巧興麵食店

营业中

休息中

巧興麵店這家店很久以前幫襯過，至今仍屹立在土瓜灣，聽說有30年歷史👍🏽 它的裝潢是一般地道麵店，簡單、直接，沒有花巧的東西；而店員亦是操北方口音的「姐姐」，十分親切，不停協助我們，很有禮貌。豬手麵 （$41）湯底色澤濃啡，味道似是生抽和蠔油的結合，有住家的味道。它是用上海幼麵，頗有咬口，有點掛湯，不錯✨而豬手炆得入味，入口即溶，好吃！小編發現，最精華的- 辣椒油，很香口，是要另外叫店員給你，枱上的是豆瓣醬。煎餃子（1份10隻 $43）餃子煎得脆口，餃子皮厚薄適中👍🏽我們選了韮菜和白菜雙拼，味道不會太濃，偏淡一點，配合豆瓣醬/醋一起吃，不錯👍🏽後記：一直頗喜歡土瓜灣的地道、小店風味，有人情味。眼見它逐漸被拆卸，有點不捨⋯⋯ ——味道：👍🏽👍🏽👍🏽.5環境：👍🏽👍🏽 👍🏽 👍🏽價錢：💡 💡 💡 💡服務：⭐️ ⭐️ ⭐️ ⭐️ ⭐️

位處小街，而且鋪面十分低調，路過都好易忽略左佢，但隠藏好正既隠世餃子店。店鋪不大，坐位都係最基本配置，有位坐就算，不能要求太高。最喜歡煎餃，煎得恰到好處，香口但唔會覺得油膩。 其中三鮮餃其他地方比較少見，值得一試。 韭菜煎餃亦都好香。 白菜就湯餃夾啲。菜肉雲吞配傳統湯底仲有紫菜同蝦仔，鮮味十足。 雲吞足料飽滿。 只不過近日天氣太熱，再飲熱湯就實在太熱啦。天熱日子揀左炸醬麵，惹味又唔會太熱。 自家豆漿頗有豆味，不錯。傳統小店，值得支持。

呢一碗擔擔麵個麻醬溝花生醬味道真係好香，食嘅時候先將個醬同埋個湯撈勻，上海幼麵好滑身，普普通通嘅榨菜絲肉碎同花生碎就已經令到呢碗擔擔麵好好食。呢碗上海雲吞味道唔錯，真正做到皮薄餡靚，有一塊紫菜同埋個湯入邊有好多蝦米仔，雖然明知道係味噌湯，但係都忍唔住飲咗幾啖。韭菜餃要咗放湯，因為諗住佢會冇煎餃咁熱氣，餃入面嘅韭菜好新鮮而且又散發住韭菜嘅香味，餃子塊皮係正宗北方餃子厚身少少嘅皮。杯豆漿都幾好飲，好香口味句。

聽講呢一間係土瓜灣隱世小店已經開咗超過30年今日一於試一試佢。擔擔麵個醬汁真係好正，花生醬麻醬少少辣油再加埋少少花生粒，佢個醬就咁睇落去就覺得好杰，但係攪勻咗之後又唔錯，佢啲上海有面黐住啲醬份外好味。酸辣麵都幾足料，豬紅豆腐等，唔係好辣少少偏甜，味道都唔錯。要多碗淨菜肉雲吞放湯嘅，個湯有紫菜同埋有蝦仔，菜肉雲吞都幾大粒而且佢個餡料都好新鮮。叫多個油菜全酒本來係叫菜心但係佢唔夠菜心唔就於視乎少少菜心加多多白菜仔。

From the outside, the shop may seem a bit old. However, once the amazing food is served to your table, you’d be so satisfied that you went in The steamy noodles have perfect texture and the soup accompanies it with amazing taste. The fried dumplings have a crispy texture with delicious ingredients inside. They also have friendly staff who are patient when you order and provides excellent advice when you order

呢間小店入面嘅店員同埋廚師都粗北方口音，即刻令人覺得味道正宗。今晚食豐富啲一個人都叫咗一碗擔擔麵同埋菜肉雲吞再加多一杯豆漿，大滿足。擔擔麵麻醬花生醬非常香濃，加埋榨菜絲肉絲再配上上海幼麵，味道真係唔錯。上海菜肉雲吞配紫菜湯有一大塊紫菜食吓都幾開心，個菜肉雲吞啲餡料好新鮮好好味。豆漿豆味好吖，似係自家製嘅。

👨🏻‍🍳巧興麵食店 (土瓜灣)📍土瓜灣安徽街7號嘉信大廈地舖 「土瓜灣有一隱世風味餃子小店」 土瓜灣，飯後，男友帶吃巧興餃子。當時接近店舖打佯時間，但系老闆娘都無嫌我地阻住佢地收工🙈問我地想食咩，馬上幫我地煎餃🥹🫶🏻 👍🏻🍽️三鮮煎餃 $40第一啖已經好驚艷，煎至金黃既餃子，外皮微脆，咬落煙韌，吾會死硬🤤下一秒已經爆汁🙈肉汁好豐富!!豬肉、蝦、韮黃，爽而實，配合得好惹味🤤 小小的店，不太起眼，不過住土瓜灣的街坊應該好熟悉🙈老闆一家都好親民，餃子一口畫深記憶，想起，又想食了🫶🏻 #巧興麵食店 #巧興餃子

自從土瓜灣地鐵站開通後, 不少飲食攻略都有介紹土瓜灣美食, 但不少小店或老店消失, 所以趁機去一間專賣北京麵食嘅小店📍巧興麵家📍試下. 📍巧興📍响土瓜灣安徽街嘅一條窄巷內, 原來巳開了30多年, 店內裝修十分簡單, 是舊式粉麵舖格局, 只有幾張枱, 所以繁忙時間, 好快就滿座. 所以買了生餃子回家吃. 🌸白菜餃餃皮比較厚而肉多, 外形像金元寶, 好有喜感. 餡料以白菜豬肉為主, 肉同菜嘅比例適中, 店員提議可跟北方煮法, 即用滾水烚熟，不連湯上, 然後可根據自己口味加調味料. 是的, 這食法可真實地吃出餃子嘅味道, !!!!

