川火堂

营业中

休息中

酸辣汤底让人胃口大开，配菜多多，鱼多多，感觉这个汤底我都可以炫上两碗饭 ，作为一个地道的四川人居然在四川没有吃到这么好吃的酸菜鱼真的让人十分惊喜，回四川吃不到了怎么办呀，跟太二酸菜鱼来对比甩他几条街，就个人的口味来说的话，真的吃不下了，下次少炫两碗米饭，真的太开胃了。对了还有胶原猪蹄，简直一级棒，很明显能吃到是先卤制过的，然后再进行烹饪，焦脆的外壳糯糯的内里，让人流连忘返的复合口感跟味道，下次过来还会再点的一道菜品。

呢日約朋友去銅鑼灣食川菜，朋友介紹呢間有成都風味嘅川式餐廳好好食，可以試吓。🌟萬州烤魚酸菜豆腐青花椒烤魚+肥腸+牛肉預先點定配菜可以同烤魚一齊煮非常方便，烤魚外皮炸得香脆，再煮一煮索晒啲湯汁好香又唔會太辣。肥腸好多，烤魚配菜都有好多豆腐，份量充足。🌟熊貓冰粉熊貓冰粉好可愛，冰涼、解熱又解辣！🌟手工紅糖糍粑好好食，外皮香脆，中間軟腍而且煙靭。餐廳唔算好大，但係座位都舒服，卡位闊落👍🏻👍🏻今次兩個人食一個烤魚已經好飽，下次想試吓酸菜魚同埋其他正宗嘅川菜小炒。

同朋友喺銅鑼灣想搵辣嘢食，決定嚟川火堂試吓😍我哋叫酸菜魚餐，份量好足夠，而且真係唔貴，只係$128，有配埋萵筍絲同埋兩碗白飯，我真心覺得勁抵食，返大陸都唔止呢個價😍 大家可以留港消費試吓😍之後我哋叫咗手工紅糖糍粑$46，煙煙韌韌感覺超好食🤤然後熊貓冰粉$32，口感真係好cute cute，食完熱嘢再食呢一個一流😊最後都梗係要啤啤佢啦，叫咗一支青島$28我覺得餐廳真係性價比好高，以呢個價錢兩個人$400左右，食咗咁多嘢，真係好抵食，推介大家過嚟試吓😃

今晚同朋友喺銅鑼灣食川菜🌶️川火堂主打川菜，單點或套餐亦可，晚市推介2人/4人套餐，價錢$128起就可以食到正宗川菜風味餸菜😛人均$64，認真抵食👍🏻👍🏻⋄⋄====—====—====—====—✦ 2人餐 ✦（$128）套餐包括金湯酸菜魚、大碗花菜或清炒萵筍絲及白米飯兩碗😛⋄🐟金湯酸菜魚招牌必點金湯酸菜魚大大份，金湯湯頭入味，風味十足，味道正宗👍🏻魚肉嫩滑，配料還有萵筍、大豆芽、薯粉等配料，足料又入味，非常推介🫶🏻—🥦大碗花菜蔬菜之選的大碗花菜夠鑊氣又好味😋椰菜花炒得非常香，配有淡淡孜然香氣，配上炒得非常乾爽的豬肉片，惹味非常😝—🍚白米飯2碗香口餸菜配上白米飯最好不過，白飯粒粒分明，米飯香口😍⋄✦ 開胃涼菜 ✦🐥川式口水雞（$72）口水雞賣相吸引，灑上麻辣香油、花生粒🥜、芝麻和蔥花等配料🤤雞件肉質嫩滑，吸收麻辣香油味道夠香又不會太辣👍🏻👍🏻====—====—====—====—.📌店名：川火堂 ’📍地址：銅鑼灣駱克道401-403號榮華商業大廈地下B號舖

