见到lunch set感觉几吸引就入去，lunch set有包一杯野饮+餐汤🥣或者沙律🥗我地就一人点一款，虽然细细一碗，但系个汤都好饮，我细佬饮晒😆，沙律都酸酸地几开胃，之后我地追加左一份黑松露薯角，估唔到22蚊1份有咁多🥹两个人分到几饱下😹 细佬见到个肉酱意粉好快就卷黎食，可以提升既地方系可以多啲汁，因为有少少干+可以加多少少芝士🤏细佬话整体8.5分😋我自己就点左个lunch set海鲜饭（细份），虽然看落细，但系食完都饱肚！我都几钟意个饭煮得啱啱好，因为有时候有啲餐厅会煮得唔够熟，个饭都好够味，海鲜又多，真心好难揾到咁底食既海鲜饭🥘有鱿鱼、青口、蚬肉同虾🦐，可见老板好大方同好用心整每一份美食🥹，每次送上热腾腾既菜都会提醒我地小心热呀，好暖心🥰希望大家有机会黎呢间cafe试下，我亦都希望下次可以带屋企人黎试食其他菜式！！店铺虽然细，但系布置既环境好有温暖既感觉，🤣有好多仙人掌🌵既deco，好得意同好舒服😌…查看更多