天氣太熱, 冇胃口吃飯, 去咗間叫📍巧興麵食店📍吃午餐, 📍巧興📍是一間小店, 主打北京麵點; 看店舖的環境, 相信巳開業多年, 應該是由外省人主理, 因店員是有國語腔廣東話的小姐姐. 😬看牆上菜單, 價錢十分大眾化, 叫了北京炸醬麵, 它有別於廣東式炸醬麵, 味道不是甜辣, 而是食感比較清爽, 醬汁濃郁但不膩, 但它又唔似在北京吃拌有大蔥那種, 可能是配合香港人口味. 麵條比較粗, 夾著鮮切青瓜條同沾滿炸醬嘅肉碎一齊吃, 口感清新而實在, 飽肚而好味. 另外📍巧興📍有賣唔同口味嘅生餃子, 價錢亦十分實惠. 是一間值得支持嘅小店.好食❤️❤️❤️🖤🖤抵食❤️❤️❤️❤️🖤📍巧興麵食店土瓜灣安徽街1-7號嘉信大廈

三十年老字號，食物無打卡嘅擺盤，仍然吸引唔少人朝聖🙂光顧時全店滿座😎稍稍等左一下，較年輕店員極有禮貌，多番走埋黎叫我地等多陣。入座後較年老店員就心急左d，明明我地已經落左order，但都走埋黎問左幾次叫野食未😅香煎韭菜餃- 韭菜味唔算香，但餃皮煎完香口得黎煙煙韌韌，都算美味😋湯三鮮餃- 店員稱三鮮餃乃係由蝦、豬肉同雞蛋組成，雖然我食唔到蝦味，亦食唔到雞蛋味，但餃子整體鮮甜美味🤨最神奇嘅係我食到韭黃嘅爽甜😝擔擔麵- 望落好似湯油分開，諗住個湯會好稀，但飲落都厚身😋花生味淡淡，飲落唔會膩👍欣賞店家用左上海麵，雖然浸耐左好似糊左嘅感覺，但佢嘅掛湯能力真係奇高🤩老公嘅評價係：菜式無主體嘅味道，但又覺得佢幾好味喎😜係咪真係咁神奇？！黎試下就知😙

It is no secret that this part of To Kwa Wan has a lot of small, authentic shops, and this is no exception since there are lots of them there, along with other small, authenticate products.As we arrived at the Hau Hing noon, the staff took care of us and promptly seated us.We ordered udon stir-fried with smoked red sausages, cabbage, and ham, which was not greasy. The udon was a little moist but did not seem to be overly greasy.Our other order was a pan-fried leek dumpling, with a golden colour

吃了三十年還是覺得你最好，老規矩必吃擔擔麵，再來個煎韭菜水餃半份，然後加個雞絲涼麵，當然要飲豆漿。擔擔麵吃來吃去就是喜歡這家的麻醬花生醬的杰撻撻，上面少少的紅色辣油惹味非常，有點粗的炸菜絲肉絲，還有花生碎粒，就是一碗令我連湯也喂掉的擔擔麵。雞絲涼麵的麻醬混芥辣份外開胃，雞絲加蘿蔔絲加青瓜絲清新爽口，再加上芝麻粒的香味，謹記要混好才開始食是常識。煎韭菜餃是典型厚皮的北方餃子，自家製自然比較新鮮，煎香後的韭菜餃特別香口。豆漿似乎也是自家製所以豆味亦香。

地方簡陋，小店一間，雖然不太好坐但價錢真的非常平民味道也很不錯，對得住價錢。$38就有11隻餃子，真的很便宜水餃麵湯底夠濃加杯凍豆漿埋單先$83一定會再來幫襯。

首先，我不是熟客餐牌價錢唔清晰我問清楚雙拼餃10隻加湯麵幾錢知道係55元照下單我食完後向事頭婆付出100元事頭婆真係好有家教掉，不是輕放，個5元在枱我係窮，但未算係乞丐

聽講呢間係一間地區老店，晚上8點多到達，唔洗等位。叫咗擔擔麵同埋菜肉雲吞，再加咗杯豆漿。先講擔擔麵，同平時食開的好唔同，佢有大量麻醬及花生醬，杰杰地的糊狀汁，又香又濃。入面D炸菜絲同肉絲都好好食，明顯唔係求其掉落去煮嘅，仲有D花生碎，整體感覺非常良好。菜肉雲吞竟然有一大塊紫菜，真係開心，仲有D蝦米仔，好喜歡佢個賣相。個菜肉雲吞食落都唔錯，D餡料好好食，D雲吞皮又好滑。杯豆漿有驚喜，好香豆味，非常難得。