今日有新戲上出咗銅鑼灣食野要睇戲，天氣熱熱地食吓辣野，以辣抗熱先😂#二人餐 勁抵食（$128）- 有酸菜魚同一個小炒菜，見個菜上碟好大份就以為酸菜魚會係lunch set個種，點知上菜個陣原來係勁大碗😱😱魚既份量勁多成個面都鋪滿哂咁濟，底下就有芽菜/薯粉亦都唔少份量，完全可以唔使食飯就咁share都夠。魚亦都好滑冇細骨👍🏻👍🏻我哋叫咗微辣都好夠辣了，薯粉索哂啲湯辣得好過癮#炒花椰菜 係用咗豬腩片去炒，依個唔會太辣。朋友都食得到😂椰菜炒得好夠咪有啲乾辣椒另外本身以為酸菜魚係細份就叫多咗幾個餸食#蒜苗回鍋肉 （$88） - 依碟都好大份，食落就知炒得好夠鍋氣好夠味，可以食到好多碗飯。佢係以花辣為主，幾香同惹味，蒜苗好入味同埋豬腩片好夾 #手工紅糖糍粑（$46）-糍粑個糖醬唔會太甜，配埋黃豆粉勁夾，糍粑好軟熟煙韌，而且就算凍咗都食到個種煙韌，勁好食。依個推介要必食🤤🤤姐姐好細心會提汽水用紙飲管會噴汽水，要攤一攤先用👍🏻👍🏻全部野都幾大份，後面枱既叔叔話食極都食唔哂啲雞😂😂

早幾日病左要戒口日日都食到好清淡, 依家病好左突然好想食D濃味食物, 放工行經銅鑼灣鵝頸橋見到間食川菜既餐廳幾吸引, 於是就約friend去食我地4個人嗌左6道菜金湯酸菜魚 – 份量豐富, 魚肉大塊, 又夠鮮甜嫩滑, 湯底夠酸辣仲配左好多蒿筍, 又有薯粉吸曬D湯既精華 好正呀脆皮豬手 – 炸到脆卜卜, 個皮又夠脆肉又夠juicy, 食左一啖feel到勁多骨膠原, 外面仲有少少辣辣地既孜然粉, 味道好難忘油渣手撕包菜 – 用豬油渣炒菜加埋少少辣椒, 辣辣地炒得夠香夠惹味水晶粉 – 有陣陣既香茅味 水間粉既下面仲有炒蛋同菜好香紅袍辣子雞 – 好多雞肉 雞肉都炸得好香口, 加埋D辣椒乾, 花椒真係吸曬味, 夠辣 好正手拍蒜香青瓜 – 青瓜好清甜爽脆加埋D蒜 好開胃好解膩一邊食辣 一邊飲杯凍冰冰既藍妹 真係好正呀!!!

同朋友仔嚟到銅鑼灣食川菜🔥呢間除咗川菜之外，仲有酸菜魚同烤魚食🐟但今次同朋友都想食下小炒😋所以就冇叫魚啦🤣而我地今次食咗⬇️🐷農家小炒肉如果食小炒的話，呢個一定好推介👍🏻送飯一流,肉唔會炒到好韌,青椒完全勁入味🫑真係忍唔住食完一啖又一啖💕🐜螞蟻上樹食川菜一定唔少得食傳統菜式「螞蟻上樹」🌳無論係大人定小朋友都鍾意愛食嘅一款👍🏻肉碎配上冬粉,醬汁真係非常入味😍🥦大碗花菜椰菜花配埋五花腩肉🐽加埋辣椒🌶真係夠晒惹味😋五花腩肉仲要唔厚，入口非常有咬口👍🏻辣辣地真係勁開胃🍡手工紅糖糍粑煙韌控嘅我一定必點紅糖糍粑❤️外脆內煙韌.配埋紅糖醬，認真滋味😋🐼熊貓冰粉黎到已經有一粒大熊貓糖❤️真係勁可愛💕夏天食佢，真係勁解暑😍冰粉入面仲要配埋唔同嘅堅果,食完辣嘢真係勁解辣👍🏻

今晚舊同事聚舊, 4個都係食辣之人, 於是搵左銅鑼灣駱克道川火堂食正宗川菜.金湯酸菜魚 - 酸菜的酸同辣椒的辣結合, 形成了獨特的酸辣口感,非常開胃. 新鮮的魚肉非常鮮嫩多汁. 膠原脆皮豬手 - 皮脆肉嫩, 外層酥脆的豬皮, 裡面保持著嫩滑的豬手肉, 豬手含有大量的膠原蛋白, 肉質非常有嚼勁, 一口咬落去, 會感受到豬手肉嘅彈牙爽滑. 油渣手撕包菜 - 鹹香濃鬱, 油渣嘅鹹香味, 加上包菜吸收哂香味, 整體呈現出濃郁嘅鹹香口感. 紅袍辣子雞 - 辣子雞鮮嫩多汁, 外表酥脆可口, 口感層次分明.鐵板水晶粉 – 熱辣辣細軟彈嫩的粉絲, 口感細膩, 入口即化.

來到銅鑼灣行街，想食酸酸辣辣開胃的酸菜魚，就揀來這間小店川火堂。餐廳的座位闊落，還有卡位的選擇，環境都幾舒適。🌶️🐟👫🍽️✨ 金湯酸菜魚（$228），這款是餐廳的王牌酸菜魚，每片魚片都很鮮甜嫩滑，厚度適中，而且魚片的數量都幾多。酸菜魚裡還有大量的酸菜、芽菜、薯粉，整盤份量都好多。湯底都好濃味，辣味好有後競，而且花椒油的味都幾突出，辣味幾過癮。朋友都好食得辣，大讚湯底好飲。🐟🍜🌶️🧄🔥✨ 膠原脆皮豬手（$128），豬手放滿了香蔥、蒜蓉、辣椒，但味道一啲都唔辣，豬手的孜然調味好香口。豬手的皮微脆、內裡膠質豐富，很回味。🐷🧄🔥✨ 黃金小饅頭（$48），炸饅頭配香甜的煉奶，簡單的配搭，是最經典的滋味。🫔🥛✨ 手工紅糖糍粑（$48），糯米糍經油炸過，外脆內軟，咬落好煙韌，再沾埋芝麻花生粉和紅糖醬，真是好味到停唔到口。☺️👍🏼✨ 熊貓冰粉（$32/杯），呢款除了是打卡甜品，仲係解辣的好選擇，食完酸菜魚後，咀唇都覺得有點辣味殘留，涼涼冰粉一食，所有辣的感覺即刻消除。冰粉伴了提子乾、花生碎和黑糖，還有可愛造型的熊貓糖，甜而不膩，確是夏日甜品之選。🐼🧊🍇=============================

朋友鍾意食辣，佢極力推薦一間新派川菜，食開BB辣級既我本著冒險精神，一於捨命陪君子！晚市有套餐選擇，野食都比較吸引，叫左個二人餐再加左少少餸。燒椒金色皮蛋皮蛋是溏心的，賣相吸引，加埋酸菜同大蒜，味道酸酸辣辣的，幾開胃經典香鍋上菜時是一隻小金鑊，鑊裡面有洋蔥，蓮藕薯仔,椰菜花, 同雞肉，加上花椒同辣椒炒成，好足料，而且非常惹味膠原脆皮豬手估唔到係川菜館會見倒豬手！豬手燒至脆皮，食落唔係平時德國鹹豬手味道，而係麻辣味！味道又出奇地配合，依味菜值得一試！流沙香滑雞脆骨原來雞脆骨即是雞軟骨，上菜時見到整碟都是滿滿的辣椒、花椒，夾雜著雞軟骨，旁邊有幾粒圓形的東西，原來這是燒芝麻湯圓！芝麻湯圓的表面煎至金黃，賣相吸引。一開始咬落去係麻辣的味道，但咬至中間，又會感覺有芝麻的甜味，又辣又甜，好特別！手工紅糖糍粑第一次嘗試依個小食，原來是四川的一個名小吃。糍粑表面煎得金黃，配上黃豆粉同紅糖漿，香甜軟糯，外皮香脆而不硬，味道令人回味。黃金小饅頭從小到大都很喜愛這道菜！這裏的小饅頭size不大，可以炸得整件都脆卜卜的，加上滿滿的煉奶，非常好吃！熊貓冰粉這熊貓真是超可愛！😍 冰粉配上提子乾和花生碎，味道很清新

我幾個特別鍾意川菜嘅朋友！差唔多每次約出嚟都係食川菜🤣 希望可以試行曬全港嘅好食嘅川菜。銅鑼灣呢間川菜，雖然店仔細細，個環境乾淨又坐得舒服，啲嘢食份量都好多~我哋3個人叫咗2人餐加碟清炒萵筍絲都差啲食唔曬😧 真心抵食！.2人餐A $238 有6樣野🤯🥒手拍蒜香青瓜🍲經典香鍋入面已經有雞肉 牛肉 蓮藕 椰菜花 薯仔(土豆)等等，炒得好香唔會太辣，送飯一流🥹 我計過咁樣單叫都$2xx!!!🐽脆皮膠原豬手大推！即叫即整要啲時間，大概有5大舊豬手，個皮脆卜卜，少少辣好惹味🤪👍🏻 仲有滿滿嘅骨膠原，必食推介🤣🤤手工紅糖糍粑呢碟係川菜必食之選，但唔係間間都食得好食🤭 呢間我覺得唔錯，外皮脆而內在有咬口煙煙韌韌✨🐼熊貓冰粉Cute cute🐼! 係棉花糖嚟，冰粉上面有花生碎提子乾，加埋黑糖食。🍚白飯2碗超大碗….3個人都食唔曬😂 .🥬清炒萵筍絲$78冇諗過咁大碟！炒得啱啱好，冇過淋或者過硬。

朋友好鍾意食川菜，見到呢間鋪就即刻入咗去，佢嘅套餐真係好抵食，仲要喺銅鑼灣區。黃金皮蛋皮蛋竟然都有溏心，配上蒜蓉，紅油，另外好似有啲酸菜，味道特別帶有一種煙燻嘅味道。經典乾鍋入面有好多配料，包括有蓮藕片，花椰菜，牛肉，雞肉，薯仔片等等，辣度啱啱好，又有香料既味道，配飯真係一流。膠原脆皮豬手豬手上面有洋蔥，蔥，辣椒等，賣相幾吸引，外脆內軟Q彈，感受到滿滿既骨膠原，而且唔係好油膩，又無豬騷味，平時吾食豬手既我都覺得幾好食😋手工紅糖糍粑每次食川菜都必點，糍粑本身好煙韌，再放上滿滿黃豆粉同黑糖醬，完全包裹住糍粑。 熊貓冰粉有個好得意既熊貓公仔，一上枱就狂影相，冰粉本身唔太甜，滑溜溜，口感順滑，配上有咬口既花生，提子乾，加重口感，可作飯後甜品，好滿足。

🔥今日都終於得閒同阿豬媽行街食飯，行街前緊係食嘢先啦！阿豬媽鍾意行銅鑼灣，咁就喺銅鑼灣揾食啦！📌阿豬媽鍾意食辣嘢！緊係搵返間川菜辣一辣去🌶。上次行過‪銅鑼灣美灣仔頭駱克道條食街‬，見到新開咗間《川火堂》食四川辣野幾吸引，一於帶佢試下。📌店鋪唔算好大，有三張四人卡位，仲有多張二至四人枱， 可合併做大枱聚餐。‪📌下午二點‬黎到，都仲有午餐提供，去‪下午四點半‬，午餐食品免收加一，有香鍋、酸菜魚、水煮牛、爆炒小菜、口水雞等等，包一碗白飯，價錢$48-$62，加$5有汽水，加$12有菜，銅鑼灣地段做到咁的價錢會不會係蝕本價呀？😲📌仲有推出二人同四人精選套餐，都好適合大顆兒來聚餐。膠原脆皮豬手，$128阿豬媽好鐘意食豬手，見到呢款豬手即刻心心眼😍。好特別，好特別，可能熊妹太孤陋寡聞。認真從來未試過咁樣做法的豬手。豬手外表炸後形成脆皮，但內由的膠原依然保持煙韌有膠質，而配料加入了好多洋蔥粒🧅、辣椒粒🌶️、花椒粒，拼埋一齊食，超惹味，辣椒的辣味配合花椒的麻味再帶出洋蔥粒甜味中和一下，真係食到舔舔脷😋，係超好餸飯的一款菜式。潑辣水煮牛肉，$158要食辣，就一定要食水煮先夠麻辣一番。一大鍋水煮牛🥘呈上，嘩

1️⃣濃湯蕃茄魚非常大碗，魚肉好多好嫩滑，完全冇骨食得好舒服。蕃茄好甜，湯底夠哂濃，真係落左好多蕃茄。另外仲有寬薯粉，夠哂飽。💰HKD$2282️⃣蔥爆牛肉😂😂成大碗都係蔥，炒得好香，牛肉都幾嫩，好岩餸飯。💰HKD$983️⃣燒椒金色皮蛋佢同平時嘅皮蛋唔同，個蛋其係黃色的，上面加左秘製辣椒溝埋蒜，好惹味。💰HKD$48

今日約咗朋友喺銅鑼灣行街，好耐冇食過四川辣嘢🌶️咁啱經過好似幾正🤭本身諗住叫二人餐，但個套餐包好多樣嘢，驚食唔晒最後都係散叫🤭金湯酸菜魚🐟份量超級大‼️唔係淨係個碗大，係有勁多🐟‼️性價比極高👍🏻小辣都幾辣🌶️🤭紅袍辣子雞🐔🌶️又係份量比較多，味道幾好！推介‼️鐵板小黃牛🐂🥩碟菜一上枱已經香味濃郁，流晒口水🤤熊貓冰粉🐼好得意啊🥹味道偏甜少少，不過岩岩好用來解辣🌶️熊貓係棉花糖，打卡一流😍